(ភ្នំពេញ)៖ ឯកឧត្តម នេត្រ ភក្រ្តា រដ្ឋមន្រ្តី ក្រសួងព័ត៌មានបានថ្លែងថាការអានជាមូលដ្ឋានគ្រឹះដ៏រឹងមាំដែលផ្តល់នូវចំណេះដឹងដល់យើងក៏ដូចជាធ្វើឱ្យយើងកាន់តែមានភាពរឹងមាំនៅក្នុងសមត្ថភាពរបស់យើងនៅលើជំនាញផង និង ទៅលើចំណេះដឹងទូទៅផង។នៅពេលដែលយើងអានច្រើនគឺយើងនឹងដឹង និងចេះកាន់តែច្រើន។ ថ្លែងក្នុងពិធីបើកសម្ពោធ ពិព័រណ៍លក់សៀវភៅ Big Bad Wolf Booksដែលបានរៀបចំឡើងក្នុងផ្សាររុងរឿងស្ថិតនៅក្នុង ភូមិ គៀនឃ្លាំង សង្កាត់ ព្រែកលាប ខណ្ឌ ជ្រោយចង្វារ ក្នុងរាជធានីភ្នំពេញ នាថ្ងៃទី ២៦ ខែ មិថុនា ឆ្នាំ ២០២៦នេះ រដ្ឋមន្រ្តីក្រសួងព័ត៌មានបានឱ្យដឹងថា៖ការអានមិនត្រឹមផ្តល់ចំណេះដឹងទូលំទូលាយទេ បន្ថែមលើនេះទៀតការអានបានជួយឱ្យយើងនិយាយបានច្រើន កាន់តែល្អ ដោយមានឃ្លាមានប្រយោគ មានបែបបទនៃការនិយាយ និងការប្រើពាក្យពេចន៍បានត្រឹមត្រូវ ទៅតាមកាលៈទេសៈ ។ មិនតែប៉ុណ្ណោះការអានគឺអាចជួយដល់ការសរសេររបស់យើងឱ្យត្រូវតាមវេយ្យាការណ៍។ដូច្នេះនៅពេលយើងសរសេរសំណេរ អត្ថន័យលើអត្ថបទអ្វីមួយគឺអាចយកគន្លឹះអ្វីមួយ និងរៀបប្រើវេយ្យាករណ៍អ្វីមួយមកសរសេរអត្ថបទបានយ៉ាងល្អ។ហើយដោយសារការអានអាចជួយដល់ការស្តាប់របស់យើងដោយមិនច្រឡំអត្ថន័យ។ រដ្ឋមន្រ្តី ក្រសួងព័ត៌មាន ប្រសាសន៍ដែរថា”បើកាលណាយើងអានច្រើន យើងនឹងមានគំនិតច្រើន ហើយយើងក៏អាចបង្រួមទៅលើខ្លឹមសារថាអ្វីដែលជាមូលដ្ឋានយើងចង់ប្រាប់ និងខ្លឹមសារអ្វីល្អដែលយើងចង់និយាយ”។ ឯកឧត្តម នេត្រ ភក្រ្តា បានលើកឡើងដោយបញ្ជាក់បន្ថែមថា ការនិយាយមួយដែលពូកែ គឺយើងចាំបាច់ត្រូវឆ្លងកាត់មូលដ្ឋានច្រើន ក្នុងនេះចំណុចទី១គឺចំណេះដឹងទូលំទូលាយ ស្គាល់ប្រធានបទរបស់ខ្លួនឱ្យច្បាស់លាស់ ត្រូវមាន ទឡ្ហិករណ៍…

រដ្ឋបាលខណ្ឌមានជ័យ ដើម្បីជម្រុញការចូលរួមប្រយុទ្ធប្រឆាំងអំពើជួញដូរមនុស្ស និងអាជីវកម្មផ្លូវភេទកុមារ បានបើកវគ្គបណ្ដុះបណ្ដាលមួយ ស្ដីពីការយល់ដឹងពីអំពើជួញដូរមនុស្ស និងច្បាប់បទដ្ឋានគតិយុត្តពាក់ព័ន្ធ ដល់មន្ត្រីមានសមត្ថកិច្ច និងម្ចាស់អាជីវកម្មកម្សាន្តក្នុងមូលដ្ឋានរបស់ខ្លួន ។ សូមជម្រាបថា ការប្រឆាំងនឹងការជួញដូរមនុស្ស និងការធ្វើអាជីវកម្មផ្លូវភេទកុមារ គឺជាគោលនយោបាយដ៏សំខាន់របស់រាជរដ្ឋាភិបាលនីតិកាលទី៧ ក្នុងការបង្រ្កាប និងទប់ស្កាត់ដោយបានបង្កើតលិខិតបទដ្ឋានគតិយត្តនានា ដើម្បីគាំទ្រ និងធានានូវការអនុវត្តកិច្ចការប្រកបដោយប្រសិទ្ធភាព ។ វគ្គបណ្តុះបណ្តាលស្ដីពីការយល់ដឹងពីអំពើជួញដូរមនុស្ស និងច្បាប់បទដ្ឋានគតិយុត្តពាក់ព័ន្ធនេះ បានធ្វើឡើងពេញ១ថ្ងៃទី២៥ ខែមិថុនា ឆ្នាំ២០២៥ នៅសាលាខណ្ឌមានជ័យ ដែលអញ្ជើញចូលរួមជាអធិបតី និងបណ្តុះបណ្តាលដោយលោកឧត្តមសេនីយ៍ឯក ជីវ ផល្លី អគ្គស្នងការរង ទទួលបន្ទុកការងារប្រឆាំងការជួញដូរមនុស្ស និងការពារអនីតិជន នៃអគ្គស្នងការដ្ឋាននគរបាលជាតិ ដោយផ្ទាល់ ។ កម្មវិធីនេះ ដឹកនាំរៀបចំដោយអភិបាលរងខណ្ឌមានជ័យ លោក ញ៉ែម គឹមអាង និងសម្របសម្រួលគាំទ្រពីអង្គការ ម៉ារីស៊ី ជាអង្គការក្រៅរដ្ឋាភិបាល ដែលតែងបានចូលរួមយ៉ាងសកម្មជាមួយមន្ត្រីមានសមត្ថកិច្ចក្នុងសកម្មភាពនៃការអប់រំផ្សព្វផ្សាយ អំពីការទប់ស្កាត់ និងបង្រ្កាបអំពើជួញដូរមនុស្ស និងការធ្វើអាជីវកម្មផ្លូវភេទកុមារ នៅកម្ពុជា ។ សិក្ខាកាមដែលចូលរួមទទួលការបណ្តុះបណ្តាលក្នុងវគ្គនេះ គឺជាមន្ត្រីអនុវត្តច្បាប់នៅក្នុងរដ្ឋបាលខណ្ឌ អាជ្ញាធរមកពីតាមបណ្តាភូមិ និងរដ្ឋបាលសង្កាត់ទាំង៧ និងម្ចាស់អាជីវកម្មកន្លែងកម្សាន្តសម្រាប់មនុស្សពេញវ័យ ដូចជាអង្គសាល ឌីស្កូតែក…

(ភ្នំពេញ)៖ វគ្គបណ្តុះបណ្តាលស្តីពីកិច្ចការលេខាធិការដ្ឋានក្រុមការងាររាជរដ្ឋាភិបាលចុះមូលដ្ឋានរាជធានីភ្នំពេញ ពេញមួយថ្ងៃពេញ ដែលមានទាំងការធ្វើបទបង្ហាញ និងសួរសំណួរ ចម្លេីយ ធ្វើឱ្យមន្ត្រីដែលទទួលការបណ្តុះបណកតាលទទួលបានចំណេះដឹងជាង ៨០%។ វគ្គបណ្តុះបណ្តាលនេះបាន បិទបញ្ចប់នាល្ងាចថ្ងៃទី២៤ មិថុនាឆ្នាំ២០២៥ នៅសាលារាជធានីភ្នំពេញក្រោមអធិបតីភាព ឯកឧត្តម សក់ សេដ្ឋា ទេសដ្ឋមន្ត្រីទទួលបេសកកម្មពិសស និងជាប្រធានលេខាធិការដ្ឋានក្រុមការងាររាជរដ្ឋាភិបាល និងឯកឧត្តម កើត ឆែ អភិបាលរងរាជធានីភ្នំពេញ តំណាង ឯកឧត្តម ឃួង ស្រេង អភិបាលរាជធានីភ្នំពេញ ព្រមទាំងមានការចូលរួមពីមន្ត្រីនៅថ្នាក់ក្រោមជាតិជិត ២០០នាក់ ។ វគ្គបណ្តុះបណ្តាលបានបង្រៀនពីការចែករំលែក តួនាទី ភារកិច្ចមន្ត្រីក្រុមការងាររាជរដ្ឋាភិបាលចុះមូលដ្ឋានរាជធានី ការរៀបចំវេទិកាសាធារណៈ រៀបចំទម្រង់របាយការណ៍អំពីសកម្មភាពការងារចុះមូលដ្ឋានរាជធានីជាដើម ។ ឯកឧត្តម សក់ សេដ្ឋា បានមានប្រសាសន៍ថា ៖ ការរៀបចំឱ្យមានវគ្គបណ្តុះបណ្តាលនេះឡើង គឺដើម្បីពង្រឹងសមត្ថភាព ដល់មន្ត្រីលេខាធិការដ្ឋានក្រុមការងាររាជរដ្ឋាភិបាលចុះមូលដ្ឋានរាជធានី ពាក់ព័ន្ធនឹងតួនាទី ភារកិច្ច របៀបរបបការងាររបស់លេខាធិការដ្ឋានក្រុមការងាររាជរដ្ឋាភិបាលចុះមូលដ្ឋាន និងការរៀបចំរបាយការណ៍បូកសរុបលទ្ធផលការងារចុះមូលដ្ឋានឱ្យបានត្រឹមត្រូវ និងមានគុណភាព កាន់តែល្អប្រសើរជាងមុន ។ ឯកឧត្តម សក់ សេដ្ឋា បានបន្តថា ៖…

(ភ្នំពេញ)៖ គណៈកម្មការរៀបចំការប្រឡងប្រជែង នឹងរៀបចំការប្រឡងប្រជែងជ្រើសរើស «មន្រ្តីការទូតជាន់ខ្ពស់» ក្របខណ្ឌប្រភេទ «ក» ចំនួន ៥០នាក់ ឱ្យចូលបម្រើការងារក្នុងក្របខណ្ឌក្រសួងការបរទេស និងសហប្រតិបត្តិការអន្តរជាតិ។ ⏱️កាលបរិច្ឆេទចុះឈ្មោះប្រឡងប្រជែង និងការដាក់ពាក្យ៖ ចាប់ពីថ្ងៃទី២០ ខែមិថុនា ឆ្នាំ២០២៥ រហូតដល់ថ្ងៃទី១៩ ខែកក្កដា ឆ្នាំ២០២៥ វេលាម៉ោង ១៧:០០នាទី ជាកំហិត។ សម្រាប់ព័ត៌មានបន្ថែមសូមធ្វើការទំនាក់ទំនងតាមរយៈទូរស័ព្ទ និងប្រព័ន្ធ Telegram ០៩៥ ៤២១ ៥៧១, ០១៥ ៩០២ ៥៤៣, ០៩៦ ៩៣៣ ៣៤៤១ នៅរៀងរាល់ថ្ងៃធ្វើការ។ ដើម្បីទទួលបានព័ត៌មានថ្មីៗពាក់ព័ន្ធនឹងការប្រឡង សូមភ្ជាប់ជាមួយបណ្តាញផ្សព្វផ្សាយផ្លូវការនានារបស់ក្រសួងមុខងារសាធារណៈ តាមតំណមានជូនភ្ជាប់ខាងក្រោម៖បណ្តាញផ្សព្វផ្សាយឈ្មោះ «ក្រសួងមុខងារសាធារណៈ»១.Telegram (https://t.me/mcsgovkh)២.Facebook (https://www.facebook.com/CivilServiceCambodia)បណ្តាញផ្សព្វផ្សាយឈ្មោះ «ព័ត៌មានមុខងារសាធារណៈ»១.Telegram (https://t.me/CivilServiceNews31)២.Facebook (https://www.facebook.com/Civil.Service.News) ដោយ ៖ ង៉ាន់ ទិត្យ

(ភ្នំពេញ)៖ ក្រុមហ៊ុន Musk (Cambodia) Import Export Co., Ltd ប្រភេទកែឆ្នៃស្បែកគោ ស្ថិតនៅភូមិកណ្ដាល ឃុំតាំងសំរោង ស្រុកភ្នំស្រួច ខេត្តកំពង់ស្ពឺ ត្រូវបានរកឃើញបានបំពុលបរិស្ថាន បង្កឡើងដោយការបញ្ចេញសំណល់រាវ និងការគ្រប់គ្រងបរិស្ថាន មិនបានត្រឹមត្រូវតាមបទដ្ឋានបច្ចេកទេសនិងច្បាប់របស់កម្ពុជា។ យោងតាមការចុះពិនិត្យផ្ទាល់របស់ក្រុមការងារក្រសួងបរិស្ថាន សហការជាមួយមន្ទីរបរិស្ថានខេត្តកំពង់ស្ពឺ និងអាជ្ញាធរមូលដ្ឋាន នៅថ្ងៃទី១៩ ខែមិថុនា ឆ្នាំ២០២៥ ស្ថានភាពជុំវិញក្រុមហ៊ុន ក្រុមការងារបានរកឃើញមានស្លាកស្នាមទឹកហូរចេញពីទីតាំងក្រុមហ៊ុន ដែលក្រុមហ៊ុនបានបូមសំណល់រាវស្រោចលើដីវាលទំនាបពាសវាល ពាសកាល។ លើសពីនេះ ក្រុមការងារបានពិនិត្យឃើញមានសំណល់រាវ (សំណល់រាវចាស់) ដក់នៅខាងក្រោយស្រះស្ដុក សំណល់រាវរបស់ក្រុមហ៊ុន មានក្លិនស្អុយ និងមានជាតិប្រេងខ្លាញ់អណ្ដែតជាច្រើននិងធ្វើឱ្យដើមឈើមួយចំនួនងាប់។ ក្រុមការងារបានយកសំណាកសំណល់រាវ ចេញពីទីតាំងនោះបានធ្វើតេស្ត COD=137.4mg/L (ស្តង់ដារ 60mg/L) ក្រុមការងារបានបន្ដពិនិត្យឃើញមានបំពង់ទុយោចំនួនពីរ ដែលក្រុមហ៊ុនប្រើប្រាស់សម្រាប់បង្ហូរសំណល់រាវចេញពីទីតាំងក្រុមហ៊ុន បង្ហូរចូលដីស្រែជាប់នឹងក្រុមហ៊ុន និងឃើញមានទឹកដក់ពណ៌ខ្មៅ និងមានក្លិនស្អុយ ដោយបានយកសំណាកទឹកចំនួន ១សំណាកធ្វើតេស្ដ និងរកឃើញCODលើសកម្រិតម៉ាស៊ីនតេស្ដបឋម >10000mg/L។ ក្នុងពេលជាមួយគ្នា ក្រុមការងារបានចុះពិនិត្យស្ថានភាពទឹកស្ទឹងព្រៃរមៀត ដែលស្ថិតនៅខាងខ្សែទឹកខាងលើទីតាំងក្រុមហ៊ុន ចម្ងាយប្រមាណ ២០០ម៉ែត្រពីទីតាំងក្រុមហ៊ុន ឃើញថាទឹកមានសភាពធម្មតា ពុំមានក្លិនស្អុយនោះទេ។…

បន្ទាយមានជ័យ ៖លោកជំទាវ ជូ ប៊ុនអេង រដ្ឋលេខាធិការក្រសួង​មហាផ្ទៃ និងនិងជាអនុប្រធានអចិន្ត្រៃយ៍ គណៈកម្មា​ធិការជាតិ​ប្រយុទ្ធប្រឆាំងអំពើជួញដូរមនុស្ស (គ.ជ.ប.ជ)ឯកឧត្តម អ៊ុ រាត្រី អភិបាលខេត្តបន្ទាយមានជ័យកាលពី​ថ្ងៃ​ទី១៨ ខែមិថុនា ឆ្នាំ២០២៥ បានអញ្ជើញជួបសំណេះសំណាលជាមួយពលករខ្មែរដែលវិលត្រឡប់មកពី​ប្រទេស​ថៃ​​នៅទីតាំងមណ្ឌលសំចតនៅច្រកទ្វារអន្តរជាតិ​ប៉ោយប៉ែត។ នៅមណ្ឌលសំចតដែលរៀបចំដោយរដ្ឋបាលខេត្ត លោកជំទាវ ជូ ប៊ុនអេង បានលើកឡើងថា កាលពីថ្ងៃទី១៦ ខែ​មិថុនា សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានណែនាំទៅឯកឧត្តម​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសកម្ពុជា និងសារពិសេសសម្តេចតេជោ ហ៊ុន សែន ប្រធានព្រឹទ្ធសភាបាន​ប្រាប់ទៅស្ថាន​កុងស៊ុល​កម្ពុជានៅប្រទេសថៃ ឱ្យជួយសម្រួលឯកសារ​នានាដែលពលករខ្មែរខ្វះខាតសម្រាប់ឆ្លងដែនមកកម្ពុជា។ សូមជម្រាបថា នៅច្រកទ្វារអន្តរជាតិប៉ោយប៉ែត និងច្រកទ្វារព្រំដែន​ស្ទឹងបត់ អាជ្ញាធរខេត្ត និងក្រុមការងារក្រសួង​ការងារ និងបណ្តុះ​បណ្តាល​​វិជ្ជាជីវៈ បានប្រចាំការរង់ចាំទទួលស្វាគមន៍ប្រជាពលរដ្ឋ និងពលករខ្មែរដែល​ត្រឡប់​មកពីប្រទេសថៃវិញ។ ចំពោះ​បងប្អូនពលករដែលវិលត្រឡប់មក​ប្រទេសកម្ពុជា ទោះជា​គ្មានឯកសារគ្រប់គ្រាន់ក៏ដោយតាមបទបញ្ជា និង​សាររបស់សម្តេច​ទាំងទ្វេ ក្រុមការងារបានត្រៀមលក្ខណៈសម្រួលឯកសារនានា មានផ្តល់អាហារបណ្តោះអាសន្ន រយ:ពេលវែង កន្លែងទទួលសមរម្យ និងរថយន្តជួយដឹកជញ្ជូនបងប្អូនត្រឡប់ទៅស្រុកកំណើតវិញផងដែរ។ លើសពីនេះក្រសួងការងារ និងបណ្ដុះបណ្ដាលវិជ្ជាជីវៈ ក៏បានត្រៀម​ផ្ដល់​ការងារថ្មីនៅក្នុងស្រុក និងផ្ដល់ការ​បណ្ដុះ​បណ្ដាលជំនាញ​បច្ចេកទេស និងវិជ្ជាជីវៈមួយច្បាស់លាស់ផងដែរ៕ដោយ៖ឃិន…