ភ្នំពេញ ៖ ក្រសួងការងារ និង បណ្តុះបណ្តាលវិជ្ជាជីវៈបានចេញសេចក្តីជូនដំណឹងមួយនៅថ្ងៃទី២៨ ខែកញ្ញា ឆ្នាំ២០២២ នេះស្តីពីការធ្វើតេស្តជំនាញ និងតេស្តភាសាជប៉ុន សម្រាប់ពលករជំនាញដើម្បីទៅធ្វើការនៅបទសជប៉ុន។ ក្នុងសេចក្តីជូនដំណឹងខាងលើនេះបានបញ្ជាក់ថា “បើយោងតាមការជូនដំណឹងពីក្រសួងយុត្តិធម៌នៃប្រទេសជប៉ុន ចុះថ្ងៃទី១៦ ខែកញ្ញា ឆ្នាំ២០២២ ក្រសួងការងារ និង បណ្តុះបណ្តាលវិជ្ជាជីវៈ មានកិត្តិយសសូមជូនដំណឹងដល់ទីភ្នាក់ងារជ្រើសរើសឯកជនទាំងអស់ និងសាធារណជនដែល មានបំណងទៅធ្វើការនៅប្រទេសជប៉ុន ក្នុងគម្រោងពលករជំនាញ ឱ្យបានជ្រាបថា អង្គភាពទទួលបន្ទុកការធ្វើតេស្ត ជំនាញ និងតេស្តភាសាជប៉ុន នឹងរៀបចំការធ្វើតេស្តភាសា និងតេស្តជំនាញ តាមរយៈប្រព័ន្ធកុំព្យូទ័រ (CBT) ក្នុងគម្រោង ពលករជំនាញ”។ ក្រសួងការងារបានបញ្ជាក់បន្ថែមថាចំពោះលក្ខខណ្ឌចុះឈ្មោះធ្វើតេស្តជំនាញ និងតេស្តភាសាគឺចាប់ពីអាយុ ១៧ឆ្នាំឡើងទៅ ដោយមិនគិតពីកម្រិតវប្បធម៌ – សម្រាប់ព័ត៌មានលម្អិត និងការចុះឈ្មោះ សូមចូលមើលគេហទំព័រ http://ac.prometric-jp.com/test]is/ne/ end/index.html ឬទំនាក់ទំនងតាមលេខទូរស័ព្ទ +855 10 568 383/ +855 17 571_177/ +855 97 767 0033 រៀងរាល់ម៉ោងធ្វើការ…

ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងក្នុងនាម ខ្ញុំផ្ទាល់មានក្តីរន្ធត់ក្ដុកក្ដួលយ៉ាងពន់ពេក ខណៈពេលបានទទួលដំណឹងដ៏ក្រៀមក្រំថា ព្រឹទ្ធមហាឧបាសិកាពុទ្ធសាសនូបត្ថម្ភក៍ ទន់ ធី ត្រូវជាម្តាយក្មេករបស់ឯកឧត្តម បានទទួលមរណភាពនៅថ្ងៃពុធ ទី២៨ ខែកញ្ញា ឆ្នាំ២០២២ វេលាម៉ោង ០០១៨ នាទីយប់រំលងអាធ្រាត្រ ក្នុងជន្មាយុ ៩០ឆ្នាំ ដោយជរាពាធ ៕

ភ្នំពេញ៖ នៅក្នុងវ័យ២៥ឆ្នាំ ទីម៉ាស់ ប្រាប់ថាបានប្ដូរអត្តសញ្ញាណខ្លួនឯងតាំងពីដឹងក្ដីដោយកាត់សក់ខ្លីស្លៀកសម្លៀកបំពាក់បុរស និងស្រឡាញ់ភាពជាបុរសទោះជារាងកាយជាស្រីក៏ដោយ។ «មានថ្ងៃមួយនៅពេលដែលខ្ញុំអាយុ ១៨ឆ្នាំ ម៉ាក់ឲ្យកែជាមនុស្សស្រីវិញ ខ្ញុំក៏សាកតែងខ្លួនជាមនុស្សស្រីបានបីថ្ងៃដែរ។ បន្ទាប់មកខ្ញុំក៏ត្រឡប់មកទម្លាប់ដើមជាមនុស្សប្រុសវិញ ព្រោះខ្ញុំព្យាយាមធ្វើខ្លួនជាមនុស្សស្រីដែរ តែទៅអត់រួចដោយសារពីកំណើតមកខ្ញុំស្រឡាញ់ ភាពជាមនុស្សប្រុស របស់ប្រើប្រាស់បុរស និងបានតាមប៉ាខ្ញុំទៅកាត់សក់ជានិច្ចព្រោះខ្ញុំស្រឡាញ់សក់ខ្លី»។ ការសើចយំលេបខាយឌឺដងក្នុងសហគមន៍ បានបង្ខំឲ្យទីម៉ាស់ ឡើងមកភ្នំពេញស្វែងការងារធ្វើដើម្បីបន្លប់ទុក្ខ។ តែដល់ជាក់ស្ដែងជីវិតកាន់តែកណ្តោចកណ្តែងរស់នៅម្នាក់ឯងក្នុងបន្ទប់ជួល។ «នេះជាភាពឈឺចាប់ក្នុងជីវិត ពេលដែលឡើងមកភ្នំពេញ ខ្ញុំអត់មានអ្នកណាសោះ។ ពេលខ្ញុំដើររកការងារធ្វើ ក៏ក្រុមហ៊ុនអត់ទទួលស្គាល់ មិត្តភក្តិក៏អត់រាប់រកព្រោះគេគិតថា ខ្ញុំជាមនុស្សខុសគេ។ ខ្ញុំក៏ក្រឡេកមើលបរិស្ថានជុំវិញខ្លួន ខាងនោះក៏មានគ្រួសារ ខាងណោះក៏មានមិត្តភក្តិ ខ្ញុំក៏តូចចិត្តសម្ងំយំក្នុងបន្ទប់ជួលមួយអាទិត្យទម្រាំបានធូរស្រាលក្នុងចិត្ត»។ ប្រែពីរើសអើងទៅជាធម្មតា។ ជាអ្វីដែលទីម៉ាស់ ហែលឆ្លងក្នុងជីវិតជាង ២០ឆ្នាំមកនេះ៖ «ប្រើពេលវេលា៥ទៅ៦ឆ្នាំ ទម្រាំមនុស្សចំនួនក្នុងសង្គមទទួលស្គាល់ ហើយសម្រាប់គ្រួសារខ្ញុំប្រើពេលវេលាឲ្យពួកគាត់ទទួលស្គាល់តែ១ទៅ២ឆ្នាំទេព្រោះ គាត់ដឹងហើយថា ចរិតនិងនិស្ស័យពីធម្មជាតិរបស់ខ្ញុំគឺចឹង។ ប៉ុន្តែវាពិបាកអីចេះវិញ ពេលគាត់ចេញក្រៅគេនិយាយពីខ្ញុំ ម៉ែគាត់មកដាក់បន្ទុកលើខ្ញុំ ឲ្យកែខ្លួនជាស្រីទៀតហើយ។ ខ្ញុំបន្តពន្យល់ថា ម៉ែទៅកុំឲ្យស្ដាប់គេធ្វើអី? ព្រោះម៉ែក៏ដឹងថា នេះជានិស្ស័យខ្ញុំប្រាប់គេបែបនេះវិញទៅគ្មានអ្នកណាចង់ទេ»។ អ្នកស្រី ឆឹងរ៉ាដែលជាម្ដាយរបស់ទីម៉ាស់ បានកត់សម្គាល់ថា ទីម៉ាស់មាននិស្ស័យជាមនុស្សប្រុសតាំងពីតូចក្រូចឆ្មារ «តាំងពីពេលចេះដើរមក វា(ទីម៉ាស់)អត់ដែលលេងទេរបស់របរក្មេងស្រី (វា) លេងតែរបស់ក្មេងប្រុសដូចជាៈឡាន…

(កំពង់ស្ពឺ)៖ រដ្ឋបាលខេត្តកំពង់ស្ពឺ បានជូនដំណឹងដល់ប្រជាពលរដ្ឋដែលរស់នៅខាងលើទ្វារទឹករលាំងជ្រៃ ជាពិសេសតំបន់ទំនាបនានានៃផ្នែកខាងក្រោម ស្របតាមបណ្តោយដងស្ទឹងព្រែកត្នោតក្នុងភូមិសាស្ត្រខេត្តកំពង់ស្ពឺថា ក្នុងរយៈពេលប៉ុន្មានថ្ងៃកន្លងមកនេះ មានភ្លៀងធ្លាក់ខ្លាំងជាបន្តបន្ទាប់ដែលធ្វើឱ្យទឹកផ្នែកខាងលើនៃដងស្ទឹងព្រែកត្នោតហក់ឡើងលឿន ។ តាមរយៈសេចក្តីជូនដំណឹងដែល ទទួលបាននៅយប់ថ្ងៃទី២៧ ខែកញ្ញា ឆ្នាំ២០២២នេះ បានឱ្យដឹងថា ស្ថានភាពបែបនេះធ្វើឱ្យទឹកស្ទឹងព្រែកត្នោត ផ្នែកខាងក្រោមអាចបង្កឱ្យមានការលិចលង់តំបន់ខ្លះជាយថាហេតុ ហើយផ្នែកខ្លះត្រូវទទួលរងផលប៉ះពាល់ដល់ដំណាំកសិកម្ម សត្វចិញ្ចឹម ផ្ទះសំបែង ហេដ្ឋារចនាសម្ព័ន្ធនានា ពិសេសអាចបង្កគ្រោះថ្នាក់ដល់អាយុជីវិតប្រជាពលរដ្ឋផងដែរ ។ រដ្ឋបាលខេត្តកំពង់ស្ពឺ បានបញ្ជាក់ថា «ពាក់ព័ន្ធនឹងស្ថានភាពនេះ ដើម្បីធានាសុវត្ថិភាព និងបង្ការនូវគ្រោះថ្នាក់ជាយថាហេតុផ្សេងៗបានទាន់ពេលវេលា សូមបងប្អូនប្រជាពលរដ្ឋទាំងអស់ ជាពិសេសប្រជាដែលរស់នៅតំបន់ខាងលើ និងតំបន់ទំនាបនានាផ្នកខាងក្រោម នៃទ្វាទឹករលាំងជ្រៃស្របតាមបណ្ដោយដងស្ទឹងព្រែកត្នោត ក៏ដូចជាតំបន់ងាយរងគ្រោះមួយចំនួនក្នុងភូមិសាស្ត្រខេត្តកំពង់ស្ពឺ មេត្តាប្រុងប្រយ័ត្នខ្ពស់ និងស្វែងរកទីទួលសុវត្ថិភាពដែលនៅជិត ដើម្បីចៀងវាងការកើតមានឡើងនូវគ្រោះថ្នាក់ផ្សេងៗ»។ រដ្ឋបាលខេត្តកំពង់ស្ពឺសង្ឃឹមយ៉ាងមុតមាំថា ប្រជាពលរដ្ឋនឹងមានការប្រុងប្រយ័ត្ន ព្រមទាំងបង្កើនការយកចិត្តទុកដាក់ខ្ពស់ចំពោះស្ថានភាពកម្ពស់ទឹកស្ទឹងព្រែកត្នោតដែលកំពុងហក់ឡើងជាបន្តបន្ទាប់នេះ។ ក្នុងករណីប្រជាពលរដ្ឋ ដែលទទួលរងនូវជំនន់ទឹកភ្លៀង សូមមេត្តារាយការណ៍ និងផ្ដល់ព័ត៌មានឱ្យបានឆាប់រហ័សបំផុតដល់អាជ្ញាធរ ភូមិ ឃុំ សង្កាត់ ក្រុង ស្រុក ខេត្តជាបន្ទាន់ ដើម្បីអាជ្ញាធរមានលទ្ធភាពចាត់វិធានការដោះស្រាយ ការពារ និងសង្គ្រោះបានទាន់ពេលវេលា ៕ សេឌី +លីដា

ខេត្តត្បូងឃ្មុំ៖ នៅព្រឹកថ្ងៃទី២៧ ខែកញ្ញា ឆ្នាំ២០២២ ក្រោមការចង្អលបង្ហាញរបស់ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្ត និងជាប្រធានគណៈបញ្ជាការឯកភាពរដ្ឋបាលត្បូងឃ្មុំ និងក្រោយពីទទួលបានសេចក្តីរាយការណ៍ របស់លោកអធិការនគរបាលស្រុកត្បូងឃ្មុំ រួចមក លោកឧត្តមសេនីយទោ ម៉ុន មាគ៌ាស្នងការនគរបាលខេត្តត្បូងឃ្មុំ បានដឹកនាំកម្លាំងនគរបាលជាតិ នៃស្នងការដ្ឋាននគរបាលខេត្តត្បូងឃ្មុំ និងកម្លាំងនគរបាល អធិការដ្ឋាននគរបាលស្រុកត្បូងឃ្មុំ ប៉ុស្តិ៍នគរបាលរដ្ឋបាលជីរោទ៍ទី១ ដោយសហការជាមួយ អាជ្ញាធរស្រុកត្បូងឃ្មុំ ក្រុមប្រឹក្សាឃុំ មេភូមិ កម្លាំងប្រជាការពារភូមិ រួមនឹងបងប្អូនប្រជាពលរដ្ឋ បានរួមគ្នាជួយរុះរើ ផ្ទះប្រជាពលរដ្ឋ ស្ថិតនៅក្នុងភូមិរការធំ ឃុំជីរោទ៍ទី១ ដែលកំពុងប្រឈម និងការបាក់ស្រុតច្រាំងចូលទៅក្នុងទឹកទន្លេមេគង្គ នាព្រឹកថ្ងៃទី ២៧ ខែ កញ្ញា ឆ្នាំ២០២២ ។ ហេតុការណ៍ នៃការបាក់ស្រុតច្រាំងចូលទៅក្នុងទឹកទន្លេមេគង្គនេះ ស្ថិតនៅក្នុងភូមិរការធំ ឃុំជីរោទ៍ទី១ ស្រុកត្បូងឃ្មុំ ខេត្តត្បូងឃ្មុំ បានកើតឡើងកាលពីវេលាម៉ោង ១៨ល្ងាចម្ដង និងម៉ោង ១៩លា្ងចថ្ងៃទី២៦ ខែកញ្ញា ឆ្នាំ២០២២ ។ ចំពោះច្រាំងទន្លេដែលបានបាក់ស្រុតចូលទៅក្នុងទឹកទន្លេនោះមានទទឹងប្រវែង ១៥ម៉ែត្រ បណ្ដោយប្រវែង…