(ភ្នំពេញ)៖ «ការចូលរួមរបស់បងប្អូនប្រជាពលរដ្ឋ ក្នុងការទទួលយកកូនឈើទៅដាំតាមសហគមន៍ និងដាំស្តារព្រៃ មិនត្រឹមតែបង្កើនភាពបៃតង បង្កើនគម្របព្រៃឈើ និងបន្ស៊ាំនឹងការប្រែប្រួលអាកាសធាតុ។ លើសពីនេះ ដើមឈើ ដែលបានដាំនៅពេលនេះ នឹងក្លាយជាព្រៃឈើ និងកេរដំណែលធម្មជាតិ សម្រាប់កូនចៅជំនាន់ក្រោយ ហើយក័ជាផ្នែកមួយ នៃការអភិវឌ្ឍគោលដៅលំហែបៃតង ដែលទាក់ទាញទេសចរ នាពេលអនាគតផងដែរ»។ នេះគឺជាថ្លែងរបស់ឯកឧត្តម ខ្វៃ អាទិត្យា អនុរដ្ឋលេខាធិការក្រសួងបរិស្ថាន និងជាប្រធានក្រុមការងាររាជរដ្ឋាភិបាល ចុះមូលដ្ឋានឃុំព្រះធាតុ ស្រុកអូររាំងឪ ខេត្តត្បូងឃ្មុំ។ ថ្លែងនៅនៅចំពោះមុខថ្នាក់ដឹកនាំ នៃរដ្ឋបាលថ្នាក់ក្រោមជាតិ រដ្ឋបាលស្រុកអូររាំងឪ អាជ្ញាធរមូលដ្ឋាន កងកម្លាំងប្រដាប់អាវុធ រួមជាមួយសិស្សានុសិស្ស លោកគ្រូ អ្នកគ្រូ ព្រះសង្ឃ ក្រុមយុវជន និងប្រជាពលរដ្ឋនៅ ឃុំព្រះធាតុ ស្រុកអូររាំងឪ ខេត្តត្បូងឃ្មុំ និងមកពីឃុំពង្រ ស្រុកកោះសូទិន ខេត្តកំពង់ចាម នាថ្ងៃទី១៦ ខែកក្កដា ឆ្នាំ២០២៥ឯកឧត្តម ខ្វៃ អាទិត្យាបានឱ្យដឹងថា ការចូលរួមដាំដើមឈើនៅមូលដ្ឋានគ្រប់ទីកន្លែង រួមចំណែក ជំរុញលើកទឹកចិត្តប្រជាសហគមន៍ ចូលរួម ក្នុងសកម្មភាពយុទ្ធនាការ ពិពរណ៍«ពន្លកបៃតង» ចែកកូនឈើដោយឥតគិតថ្លៃ ជូនប្រជាពលរដ្ឋយកទៅដាំ…

ពោធ៌សាត់៖សេចក្តីរាយការណ៍បានឱ្យដឹងថា នៅថ្ងៃទី១៦ ខែកក្កដា ឆ្នាំ២០២៥ ក្នុងប្រតិបត្តិការបង្ក្រាបការឆបោកតាម​ប្រព័ន្ធបច្ចេកវិទ្យា គណៈបញ្ជាការឯកភាពខេត្តពោធិ៍សាត់ សហការជាមួយសមត្ថកិច្ច និងអាជ្ញាធរពាក់ព័ន្ធក្នុងខេត្ត បានចុះបង្រ្កាបទីតាំងសង្ស័យថាមានជនបរទេសខុសច្បាប់ និងអាចមានការលួចលាក់បង្កប់បទល្មើស Online Scams នៅទីតាំងផ្ទះជួលមួយកន្លែង ក្នុងភូមិសាស្ត្រឃុំថ្មដា ស្រុកវាលវែង ខេត្តពោធ៌សាត់។ ប្រភពដដែលបន្តថា ក្នុងប្រតិបត្តិការនេះកម្លាំងចម្រុះបានរក​ឃើញ​ជនជាតិចិន វៀតណាម មីយ៉ាន់ម៉ា សរុបចំនួន ២៧ នាក់ ក្នុងនោះមានស្ត្រីចំនួន ៩នាក់។ ជនជាប់សង្ស័យត្រូវបានប្រគល់​ជូន​​ស្នងការដ្ឋាននគរបាលខេត្ត​ដើម្បីបន្តអនុវត្ត​នីតិវិធី៕ដោយ៖វណ្ណលុក

ក្រចេះ៖ អភិបាលខេត្តក្រចេះឯកឧត្តម វ៉ា ថន នៅថ្ងៃទី១៦ ខែកក្កដានេះបានដឹកនាំកម្លាំងសមត្ថកិច្ចចម្រុះខេត្ត ចុះបង្ក្រាប​ទីតាំងដែលសង្ស័យ មានលួចលាក់បង្កប់បទល្មើសអនឡាញ នៅផ្ទះជួលមួយកន្លែង ស្ថិតក្នុងភូមិសាស្ត្រឃុំ២ធ្នូ ស្រុកស្នួលដោយបានឃាត់ខ្លួនជនបរទេស ៣១២នាក់ និងដកហូតវត្ថុតាង​ដែលបម្រើឱ្យ​ការប្រព្រឹត្តបទល្មើសមានកុំព្យូទ័រ ៣២៩គ្រឿង, ទូរសព្ទ ១.៦៣០គ្រឿង។ សេចក្តីរាយការណ៍បានឱ្យដឹងថា នៅក្នុងប្រតិបត្តិការកម្លាំង​សមត្ថកិច្ចចម្រុះខេត្ត ដោយសហការជាមួយ អាជ្ញាធរមាន​សមត្ថកិច្ចមូលដ្ឋានបានធ្វើការបង្ក្រាបការឆបោកតាមប្រព័ន្ធបច្ចេកវិទ្យា ទៅលើទីតាំងលួចបង្កប់បទល្មើស Online Scams ដោយបានរកឃើញ និងឃាត់ខ្លួនជនជាតិបរទេសចំនួន​៣១២នាក់(ស្រី៥៦នាក់) ក្នុងនោះមាន ជនជាតិវៀតណាម ថៃ បង់ក្លាដេស ឥណ្ឌូនេស៊ី ចិន និងមីយ៉ាន់ម៉ា។ ក្រោយការបង្ក្រាបទាំងជនសង្ស័យនិងវត្ថុតាងដែលដកហូតបាន ត្រូវបានប្រគល់ និងបញ្ជូនមកកាន់ស្នងការដ្ឋាន​នគរបាលខេត្ត​ក្រចេះ ដើម្បីចាត់ការជាបន្តតាមនីតិវិធីច្បាប់។ ដោយឡែក ចំពោះមេខ្លោងដែលជាប់ពាក់ព័ន្ធនឹងអំពើ​ឆបោក​តាម​ប្រព័ន្ធបច្ចេកវិទ្យាអនឡាញនេះ អាជ្ញាធរមានសមត្ថកិច្ច នឹងចាត់វិធានការតាមផ្លូវច្បាប់យ៉ាងតឹងរ៉ឹង៕ដោយ៖ឡុង សំបូរ

ភ្នំពេញ ប្រទេសកម្ពុជា ថ្ងៃទី 15 ខែកក្កដា ឆ្នាំ 2025 – ជាង32មកហើយដែលក្រុមហ៊ុនខេមបូឌា បេវេរេដ ខមប៉ានី (កូកា-កូឡា) តែងតែផ្តល់ភាពស្រស់ស្រាយ និងភាពរីករាយដល់គ្រួសារខ្មែរ ហើយបានផ្សារភ្ជាប់ជាមួយជីវិតប្រចាំថ្ងៃរបស់អ្នកញ៉ាំ និងអតិថិជននៅកម្ពុជាជានិច្ច។ ភេសជ្ជៈរបស់ក្រុមហ៊ុនយើង ផលិតនៅខ្មែរ ដោយកូនខ្មែរ សម្រាប់ប្រជាជនខ្មែរ។ ក្នុងឱកាសបុណ្យភ្ជុំបិណ្ឌនេះ យើងខ្ញុំសូមគោរពអញ្ជើញបងប្អូនចូលរួមធ្វើទានដោយសន្តានចិត្តក្នុងស្មារតីសាមគ្គីភាព ដោយគ្រាន់តែទិញភេសជ្ជៈកេសកូកា-កូឡា 330ម.ល មួយកេស នោះបងប្អូននឹងបានចូលរួមបរិច្ចាគ 1.000 រៀល (ប្រហែល 0,25 ដុល្លារ) ចូលទៅក្នុងមូលនិធិសហគមន៍ពិសេស។ ទង្វើនេះសមញ្ញណាស់ តែមានន័យ ដោយសារតែមូលនិធិដែលប្រមូលបាននេះ នឹងជួយគ្រួសារដែលមានជីវភាពខ្វះខាតក្នុងរដូវបុណ្យភ្ជុំបិណ្ឌ ឱ្យទទួលបានសម្ភារៈសំខាន់ៗដូចជា គ្រឿងឧបភោគបរិភោគ និងរបស់ប្រើប្រាស់ប្រចាំថ្ងៃ។ យុទ្ធនាការនេះចាប់ផ្តើមពីថ្ងៃទី15 កក្កដា រហូតដល់15 សីហា 2025។ ក្នុងយុទ្ធនាការនេះ យើងនឹងប្រារព្វកម្មវិធី «ភ្ជុំបិណ្ឌជាមួយកូកា-កូឡា ដើរផ្សារមិនអស់លុយ» នៅរាជធានីភ្នំពេញ នៅថ្ងៃទី 9 កញ្ញា ខាងមុខនេះ។ យើងបានសហការជាមួយដៃគូរបស់យើង ដើម្បីកំណត់អត្តសញ្ញាណ…

(ភ្នំពេញ)៖ ក្នុងប្រតិបត្តិការបង្រ្កាបបទល្មើសឆបោកអនឡាញក្នុងរាជធានីភ្នំពេញ២កន្លែងសមត្ថកិច្ចឃាត់ខ្លួនសង្ស័យសរុបជាង១៥០នាក់។ បើយោងតាមការចេញផ្សាយក្នុងបណ្តាញសង្គមតេឡេក្រាមរបស់ក្រុមអ្នកសារព័ត៌មានរបស់ក្រសួងព័តមានបានឱ្យដឹងនៅថ្ងៃទី១៥ ខែ កក្កដា ឆ្នាំ ២០២៥បានឱ្យដឹងថាកម្លាំងចម្រុះនៃរដ្ឋបាលរាជធានីភ្នំពេញ ដឹកនាំដោយលោក ហ៊ុន សុរិទ្ធី អភិបាលរងរាជធានីភ្នំពេញ ដោយសហការជាមួយអាជ្ញាធរ និង សមត្ថកិច្ចពាក់ព័ន្ធ កាលពីថ្ងៃទី១៤ ខែកក្កដា ឆ្នាំ២០២៥ បានចុះបង្រ្កាបទីតាំងសង្ស័យពាក់ព័ន្ធនឹងបទល្មើសឆបោកអនឡាញ (Online Scams)មួយកន្លែង ដែលមានទីតាំងនៅក្នុងអគារលេខ១៥ ផ្លូវ១២៨ ភូមិ៦ សង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។ ក្នុងប្រតិបត្តិការបង្រ្កាបនេះ ក្រុមសមត្ថកិច្ចបានរកឃើញជនជាតិវៀតណាម សរុបចំនួន ១៤៩នាក់ ដោយក្នុងនោះមានស្រី២៣នាក់, និងជនជាតិខ្មែរសរុបចំនួន៨៥ នាក់ ក្នុងនោះស្ត្រីចំនួន ១៧ នាក់ ដែលមានមុខរបរជាជាងភ្លើង, កម្មករសំណង់, សន្តិសុខ មកពីក្រុមហ៊ុនសេវាកម្មសន្តិសុខឈ្មោះ ហាន ហុង, និងជាចុងភៅនិងកូនកាំបិត ផងដែរ។ បច្ចុប្បន្ន សមត្ថកិច្ចកំពុងអនុវត្ត នីតិវិធីអន្តោប្រវេសន៍ចំពោះជនជាតិវៀតណាមដែលពាក់ព័ន្ធ និងបានប្រគល់ជនជាតិខ្មែរចំនួន ៦៧នាក់ ស្រី ១២នាក់ ព្រមទាំងមធ្យោបាយសម្ភារៈ ជូនស្នងការដ្ឋានរាជធានីភ្នំពេញដើម្បីបន្តអនុវត្តនីតិវិធី ខណៈអនុវត្តវិធានការអប់រំណែនាំដល់អ្នកពាក់ព័ន្ធផ្សេងទៀត និង…

(កំពង់ស្ពឺ)៖ កន្លែងវិបស្សនា នៅឧទ្យានជាតិព្រះសុរាម្រិតកុសុមៈគិរីរម្យ ដែលស្ថិតក្នុងបរិវេណមជ្ឈមណ្ឌលវប្បធម៌ព្រះពុទ្ធសាសនាកម្ពុជា គឺជាគោលដៅទេសចរណ៍លំហែបៃតង និងក៏ជាទីកន្លែងសម្រាប់អ្នកប្រតិបត្តិសាសនា និងកន្លែងអ្នកទេសចរណ៍ ដែលត្រូវបានធ្វើឱ្យចិត្តស្អាត ស្អាតទាំងគំនិត និង ស្អាតទាំងបរិស្ថានខាងក្រៅ ជាមួយធម្មជាតិស្រស់បំព្រង ជាទីរីករាយសប្បាយចិត្ត។ គួរបញ្ជាក់ថា រដ្ឋមន្រ្តីក្រសួងបរិស្ថាន ឯកឧត្តម អ៊ាង សុផល្លែត គឺជាអ្នកផ្តួចផ្តើមគំនិតសាងសង់ទីកន្លែងសមាធិមួយកន្លែងនេះ គឺដើម្បីផ្សព្វផ្សាយ ពីមាគ៌ាព្រះពុទ្ធសាសនា វប្បធម៌ និងបង្ហាញអំពីធនធានធម្មជាតិ ផ្សារភ្ជាប់នឹងជីវិតប្រចាំថ្ងៃ ដែលប្រកបដោយធម៌សន្តោស កសាងសន្តិភាពផ្លូវចិត្តឱ្យរឹងមាំ តាមរយៈការសិក្សាធម៌វិន័យរបស់ព្រះពុទ្ធ ដែលផ្តោតសំខាន់លើភាពល្អបរិសុទ្ធ ភាពស្អាតក្នុងចិត្ត។ សូមជំរាបដែរថា វិបស្សនាដែលមានន័យថា ឃើញរបស់ផងទាំងពួងតាមភាពពិត គឺជាបច្ចេកទេសធ្វើចិត្តឲ្យបរិសុទ្ធផូរផង់ដោយខ្លួនឯង ដោយការពិនិត្យមើលខ្លួនឯង ។ ជាដំបូង គេចាប់ពិនិត្យមើលដង្ហើមធម្មជាតិ ដើម្បីផ្ចង់ចិត្តឲ្យមូល ។ ដោយមានសតិដឹងយ៉ាងមុតនេះ គេពិនិត្យមើលធម្មជាតិផ្លាស់ប្តូររបស់កាយ និងចិត្ត ហើយពិសោធឃើញសេចក្តីពិតសាកលនៃ ឣនិច្ចំ ទុក្ខំ និងឣនត្តា ។ការសម្រេចនូវសេចក្តីពិតដោយសារការពិសោធន៍ផ្ទាល់នេះជាបច្ចេកទេសធ្វើចិត្តឲ្យបរិសុទ្ធផូរផង់ ។ មាគ៌ាទាំងមូល គឺព្រះធម៌ជាឱសថសាកលសម្រាប់ដោះស្រាយបញ្ហា ហើយគ្មានឣ្វីជាប់ទាក់ទងជាមួយនឹងសាសនា ឬនិកាយណាមួយឡើយ ។ ក្នុងន័យមួយទៀត វិបស្សនាគឺជាបច្ចេកទេសមួយដើម្បីគាស់រំលើងនូវសេចក្តីទុក្ខឲ្យដាច់ឫសគល់…