កំពង់ចាម៖លោកឧត្តមសេនីយ៍ទោ ហេង វុទ្ធី ស្នងការនគរបាល​ខេត្ត​កំពង់ចាម កាលពីព្រឹកថ្ងៃទី៩ ខែមិថុនា បានត្រួតពិនិត្យ​កងកម្លាំង​នៃស្នងការដ្ឋាននគរបាលខេត្តកំពង់ចាម ដែលតែងតែប្រារព្ធឡើងជា​រៀងរាល់ព្រឹកថ្ងៃចន្ទ ។ ក្នុងឱកាសលោកស្នងការ ក៏បាននាំយកអនុសាសន៍ ដ៏ដូចជាបទបញ្ជា​ដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការ​នគរបាលជាតិ មកផ្សព្វផ្សាយដល់គ្រប់កងកម្លាំងទាំងអស់ ត្រូវត្រៀម​លក្ខណៈសម្បត្តិ ទាំងកម្លាំង និងសម្ភារៈ មធ្យោបាយ ២៤លើ២៤​ម៉ោង ដើម្បីធានាបាននូវការចូលរួមការពារ រក្សាសន្តិសុខ សណ្តាប់​ធ្នាប់​​សាធារណៈ និងសុវត្ថិភាពសង្គមជាតិទាំងមូល ។ ជាមួយគ្នានេះ គ្រប់កងកម្លាំង ទាំងអស់ ទាំងថ្នាក់ខេត្ត រហូតដល់​ថ្នាក់មូលដ្ឋានត្រូវប្រកាន់ភ្ជាប់ និងអនុវត្តឱ្យ​បាន​ម៉ឺងម៉ាត់ចំពោះ​ការគោរពវិន័យកងកម្លាំងនគរបាលជាតិ និងការបង្កើនប្រសិទ្ធភាព​ដឹកនាំតាមជំនាញនីមួយៗ ប្រកបដោយស្មារតីទទួលខុសត្រូវ៕ ដោយ៖លី ពៅ

(ភ្នំពេញ)៖ គិតរហូតមកដល់ពេលនេះដំណើរការជួសជុសស្ពានហាលខាងកើតរបស់ប្រាសាទបេងមាលា ក្នុងខេត្តសៀមរាប បានសម្រេចលទ្ធផលប្រមាណ៩០ភាគរយហើយ។នេះបើតាមការឱ្យដឹងពីសំណាក់អាជ្ញាធរជាតិអប្សរា ។ អាជ្ញាធរជាតិអប្សរាបានឱ្យដឹងនៅថ្ងៃទី០៩ ខែមិថុនា ឆ្នាំ២០២៥នេះថា ក្រុមការងារជំនាញបានពង្រឹងគ្រឹះរួចរាល់នៅផ្នែកខាងជើង និងខាងត្បូង រៀបកម្រាលដេញពីលិចទៅកើត ដំឡើងបង្កាន់ដៃនាគ តួខ្លួននាគ ក្បាលនាគចំនួន៣ ជើងទម្រនាគ ធ្នឹម និងសសរសងខាងស្ពាននៅផ្នែកខាងជើង និងត្បូងជិតរួចរាល់ផងដែរ ។ ទាក់ទិនក្នុងរឿងនេះ អ្នកស្រី បឿត សុប៉ាក បុគ្គលិកបច្ចេកទេសនាយកដ្ឋានអភិរក្សប្រាសាទ និងបុរាណវិទ្យា បានឱ្យដឹងថា រយៈពេលជាង១៤ខែមកនេះ ក្រុមអ្នកជំនាញអាជ្ញាធរជាតិអប្សរា បានជួយសង្គ្រោះរចនាសម្ពន្ធជាច្រើនកន្លែងរបស់ស្ពានហាលខាងកើតនៃប្រាសាទបេងមាលាដែលធ្លាប់តែទ្រុឌទ្រោមខ្លាំង ឱ្យរឹងមាំឡើងវិញ ។ អ្នកស្រី បឿត សុប៉ាក បញ្ជាក់ទៀតថា បច្ចុប្បន្ន ការជួសជុលនៅផ្នែកខាងជើងរបស់ស្ពានហាលខាងកើតនៃប្រាសាទបេងមាលាសម្រេចបានប្រមាណជាង ៩០ភាគរយ ដែលនៅសេសសល់ តែការងារខ្លះ ដូចជា ពង្រឹងគ្រឹះនៅផ្នែកខាងកើត ដំឡើងក្បាលនាគ១ទៀត និងកម្រាលនៅផ្នែកគល់ស្ពានខាងកើតប៉ុណ្ណោះ។ អ្នកស្រីថាកាលពីមិនទាន់ជួសជុល ស្ពានហាលខាងកើតរបស់ប្រាសាទបេងមាលា មានស្ថានភាពទ្រុឌទ្រោមខ្លាំង ដោយខ្លួននាគបានរលុះធ្លាក់អស់ ផ្នែកខ្លះនៃគ្រឹះស្ពានបានស្រុត និងមានឬសឈើដុះចាក់ចូលបង្កឱ្យរងការខូចខាត។ បន្ថែមលើនេះ ដោយសារតែកត្តាអាយុកាលនៃសំណង់ ព្រមទាំងកត្តាធម្មជាតិបានធ្វើឱ្យរចនាសម្ពន្ធស្ពានហាលនេះមានសភាពទ្រុឌទ្រោមខ្លាំង។ គួរបញ្ជាក់ថា ក្រុមការងារ…

មូស្គូ ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានហៅអ៊ុយក្រែនជាពួកភេរវករ និង បានច្រានចោលសំណើរបស់អ៊ុយក្រែន សម្រាប់បទឈប់បាញ់ ឬកិច្ចប្រជុំកំពូលណាមួយ ដោយលោកបានចោទជាសំណួរថាតើនរណានឹងចរចាជាមួយអ្នកដែលពឹងផ្អែកលើអំពើភេរវកម្ម។ លោក វ្ល៉ាឌីមៀ មេដឌីនស្គី ដែលដឹកនាំគណៈប្រតិភូរុស្ស៊ីទៅចរចាជាមួយអ៊ុយក្រែន បានប្រាប់លោក ពូទីន តាមអ៊ីនធឺណិតថា ភាគីអ៊ុយក្រែនស្នើបទឈប់បាញ់ដោយគ្មានលក្ខខណ្ឌ ៣០ថ្ងៃ ឬ ៦០ថ្ងៃ ដើម្បីរៀបចំកិច្ចប្រជុំកំពូលរវាងលោក ពូទីន និងលោក ហ្សេលេនស្គី។ ឆ្លើយតបភ្លាមៗ លោក ពូទីន បានអះអាងថា បទឈប់បាញ់ណាមួយ គឺប្រៀបដូចទុកពេលឲ្យលោកខាងលិចដឹកជញ្ជូនជំនួយយោធាទៅឲ្យអ៊ុយក្រែន ដើម្បីរៀបចំអំពើភេរវកម្មផ្សេងទៀត។ លោក ពូទីន បានហៅការបំផ្ទុះស្ពាននៅតំបន់ Bryansk និង Kursk ភាគខាងលិចនៃប្រទេសរុស្ស៊ីកាលពីចុងសប្តាហ៍មុន ដែលបណ្តាលឲ្យមនុស្ស ៧នាក់ស្លាប់ ននិងជាច្រើននាក់ទៀតរងរបួស គឺជាការវាយប្រហាររបស់ពួកភេរវជនអ៊ុយក្រែន។ កន្លងមក លោក ពូទីន ក៏បានច្រានចោលការជួបផ្ទាល់ជាមួយលោក ហ្សេលេនស្គី ផងដែរ ដោយលោកបាននិយាយថា គាត់ជាប្រធានាធិបតីមិនស្របច្បាប់ ដែលបានផុតអាណត្តិ។ ហើយឥឡូវនេះ…

ភ្នំពេញ៖ស្ថានទូតបារំាងប្រចាំកម្ពុជាកាលពីថ្ងៃទី៥ ខែមិថុនា ឆ្នាំ​២០២៥​​​បានរៀបចំទិវាអតីតនិស្សិតកម្ពុជាដែល​ធ្លាប់សិក្សានៅ​ប្រទេសបារាំង ឬតាម​បណ្តាគ្រឹះ ស្ថាន ឧត្តមសិក្សាបារាំង ក្រោម​ប្រធាន​បទ «អ្នកមានទេពកោសល្យ​ដើម្បីផ្លាស់ប្តូរពិភពលោក» ដោយមានអ្នកចូលរួមជាង៦០០នាក់។។​ «ភូមិអតីតនិស្សិត» មួយត្រូវបានរៀបចំឡើង​ជាពិសេសនៅក្នុងបរិវេណស្ថានទូត ដើម្បី​សម្រួលដល់ការពិភាក្សា​ផ្លាស់ប្តូរយោបល់បើកចក្ខុវិស័យ​ការងារ និងពង្រឹង​បណ្តាញអតីតនិស្សិតកម្ពុជា​មកពីបារាំង ដែលបច្ចុប្បន្នមាន​សមាជិកជាង១ ២០០នាក់។ យោងតាមសេចក្តីប្រកាសព័ត៌មានរបស់ស្ថានទូតបារាំងប្រចាំកម្ពុជានៅថ្ងៃទី៦ ខែមិថុនា គោលដៅសំខាន់នៃ​ពិធីជួបជុំប្រចាំឆ្នាំខាងលើ គឺដើម្បី​ពង្រឹងចំណងទាក់​ទងរវាង​អតីតនិស្សិតកម្ពុជា ដែលទទួលបាន​សញ្ញាបត្រពី​ប្រទេសបារាំង ជាមួយជ័យលាភីអាហារូបករណ៍បារាំង France Excellence ដែលនឹងចាកចេញទៅក្នុងពេលខាង​មុខ ក៏ដូចជាភ្ជាប់ទំនាក់ទំនងជាមួយក្រុមហ៊ុន អង្គការក្រៅរដ្ឋាភិបាល និងស្ថាប័នដៃគូផ្សេងៗ។ព្រឹត្តិការណ៍នេះឆ្លុះបញ្ចាំងឱ្យឃើញពី​ឱកាសសិក្សា និងការងារ ដែល​ទទួលបានពីការសិក្សា​នៅប្រទេស​បារាំង ក៏ដូចជាតម្លៃបន្ថែមនៃ​ភាសាបារាំងនៅលើទីផ្សារការងារនៅកម្ពុជា។ ព្រឹត្តិការណនេះជាការរៀបចំឡើងរួមគ្នាជាមួយសភាពាណិជ្ជកម្ម និងឧស្សាហកម្មបារាំង-កម្ពុជា ដោយមានការ​ដាក់បង្ហាញ​ស្តង់​ចំនួន៣០ ដែលជាលំហសន្ទនាដ៏រីករាយអំពីឱកាសការងារ ការចងក្រងបណ្តាញ និងកិច្ចសហ​ប្រតិបត្តិការក្នុងវិស័យ​សំខាន់ៗ​ដូចជាវិស្វកម្ម សុខាភិបាល សេដ្ឋកិច្ច នីតិសាស្រ្ត និងបច្ចេកវិទ្យាថ្មីៗ។ ការជួបជុំនេះ​ទទួល​បាន ការគាំទ្រពីសភាពាណិជ្ជកម្ម និងឧស្សាហកម្ម​បារាំង-កម្ពុជា និងសមាជិក ក្រសួងអប់រំ យុវជន និងកីឡា ព្រមទាំង​ដៃគូឧបត្ថម្ភ រួមមានអង្គការ France Volontaires ក្រុមហ៊ុន​អាកាសយានដ្ឋានកម្ពុជា ហាងសម្ភារៈ​កីឡាដេកាត្លុង សណ្ឋាគារ Sofitel…