(ភ្នំពេញ)៖ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្ដុះបណ្ដាលវិជ្ជាជីវៈ បានឯកភាពជាមួយវិទ្យាស្ថានបណ្តុះបណ្តាលនិងស្រាវជ្រាវដើម្បីអភិវឌ្ឍន៍កម្ពុជា(CDRI) ដើម្បីសិក្សាស្រាវជ្រាវ និងការធ្វើបច្ចុប្បន្នភាពពីវិស័យទីផ្សារការងារ វឌ្ឍនភាពតម្រូវការជំនាញនៅលើទីផ្សារ និងការសិក្សាពីស្ថានភាពជាក់ស្ដែងទាក់ទងការអប់រំបណ្ដុះបណ្ដាលបច្ចេកទេស និងវិជ្ជាជីវៈ (TVET)។ ការលើកឡើងនេះ ក្នុងការឱកាសដែលឯកឧត្តមរដ្ឋមន្រ្តី បានអនុញ្ញាតឱ្យលោកស្រីបណ្ឌិត អេង នេត្រា នាយិកាប្រតិបត្តិវិទ្យាស្ថាន CDRI និងសហការី ចូលជួបសម្តែងការគួរសម និងពិភាក្សាការងារ នៅទីស្ដីការក្រសួងការងារ និងបណ្ដុះបណ្ដាលវិជ្ជាជីវៈ នារសៀលថ្ងៃទី២៧ ខែមិថុនា ឆ្នាំ២០២៥។ ឯកឧត្តមរដ្ឋមន្រ្តី ហេង សួរ បានមានប្រសាសន៍ថា ក្រសួងការងារ និងបណ្ដុះបណ្ដាលវិជ្ជាជីវៈ ត្រូវការធ្វើបច្ចុប្បន្នភាព និងការសិក្សាស្រាវជ្រាវពីវិស័យសំខាន់ៗដែលជាការខិតខំប្រឹងប្រែងអនុវត្តរបស់ក្រសួងនាពេលកន្លងមក ដើម្បីតម្រង់ទិសក្នុងការធ្វើផែនការបន្ទាប់ ព្រមទាំងកែសម្រួលលក្ខខណ្ឌខ្លះឱ្យស្របទៅតាមស្ថានភាពជាក់ស្ដែង។ ឯកឧត្តមរដ្ឋមន្រ្តីបានបញ្ជាក់ថា៖«ក្រសួង​ចង់ឱ្យមានការចូលរួមពី CDRI ដើម្បីសិក្សាស្រាវជ្រាវស្ថានភាពជាក់ស្ដែងនៅក្នុងកម្មវិធីអប់រំបណ្ដុះបណ្ដាលបច្ចេកទេស និងវិជ្ជាជីវៈ ព្រោះយើងត្រូវធ្វើបច្ចុប្បន្នភាព ប្រមូលទិន្នន័យថ្មីៗ ឬធ្វើការស្ទង់មតិទៅលើតម្រូវការទីផ្សារការងារ ហើយឆ្លើយតបតាមការប្រែប្រួលស្ថានភាពទីផ្សារការងារបានទាន់ពេលវេលា»។ លោកស្រីបណ្ឌិត អេង នេត្រា នាយិកាប្រតិបត្តិវិទ្យាស្ថាន CDRI បានមានប្រសាសន៍ថា វិទ្យាស្ថានចង់ឱ្យមានកិច្ចសហការជាមួយក្រសួងការងារ និងបណ្ដុះបណ្ដាលវិជ្ជាជីវៈឱ្យកាន់តែលឿនតាមដែលអាចធ្វើទៅបាន ដើម្បីក្រុមការងារចាប់ផ្ដើមក្នុងការចុះប្រមូលព័ត៌មាននៅតាមគោលដៅ…

(កំពត)៖ ដើម្បីជំរុញចលនាភូមិ១ផលិតផល១ និងផ្ដល់ឱកាសចែករំលែកផ្លាស់ប្ដូរបទពិសោធន៍រវាងអាជីវករ និងអាជីវករ បង្កើនឱកាសទីផ្សារ ភាពជាដៃគូលើវិស័យពាណិជ្ជកម្មឱ្យកាន់តែប្រសើរឡើង អាជ្ញាធរខេត្តកំពត សហការជាមួយមន្ទីរពាណិជ្ជកម្មខេត្ត បានរៀបចំពិព័រណ៍ផលិតផលសក្តានុពល “ភូមិមួយផលិតផលមួយ” រយៈពេល ៣ថ្ងៃ គឺចាប់ពីថ្ងៃទី ២៧-២៩ ខែមិថុនា ឆ្នាំ២០២៥ នៅបរិវេណផ្សារចុងសប្ដាហ៍ទីរួមខេត្តកំពត ក្រោមអធិបតីភាព លោក មឿង គង្គា អភិបាលរងខេត្ត ។ លោក មឿង គង្គា បញ្ជាក់ថា ខេត្តកំពតក្រោមការដឹកនាំដ៏ប៉ិនប្រសប់របស់ ឯកឧត្តម ម៉ៅ ធនិន តែងតែគិតគូរ និងបានដាក់ចេញនូវវិធានការណ៍ផ្សេងៗ ដើម្បីជំរុញ និងលើកកម្ពស់ផលិតផលក្នុងស្រុករបស់ប្រជាកសិករ ពិសេសលើកកម្ពស់ផលិតផលសក្តានុពលរបស់ខេត្ត។ លោក អភិបាលរងខេត្ត បន្តថា ខេត្តកំពត គឺជាខេត្តមួយដែលសំបូរទៅដោយធនធានធម្មជាតិ និងដំណាំសក្តានុពលជាច្រើនដែលមានឈ្មោះបោះសំឡេងនៅលើឆាកអន្តរជាតិ ដូច្នេះយើងទាំងអស់គ្នាត្រូវតែខិតខំថែរក្សាឱ្យបាននូវកេរ្ត៍ឈ្មោះផលិតផលខេត្ត ដោយរក្សានូវភាពស្មោះត្រង់ មិនលក់កេងបន្លំ ភូតភរកុហក់ អតិថិជន ដែលជាកត្តាធ្វើឱ្យខូចឈ្មោះផលិតរបស់ខេត្តយើង។ ឯកឧត្តម បានបន្តថា ពិព័រណ៍ក្នុងពេលនេះធ្វើឡើងក្នុងគោលបំណងផ្សព្វផ្សាយ និងជំរុញការលក់ផលិតផលសក្តានុពលរបស់ខេត្តកំពត ដល់អតិថិជនទាំងក្នុង និងក្រៅខេត្ត ដើម្បីជំរុញចលនាភូមិ១ផលិតផល១…

(បន្ទាយមានជ័យ)៖ ក្រោមការសម្របសម្រួលរបស់ឯកឧត្តម អ៊ុ រាត្រី អភិបាលខេត្តបន្ទាយមានជ័យ និងអគ្គកុងស៊ុលកម្ពុជាប្រចាំខេត្តស្រះកែវ រួមជាមួយមន្រ្តីពាក់ព័ន្ធមួយចំនួនទៀត ស្រ្តីខ្មែរ ២នាក់ដែលទាហានថៃឃាត់ខ្លួន នៅទឹកដីថៃ កាលពី២ថ្ងៃមុននោះ នៅពេលនេះត្រូវបានដោះលែងវិញហើយ នៅរសៀលថ្ងៃទី២៧ ខែមិថុនា ឆ្នាំ២០២៥ ។ ដោយមានការណែនាំជាប់ជាប្រចាំរបស់សម្តេចធិបតី ហ៊ុន ម៉ាណែត នាយករដ្ឋមន្រ្តី កម្ពុជា ឯកឧត្តម អ៊ុ រាត្រី អភិបាលខេត្តបន្ទាយមានជ័យ អាជ្ញាធរពាក់ព័ន្ធ សហការជាមួយអគ្គកុងស៊ុលកម្ពុជាប្រចាំខេត្តស្រះកែវ បានខ្នះខ្នែងយ៉ាងខ្លាំង ដើម្បីធ្វើការដោះស្រាយជាមួយភាគីថៃ រហូតពួកគេបានដោះលែងស្រ្តីទាំង២នាក់ ត្រឡប់មកវិញ ។ ស្ត្រីពិការភាពឈ្មោះ អោម វណ្ណារី អាយុ ៤៥ឆ្នាំ និងលោកស្រី ផូ ឌីណា អាយុ ៥០ឆ្នាំ ដែលអ្នកទាំង២ មានស្រុកកំណើតនៅបាត់ដំបង។ សូមបញ្ជាក់ថា ស្រ្តីខ្មែរទាំង២នាក់ ត្រូវទាហានថៃឃាត់ខ្លួន ពេលតវ៉ានៅច្រកព្រំដែនអន្ដរជាតិខ្លងលឹក ទល់មុខច្រកទ្វារអន្តរជាតិប៉ោយប៉ែត ព្រោះតែទាហានថៃ មិនព្រមបើកច្រកឲ្យចេញមកប្រទេសកម្ពុជាវិញ កាលពីល្ងាចថ្ងៃទី២៥ ខែមិថុនា ឆ្នាំ២០២៥។ យោងតាមសារព័ត៌មានថៃមួយចំនួន…

(ខេត្តព្រះវិហារ)៖ ក្តីរំភើប និងការដឹងគុណយ៉ាងជ្រាលជ្រៅពីលោកយាយ អ៊ុក រ៉េម ពលរដ្ឋម្នាក់ក្នុងចំណោមអ្នកដែលបានស្ម័គ្រចិត្តជម្លៀសខ្លួនពីតំបន់ព្រំដែនក្នុងស្រុកជាំក្សាន្ត ខេត្តព្រះវិហារ។ លោកយាយ បានកោតសរសើរការដឹកនាំដ៏ឈ្លាសវៃរបស់រាជរដ្ឋាភិបាលកម្ពុជា ព្រមទាំងការយកចិត្តទុកដាក់ខ្ពស់ចំពោះសុខទុក្ខប្រជាពលរដ្ឋ ដោយមិនទុកនរណាម្នាក់ចោលឡើយ ខណៈពេលដែលលោកយាយស្នាក់នៅបណ្ដោះអាសន្នក្នុងវត្តពោធិ៍ ៥០០០ដើម។ ការយកចិត្តទុកដាក់នេះពិតជាបានធ្វើឱ្យប្រជាពលរដ្ឋកាន់តែមានជំនឿទុកចិត្តលើការដឹកនាំរបស់រដ្ឋាភិបាល ក្នុងការការពារ និងថែរក្សាសុខសន្តិភាពជូនជាតិ និងប្រជាជន ៕ ដោយ ៖ ឡុង សំបូរ

(ខេត្តព្រះវិហារ)៖ មេបញ្ជាការតំបន់ប្រតិបត្តិការសឹករងព្រះវិហារ លោកឧត្ដមសេនីយ៍ទោ ច័ន្ទ សុភ័ក្ដ្រា បានអញ្ជើញចុះជួប សំណេះសំណាល សួរសុខទុក្ខ និងនាំយកអំណោយសប្បុរសជន ជាគ្រឿងឧបភោគ បរិភោគ និងថវិកាមួយចំនួន ផ្តល់ជូនគ្រួសារកងទ័ព ៦៥គ្រួសារ ដែលបានភៀសខ្លួនចេញពីតំបន់មានបញ្ហាប្រឈមជាមួយទហានថៃ នាថ្ងៃទី២៧ ខែមិថុនា ឆ្នាំ២០២៥ នៅទីបញ្ជាការស្រាលសមរភូមិមុខទិសអានសេះ ស្ថិតក្នុងស្រុកជាំក្សាន្ត ខេត្តព្រះវិហារ ។ គ្រួសារកងទ័ពទាំង ៦៥គ្រួសារ ត្រូវបានជម្លៀសចេញពីតំបន់ប្រឈមបញ្ហាជាមួយទាហានថៃ មកកាន់ទីដែលមានសុវត្ថិភាព និងស្វាមីរបស់ពួកគាត់ កំពុងស្ថិតនៅតំបន់ព្រំដែនកម្ពុជា-ថៃ ដើម្បីឈរជើងការពារបូរណភាពទឹកដី ការពារការឈ្លានពានទឹកដីពីសំណាក់ទាហានថៃ។ អំណោយដែលត្រូវបានចែកជូនគ្រួសារកងទ័ពទាំង ៦៥គ្រួសារ នាពេលនោះ រួមមាន ៖ មី ១កេស ទឹកត្រី ១យួរ ទឹកស៊ីអ៊ីវ ១យួរ អង្ករ ២០គីឡូក្រាម និងថវិកា ២ម៉ឺនរៀល ។ ក្រៅពីចែកអំណោយសប្បុរសជន លោកឧត្តមសេនីយ៍ទោ ច័ន្ទ សុភ័ក្ត្រា ក៏បានចែកការ៉ុង សម្រាប់ច្រកដីធ្វើលេណដ្ឋាននៅតាមផ្ទះ ដើម្បីការពារខ្លួននៅពេលដែលមានសកម្មភាព ឬសភាពការណ៍កើតឡើង ។…

(ភ្នំពេញ)៖ ឯកឧត្តមបណ្ឌិត ចន ណារិទ្ធ អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការក្រុមប្រឹក្សាជាតិគាំពារសង្គម និងឯកឧត្តម ជា សេរីវឌ្ឍ អគ្គលេខាធិការគណៈកម្មាធិការរដ្ឋាភិបាលឌីជីថល នៅរសៀលថ្ងៃទី២៧ ខែមិថុនា ឆ្នាំ២០២៥នេះ បានអញ្ជើញជាអធិបតីនិងជាហត្ថលេខីក្នុងពិធីចុះហត្ថលេខាលើ “អនុស្សរណៈនៃការយោគយល់ស្តីពីកិច្ចសហប្រតិបត្តិការដាក់ឱ្យប្រើថ្នាលផ្ទៀងផ្ទាត់ឯកសារ VERIFY.GOV.KH និងការបណ្តុះបណ្តាលជំនាញឌីជីថល” រវាងក្រុមប្រឹក្សាជាតិគាំពារសង្គម និង គណៈកម្មាធិការរដ្ឋាភិបាលឌីជីថល។ ឯកឧត្តមបណ្ឌិត ចន ណារិទ្ធ បានគូសបញ្ជាក់ថា ស្របតាមស្មារតីសមាជរដ្ឋសភា និងព្រឹទ្ធសភា នាថ្ងៃទី២ ខែមិថុនា ឆ្នាំ២០២៥ កិច្ចសហប្រតិបត្តិការក្នុងការដាក់ឱ្យប្រើថ្នាល VERIFY.GOV.KH នេះ នឹងរួមចំណែកបំពេញបន្ថែម នូវសុក្រឹតភាព និងភាពឆាប់រហ័សនៃការអនុវត្តថ្នាលគាំពារសង្គមឌីជីថលផងដែរ។ ឯកឧត្តម ជា សេរីវឌ្ឍ បានជម្រាបជូនអង្គពិធីថា កិច្ចសហប្រតិបត្តិការរវាងក្រុមប្រឹក្សាជាតិគាំពារសង្គម និង គណៈកម្មាធិការរដ្ឋាភិបាលឌីជីថល គឺជាការរួមចំណែកយ៉ាងសំខាន់ក្នុងការជំរុញនិងពន្លឿនការប្រើបច្ចេកវិទ្យាឌីជីថលជាឃ្នាស់ (Digital Enabler) សម្រាប់ការអភិវឌ្ឍនិងការធ្វើបរិវត្តកម្មឌីជីថលក្នុងវិស័យគាំពារសង្គម ដើម្បីធានាឱ្យបាននូវប្រសិទ្ធភាពនៃការធ្វើសមាហរណកម្មនិងសុខដុមនីយកម្មប្រព័ន្ធគាំពារសង្គម។ គួរបញ្ជាក់ថា ពិធីចុះអនុស្សរណៈនៃការយោគយល់នេះ ធ្វើឡើងក្នុងគោលបំណងពង្រឹង និងពង្រីកកិច្ចសហប្រតិបត្តិការ និងចូលរួមចំណែកបង្កើនប្រសិទ្ធភាព និងស័ក្តិសិទ្ធិភាពបន្ថែមទៀតនូវការជំរុញ ការធ្វើបរិវត្តកម្មឌីជីថលក្នុងប្រព័ន្ធគាំពារសង្គម…

កំពង់ចាម៖លោក ឃឹម ឈឿង ជាប្រជាជនរស់នៅក្នុងភូមិមេឃ ឃុំព្រែកកក់ ស្រុក ស្ទឹងត្រង់ ខេត្តកំពង់ចាម ។​លោកបាន​បម្រើការ​នៅក្រុមហ៊ុនចំការកៅស៊ូបឹងកេត​ក្នុងតួនាទី​ជាកម្មករចៀរជ័រអស់​រយៈពេលជាង២០ឆ្នាំ​ហើយ ។ លោកទទួលប្រាក់ចំណូលពីក្រុមហ៊ុន​ក្នុងមួយខែ បានចាប់ពី៧០ទៅ៨០ម៉ឺនរៀល​​ក្នុងនោះ​ក៏មាន​ប្រាក់​ប្រមូលផលមួយទៀតបន្ថែមពីលើប្រាក់ប្រចាំខែផងដែរ។ លោក ឃឹម ឈឿង បានប្រាប់អ្នកយកព័ត៌មានយើងថា ធ្វើការងារ​នៅក្នុងមូលដ្ឋានដែលកំពុងរស់នៅ ទោះបីបាន​ប្រាក់កម្រៃពលកម្ម​ទាបជាងធ្វើចំណាកស្រុកទៅធ្វើការជាពលករនៅក្រៅប្រទេសក្តី ប៉ុន្តែយើងបានរស់នៅជុំគ្រួសារ។លោកអាចមើលថែក្រុម​គ្រួសារ និងសប្បាយរីករាយជាមួយគ្នា។ ខុសពីការធ្វើចំណាកស្រុក​ គឺរាប់ខែ​រាប់ឆ្នាំ ទើបបាន​មកលេងផ្ទះម្តង។គ្រួសារខ្វះការជួបជុំ ខ្វះការមើល​ថែ​គ្នាទៅវិញទៅមក។ កម្មករចៀរជ័ររូបនេះបន្តថា បើនិយាយអំពីទំហំការងារជាពលករ​ចំណាកស្រុកនៅក្រៅប្រទេស និងធ្វើការងារនៅ​ក្នុងស្រុក ឬក្នុង​មូលរដ្ឋានស្រុកយើងរស់នៅ វាមិនខុសគ្នាប៉ុន្មាននោះទេ ។ ចំណាក​ស្រុកនៅ​ក្រៅប្រទេសបានកម្រៃ​ខ្ពស់​ជាងបន្តិច តែក៏ត្រូវចំណាយ​​ច្រើនទៅវិញ លើការស្នាក់នៅ ការហូបចុកជាដើម ។ទូទាត់ទៅគឺ​ប្រហាក់ប្រហែលគ្នា។លោកបានបន្ថែមថា ដូចជារូបលោកជាដើម លោកធ្វើការនៅជិតផ្ទះ ។លោកមិនចំណាយលើការស្នាក់នៅទេ។ធ្វើការនៅទីនេះ​ពេល​មានជំងឺ មានពេទ្យរបស់ក្រុមហ៊ុនព្យាបាល​ដោយមិនអស់ប្រាក់ទៀតផង។អ្វីដែលកក់ក្តៅបំផុតគឺបានរស់នៅជុំប្រពន្ធ កូន ឪពុកម្ដាយ បងប្អូន​ជាដើម។ យោងតាមការសាកសួរផ្ទាល់ ប្រភពពីកម្មករចៀរជ័រកៅស៊ូ នៅក្នុង​ក្រុមហ៊ុនចំការកៅស៊ូបឹងកេត គឺកម្មករ​ម្នាក់អាច​រកប្រាក់កម្រៃបាន​ពីការងារយ៉ាងហោចចាប់ពី៧០ម៉ឺនរៀលឡើងទៅក្នុងមួយខែ។នេះ​នៅមិនទាន់គិត​ប្រាក់​អត្ថ​ប្រយោជន៍​បន្ថែមពីក្រុមហ៊ុនទៀតផង៕ រូបភាព ៖ ជីម ភារ៉ាអត្ថបទ៖ ជាវ ចន្ធូ