តាកែវ៖​ ឯកឧត្តម វ៉ី សំណាង អភិបាលខេត្តតាកែវ កាលពីថ្ងៃទី១២ ខែកក្កដា ឆ្នាំ២០២៥បានអញ្ជើញចូលរួម ដាំកូន​ឈើ ចំនួន ៧១១ដើម នៅបរិវេណ​ប្រាសាទភ្នំដា ស្ថិតនៅភូមិព្រែកតាផ ឃុំគោកធ្លក ស្រុកអង្គរបូរី ។សកម្មភាព​នេះ​ដើម្បីចូលរួមអបអរពិធីរុក្ខទិវា៩កក្កដា។ ឯកឧត្ដមអភិបាលបានថ្លែងក្នុងឱកាសនេះ​ថា​ ការដាំកូនឈើនៅបរិវេណ​ប្រាសាទ​ភ្នំដានេះ គឺជាការបង្ហាញពី​ស្មារតី​ទទួលខុសត្រូវខ្ពស់របស់យើងទាំងអស់​គ្នាចំពោះ​បរិស្ថាន និងធនធានធម្មជាតិ។ឯកឧត្តម ក៏បាន​អំពាវនាវ​ដល់​ប្រជាពលរដ្ឋទាំងអស់ បន្តចូលរួមសកម្មភាពដាំដុះ និងថែរក្សាដើមឈើឱ្យបានផុសផុល ដើម្បីជាប្រយោជន៍​រួមរបស់​យើងទាំងអស់គ្នា៕ដោយ៖សាំង សារ៉ាវី

(ភ្នំពេញ)៖ មជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) រួមសហការជាមួយស្ថានទូតជប៉ុនប្រចាំ ប្រទេសកម្ពុជា និងមូលនិធិជប៉ុនការិយាល័យទំនាក់ទំនងភ្នំពេញ រៀបចំនូវព្រឹត្តិការណ៍ពិធីបុណ្យផ្កាយ (ពិធីបុណ្យតាណាបាតា) ឆ្នាំ២០២៥ ចាប់ពីថ្ងៃទី១១ រហូតដល់ថ្ងៃទី១៣ ខែកក្កដា នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)។ ពិធីបុណ្យនេះត្រូវបានរៀបចំឡើងជារៀងរាល់ឆ្នាំ ក្នុងគោលបំណងជំរុញការផ្លាស់ប្តូរវប្បធម៌រវាងប្រទេសជប៉ុន និងកម្ពុជា។ ដោយនៅថ្ងៃបើកកម្មវិធីមានវត្តមានចូលរួមពីតំណាងស្ថានទូតជប៉ុន និងតំណាងរាជរដ្ឋាភិបាលកម្ពុជា។ នៅក្នុងកម្មវិធីនេះផងដែរ ក៏មានសម្តែងនូវសិល្បៈបែបបុរាណ និងសម័យ របស់ប្រទេសទាំងពីរផងដែរ។ ក្រៅពីកម្មវិធីនេះ ក៏មានកម្មវិធីជាច្រើនទៀតផងដែរ ដោយរាប់ចាប់ពីសិក្ខាសាលាវប្បធម៌នានា ការសម្តែងរបស់សិល្បករជប៉ុន និងកម្ពុជា។ អ្នកចូលរួមក៏នឹងទទួលយកនូវបទពិសោធន៍នៃទំនៀមទម្លាប់ប្រពៃណីជប៉ុននៅក្នុងពិធីបុណ្យនេះផងដែរ ដូចជាការសរសេរបំណងប្រាថ្នាលើចម្រៀកក្រដាសពណ៌ ហើយចងព្យួរនឹងមែកឫស្សី ឬស្លៀកសម្លៀកបំពាក់ប្រពៃណីជប៉ុន និងធ្វើម្ហូបជប៉ុនជាដើម។ ដូច្នេះសូមអញ្ជើញប្រជាជនដែលកំពុងរស់នៅប្រទេសកម្ពុជាទាំងអស់ ចូលរួមកម្មវិធីនេះឱ្យបានច្រើនកុះករ និងដោយសេរី ជាពិសេសប្អូនៗយុវវ័យ។ លោក Masuda Chikahiro ប្រធានទីប្រឹក្សានៃមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) បានបញ្ជាក់ប្រាប់អប្សរាថា កម្មវិធីនេះ ជាព្រឹតិ្តការណ៍ដ៏ពិសេសដែលប្រជាជនកម្ពុជា និងជប៉ុន អាចប្រារព្ធកម្មវិធីប្រពៃណី និងវប្បធម៌រួមគ្នា។ ពិធីបុណ្យនេះ មិនគ្រាន់តែជាកម្មវិធីកម្សាន្តតែប៉ុណ្ណោះទេ ប៉ុន្តែវាជាស្ពានសម្រាប់តភ្ជាប់ប្រទេសទាំងពីរ។ គួររំលឹកផងដែរថា ពិធីបុណ្យតាណាបាតា ឬពិធីបុណ្យផ្កាយ គឺជាកម្មវិធីបុណ្យប្រពៃណីជប៉ុន…

(ភ្នំពេញ)៖ នៅក្នុងកម្មវិធីជួបជុំពិភាក្សារវាងម្ចាស់រោងម៉ាស៊ីន និងសមាគមន៍ សហគមន៍ កសិករ ក្នុងការទិញលក់-អង្ករ សម្រាប់ផ្គត់ផ្គង់ទីផ្សារបរទេស កាលពីថ្ងៃទី១១ ខែកក្កដា ឆ្នាំ២០២៥ នៅសណ្ឋាគារណាហ្គាវើល ក្រុមហ៊ុន កាឡេស៉ី ហ្វូដ ឯ.ក (Qalesis Food Co.,Ltd) ដែលជាក្រុមហ៊ុនវិនិយោគរួមគ្នាដោយសហគ្រិនក្នុងស្រុក និងវិនិយោគិនសិង្ហបុរី បានបង្ហាញកិច្ចខិតខំប្រឹងប្រែងក្នុងការស្វះស្វែងរកកិច្ចសហការជាមួយក្រុមហ៊ុន និងរោងម៉ាស៊ីនកិនស្រូវនៅកម្ពុជា ដើម្បីធានាការផ្គត់ផ្គង់អង្ករ ក្នុងបរិមាណដ៏ច្រើន គឺ១០ម៉ឺនតោនក្នុង១ខែ ឬ១.២លានតោនក្នុងមួយឆ្នាំ សម្រាប់នាំចេញទៅកាន់ទីផ្សារបរទេស។ បើតាម លោក ស វាសនា នាយកក្រុមហ៊ុន កាឡេស៉ី ហ្វូដ ឯ.ក បានគូសបញ្ជាក់ពីការជួយជំរុញការនាំចេញអង្ករកម្ពុជា ដើម្បីលើកស្ទួយវិស័យកសិកម្ម ឱ្យកាន់តែរីកចម្រើន ជួយឱ្យតម្លៃកសិផលក្នុងស្រុកមានស្ថិរភាព មានលំនឹងទីផ្សារច្បាស់លាស់ និងគាំទ្រគោលនយោបាយជំរុញការនាំចេញរបស់រាជរដ្ឋាភិបាល។ លោកបញ្ជាក់បន្ថែមថា បច្ចុប្បន្ននេះក្រុមហ៊ុនលោកមានដៃគូវិនិយោគពីសិង្ហបុរី ដែលមានបទពិសោធន៍ទិញលក់ស្រូវអង្ករ ប្រមាណ ២០ឆ្នាំ មានផែនការទិញអង្ករពីកម្ពុជាចំនួន ១.២លានតោនក្នុង១ឆ្នាំ ឬ១០ម៉ឺនតោនក្នុង១ខែ សម្រាប់រយៈពេលកុងត្រា ២០ឆ្នាំ ដើម្បីនាំចេញទៅកាន់ទីផ្សារអាហ្វ្រិក និងប្រទេសដទៃទៀត។ ចំណែកប្រភេទអង្ករភាគច្រើន គឺអង្ករប្រភេទ…

(ខេត្តស្វាយរៀង)៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាអ្នកតំណាងរាស្រ្តមណ្ឌលខេត្តស្វាយរៀង បានអញ្ជើញប្រគេនទៀនព្រះវស្សាដល់ព្រះសង្ឃ ដែលគង់ចាំព្រះវស្សាអស់កាលត្រីមាស ចំនួន ២៤វត្ត នៅខេត្តស្វាយរៀង  នារសៀលថ្ងៃសៅរ៍ ២រោច ខែអាសាឍ ឆ្នាំម្សាញ់ សប្តស័ក ព.ស.២៥៦៩ ត្រូវនឹង ថ្ងៃទី១២ ខែកក្កដា ឆ្នាំ២០២៥។ តាមទំនៀមជាប្រពៃណីនៃព្រះពុទ្ធសាសនារបស់ខ្មែរ ព្រះសង្ឃគ្រប់ព្រះអង្គ គ្រប់វត្តអារាមក្នុងព្រះរាជាណាចក្រកម្ពុជា ត្រូវនិមន្តចូលកាន់ព្រះវស្សា អស់ថេរវេលា៣ខែ សព្វថ្ងៃនៅប្រទេសកម្ពុជាការចូលព្រះវស្សាមានកំណត់ត្រឹមតែ៣ខែទេ (រាប់ពីថ្ងៃ ១រោច ខែអាសាឍ ដល់ ១៥កើត ខែអស្សុជ)។ ឆ្លៀតក្នុងឱកាសនោះផងដែរ សម្តេចកិត្តិសង្គហបណ្ឌិត ក៏បានចូលរួមអបអរសាទរចំពោះ ការចុះបូជនីយដ្ឋានចងចាំនៃកម្ពុជា ពីទីតាំងឧក្រិដ្ឋកម្មមកជាមណ្ឌលផ្សះផ្សានិងសន្តិភាព ក្នុងបញ្ជីបេតិកភណ្ឌពិភពលោក របស់អង្គការយូណេស្កូ នៅទីក្រុងប៉ារីស សាធារណរដ្ឋបារាំង កាលពីថ្ងៃទី១១ ខែកក្កដាឆ្នាំ២០២៥ វេលាម៉ោង ៥:៣៥នាទីរសៀល និងវេលាម៉ោង ១០:៣៥នាទីយប់ នៅព្រះរាជាណាចក្រកម្ពុជា។ ជាការឆ្លើយតបចំពោះការអំពាវនាវរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា សម្តេចកិត្តិសង្គហបណ្ឌិតស្នើគ្រប់អង្គភាពទាំងអស់ទូទាំងខេត្ត…

កំពង់ធំ​៖តាមកម្មវិធីដែលបានគ្រោងទុក ក្រុមសមាគមគ្រូពេទ្យស្ម័គ្រចិត្ត​ខេត្តឃ្យុង​សាងប៊ុកដូ នៃសាធារណរដ្ឋកូរ៉េ នឹងបើកការពិនិត្យនិងព្យាបាលជំងឺឥតគិតថ្លៃ ជូនប្រជាពលរដ្ឋក្នុងខេត្តកំពង់ធំ ចាប់ពីថ្ងៃទី ២៥ ដល់ថ្ងៃទី ២៨ ខែ​កក្កដា ឆ្នាំ២០២៥ នៅមន្ទីរពេទ្យបង្អែកខេត្តកំពង់ធំ។សកម្មភាពនេះជាការតបនឹងកម្មវិធី “តំណាងរាស្រ្ត​ដើម្បី​សុខភាពប្រជាជន”។ មុនព្រឹត្តិការណ៍មនុស្សធម៌នេះមកដល់ កាលពីថ្ងៃទី១១ ខែកក្កដា ឆ្នាំ២០២៥នៅ​សាលប្រជុំសាលាខេត្តលោក ងួន រាសី អភិបាលរងខេត្តកំពង់ធំបានដឹកនាំកិច្ច​ប្រជុំ​ដើម្បីបែងចែកភារកិច្ចទៅដល់អង្គភាពពាក់ព័ន្ធផ្សេងៗដែលក្នុងនោះក៏មានការ​ចូល​រួម​ពីក្រុមយុវជននៃសហភាពសហព័ន្ធយុវជនកម្ពុជា (ស.ស.យ.ក.)ខេត្តផងដែរ។ទន្ទឹមនេះក៏ជំរុញឱ្យ​មានការផ្សព្វផ្សាយដល់ប្រជាពលរដ្ឋអំពីព័ត៌មាននេះ។អ្វីដែល​រដ្ឋបាលខេត្ត មន្ទីរសុខាភិបាលខេត្ត ព្រមទាំងអាជ្ញាធរ​មូលដ្ឋានចូលរួម គឺដើម្បីឱ្យ​សកម្មភាពមនុស្សធម៌ប្រព្រឹត្តទៅដោយរលូន៕ ដោយ​៖ប៊ុន​រដ្ឋា

ព្រះវិហារ៖ ប្រធានមណ្ឌលសុខភាពគូលែន បានចាត់ក្រុមគ្រូពេទ្យ ឆ្មប ទៅជួយ​សង្គ្រោះទារកដោយជួយ​សម្រាល​ដល់ស្រ្តីជាម្តាយនៅលើ​គោយន្តកន្ត្រៃនា​ដង​ផ្លូវនៃតំបន់ដាច់ស្រយាលនៅភូមិពោធិ៍រៀង ឃុំគូលែនជើង ស្រុកគូលែន ខេត្ត​ព្រះវិហារកាលពីថ្ងៃទី១០ ខែកក្កដា ឆ្នាំ២០២៥។ ប្រភពព័ត៌មានបានបញ្ជាក់ថា បន្ទាប់ពីទទួលបានសេចក្តីរាយការណ៍តាមទូរសព្ទ​ពីសមាជិកក្រុមប្រឹក្សាឃុំគូលែនជើង ថា ស្ត្រីឈ្មោះ ពៅ សារឿន វ័យ ២៩ឆ្នាំ កំពុង​ឈឺពោះសម្រាលកូននៅលើគោយន្ត ពេលកំពុងធ្វើដំណើរតាមដងផ្លូវ​ក្នុងតំបន់​ដាច់ស្រយាល ,ភ្លាមៗប្រធានមណ្ឌលសុខភាពគូលែន បានចាត់មន្ត្រីឆ្មបម្នាក់ រួមជាមួយនឹងរថយន្ត​សង្គ្រោះ​ចេញទៅជួយអន្តរាគមន៍ជាបន្ទាន់។ ខណៈទៅដល់​ភ្លាមក្រុមការងារសង្គ្រោះបានជួយសម្រាលកូននៅលើគោយន្ត ដោយសុវត្ថិភាពទាំង​ម្តាយ និងទារក ។ទារកនេះជាកូនប្រុសទី២ក្នុងគ្រួសារកសិករ។ បន្ទាប់ពីសម្រាលរួច ក្រុមគ្រូពេទ្យក៏បានបញ្ជូនម្តាយ និងកូនមកសម្រាកនៅ​មណ្ឌល​សុខភាពគូលែន ដើម្បីតាមដាន​សុខភាពបន្ត និងធានាបាននូវសុវត្ថិភាពសុខភាព៕ដោយ៖ឡុង សំបូរ