ប្រេស៊ីល:លទ្ធផលការបោះឆ្នោតជ្រើសរើសប្រធានាធិបតីថ្មីរបស់ប្រទេសស៊ីល ដែលប្រព្រឹត្តិ ធ្វើទៅនៅថ្ងៃទី ០២ ខែតុលា ឆ្នាំ២០២២ បាន បង្ហាញថា គណបក្សចំនួនពីរ ដែលមានអ្នកដឹកនាំ អតីតប្រធានាធិបតី លោក លូឡា និងប្រធានាធិបតីផុតអាណត្តិ លោក បុលសូណារ៉ូ នឹងអាចបន្តការ បោះឆ្នោតជុំទី២ ដែល ជាទឹកចុងក្រោយ នៅថ្ងៃទី ៣០ ខែតុលាខាងមុខ។ តាម គណៈកម្មការជាតិ រៀបចំ ការបោះឆ្នោតប្រេស៊ីល ប្រជាជន ប្រេស៊ីល ច្រើនជាង ១៥៦លាននាក់ ត្រូវ ទៅបោះឆ្នោត នៅថ្ងៃ អាទិត្យ ទី២ ខែតុលា ឆ្នាំ ២០២២នេះ ដើម្បី ជ្រើសរើស អនាគត ប្រធានាធិបតីថ្មី ដែលមាន បេក្ខជន ឈរឈ្មោះ សរុបចំនួន១១រូប។សម្រាប់ការបោះឆ្នោតជុំទី១នេះ គឺមាន តែ បេក្ខជន ពីររូបប៉ុណ្ណោះដែល មាន ប្រជាប្រិយភាព ខ្លាំងនាំមុខគេ គឺ…

ភ្នំពេញ ៖ នាព្រឹកថ្ងៃចន្ទ ៨កើត ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ០៣ ខែ តុលា ឆ្នាំ ២០២២នេះ អនុសាខាកាកបាទក្រហមកម្ពុជា ខណ្ឌ៧មករា បានរៀបចំពីធីសំណេះសំណាល សួរសុខទុក្ខ និងផ្តល់អំណោយមនុស្ស ជូនដល់ប្រជាពលរដ្ឋដែលមានជីវភាពខ្វះខាត ចាស់ជរាគ្មានទីពឹង សរុបចំនួន ៥០គ្រួសារ ដែលមកសង្កាត់វាលវង់ ក្នុងខណ្ឌ៧មករា ដឹកនាំដោយ លោក ថេង សុថុល អភិបាល នៃគណៈភិបាលខណ្ឌ៧មករា និងជាប្រធានកិត្តិយសអនុសាខាកាកបាទក្រហម ខណ្ឌ៧មករា និងមានការអញ្ជើញចូលរួមពីសំណាក់ លោក ឌី រ័ត្នខេមរុណ អភិបាលរង នៃគណៈអភិបាលខណ្ឌ៧មករា និងជាប្រធានគណៈកម្មការអនុសាខាកាកបាទក្រហម ខណ្ឌ៧មករា លោក លោកស្រី អភិបាលរង ខណ្ឌ៧មករា និងមានការនិមន្តចូលរួមពីព្រះគ្រូបញ្ញាឧត្តមនី តិល កុសល ព្រះគ្រូសូត្រឆ្វេង តំណាង ព្រះបីដកធម្ម ម៉ៅ នីម ព្រះគ្រូអនុគណខណ្ឌ៧មករា…

ភ្នំពេញ៖មន្រ្តីជាន់ខ្ពស់នៃក្រសួងប្រៃសណីយ៍បានចុះត្រួតពិនិត្យគុណភាពសេវាទូរគមនាគមន៍ នៅតាមតំបន់ទេសចរណ៍អាទិភាព តំបន់ការពារធម្មជាតិ និងតំបន់ដាច់ស្រយាល នៅខេត្តកែប។ អនុវត្តតាមអនុសាសន៍ដ៏ខ្ពង់ខ្ពស់របស់សម្ដេចតេជោនាយករដ្ឋមន្រ្តីនិងស្របតាមយន្ដការរបស់ ឯកឧត្តម ជា វ៉ាន់ដេត រដ្ឋមន្ត្រីក្រសួង ប្រៃសណីយ៍និងទូរគមនាគមន៍ដែលបានបង្កើតក្រុមការងារ លើក កម្ពស់គុណភាពសេវាទាំង៥តំបន់កាលពីខែឧសភា ឆ្នាំ២០២១ កន្លងមក នៅថ្ងៃទី២៨-២៩ ខែកញ្ញា ឆ្នាំ២០២២ ឯកឧត្តម ជា មានិត រដ្ឋលេខាធិការ និងឯកឧត្តម លីវ សុផាណារិទ្ធិ អនុរដ្ឋលេខា ធិការនៃក្រសួងប្រៃសណីយ៍និងទូរគមនាគមន៍បានដឹកនាំសម្របសម្រួលក្រុមការងារអន្តរក្រសួង ជាមួយនឹងប្រតិបត្តិករផ្តល់សេវា ទូរស័ព្ទ ចល័ត ប្រតិបត្តិករផ្តល់សេវាបង្គោលអង់តែន និងប្រតិបត្តិករផ្តល់ សេវាហេដ្ឋារចនាសម្ព័ន្ធបណ្តាញខ្សែកាបទូរគមនាគមន៍ ចុះសិក្សា និងកំណត់ទីតាំងសាងសង់ស្ថានីយអង់តែន នៅតាមគោលដៅ ទេសចរណ៍អាទិភាព និងតំបន់ទេសចរណ៍ដាច់ស្រយាលនៅក្នុង ខេត្តកែប។ គួរបញ្ជាក់ ការចុះត្រួតពិនិត្យលើគុណភាពសេវាទូរគមនាគមន៍ នេះ ដើម្បីសិក្សាស្វែងយល់និង កំណត់ទីតាំងសម្រាប់ដំឡើងអង់តែន ទូរស័ព្ទនៅទីតាំងចំនួនបីនៅក្នុងខេត្តកែបរួមមាន៖ ១.តំបន់ សហគមន៍ទេសចរណ៍កោះទន្សោយ ២.ឧទ្យានជាតិកែប និង ៣.តំបន់អេកូទេសចរណ៍ភ្នំវល្លិ៍ និងគោលដៅទេសចរណ៍អាទិភាព ផ្សេងទៀត៕ដោយ៖ម៉ាដេប៉ូ

ភ្នំពេញ៖កម្មករ​ជា​ស្ត្រី​​នៅ​ក្នុង​វិស័យ​កសិ​ពាណិជ្ជ​កម្ម​កម្ពុជា ​ស្ថិត​ក្នុង​ស្ថាន​ភាព​ក្រៅ​ប្រព័ន្ធដែល​មិន​អាច​ទទួល​បាន​អត្ថ​ប្រយោជន៍​ពី​កិច្ច​គាំពារ​សង្គម និង​ការ​ការ​ពារ​ក្រោម​ច្បាប់​ការ​ងារ​។ ដូច្នេះ​មាន​៩៩​,៨​ភាគរយនៃ​កម្មករ​ជា​ស្ត្រី​នៅ​ក្នុង​វិស័យ​កសិ​ពាណិជ្ជ​កម្ម​កម្ពុជា ដែល​ស្ថិត​ក្នុង​ស្ថាន​ភាព​កាន់​តែ​ងាយ​រង​គ្រោះ​ទៅ​នឹ​ង​ភាព​ក្រី​ក្រ​រ៉ាំ​រ៉ៃ ប្រាក់​ឈ្នួល​ទាប ជំងឺ គ្រោះ​ថ្នាក់​ការ​ងារ ការ​កេង​ប្រវ័ញ្ច និង​ការ​អនុវត្ត​ប្រកប​ដោយ​គ្រោះ​ថ្នាក់​ក្នុង​សង្គម​ផ្សេង​ៗ​ទៀត​ជា​ច្រើន​។ ​នេះ​បើ​តាម​របាយ​ការណ៍​អង្គការ​អុក​ស្វាម (Oxfam) ចុះ​ថ្ងៃ​ទី​២៩ ខែ​កញ្ញា ឆ្នាំ​២០២២​។ អង្គការ​អុក​ស្វាម​៖ «​សូម​អំពាវ​នាវ​ឲ្យ​រដ្ឋាភិបាល​កម្ពុជា វិស័យ​កសិ​ពាណិជ្ជ​កម្ម និង​គ្រឹះ​ស្ថាន​ហិរញ្ញ​វត្ថុ​ធា​នា​ថាសិទ្ធិ​ស្ត្រី​ដែល​ជា​កសិករ និង​កម្មករ និង​ក្រុម​ជន​ដែល​ងាយ​រង​គ្រោះ​ដទៃ​ទៀត​ទទួល​បាន​ការ​ការ​ពា​រ»​។ យោង​តាម​របាយ​ការណ៍ «Harvesting Inequality​៖​ ផល​ប៉ះ​ពាល់​លើ​សង្គម​នៃ​ការ​វិនិយោគ​របស់​គ្រឹះ​ស្ថាន​ហិរញ្ញ​វត្ថុ​នៅ​ក្នុង​វិស័យ​កសិ​ពាណិជ្ជ​កម្ម​នៅ​អាស៊ី» របស់​សម្ព័ន្ធ​ហិរញ្ញ​វត្ថុ​យុត្តិធម៌​ អាស៊ី (FFA) និង​កម្ម​វិធី​លើក​កម្ពស់​យេនឌ័រ និង​ការ​វិនិយោគ​ប្រកប​ដោយ​ការ​ទទួល​ខុស​ត្រូវ​ក្នុង​វិស័យ​កសិ​ពាណិជ្ជ​កម្ម​តំបន់​អាស៊ី​អាគ្នេយ៍ (GRAISEA) បញ្ហា​ទាំង​នេះ រួម​មាន ការ​រើស​អើង​ផ្អែក​លើ​យេន​ឌ័រ​ចំពោះ​កសិករ​ស្ត្រី ​លក្ខ​ខណ្ឌ​ការ​ងារ​កេង​ប្រវ័ញ្ច ទាស​ភាព​សម័យ​ទំនើប ពលកម្ម​ដោយ​បង្ខំ ពល​កម្ម​កុមារ ការ​ងារ​ក្រៅ​ប្រព័ន្ធ និង​មិន​ច្បាស់​លាស់ ការ​រំលោភ​លើ​សេរី​ភាព​នៃ​សមាគម និង​សិទ្ធិ​រៀប​ចំ ប្រាក់​ឈ្នួល​ទាប និង​លក្ខ​ខណ្ឌ​ការ​ងារ​ដ៏​គ្រោះ​ថ្នាក់​។ របាយ​ការណ៍​ដ​ដែល​បញ្ជាក់​ថា​៖ «​និរន្តរ​ភាព​នៃ​វិស័យ​កសិ​ពាណិជ្ជ​កម្ម​នៅ​អាស៊ី ពិត​ជា​មាន​សារៈ​សំខាន់​ណាស់​សម្រាប់​ជីវ​ភាព​រស់​នៅ និង​សន្តិ​សុខ​ស្បៀង​របស់​ប្រជាជន​ខ្លួន​។ ការ​រួម​ចំណែក​របស់​កសិករ​ជា​ស្ត្រី​​ក្នុង​វិស័យ​កសិ​ពាណិជ្ជ​កម្ម​នៅ​តែ​បន្ត​មាន​តម្លៃ​ទាប​ដោយ​សារ​តែ​ការ​រើស​អើង​យេនឌ័រ​។ ទោះ​បី​ជា​មាន​បទ​ប្បញ្ញត្តិ​របស់​រដ្ឋាភិបាល​ក៏​ដោយ ក៏​ការ​អនុវត្ត​ដែល​បង្ក​គ្រោះ​ថ្នាក់​ដល់​សង្គម​បាន​​រីក​សាយ​ភាយ​នៅ​ក្នុង​វិស័យ​កសិ​ពាណិជ្ជ​កម្ម​របស់​អាស៊ី ដូច​ជា​ការ​រំលោភ​លើ​ផ្នែក​សិទ្ធិ​មនុស្ស សិទ្ធិ​ស្ត្រី និង​សិទ្ធិ​ការ​ងារ​»​។ របាយ​កាណ៍​នេះ​បន្ត​ថា…

បន្ទាយមានជ័យ៖ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានអញ្ជើញជាអធិបតី ដឹកនាំកិច្ចប្រជុំស្តីពីការធ្វើបច្ចុប្បន្នភាព លើបញ្ជីឈ្មោះកម្លាំងការពារការិយាល័យបោះឆ្នោត នៅតាមក្រុង-ស្រុកទាំង៩ និងបូកសរុបលទ្ធផលការងារខែកញ្ញា ដើម្បីលើកទិសដៅអនុវត្តន៍បន្តសម្រាប់ខែតុលា ដល់កម្លាំងនគរបាលទូទាំងខេត្ត នៅថ្ងៃទី៣០ ខែកញ្ញា ឆ្នាំ២០២២។ លោកឧត្តមសេនីយ៍ត្រី រ៉ែម វីរ: ស្នងការរងផែនការងារសេនាធិការ បានឡើងអានរបាយការស្តីពីលទ្ធផលការងារដែលសម្រេចបានកាលខែកន្លងមក។និងផ្សព្វផ្សាយអំពីផែនការធ្វើបច្ចុប្បន្នភាព កែសម្រួលសមាសភាពកម្លាំង ចូលនិវត្តន៍ មរណ:ភាព កម្លាំងផ្លាស់ចេញ និង ការប្រែប្រួលចំនួនការិយាល័យបោះឆ្នោត ។ ឆ្លៀតក្នុងឱកាសនោះលោកឧត្តមសេនីយ៍ទោ សិទ្ធិ ឡោះ ក៏បានដាក់ចេញនូវផែនការដល់ថ្នាក់ដឹកនាំគ្រប់កងឯកភាព ត្រូវពង្រឹងការគ្រប់គ្រងកម្លាំងក្រោមឱវាទ បញ្ជីវត្តមាន វិន័យ។ ជម្រុញដល់មន្ត្រីក្រោមឱវាទ បន្តអភិវឌ្ឍន៍សមត្ថភាព ចំណេះ ជំនាញ វិជ្ជាជីវ: និងបច្ចេកវិទ្យា ដើម្បីបំពេញការងារ ភារកិច្ច ប្រដោយគុណភាព និង ឆាប់រហ័ស។ លោកឧត្តមសេនីយទោស្នងការ ក៏បានដាក់ចេញនូវបញ្ជាដល់កម្លាំងនគរបាលទាំងអស់ត្រូវត្រៀមកម្លាំង សម្ភារៈមធ្យោបាយ ២៤ម៉ោងលើ ២៤ម៉ោង ពង្រឹងការយាមល្បាត និងត្រូលសភាពការណ៍ បង្ការ ទប់ស្កាត់ រាល់បទល្មើសទាំងឡាយដែលអាចកើតមានជាយថាហេតុ…

បន្ទាយមានជ័យ៖ ផ្លូវដែលរងគ្រោះនិងខូចខាតទឹកជំនន់និងជំនន់ទឹកភ្លៀងប្រវែងជាង ១២.៥០០ម មាននៅ៤ស្រុក /ក្រុង ដូចជាស្រុកភ្នំស្រុកព្រះនេត្រព្រះ ម៉ាឡៃ និង ក្រុងប៉ោយប៉ែត នេះបើតាមការបង្ហើបអោយដឹងពីលោកសុក ចាន់ថាប្រធានមន្ទីរសាធារណការនិងដឹកជញ្ជូនខេត្តបន្ទាយមានជ័យកាលពីថ្ងៃទី២៩ ខែកញ្ញា ២០២២។ លោក សុក ចាន់ថា ប្រធានមន្ទូីរសាធារណការនិងដឹកជញ្ជូនខេត្តបន្ទាយមានជ័យអោយដឹងថា:ទិន្នន័យផ្លូវដែលរងគ្រោះនិងខូចខាតជំនន់ទឹកភ្លៀងនិងទឹកជំនន់ទន្លេមេគង្គមកទល់ពេលនេះ មានប្រវែងជាង ១២.៥៥០ម ។ គឺផ្លូវដែលគ្រប់គ្រងដោយមន្ទីរសាធារណការនិងដឹកជញ្ជូន មានចំណុចកំណាត់ផ្លូវជាតិលេខ៥៩ ,លេខ៥៨ប្រភេទAC នៅភូមិកូបធំសង្កាត់និមិត្តក្រុងប៉ោយប៉ែត ។និងនៅភូមិអូរអំពិល ភូមិបន្ទាយទី២ឃុំទួលពង្រស្រុកម៉ាឡៃ ។ចំណុចកំណាត់ផ្លូវខេត្តលេខ២៦៨A នៅភូមិព្រៃមាន់ឃុំរហាលស្រុកព្រះនេត្រព្រះ ។ និងចំណុចកំណាត់ផ្លូវខេត្តលេខ២៦៨A នេះដែរនៅភូមិគោករំចេក ភូមិគោកក្រោល ភូមិមាត់ស្រះ នៃឃុំស្រះជីក និងនៅភូមិប៉ោយស្នួលឃុំប៉ោយចារ ។ លោក សុក ចាន់ថា បន្តថា មកទល់ពេលនេះ ចំណុចខ្លះទឹកបានស្រក ប៉ុន្តែកន្លែងខ្លះទឹកមិនទាន់ស្រកនៅឡើយ ហើយក៏មកនទាន់បើកអោយរថយន្តធុនធំគ្រប់ប្រភេទឆ្លងកាត់នៅឡើយ ។ហើយផលប៉ះពាល់ និងខូចខាតនឹងត្រូវវាយតម្លៃនិងស្នើគម្រោងជួសជុលនៅពេលក្រោយ ៕ដោយ៖ឃិន គន្ធា

ភ្នំពេញ៖អាជ្ញាធរកម្ពុជាបានអះអាងពីការត្រៀមបណ្តេញជនជាតិចិនជាង២០នាក់ ដែលជួយសង្រ្គោះចេញពីករណីលិចទូកនៅខេត្តព្រះសីហនុចេញពីប្រទេសកម្ពុជា។ ការអះអាងយ៉ាងដូច្នេះ គឺបន្ទាប់ពីអាជ្ញាធរបានសាកសួរជនជាតិចិនទាំងនោះ និងរកឃើញថា ជាករណីឆ្លងដែនខុសច្បាប់ មានបំណងចូលមកបម្រើការងារឆបោកនិងជួញដូរមនុស្សនៅខេត្តព្រះសីហនុ។ ឯកឧត្តម កែវ វណ្ណថន អគ្គនាយករងនៃអគ្គនាយកដ្ឋានអន្តោប្រវេសន៍ បានឲ្យដឹងថា៖ «ជនជាតិចិនទាំងនោះ ត្រូវ​បានរកឃើញថាឆ្លងដែនខុសច្បាប់ ចឹងគាត់មករកការងារធ្វើ ចឹងយើងកំពុងរៀបចំនីតិវិធីសុំប្រកាសពីក្រសួងមហាផ្ទៃ បណ្តេញពួកគាត់ចេញពីប្រទេសកម្ពុជា»។ ករណីលិចទូកជនជាតិចិនចំនួន៤១នាក់នៅខេត្តព្រះសីហនុ កាលពីថ្ងៃទី២២ខែកញ្ញាឆ្នាំ២០២២ ត្រូវបានអាជ្ញាធរខេត្តព្រះសីហនុជួយសង្រ្គោះបានចំនួន២៤នាក់ ដោយមានស្លាប់ចំនួន៣នាក់ ខណៈដែល១៧នាក់ផ្សេងទៀត ត្រូវបានអណ្តែតដល់ប្រទេសវៀតណាម ដោយអាជ្ញាធរវៀតណាមជួយសង្រ្គោះបានចំនួន១៧នាក់ ស្លាប់៨នាក់។ លោក កែវ​ វ​ណ្ណថន បានបញ្ជាក់បន្ថែមថា៖ «ការរកឃើញជនជាតិចិននៅលើទឹកដីវៀតណាម ជារឿងរបស់វៀតណាម ខាងយើង[កម្ពុជា] សង្រ្គោះបាននេះ ២១នាក់ ដែលនៅមានជីវិតនេះ យើងអនុវត្តច្បាប់អន្តោប្រវេសន៍ បណ្តេញចេញពីប្រទេសកម្ពុជា តាមប្រកាសរបស់ក្រសួងមហាផ្ទៃ។ ឯខាងវៀតណាម ទាក់ទងជាមួយភាគីចិនយ៉ាងណានោះ ជារឿងរបស់វៀតណាម»។ ជុំវិញករណីលិចទូកជនជាតិចិននេះ លោក ឡុង ឌីម៉ង់ អភិបាលរងខេត្តព្រះសីហនុ បានដឹងថា៖ «ករណីនេះបានផុតសមត្ថកិច្ចរបស់រដ្ឋបាលខេត្តព្រះសីហនុហើយ។ ដោយឡែកអ្នកដែលនៅរស់ត្រូវបានបញ្ជូនផុតទៅភ្នំពេញបាត់ហើយ ចឹងផុតសមត្ថភាពរបស់ខេត្តព្រះសីហនុហើយ»។ កាលពីជំហាននៃការជួយសង្រ្គោះជនជាតិបានចំនួន១៨នាក់ អាជ្ញាធរខេត្តព្រះសីហនុក៏បានឃាត់ខ្លួនអ្នកទាំងអស់ដើម្បីសាកសួរពីការឆ្លងដែន ថាតើស្របទៅតាមច្បាប់ឬខុសច្បាប់?។ លោក ឡុង…