រតនគិរី ៖ បន្ទាប់ពីតម្កល់ធ្វើបុណ្យទក្ខិណានុប្បទាន តាមប្រពៃណីព្រះពុទ្ធសាសនា អស់រយៈពេល៩ថ្ងៃរួចមក នៅវេលាព្រឹកថ្ងៃទី២១ ខែកញ្ញា ឆ្នាំ ២០២២ សពឯកឧត្តម ប៊ូ ឡាំ តំណាងរាស្រ្តមណ្ឌលរតនគិរី និងជាសមាជិកគណៈកម្មការមហាផ្ទៃ ការពារជាតិ និងមុខងារសាធារណៈ នៃរដ្ឋសភាជាតិ ត្រូវបានក្រុមគ្រួសាររៀបចំពិធីដង្ហែចេញពីគេហដ្ឋាន ក្នុងភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី ឆ្ពោះទៅបញ្ចុះនៅលើភ្នំឥសីបតមៈវត្តឥសាន្តរតនារាម ស្ថិតក្នុងភូមិភ្នំស្វាយ សង្កាត់បឹងកន្សែង ក្រុងបានលុង ។ ពិធីដង្ហែសព ឯកឧត្តម ប៊ូ ឡាំ មានការអញ្ជើញចូលរួមពីសំណាក់ ឯកឧត្តម ច័ន្ទ សុផល អនុប្រធានគណៈកម្មការមហាផ្ទៃ ការពារជាតិ និងមុខងារសាធារណៈព្រមទាំង ឯកឧត្តម លោកជំទាវជាថ្នាក់ដឹកនាំខេត្ត មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋ យុវជនកាកបាទក្រហម យុវជនកាយរឹទ្ធ យុវជនស.ស.យ.ក យុវជន ស.យ.ស.ស យ៉ាងច្រើនកុះករ។ សូមបញ្ជាក់ថា ឯកឧត្តម ប៊ូ ទ្បាំ អ្នកតំណាងរាស្រ្តមណ្ឌលរតនគិរី និងជាសមាជិកគណៈកម្មការមហាផ្ទៃ…

ភ្នំពេញ៖រដ្ឋមន្ត្រីក្រសួងកសិកម្ម រុក្ខា ប្រមាញ់ និងនេសាទ ស្នើសុំ ទៅសម្តេចក្រឡាហោម ស ខេង ឧបនាយករដ្ឋមន្រ្តី រដ្ឋ មន្ត្រី ក្រសួងមហាផ្ទៃជួយអន្តរាគមន៍ទប់ស្កាត់ការនាំចេញជ័រកៅស៊ូនិងឈើកៅស៊ូមិនទាន់កែច្នៃទៅបរទេស។ នេះបើតាមលិខិតផ្លូវការ មួយច្បាប់របស់ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និង នេសាទ ចុះថ្ងៃទី១៩ខែកញ្ញាឆ្នាំ២០២២ គោរពជូន សម្ដេចក្រឡាហោម ស ខេង ។ ឯកឧត្តម វេង សាខុន បានបញ្ជាក់នៅក្នុងលិខិតរបស់លោកថា ក្រសួងកសិកម្មសង្កេតឃើញការចរាចរនាំចេញកៅស៊ូនិងឈើកៅស៊ូមិនទាន់កែច្នៃទៅបរទេសនៅតែបន្តកើតមានជាហូរហែផ្ទុយពីសារាចរណែនាំកាលពីឆ្នាំ២០០៣ដែលរដ្ឋាភិបាលហាមឃាត់ដាច់ខាតមិនអនុញ្ញាតឱ្យមានការនាំចេញជ័រកៅស៊ូនិងឈើកៅស៊ូមិនទាន់កែច្នៃទៅ បរទេស។លោករដ្ឋមន្ត្រីក្រសួងកសិកម្ម បញ្ជាក់ថា៖«សមាគមកៅស៊ូ រោងចក្រ និងសិប្បកម្មក្នុងស្រុក ខ្វះវត្ថុធាតុដើមកែច្នៃ ប្រឈមនឹងការបិទទ្វារ ព្រមទាំងការបាត់បង់ចំណូលពន្ធរដ្ឋពីការនាំចេញជ័រកៅស៊ូនិងឈើកៅស៊ូនិងបាត់បង់ការងារ របស់ប្រជាពលរដ្ឋ»។ឯកឧត្តមបន្ថែមថា ៖«ដើម្បីទប់ស្កាត់ការនាំចេញជ័រកៅស៊ូ និង ឈើកៅស៊ូមិនទាន់កែច្នៃទៅបរទេសក្នុងគោលបំណង ជួយដល់ សមាគមកៅស៊ូ រោងចក្រ និងសិប្បកម្មកែច្នៃកៅស៊ូក្នុងស្រុក ក៏ដូចជាបង្កើនចំណូលនៅក្នុងស្រុកក្រសួង កសិកម្ម សូមសម្តេច ជួយអន្តរាគមន៍ទៅរដ្ឋបាលខេត្តនិងកម្លាំងសមត្ថកិច្ចពាក់ព័ន្ធជាប់ព្រំដែនទាំងអស់ពង្រឹងអនុវត្ត ខ្លឹមសារសារាចរណែនាំឆ្នាំ២០០៣ ស្តីពីវិធានការទប់ស្កាត់ការនាំចេញជ័រកៅស៊ូឈើកៅស៊ូមិនទាន់កែច្នៃទៅ បរទេស ឱ្យបានម៉ឹងម៉ាត់ និងមានប្រសិទ្ធភាពខ្ពស់»។ លោក…

ភ្នំពេញ ៖ សេចក្តីបំភ្លឺព័ត៌មានរបស់អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ ទាក់ទងទៅនឹងការចុះផ្សាយថា “មានជនសុីវិល ដឹកអ្នកបើកបរល្មើសច្បាប់ទៅដាក់បញ្ចាំទូរសព្ទ ដើម្បីយកលុយមកបង់ថ្លៃផាកពិន័យ“។ នេះបើយោងតាមការបង្ហោះលើផឹកផ្លូវការស្នងការដ្ឋាននគរបាលរាជធានីភ្នំពេញ នៅរសៀលថ្ងៃទី២១ ខែកញ្ញា ឆ្នាំ២០២២។ អ្នកនាំពាក្យស្នងការដ្ឋាននគរបាលរាជធានីភ្នំពេញ បានបញ្ជាក់ថា ក្រោយពីជួបទល់មុខគ្នា រវាងមន្ត្រីទាំងអស់នៅគោលដៅកួចកាណុង និងបុរសអ្នកបេីកម៉ូតូកង់៣ បានបញ្ជាក់យ៉ាងច្បាស់ថា ជនសុីវិលដែលដឹកគាត់ទៅបញ្ចាំទូរសព្ទ ហេីយយកលុយពីគាត់ មិនមែនជាសមត្ថកិច្ចនៅគោលដៅនោះឡេីយ ជាជនសុីវិលឆ្លៀតឱកាស។ បន្ទាប់ពីបានស្រាវជ្រាវយ៉ាងយកចិត្តទុកដាក់ទាក់ទងទៅនឹងករណី ដែលកេីតឡេីងកាលពីថ្ងៃទី២០ ខែកញ្ញា ឆ្នាំ២០២២ វេលាម៉ោងប្រហែល១០:៣០នាទីព្រឹក មានអ្នកបើកបរម៉ូតូកង់បីដឹកទំនិញម្នាក់ បានបើកបរទិសដៅពីវត្តភ្នំ គោលដៅឆ្លងស្ពានជ្រោយចង្វារ លុះមកដល់គោលដៅរង្វង់មូលកួចកាណុង ក៏ស្រាប់តែមានមន្រ្តីនគរបាលចរាចរណ៍ ឃាត់ធ្វើការផាកពិន័យ ករណីមិនកិបគន្លឹះមួកសុវត្ថិភាព ពេលនោះមន្ត្រីអនុវត្តច្បាប់ បានបញ្ជាក់ថា តាមច្បាប់លេីករណីល្មេីសនេះ ត្រូវផាកពិន័យ ៦០,០០០រៀល ពេលនោះ គាត់ក៏បាននិយាយថា គាត់គ្មានប្រាក់ ដើម្បីបង់ពិន័យនោះទេ រួចមកគាត់ក៏ទូរសព្ទទៅនិយាយជាមួយថៅកែរបស់គាត់ បន្ទាប់មកគាត់ក៏ហុចទូរសព្ទជូនមន្រ្តី ដើម្បីនិយាយគ្នាជាមួយថៅកែរបស់គាត់ គោលបំណងស្នើសុំមន្រ្តីនគរបាលចរាចរណ៍ កុំផាកពិន័យ ត្រឹមតែអប់រំទៅបានហើយ។ ភ្លាមនោះ មន្រ្តីរបស់យើង ក៏បានប្រគល់ទូរសព្ទជូនគាត់វិញ ព្រមទាំងអនុញ្ញាតឲ្យរូបគាត់ ទៅដោយមិនបានផាកពិន័យ ឆ្លៀតពេលនោះ…

ភ្នំពេញ៖អ្នកគាំទ្រលោក ខឹម វាសនា បានឱ្យដឹងនៅថ្ងៃទី២១ខែ កញ្ញា នេះថាអាជ្ញាធរនិងកម្លាំងសមត្ថកិច្ចបានហាមឃាត់ ពួក គេ មិនឱ្យចូលទៅដីចម្ការ ដែលជាទីតាំងធ្លាប់ជួបជុំ។ប៉ុន្តែ សមត្ថកិច្ច ខេត្តសៀមរាបបានពន្យល់ថា សមត្ថកិច្ចចង់រំសាយការជួបជុំឲ្យអស់ មួយវគ្គសិន ព្រោះមនុស្សជាងមួយពាន់នាក់នៅមិនទាន់ បានចាក ចេញ ហើយការប្រមូលផ្ដុំនេះបានប៉ះពាល់សុខភាពកុមារ ដែល ឪពុកម្ដាយនាំទៅជាមួយ។ លោក ទុំ តាក ជាអ្នកគាំទ្រម្នាក់របស់លោក ខឹម វាសនា បានប្រាប់ថា ក្រោយរំសាយការជួបជុំលោកមិនត្រូវ បានអាជ្ញាធរអនុញ្ញាតឱ្យចូល ទៅកាន់ដីចម្ការរបស់លោក ខឹម វាសនាដូចទម្លាប់ពេលមុនឡើយ។ លោកឧត្តមសេនីយ៍ត្រី តេង ច័ន្ទ ណាត ស្នងការនគរបាលខេត្ត សៀមរាបបានថ្លែងឱ្យដឹងនៅថ្ងៃទី២១កញ្ញានេះថា មានមូលហេតុ ជាច្រើនដែលអាជ្ញាធរមិនអនុញ្ញាតអ្នកគាំទ្រចូលទៅកាន់ដីចម្ការរបស់លោក ខឹម វាសនា ក្នុងកាលៈទេសៈនេះ។ លោកឧត្តមសេនីយ៍ត្រីបានចោទសួរថា«តើការចូលទៅកាន់ដីចម្ការពីសំណាក់អ្នកគាំទ្រមានគោលបំណងអ្វី ប្រជុំគណបក្សឬក៏អី?ហើយ កន្លែងហ្នុងជាទីស្នាក់ការបក្សគាត់ឬយ៉ាងម៉េច?មួយទៀតយើង ហាម មិនឱ្យចូលដោយអនុលោមតាមកិច្ចសន្យារវាងម្ចាស់ ចម្ការម្នាក់ ទៀតដែលជាអ្នកគាំទ្រលោក ខឹម វាសនា មិនអនុញ្ញាតឱ្យថ្មី ចូល ឡើយ…

លោក អ៊ឹម សុខរិទ្ធី បុរាណវិទូ និងជាប្រធាននាយកដ្ឋានស្រាវជ្រាវ បណ្តុះបណ្តាល និងផ្សព្វផ្សាយ បានឱ្យដឹងថា នាវេលាម៉ោង៦កន្លះព្រឹកថ្ងៃទី២២ ខែកញ្ញា ព្រះអាទិត្យនឹងរះចំកំពូលកណ្ដាលនៃប្រាសាទអង្គរវត្ត គឺជាវេលាពេលថ្ងៃ និងរយៈពេលយប់មានស្មើគ្នា ដែលជាព្រឹត្តិការណ៍ដ៏កម្រនេះ តែងតែកើតឡើង២ដងតែប៉ុណ្ណោះក្នុងមួយឆ្នាំ នៅក្នុងខែកញ្ញា និងខែមីនា។ ប៉ុន្តែអាកាសធាតុមិនអំណោយផលក្នុងសប្តាហ៍នេះ ប្រហែលជាយើងមិនអាចបានឃើញព្រឹត្តការណ៍នេះដូចរាល់ឆ្នាំទេ។ ចាន់ វិចិត្រ