ភ្នំពេញ៖តុលាការកំពូលនៅថ្ងៃសុក្រ ទី៣០ កញ្ញា ឆ្នាំ២០២២ បានសម្រេចតម្កល់ទោសកញ្ញា សេង ច័ន្ទធារី ពលរដ្ឋខ្មែរ-អាមេរិកាំងឱ្យជាប់ពន្ធនាគារប្រាំមួយឆ្នាំ។ នេះបើតាមការអះអាងរបស់លោក ជូង ជូងី មេធាវីការពារក្តីកញ្ញា សេង ច័ន្ទធារី ដែលបានចូលស្តាប់ទៅស្តាប់ការសម្រេចរបស់តុលាការកំពូល នៅថ្ងៃសុក្រនេះ។ លោក ជូង ជូងី មេធាវីការពារក្តីឱ្យកញ្ញា សេង ច័ន្ទធារី ចាត់ទុកការសម្រេចរបស់តុលាការកំពូលពេលនេះ ថាជារឿងមិនយុត្តិធម៌។ លោកមេធាវីលើកឡើងថា៖ «ខ្ញុំយល់ឃើញថាមិនយុត្តិធម៌សម្រាប់កញ្ញា សេង ច័ន្ទធារី ទេ។ ម្យ៉ាងវិញទៀត ព្រឹកមិញនេះសមត្ថកិច្ចមិនបានដឹកកញ្ញា សេង ច័ន្ទធារី មកចូលរួមសវនាការនោះទេ។ ដូច្នេះអនុវត្តជាក់ស្តែង គឺផ្ទុយនឹងស្មារតីច្បាប់​ ដែលស្មារតីច្បាប់ នៅពេលដែលកាត់ក្តី ត្រូវតែដឹកជនដែលត្រូវចោទចូលរួមសវនាការដើម្បីឱ្យគាត់និយាយការពារសិទ្ធិរបស់គាត់»។ ទោះបីជាការសម្រេចរបស់តុលាការកំពូលនៅតែតម្កល់ទោសដដែលតែលោក ជូង ជូងី បញ្ជាក់ថា លោកនឹងទៅជួបកូនក្តីរបស់ខ្លួននៅសប្តាហ៍ក្រោយ ដើម្បីប្រាប់ពីការសម្រេចរបស់តុលាការកំពូល និងពិភាក្សាជាបន្តជាមួយកូនក្តី ដើម្បីស្វែងរកការការពារសិទ្ធិជាបន្តទៀត។ សូមជម្រាបថា សាលាដំបូងរាជធានីភ្នំពេញ កាលពីថ្ងៃទី១៤មិថុនា បានកាត់ទោសឱ្យកញ្ញា សេង ច័ន្ទធារី ជាប់ពន្ធនាគារព្រៃសចំនួនប្រាំមួយឆ្នាំពីបទរួមគំនិតក្បត់ក្នុងសំណុំរឿងមាតុភូមិនិវត្តន៍៩វិច្ឆិកា២០១៩របស់លោក សម…

ភ្នំពេញ៖ពលរដ្ឋ៦៥គ្រួសារ រស់ភូមិថ្នល់បន្ទាយ សង្កាត់ពន្សាំង ខណ្ឌព្រែកព្នៅ បានទទួលអំណោយ របស់ សម្តេចអគ្គមហា សេនា បតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទ ក្រហមកម្ពុជា តាមរយៈ ឯកឧត្តម ឃួង ស្រេង អភិបាលរាជធានី ភ្នំពេញ និងចុះផ្ទាល់ពីលោក ធឹម សំអានអភិបាលអភិបាលខណ្ឌ ព្រែកព្នៅ និងមន្រ្តីសាលាខណ្ឌ។ អំណោយដែលចែកជូនមាន៖ អង្ករ មីកញ្ចប់ ទឹកត្រី ទឹកស៊ីអ៊ីវ ត្រីខកំប៉ុង ទឹកផ្លែឈើកំប៉ុង ជែលលាងដៃនិងថវិកាមួយ ចំនួន។ ក្រោយពីចែកអំណោយរួច លោកអភិបាលខណ្ឌព្រែកព្នៅ បាន ឆ្លៀតចុះសួរសុខទុក្ខ និងសំណេះសំណាលជាមួយលោកគ្រូ អ្នកគ្រូ ក្មួយៗសិស្សានុសិស្សនៅសាលា បឋមសិក្សាត្រពាំងអំពិល និងបាន ឧបត្ថមថវិកាមួយចំនួនជួនដល់លោកគ្រូ អ្នកគ្រូ និងសិស្សានុសិស្ស នៅទីនោះដែរ ៕ ដោយ…

ភ្នំពេញ៖មន្រ្តីស៊ើបអង្កេតនៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំបានរកឃើញ និងដកហូតនូវផលិតផលបារីម៉ាក MEVIUS ចំនួន៩៥៥ កញ្ចប់ ដែលដាក់លក់ក្នុងភូមិសាស្ត្រ ខេត្តតាកែវ។ អគ្គនាយកដ្ឋានបន្តថា នៅថ្ងៃទី២៩ ខែកញ្ញាម្សិលមិញនេះ មន្រ្តីស៊ើបអង្កេតនៃអគ្គនាយកដ្ឋាន ក.ប.ប. បានចុះប្រតិបត្តិការ ត្រួតពិនិត្យ និងបង្រ្កាបផលិតផលរំលោភសិទ្ធិផ្ដាច់មុខ របស់ក្រុមហ៊ុនបារី MEVIUS នៅក្នុងភូមិសាស្រ្ត ខេត្តតាកែវ​។ក្នុងប្រតិបត្តិការនេះ មន្រ្តីស៊ើបអង្កេតនៃអគ្គនាយកដ្ឋាន ក.ប.ប. បានរកឃើញ និងដកហូតនូវផលិតផលបារីម៉ាក MEVIUS ចំនួនពីរកេសធំ ស្មើនឹង ៩៥៥ កញ្ចប់ ដែលបានដាក់តាំងលក់ នៅក្នុងផ្សារតាកែវ និងនៅតាមផ្ទះលក់ទំនិញ​។ ក្រោយពីមន្រ្តីស៊ើបអង្កេតនៃអគ្គនាយកដ្ឋាន ក.ប.ប. បានដករួចហើយ ក៏បានធ្វើការពិន័យអន្តរការណ៍លើម្ចាស់ទីតាំង ដែលបានដាក់តាំងលក់ផលិតផលបារីនេះ ក្រោមច្បាប់ស្ដីពីកិច្ចការពារអ្នកប្រើប្រាស់។ ការចុះដកហូតនេះ ត្រូវបានធ្វើឡើង ក្រោយអគ្គនាយដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានចេញសេចក្ដីជូនដំណឹង ស្ដីពីការចរាចរបារីក្លែងក្លាយ ក្លែងបន្លំម៉ាក នៅកម្ពុជា កាលពីថ្ងៃទី៨ ខែកញ្ញា។ យោងតាមសេចក្តីជូនដំណឹងកាលពីថ្ងៃទី៨ ខែកញ្ញា ក្នុងរយៈពេលកន្លងមកនេះ អគ្គនាយកដ្ឋាន ក.ប.ប.…

ភ្នំពេញ កាលពីព្រឹកថ្ងៃ៣០ ខែកញ្ញា ឆ្នាំ២០២២នេះ ស្ត្រីម្នាក់ ដែលជាម្ចាស់ហាងបញ្ចាំ មានផ្លាកយីហោ “ហុក រ៉ាស៊ីង” បើកទទួលបញ្ចាំម៉ូតូខុសប្រក្រតីគ្មានឯកសារត្រឹមត្រូវ ត្រូវបានកម្លាំងសមត្ថកិច្ចធ្វើការឃាត់ខ្លួន បញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី។ គួរបញ្ជាក់ផងដែរ កាលពីវេលាម៉ោង១២:០០នាទី ថ្ងៃទី២៨ ខែកញ្ញា ឆ្នាំ២០២២ កន្លងទៅកម្លាំងអាជ្ញាធរចម្រុះដឹកនាំផ្ទាល់ដោយលោក ឃ្លាំង ហួត អភិបាលរង នៃសាលារាជធានីភ្នំពេញ និងលោក ជា ពិសី អភិបាល នៃគណៈអភិបាលខណ្ឌទួលគោក ដោយមានការសម្របសម្រួលពីលោក លឹម ប៊ុនហេង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ និងកម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បានចុះធ្វើការឆែកឆេរ និងត្រួតពិនិត្យទីតាំង សេវាទទួលប្រាតិភោគដោយអនុប្បទាន (ដែលមានស្លាកយីហោ ហុករ៉ាស៊ីង) ចំណុចផ្ទះលេខ៣៥បេអឺ០ ផ្លូវលេខ១៩២ ក្រុម១១ ភូមិ៤ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ ដោយបានរកឃើញម៉ូតូសរុបចំនួន៧៣គ្រឿង ក្នុងនោះមានបណ្ណសម្គាល់យានយន្តបញ្ជាក់ច្បាស់លាស់ ចំនួន ២០ គ្រឿង ចំណែកម៉ូតូចំនួន ៥៣ គ្រឿងទៀត ពុំមានឯកសារមកផ្ទៀងផ្ទាត់ត្រឹមត្រូវទេ។…

ខេត្តសៀមរាប៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជួបសំណេះសំណាលជាមួយប្រជាពលរដ្ឋ ដែលបានផ្លាស់ទីពីតំបន់ទី១ និងតំបន់ទី២ នៃរមណីយដ្ឋានអង្គរ មករស់នៅក្នុងតំបន់អភិវឌ្ឍន៍រុនតាឯក ស្រុកបន្ទាយស្រី ខេត្តសៀមរាប នៅព្រឹកថ្ងៃទី០១ ខែតុលា ឆ្នាំ២០២២ ។ សូមជម្រាបថា រាជរដ្ឋាភិបាលកម្ពុជា កាលពីខែសីហា កន្លងទៅនេះ តាមរយៈគណៈកម្មការអន្តរក្រសួងមួយដឹកនាំដោយលោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបើកយុទ្ធនាការទ្រង់ទ្រាយធំក្នុងការវាស់វែង កំណត់និយាមកាក្បាលដី និងរមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា ក៏ដូចជារុះរើសំណង់ខុសច្បាប់ចេញពីតំបន់ទាំងនេះ។ ការបើកយុទ្ធនាការនេះ បានធ្វើឡើងបន្ទាប់ពីប្រាសាទក្នុងតំបន់រមណីយអង្គរ បានរងការព្រមានពីអង្គការយូណេស្កូ ក្នុងការដកប្រាសាទតំបន់រមណីយដ្ឋានអង្គរចេញពីបញ្ជីសម្បត្តិបេតិកភណ្ឌពិភពលោក ព្រោះតែសំណង់ជាច្រើនត្រូវបានសង់ឡើងនៅតំបន់រមណីយដ្ឋានអង្គរ ផ្ទុយពីលក្ខខណ្ឌកំណត់ដោយអង្គការយូណេស្កូ ក្រោយពេលដាក់បញ្ចូលក្នុងបញ្ជីសម្បត្តិបេតិកភណ្ឌពិភពលោកនាថ្ងៃទី១៤ ខែធ្នូឆ្នាំ១៩៩២។ គិតចាប់ពីថ្ងៃទី១៨ ខែសីហា ដល់ថ្ងៃទី១០ ខែកញ្ញា បានបញ្ចប់ការវាស់វែងក្បាលដី និងស្រង់ព័ត៌មានអ្នកកាន់កាប់ដីនៅភូមិគោលដៅទាំង ១១៤ភូមិ ក្នុងឃុំចំនួន១៧ សង្កាត់ចំនួន៧ ក្រុងចំនួន១ និងស្រុកចំនួន៤ ដោយវាស់វែងក្បាលដីបានសរុប ៩៣,៣៥១ក្បាលដី ទំហំ…

ភ្នំពេញៈ៖លោក ចេង មុនីរ៉ា អភិបាលខណ្ឌច្បារអំពៅបានដាក់ចេញ នូវ ផែនការទិសដៅសម្រាប់អនុវត្តបន្តទៀត រួមមាន ការអនុវត្ត គោល នយោបាយ ភូមិ ឃុំ-សង្កាត់មានសុវត្ថិភាព ឱ្យមានប្រសិទ្ធភាព និងត្រូវរួមគ្នាខិតខំអនុវត្ត បទបញ្ជាក៏ដូចជាអនុសាសន៍ដ៏ខ្ពង់ខ្ពស់ សម្ដេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ឲ្យបានម៉ឺងម៉ាត់បំផុត ។ ផែនការសម្រាប់អនុវត្តបន្តទៀតនេះត្រូវបានលោកអភិបាលខណ្ឌលើកឡើងនៅក្នុងកិច្ចកិច្ចប្រជុំសាមញ្ញលើកទី៤០ របស់ក្រុមប្រឹក្សា ខណ្ឌ ច្បារអំពៅអាណត្តិទី៣ កាលពីព្រឹកថ្ងៃសុក្រទី៣០ ខែកញ្ញា ក្រោមអធិបតីភាពលោក អ៊ំ ម៉ារ៉េត ប្រធានក្រុមប្រឹក្សាខណ្ឌនិង មានការចូលរួមពីលោក-លោកស្រីជាចៅសង្កាត់ទាំងប្រាំបីកង កម្លាំងទាំងពីរផ្នែកសមាជិកក្រុមប្រឹក្សាខណ្ឌរួមនិងមន្ត្រីគ្រប់ការិយាល័យ ៕ដោយ៖ប៊ុនធី សណ្តោស