សៀមរាប៖កាលពីព្រឹកថ្ងៃទី១២ ខែមិថុនា ឆ្នាំ២០២៥ នៅទីស្នាក់ការ​សាខាកាកបាទក្រហមកម្ពុជាខេត្តសៀមរាប បានរៀបចំពិធីសូត្រមន្ត និងប្រគេនទេយ្យទានដល់ព្រះសង្ឃក្នុងឱកាសព្រះរាជពិធីចម្រើនព្រះជន្មវស្សា សម្តេចព្រះ​មហាក្សត្រី នរោត្តម មុនិនាថ សីហនុ ព្រះវររាជ​មាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា គម្រប់ខួប ៨៩ ព្រះវស្សាយាងចូល៩០ ព្រះវស្សានៅថ្ងៃទី១៨ ខែមិថុនា ខាងមុខ ។ ពិធីនេះមានព្រះវត្តមាននិមន្តពីសម្តេចព្រះព្រហ្មរតនមុនី ពិន សែម សិរីសុវណ្ណោ អ្នកឧកញ៉ា បណ្ឌិត សៀង ណាំ ប្រធានកិត្តិយស​គណៈកម្មាធិការសាខា និងជាតំណាងរាស្ត្រមណ្ឌលខេត្តសៀមរាប នឯកឧត្តម ប្រាក់ សោភ័ណ ប្រធានគណៈកម្មាធិការសាខា និងជាអភិបាលខេត្តសៀមរាប ព្រមទាំងមន្រ្តីរាជការចំណុះរដ្ឋបាល​ខេត្ត​យ៉ាងច្រើន​កុះករ៕ ដោយ៖​ប៊ុន ​រដ្ឋា

(ភ្នំពេញ)៖ ក្រសួងប្រៃសណីយ៍និងទូរគមនាគមន៍ (ក.ប.ទ.) មានកិត្តិយសសូមជម្រាបជូនក្រុមហ៊ុនបច្ចេកវិទ្យាឌីជីថល បណ្តាក្រុមហ៊ុន សហគ្រាសធុនមីក្រូ តូច និងមធ្យម ធុរកិច្ចថ្មីគ្រប់វិស័យ គ្រឹះស្ថានអប់រំស្រាវជ្រាវ អង្គការសង្គមស៊ីវិល ដៃគូអភិវឌ្ឍន៍ អ្នកវិជ្ជាជីវៈឌីជីថល សិស្សនិស្សិត(“ភាគីពាក់ព័ន្ធ”)ទាំងអស់ និងសាធារណជន មេត្តាជ្រាបអំពីវឌ្ឍនភាពនៃការរៀបចំ “យុទ្ធសាស្ត្រជាតិស្តីពីបញ្ញាសិប្បនិម្មិត” ដូចខាងក្រោម៖ បន្ទាប់ពីសិក្ខាសាលាពិនិត្យស៊ីជម្រៅនាថ្ងៃទី៧-៨ ខែមេសា ឆ្នាំ២០២៥ ក្រុមការងាររបស់ ក.ប.ទ. បានកែសម្រួលសេចក្តីព្រាងយុទ្ធសាស្ត្រជាតិស្តីពីបញ្ញាសិប្បនិម្មិតនិងបានផ្ញើសេចក្តីព្រាងដែលបានកែសម្រួល ជូនក្រសួង ស្ថាប័នពិនិត្យនិងផ្តល់យោបល់ ព្រមទាំងបានរៀបចំកិច្ចប្រជុំពិគ្រោះយោបល់ជាមួយក្រសួង ស្ថាប័នជាទ្វេភាគីនិងពហុភាគីសរុបចំនួន ១០លើក ចាប់ពីថ្ងៃទី៩ ដល់ថ្ងៃទី២០ ខែឧសភា ឆ្នាំ២០២៥ ជាលទ្ធផលក្រសួង ស្ថាប័នជាច្រើនបានលើកមតិគាំទ្រនិងផ្តល់មតិយោបល់ល្អៗលើសេចក្តីព្រាងនេះ។ ជាជំហានបន្ទាប់ ក.ប.ទ. នឹងបន្តរៀបចំកិច្ចប្រជុំពិគ្រោះយោបល់ជាមួយក្រុមហ៊ុនបច្ចេកវិទ្យាឌីជីថល តំណាងវិស័យឯកជន គ្រឹះស្ថានអប់រំស្រាវជ្រាវ អង្គការសង្គមស៊ីវិល និងដៃគូអភិវឌ្ឍន៍ក្នុងសប្តាហ៍ទី៣ ខែមិថុនា ឆ្នាំ២០២៥ ហើយនឹងរៀបចំសិក្ខាសាលាថ្នាក់ជាតិស្តីពីសេចក្តីព្រាងយុទ្ធសាស្ត្រជាតិស្តីពីបញ្ញាសិប្បនិម្មិត នៅសប្តាហ៍ទី១ ខែកក្កដា ឆ្នាំ២០២៥។ ដើម្បីប្រមូលធាតុចូលឱ្យបានកាន់តែទូលំទូលាយពីភាគីពាក់ព័ន្ធ សំដៅធ្វើឱ្យសេចក្តីព្រាងយុទ្ធសាស្ត្រជាតិស្តីពីបញ្ញាសិប្បនិម្មិតក្លាយទៅជាឯកសារថ្នាក់ជាតិដ៏ពេញលេញ ក.ប.ទ សូមបើកការពិគ្រោះយោបល់លើសេចក្ដីព្រាងយុទ្ធសាស្ត្រជាតិស្តីពីបញ្ញាសិប្បនិម្មិត ចាប់ពីថ្ងៃជូនដំណឹងនេះ រហូតដល់ថ្ងៃទី២០ ខែមិថុនា…

(ភ្នំពេញ)៖ ក្រសួងប្រៃសណីយ៍និងទូរគមនាគមន៍ ជូនដំណឹងដល់ ម្ចាស់ ឬតំណាងក្រុមហ៊ុន សហគ្រាស និងសាខាក្រុមហ៊ុនបរទេស ទាំងអស់ជ្រាបថា រាល់ក្រុមហ៊ុនដែលមានបំណងបង្កើតនិងធ្វើអាជីវកម្មមជ្ឈមណ្ឌលទិន្នន័យជូនអតិថិជន ដែលផ្ដល់សេវាកម្មមានជាអាទិ៍ ១-ការរក្សាទុកទិន្នន័យ ការបង្ហោះគេហទំព័រ និង/ឬអ៊ីម៉ែល ២-ការជួលទីតាំង និង/ឬម៉ាស៊ីនមេ ៣-ការថែទាំសុសវែរ និង/ឬគ្រឿងសម្ភារៈបរិក្ខារកុំព្យូទ័ររបស់អតិថិជនដែលដាក់ឱ្យដំណើរការនៅក្នុងមជ្ឈមណ្ឌលទិន្នន័យ ៤-ការការពារនិងរក្សាសុវត្ថិភាពទិន្នន័យនៅក្នុងមជ្ឈមណ្ឌលទិន្នន័យ ៥-ការផ្ដល់សេវាបច្ចេកវិទ្យាក្លោដ រួមមាន សេវាហេដ្ឋារចនាសម្ព័ន្ធ (Infrastructure as a Service – IaaS) សេវាសម្រាប់ការអភិវឌ្ឍនិងដំណើរការសុសវែរ (Platform as a Service – PaaS) និងសេវាសម្រាប់ការប្រើប្រាស់សុសវែរ (Software as a Service – SaaS) ត្រូវស្នើសុំអាជ្ញាបណ្ណការបង្កើតនិងធ្វើអាជីវកម្មមជ្ឈមណ្ឌលទិន្នន័យពី ក.ប.ទ.។ កន្លងមក ក.ប.ទ. តែងតែផ្សព្វផ្សាយជាប្រចាំដល់ក្រុមហ៊ុន សហគ្រាស និងសាខាក្រុមហ៊ុនបរទេស ដែលកំពុងប្រតិបត្តិការផ្ដល់សេវាកម្មលើមជ្ឈមណ្ឌលទិន្នន័យ ដោយពុំមានការអនុញ្ញាត និងមានបំណងបង្កើតនិងធ្វើអាជីវកម្មមជ្ឈមណ្ឌលទិន្នន័យ ឱ្យមកដាក់ពាក្យស្នើសុំការអនុញ្ញាតបំពេញប្រតិបត្តិការពី ក.ប.ទ. ស្របតាមបទប្បញ្ញត្តិជាធរមាន។ យោងតាមមាត្រា៥…

(ភ្នំពេញ)៖ឧបករណ៍នេសាទល្មើសច្បាប់ក្នុងនោះរួមមានទាំងស្បែមុង របាំងព្រួល បង្រ្គោលចម្រឹង ត្រូវបានបង្រ្កាបនៅស្រុក ពោធិ៍រៀង ក្នុង ខេត្តព្រៃវែង។នេះជាការ​ចុះបង្រ្កាបដើម្បីអភិរក្សពូជត្រី និងក៏ដូចជាកិច្ចការពារជីវចម្រុះសត្វក្នុងទឹកដើម្បី​សំដៅធ្វើយ៉ាងណាឱ្យមានសម្បូរបែបចៀសវាងការបំផ្លាញដោយជនល្មើសនេសាទខុសច្បាប់។ បើតាមក្រសួងក្រសួងកសិកម្មរុក្ខាប្រមាញ់ និងនេសាទបានឱ្យដឹងថាកា​របង្រ្កាប​នេះ​ធ្វើឡើងដោយ ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម រុក្ខា​ប្រមាញ់ និងនេសាទ ដោយកាលពីថ្ងៃទី១១ ខែមិថុនា ឆ្នាំ២០២៥ បានដឹកនាំ​ក្រុម​ការងារ​បាន ចុះស្រាវជ្រាវ ត្រួតពិនិត្យ ទប់ស្កាត់ និងបង្ក្រាបបទល្មើសជល​ផល នៅក្នុងភូមិសាស្ត្រសង្កាត់កំពង់លាវ ក្រុងព្រៃវែង និងឃុំព្រែកជ្រៃ ស្រុក​ពោធិ៍រៀង ខេត្តព្រៃវែង។ ប្រភពខាងលើនេះបានបញ្ជាក់ថាជាលទ្ធផលនៃការបង្រ្កាបនេះ សរុបមានចំនួន ២ករណី ដែលជាការនេសាទដោយប្រើប្រាស់ឧបករណ៍ស្បៃមុង ។ ជាមួយគ្នា​នោះ​ឧបករណ៍នេសាទល្មើសច្បាប់ ត្រូវបានរុះរើបំផ្លាញចោលនៅនឹងកន្លែង​នេសាទ រួមមាន៖ លូស្បៃមុងចំនួន ៤៣មាត់ របាំងព្រួលស្បៃមុងប្រវែង ១ ៨៦០ម៉ែត្រ បង្គោលចម្រឹងចំនួន៦២៥ដើម និងបានចាក់លែងត្រីចម្រុះចូល​ទៅក្នុងបឹងធម្មជាតិវិញទម្ងន់ ២០គីឡូក្រាម និងវារីសត្វ១០គីឡូក្រាម ៕ ដោយ ៖ ម៉ាដេប៉ូ

(ភ្នំពេញ)៖ ម្ចាស់មកុដ Miss Cosmo Cambodia 2025 កញ្ញា ផន ស្រីពី កំពុងតែធ្វើឱ្យមានការចាប់អារម្មណ៍យ៉ាងខ្លាំងទាំងក្នុងកម្មវិធីប្រកួត និងម៉ូដសម្លៀកបំពាក់ ដែលទទួលបានការគាំទ្រ និង ចាប់អារម្មណ៍យ៉ាងខ្លាំងជាបន្តបន្ទាប់ពីសំណាក់ទស្សនិកជន ។ ទោះបីពេលនេះនាងមិនទាន់ឈានជើងឡើងលើឆាក Miss Cosmo International ក៏ពិតមែន ប៉ុន្តែកញ្ញា ស្រីពី កំពុងតែទទួលបានការចាប់អារម្មណ៍ និងការកោតសរសើរពីអ្នកគាំទ្រយ៉ាងខ្លាំងក្លាទូទាំងប្រទេសកម្ពុជា និងក្រៅប្រទេស ។ បន្ទាប់ពីជោគជ័យក្រោយពិធីឡើងគ្រងរាជ្យ កញ្ញាផន ស្រីពី ត្រូវបានគេអញ្ជើញឱ្យបង្ហាញខ្លួនជាតារាបង្ហាញម៉ូដដ៏លេចធ្លោ ដោយទទួលបានតួនាទីដ៏ល្បីល្បាញជាមុខមាត់ដំបូង និងជាវីដេតក្នុងកម្មវិធីបង្ហាញម៉ូដជាច្រើន ។ ក្នុងចំណោមនោះក៏មានការអញ្ជើញដែលបានរំពឹងទុកយ៉ាងខ្លាំងទៅកាន់កម្មវិធី MOON FASHION SHOW, Vietnam International Fashion Week 2025, និង Cosmo Carnival ដ៏រស់រវើកដោយធនាគារ NAM A BANK ផងដែរ។ ក្នុងកម្មវិធី Vietnam International Fashion Week…

កំពង់ធំ៖ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ​សឹករងកំពង់ធំ កាលពីថ្ងៃទី៩ ខែមិថុនា ឆ្នាំ​២០២៥​ប្រជុំផ្សព្វ​ផ្សាយ​សភាពការណ៍ថ្មីៗ នៅតាមព្រំដែនកម្ពុជា-ថៃ ។ ក្នុងឱកាសនេះលោកឧត្តមសេនីយ៍ បានពន្យល់​អំពីការកែសម្រួល​កម្លាំងទ័ពនៅក្នុងតំបន់​មានជម្លោះដែលបានការស្រុះស្រួលគ្នារវាង​មេបញ្ជាការកងទ័ពទាំងពីរប្រទេស ដើម្បីបញ្ជៀសសង្គ្រាមបង្ហូរ​ឈាមជាទ្រង់ទ្រាយធំ តែមិនមែនជាការដកកង​ទ័ព​ចេញពីដែន​អធិបតេយ្យភាពរបស់កម្ពុជាឡើយ។ ឧត្តមសេនីយ៍ទោ សោម ស៊ុន បានបញ្ជាក់ថា ត្រូវជឿជាក់លើការដឹកនាំ​របស់​សម្ដេចតេជោ ហ៊ុន សែន និង សម្ដេចធិបតី ហ៊ុន ម៉ាណែត ជាប្រមុខរាជរដ្ឋាភិបាល ។កងកម្លាំងនៃបញ្ជាការ​ដ្ឋានតំបន់​ប្រតិបត្តិការ​សឹករងកំពង់ធំ ត្រូវត្រៀមខ្លួននិងមធ្យោបាយ​គ្រប់គ្រាន់ ដើម្បីអនុវត្ត​តាមបទបញ្ជារបស់ថ្នាក់ដឹកនាំគ្រប់លំដាប់​ថ្នាក់​នៃកងយោធពល​ខេមរភូមិន្ទ ក្នុងបុព្វហេតុការពារជាតិ និងការពារ​បូរណ​ភាពទឹកដីមិន​ឱ្យសត្រូវសៀម​មករំលោភ​ឈ្លានពានបានឡើយ៕ ដោយ៖ ប៊ុន រដ្ឋា

សៀមរាប​៖នៅស្រុកក្រឡាញ់ ខេត្តសៀមរាប អាជ្ញាធរមូលដ្ឋាន និងមន្ត្រីជំនាញ បានអំពាវនាវដល់ប្រជាពលរដ្ឋ ដែល​ជាម្ចាស់ ឬកាន់កាប់ក្បាលដីមក​ពិនិត្យផ្ទៀងផ្ទាត់ឯកសារដីរបស់ខ្លួន ឱ្យបានត្រឹមត្រូវ ដើម្បីទទួលបានបណ្ណកម្ម​សិទ្ធិ​សម្គាល់ម្ចាស់​អចលនវត្ថុ។ បច្ចុប្បន្ននៅស្រុកក្រឡាញ់ការចុះបញ្ជីដីមានលក្ខណៈជាប្រព័ន្ធបានជំរុញអនុវត្តលើក្បាលដីចំនួន ៥ ៣៤០ ក្នុង​ភូមិចំនួន ៧ របស់​ឃុំ​ស្រណាល រួមមាន ភូមិល្ហុង ភូមិគោកត្រុំ ភូមិរំដេង ភូមិគំរូ ភូមិគោក​ចាស់ ភូមិផ្លាំង និងភូមិ​គោកត្នោត។ ការបិទផ្សាយឯកសារ​វិនិច្ឆ័យ​ត្រូវបានបើកឡើង ចាប់ពីថ្ងៃទី១០ ដល់ថ្ងៃទី២៤ ខែមិថុនា ឆ្នាំ២០២៥ នៅវត្តបូទុម្មរតនញ្ញាណ (វត្តស្រណាល) ក្នុងឃុំស្រណាល ស្រុកក្រឡាញ់ ។ លោក ប៉ាន់ សារេត សមាជិកក្រុមប្រឹក្សាស្រុក បានអំពាវនាវដល់​ប្រជាពលរដ្ឋ ម្ចាស់ដី អង្គភាព និងស្ថាប័ន​ពាក់ព័ន្ធ​ទាំងអស់ ចូលរួម​ពិនិត្យឯកសារទាំងនេះ ដើម្បីធានាបាននូវភាពត្រឹមត្រូវទាំងផ្នែក​បច្ចេកទេស និងផ្នែកច្បាប់ មុននឹង​ចេញបណ្ណកម្មសិទ្ធិ។ លោក ហេង គឹមចុង អភិបាលរងស្រុកក្រឡាញ់ បានបញ្ជាក់ថា ការចុះបញ្ជីដីនេះ គឺមានគោលបំណង​ផ្តល់​អត្តសញ្ញាណច្បាស់​លាស់ដល់ម្ចាស់ដី ដើម្បីអាចប្រើប្រាស់ក្នុងការរកប្រាក់ចំណូល ដូចជា ដាក់បញ្ចាំ…