ភ្នំពេញ ៖ បុរសជាជាងផ្សារដែកម្នាក់មិនប្រយ័ត្នបានទៅប៉ះជាមួយនឹងខ្សែភ្លើង បណ្ដាលឲ្យឆក់ស្លាប់មុនពេលរថយន្តសង្គ្រោះបន្ទាន់ទៅដល់ បង្កការភ្ញាក់ផ្អើលកាលពីវេលាម៉ោង ១០ និង៣០នាទីព្រឹកថ្ងៃទី៦ ខែតុលា ឆ្នាំ២០២២ នៅតាមផ្លូវ ៥០ម៉ែត្រ ស្ថិតក្នុងភូមិពាម សង្កាត់ព្រៃស រ ខណ្ឌដង្កោ ។ សពជនរងគ្រោះមានឈ្មោះ ថូ ផាត់យុត អាយុ ២៧ឆ្នាំមុខរបរជាជាងផ្សារដែកស្នាក់នៅកន្លែងកើតហេតុ។យោងតាមប្រភពព័ត៌មានពីកន្លែងកើតហេតុបានដឹងឲ្យដឹងថា នៅមុនពេលកើតហេតុមានជាងមួយក្រុមប្រមាណ ៣ទៅ៤នាក់បានផ្សាររថយន្តដែលគេយកមកឲ្យជួសជុល ពេលនោះមានជាងម្នាក់ក្នុងក្រុម កំពុងតែផ្សាររថយន្តសុខៗស្រាប់តែទៅអង្គុយនៅលើគ្រែ។ ហើយជនរងគ្រោះក៏បានសួរថា ហេតុអីបានជាឈប់ផ្សារ ពេលនោះបុរសជាជាងម្នាក់នោះបានឆ្លើយថា ដោយសាររូបគេត្រូវបានខ្សែភ្លើងឆក់ ។ ពេលនោះជនរងគ្រោះមិនសូវខ្វល់ ក៏បានទៅកាន់ក្បាលផ្សារដេីម្បីផ្សាររថយន្តបន្តស្រាប់តែប៉ះជាមួយនឹងខ្សែភ្លើងក៏ឆក់បណ្ដាលឲ្យដួលដាច់ផ្កាមកក្រោយ ។ ភ្លាមៗត្រូវបានក្រុមជាងជាមួយនឹងប្រជាពលរដ្ឋជួយសង្គ្រោះជាបឋមដោយយកទៅកប់ដីខ្សាច់ ចាំរថយន្តរបស់មន្ទីរពេទ្យដើម្បីដឹកទៅសង្គ្រោះ។ ដោយសារតែចាំរថយន្តសង្គ្រោះយូរពេកធ្វើឲ្យជនរងគ្រោះស្លាប់បាត់បង់ជីវិតតែម្ដង។ ក្រោយពេលកើតហេតុ សមត្ថកិច្ចប៉ុស្តិ៍នគរបាលរដ្ឋបាលព្រៃសរ សហការជាមួយមន្ត្រីជំនាញផ្នែកកោសល្យវិច័យបានចុះទៅដល់ទីតាំងនៅកន្លែងកើតហេតុនិងបានពិនិត្យទៅលើសពជនរងគ្រោះ និងបានបញ្ជាក់ថា សពជនរងគ្រោះពិតជាបានស្លាប់ដោយសារឆក់ខ្សែភ្លើងពិតប្រាកដមែន ហើយពេលនោះក្រុមគ្រួសារក៏មិនបានប្ដឹងផ្ដល់អ្វីនោះដែរ ទើបសមត្ថកិច្ចធ្វើលិខិតប្រគល់សពទៅឲ្យក្រុមគ្រួសារយកសពធ្វើបុណ្យតាមប្រពៃណី៕ ដោយ ៖ ជីម ភារ៉ា

ភ្នំពេញ៖គ្រូបង្រៀននៅក្នុងផ្នត់គំនិតឬការយល់ឃើញសង្គមខ្មែរ គឺជាជនគម្រូ។ ជាបុគ្គលមួយរូបដែលតំណាងឱ្យការប្រៀនប្រដៅអប់រំ។ ផ្នត់គំនិតនេះពិតជាមិនខុសទេប៉ុ ន្តែនៅពេលដែលមនុស្សមិនបានបែងចែកឱ្យច្បាស់លាស់ទៅលើព្រំដែននៃភាពជាគម្រូ វាបង្កជាគំនាបមួយដល់សិទ្ធិសេរីភាពគ្រូបង្រៀននៅក្រៅម៉ោងធ្វើការ។ គ្រូបង្រៀនបច្ចុប្បន្នជាពិសេសគ្រូបង្រៀនភេទស្រី ជារើយៗតែងតែត្រូវបានសង្គមវាយតម្លៃលើការស្លៀកពាក់ លើការដើរហើរ ឬសូម្បីតែការសម្រេចចិត្តក្នុងជីវិតរបស់បុគ្គលផ្ទាល់បើទោះបីជាសកម្មភាពទាំងនោះប្រព្រឹត្តិទៅនៅក្រៅម៉ោងការងារក៏ដោយ។ កញ្ញា លឹម ជីវអៀន ជាគ្រូដែលទើបតែចេញបង្រៀនបានបួនឆ្នាំ និងទើបតែមានអាយុ ២៣ឆ្នាំទៀតនោះ បានរងនូវគំនាប រងនូវពាក្យរិះគន់ពីមជ្ឈដ្ឋានជុំវិញ ដោយគ្រាន់តែអ្នកគ្រូស្លៀកពាក់ តុបតែងខ្លួនទៅតាមសម័យកាល និងទៅតាមវ័យរបស់ខ្លួននៅក្រៅម៉ោងការងារ។ កញ្ញាយល់ថា ខ្លួនគួរតែត្រូវទទួលរងការរិះគន់ បើសិនជាខ្លួនបានធ្វើអ្វីខុសច្បាប់ប្រការណាមួយ ប៉ុន្តែនេះគ្រាន់តែជាផ្នែកមួយនៃសិទ្ធិសេរីភាពក្នុងនាមជាពលរដ្ឋម្នាក់ប៉ុណ្ណោះ ហេតុអ្វីត្រូវរងគំនាបនេះ? កញ្ញា លឹម ជីវអៀន៖ « ចំណុចនេះខ្ញុំយល់ថាវាមិនសូវជាល្អប៉ុន្មានទេសម្រាប់សិទ្ធិសេរីភាពរបស់គ្រូ ព្រោះពួកគាត់ក៏ជាពលរដ្ឋម្នាក់ដែរ។ គាត់ត្រូវការការកម្សាន្ត ។ត្រូវការបទពិសោធន៍ក្នុងជីវិត កុំឱ្យតែរឿងនោះវាខុសនឹងច្បាប់។» គ្រូបង្រៀនរូបនេះបន្ថែមថា៖ «វប្បធម៌ក្នុងការប្រកាន់ជ្រុលនេះ វាប៉ះពាល់ដល់សិទ្ធសេរីភាពរបស់គ្រូ សូម្បីតែខ្ញុំផ្ទាល់ពេលទៅកម្មវិធីផ្សេងៗត្រូវជ្រើសរើសសម្លៀកបំពាក់ណាឱ្យត្រូវហើយកុំឱ្យគេមើលមកលើសលោះ…ពេលខ្លះយល់ថា ហេតុអីបានជាអាជីពមួយហ្នឹងមិនអាចធ្វើឱ្យយើងមានសិទ្ធសេរីភាពក្នុងការសម្រេចចិត្ពពេញលេញ?»។ មិនខុសគ្នាប៉ុន្មានពីអ្នកគ្រូ លឹម ជីវអៀន គឺអ្នកគ្រូ សុង ស្រីអូន ដែលបង្រៀននៅក្នុងខេត្តកំពតឯណោះវិញ ក៏ត្អូញត្អែរផងដែរលើគំនាបដែលខ្លួនទទួលបានកន្លងមក។ កញ្ញា សុង ស្រីអូន៖ «នៅសាលាយើងជាគម្រូដល់សិស្សក៏ពិតមែន ក៏ប៉ុន្តែយើងក៏មានពេលវេលាឯកជនរបស់យើងដូចគ្នា។» កញ្ញាបន្តទៀតថា៖ «បើខ្ញុំស្លៀកពាក់ទាន់សម័យទៅបំពេញការងារ…

ខេត្តកំពង់ធំ៖ លោកអនុសេនីយ៍ត្រី ខេង សារិន ជាអតីតយុទ្ធជនពិការ បាន ទទួលអំណោយផ្ទះថ្មីមួយខ្នង ដែលជាខ្នងផ្ទះលើកទី២១៤ ជាអំណោយដ៍ថ្លៃថ្លារបស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តាមរយៈឯកឧត្តមទេសរដ្ឋមន្ត្រី នាយឧត្តមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជា នៅព្រឹកថ្ងៃទី៥ ខែតុលា ឆ្នាំ២០២២។អតីតយុទ្ធជនពិការ ខេង សារិន អាយុ ៦៣ឆ្នាំ ចូលបម្រើក្នុងជួរកងទ័ពនៅឆ្នាំ១៩៨១ នៅអង្គភាពយោធាស្រុកសន្ទុក ខេត្តកំពង់ធំ និងបានពិការដោយសារសង្គ្រាមក្នុងឆ្នាំ១៩៩២ មានភរិយានិងកូន ៤នាក់ បច្ចុប្បន្នមានជំងឺ មិនអាចប្រកបមុខរបរបាន មានជីវភាពលំបាកខ្វះខាត បច្ចុប្បន្នរស់នៅភូមិឈើទាល ឃុំកំពង់ថ្ម ស្រុកសន្ទុក ខេត្តកំពង់ធំ ។ពិធីប្រគល់ផ្ទះនេះ បានដឹកនាំក្រុមការងារដោយ ឧត្តមសេនីយ៍ទោ សោម ស៊ុនមេបញ្ជាការតំបន់ប្រតិបត្តិការសឹករងកំពង់ធំ អមដំណើរដោយក្រុមការងារយេនឌ័រ ជាយោធិននារីនៃបញ្ជាការដ្ឋានតំបន់ប្រតិបត្តិការសឹករងកំពង់ធំ រួមនិងអាជ្ញាធរដែនដី រួមទាំងបានឧបត្ថម្ភបន្ថែម មានអង្ករ ៥០គីឡូក្រាម មីជាតិ ២កេស ទឹកត្រីទឹកស៊ីអ៊ីវ ២យូរ…