ភ្នំពេញ ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានដឹកនាំគណៈប្រតិភូក្រសួងអញ្ជើញគោរពវិញ្ញាណក្ខន្ធ ឯកឧត្តម ជៀប ស៊ីវន សមាជិកគណៈកម្មការទី៥ នៃរដ្ឋសភា និងជាតំណាងរាស្ត្រមណ្ឌលភ្នំពេញ នៅព្រឹកថ្ងៃព្រហស្បតិ៍ ១២រោច ខែភទ្របទ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២២ ខែកញ្ញា ឆ្នាំ២០២២ ។ ឯកឧត្តម ជៀប ស៊ីវន សមាជិកគណៈកម្មការទី៥ នៃរដ្ឋសភា និងជាតំណាងរាស្ត្រមណ្ឌលភ្នំពេញ បានទទួលមរណភាពកាលពីនៅថ្ងៃទី២០ ខែកញ្ញា ឆ្នាំ២០២២ វេលាម៉ោង ២១៖២០នាទី ក្នុងជន្មាយុ ៧៧ឆ្នាំ ដោយរោគាពាធ។ លោកជំទាវកិត្តិសង្គហបណ្ឌិត ម៉ែន សំអន បានចាត់ទុកមរណភាព ឯកឧត្តម ជៀប ស៊ីវន គឺជាការបាត់បង់ស្វាមី ឪពុក ឪពុកក្មេក និងជីតាជាទីគោរពស្រលាញ់ ពោរពេញទៅដោយព្រហ្មវិហារធម៌ និងជាការបាត់បង់នូវអ្នកស្នេហាជាតិដ៏សំខាន់មួយរូប ដែលបានរួមចំណែកអភិវឌ្ឍន៍ប្រទេសជាតិ…

ភ្នំពេញ ៖ ស្ត្រី ២នាក់ម្តាយ កូន និងប្អូនម្នាក់ពិតជាសំណាងណាស់ ក្រោយឯកឧត្តម ឃ្លាំង ហួត អភិបាលរងរាជធានីភ្នំពេញ ចុះត្រួតពិនិត្យទីតាំងបញ្ចាំម៉ូតូនៅផ្សារឃ្លាំងរំសេវ ក្នុងសង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ នៅរសៀលថ្ងៃទី២១ ខែកញ្ញា ឆ្នាំ២០២២ម្សិលមិញនោះ បានរកឃើញម៉ូតូរបស់ខ្លួនដែលត្រូវគេបានដាក់ថ្នាំល្បួងយកមកបញ្ចាំ ហើយក៏បានអរគុណដល់ឯកឧត្តម ឃ្លាំង ហួត អភិបាលរងរាជធានីភ្នំពេញ យ៉ាងខ្លាំងចំពោះចំណាត់ការដ៏ក្តៅគគុកនេះ ដើម្បីបង្ក្រាបបទល្មើសលួចឆក់ប្លន់ ល្បែងស៊ីសង ឲ្យអស់ពីមូលដ្ឋាន ដោយជីកឬសគល់ ចេញពីបញ្ហាអសន្តិសុខសង្គម ។ ដោយក្តីអាណិត ឯកឧត្តម ឃ្លាំង ហួត បានផ្តល់ថវិកាដល់ស្ត្រីជាម្តាយ ១០ម៉ឺនរៀល និងកូនស្រី ១០ម៉ឺនរៀល ធ្វើជាសោហ៊ុយត្រឡប់ទៅផ្ទះវិញទៀតផង ។ មិនតែប៉ុណ្ណោះ ប្អូនម្នាក់ទៀត ដែលត្រូវបានមិត្តភក្តិ ឆបោកធ្វើជាសុំខ្ចីម៉ូតូទៅទិញអីមួយភ្លែត ហើយយកម៉ូតូមកដាក់បញ្ចាំបាត់ទុកឲ្យខ្លួនរកលុយមកបង់រំលោះយកម៉ូតូនោះ ក៏បានស្កាត់មកប្តឹង ឯកឧត្តម ឃ្លាំង ហួត ដោយ ផ្ទាល់ខណៈកំពុងបន្តប្រតិបត្តិការត្រួតពិនិត្យ និងបាននាំប្អូនម្នាក់នោះ មកស្វែងរកម៉ូតូរបស់ខ្លួន រហូតទាល់តែឃើញ និងប្រគល់ឲ្យវិញភ្លាមៗ តែម្តង…

ភ្នំពេញ ៖ អាជ្ញាធរនៅតាមបណ្តាខេត្តទិសពាយ័ព្យបានដាស់តឿន ឱ្យ ប្រជាពលរដ្ឋមានការប្រុងប្រយ័ត្នខ្ពស់ដើម្បីទប់ទល់នឹងស្ថានភាពជំនន់ទឹកភ្លៀងដែលនឹងអាចកើតមាន។ការក្រើនរំលឹកនេះខណៈដែល ភ្លៀង ចាប់ផ្តើមធ្លាក់ខ្លាំងៗបណ្តាលឲ្យកន្លែងមួយចំនួននៅ ខេត្តទាំង នេះ ត្រូវជន់លិចជាបន្តបន្ទាប់។ លោក ង៉ោ ម៉េងជ្រួន អភិបាលរងខេត្តបន្ទាយមានជ័យបានថ្លែងថា ខេត្តបន្ទាយមានជ័យបានទទួលរងផលប៉ះពាល់ គ្រោះទឹកជំនន់ ធម្មជាតិ និងជំនន់ពីប្រទេសថៃធ្វើឲ្យមានការជន់លិចជារៀង រាល់ ឆ្នាំ។លោកបន្តថា៖«សម្រាប់ឆ្នាំ នេះនៅក្នុងខេត្តបន្ទាយមានជ័យ យើង មិនទាន់មានរងផលប៉ះពាល់ពីគ្រោះទឹកជំនន់នៅតំបន់ ណា មួយនៅឡើយទេ គ្រាន់តែនីវ៉ូកម្ពស់ទឹកមានការកើនឡើង នៅ តំបន់មួយចំនួន ដូចជាស្រុកម៉ាឡៃ និងស្រុកមង្គលបុរី»។ បើតាមលោក ង៉ោ ម៉េងជ្រួន ការកើនឡើងកម្ពស់ទឹកនេះ ទោះ ជាមិនទាន់ជាសញ្ញាបង្ហាញថា ជាគ្រោះទឹកជំនន់ តែអាជ្ញាធរ បានត្រៀមកម្លាំងតាមដាន និងដោះស្រាយបញ្ហាជូនប្រជាពលរដ្ឋ។លោកថា៖«ជាក់ស្តែងនៅក្នុង ស្រុកមង្គលបុរីយើងកំពុង សស្រោក សស្រាំផ្សព្វផ្សាយនិងតាមដានសភាពការណ៍ទឹកដើម្បីផ្សព្វផ្សាយដល់ប្រជាពលរដ្ឋ។ជាពិសេសការបញ្ចៀសហេដ្ឋា រចនាសម្ព័ន្ធផ្លូវទឹក នេះ ដើម្បីកុំឲ្យមានផលប៉ះពាល់ដល់ផលដំណាំនិងផ្ទះ សម្បែង ប្រជាពលរដ្ឋ។ រីឯអភិបាលរងខេត្តសៀមរាបអះអាងស្រដៀងគ្នានេះដែរ។ លោក លី សំរិទ្ធិ អភិបាលរងខេត្តសៀមរាបបានថ្លែង ថា៖ «តាមការប៉ាន់…

ភ្នំពេញ៖ នៅព្រឹកថ្ងៃព្រហស្បតិ៍ទី២២ ខែកញ្ញា ឆ្នាំ២០២២ គឺជាថ្ងៃដែល អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ឬហៅថាតុលាការខ្មែរក្រហម នឹងប្រកាសសាលាដីកាជុំវិញបណ្តឹងសាទុក្ខអតីតប្រមុខរដ្ឋនៃរបបប្រជាធិបតេយ្យកម្ពុជា លោក ខៀវ សំផន ក្នុងសំណុំរឿង០០២/០២ ។ នៅក្នុងថ្ងៃប្រកាសសាលក្រមនេះផងដែរ ព្រះសង្ឃ ប្រជាពលរដ្ឋ និងមន្ត្រីរាជការ អ្នកសារព័ត៌មានជាតិ អន្តរជាតិ ជាច្រើនត្រូវបានអនុញ្ញាតិឱ្យចូល ស្តាប់ និងយកព័ត៌មាន ប្រកាសសាលាដីកាជុំវិញបណ្តឹងសាទុក្ខអតីតប្រមុខរដ្ឋនៃរបបប្រជាធិបតេយ្យកម្ពុជា លោក ខៀវ សំផន ក្នុងសំណុំរឿង០០២/០២ នេះ។ សាលដីកាស្ថាពរបិទផ្លូវតវ៉ានេះនឹងបិទបញ្ចប់សំណុំរឿង ០០២/០២ ក៏ដូចជាសំណុំរឿង ០០២ទាំងមូល ក្រោយពេលដំណើរការសំណុំរឿងក្តីនេះរយៈពេល ១៥ឆ្នាំ ចាប់តាំងពីការបើកការស៊ើបអង្កេតដំបូងការចាប់ខ្លួន រហូតដល់ការជំនុំជម្រះ និងការប្រកាសសាលដីកានៅថ្ងៃទី២២ ខែកញ្ញា ឆ្នាំ២០២២ ខាងមុខ។ ថ្លែងក្នុងសន្និសីទសារព័ត៌មាន មុនការប្រកាសសាលដីកាលើសំណុំរឿង០០២/០២ ពាក់ព័ន្ធនឹងជនជាប់ចោទ ខៀវ សំផន កាលពីព្រឹកថ្ងៃទី២០ ខែកញ្ញា ឆ្នាំ២០២២នេះ ឯកឧត្តម នេត្រ ភក្ត្រា ប្រធានផ្នែកកិច្ចការសាធារណៈ និងជាមន្ត្រីនាំពាក្យអង្គជំនុំជម្រះវិសាមញ្ញក្នុងតុលាការកម្ពុជា ហៅកាត់…