កំពង់ធំ៖លោកស្រី លំ គន្ធារី អភិបាលរងខេត្តកំពង់ធំ បានអំពាវនាវ​ឱ្យស្ត្រីក្លាយជាអ្នករឹងមាំ និងមានសេដ្ឋកិច្ចក្នុងដៃ ដោយលោកស្រីបាន​បញ្ជាក់ថា ស្ត្រីដែលមានសមត្ថភាពផ្ទាល់ខ្លួនក្នុងវិស័យសេដ្ឋកិច្ច គឺជាកត្តាសំខាន់មួយ ដែលអាច​ជួយកាត់បន្ថយអំពើហិង្សាក្នុងគ្រួសារ។ លោកស្រីបានថ្លែងបែបនេះកាលពីរសៀលថ្ងៃទី៤ ខែមិថុនា ឆ្នាំ​២០២៥ ក្នុងកម្មវិធី “កិច្ចប្រជុំក្រុមការងារ​ឆ្លើយតប​ជាពហុវិស័យ​ចំពោះអំពើហិង្សាទាក់ទងនឹងយេនឌ័រ” នៅមន្ទីរកិច្ចការនារីខេត្ត​កំពង់ធំ។ លោកស្រីបានបន្តដោយជំរុញការលើកកម្ពស់យេនឌ័រ ។លោកស្រី​បញ្ជាក់​ថា ការលើកកម្ពស់យេនឌ័រ​មិនត្រឹមតែជាការ​ផ្ដល់សិទ្ធិ និងការគាំទ្រដល់ស្ត្រីនិងកុមារីប៉ុណ្ណោះទេ ប៉ុន្តែជាសកម្មភាពដ៏សំខាន់​សម្រាប់ការការពារ និងជួយសង្រ្គោះ​ជន​រងគ្រោះពីអំពើហិង្សានានា។ ដោយឡែកក្រុមការងារពហុវិស័យ ៧ ស្រុក ត្រូវបន្តយកចិត្តទុកដាក់​ខ្ពស់ ក្នុងការអនុវត្ត​អន្តរាគមន៍ និងឆ្លើយតបនឹងករណីអំពើហិង្សានៅ​មូលដ្ឋាន។ លោកស្រីបានបន្ថែមថា រដ្ឋាភិបាលកម្ពុជាបានយកចិត្តទុកដាក់​ចំពោះជនរងគ្រោះ តាមរយៈការបង្កើត “គណៈមេធាវី​សម្ដេច​តេជោ” នៅក្រោមក្រុមប្រឹក្សាជាតិកម្ពុជាដើម្បីស្ត្រី ដែលផ្ដល់ជំនួយផ្នែក​ច្បាប់ឥតគិតថ្លៃ ដល់ស្ត្រីនិងកុមារី​ដែល​រងអំពើហិង្សា។ លោកស្រីបានលើកទឹកចិត្តថា ស្ត្រីត្រូវពង្រឹងសមត្ថភាពផ្ទាល់ខ្លួន​តាមរយៈការកសាងជីវភាព ស្វែងរកចំណូល និងមាន​សេដ្ឋកិច្ច​គ្រប់គ្រាន់សម្រាប់ជីវិតប្រចាំថ្ងៃ ព្រោះយ៉ាងហោចណាស់ វានឹងជួយកាត់បន្ថយការពឹងផ្អែក និងអាចជាជំហាន​ដំបូងក្នុងការ​បញ្ចប់អំពើហិង្សាផងដែរ។ ចំណែកលោកស្រី ស៊ិន ស៊ីផាន ប្រធានមន្ទីរកិច្ចការនារីខេត្តកំពង់ធំ ក៏បានអះអាងពីសារៈសំខាន់នៃក្រុមការងារ​ឆ្លើយតបជាពហុវិស័យ ៧ ស្រុកក្នុងខេត្ត ដែលមានភារកិច្ចជាក់លាក់ និងតួនាទីចម្បងសម្រាប់ការ​សម្របសម្រួល ការផ្ដល់សេវា និងការជួយសង្រ្គោះជនរងគ្រោះ។ លោកស្រីក៏បានអំពាវនាវឲ្យក្រុមការងារបន្តខិតខំលើកកម្ពស់យេនឌ័រ ដើម្បីការពារស្ត្រីនិងកុមារីពីការរំលោភបំពាន…

សៀមរាប៖នៅខេត្តសៀមរាប មន្ទីរសុខាភិបាលខេត្តបានប្រកាសថា ជំងឺគ្រុនឈាមកំពុងរីករាលដាលយ៉ាងគួរឱ្យបារម្ភ ខណៈត្រឹមសប្ដាហ៍ទី២២ នៃឆ្នាំ២០២៥នេះ មានករណីឆ្លងជំងឺគ្រុនឈាមសរុបចំនួន ១.០៥០ ករណី ។ចំនួននេះ​បង្ហាញ​ថា គួរឱ្យបារម្ភ។ លោកវេជ្ជបណ្ឌិត សូរ សុទ្ធី ប្រធានការិយាល័យបង្ការ និងគ្រប់គ្រងជំងឺនៃមន្ទីរសុខាភិបាលខេត្តសៀមរាប បានឱ្យដឹង​ថាក្នុងសប្ដាហ៍នេះភាគច្រើននៃអ្នកឆ្លងជំងឺគ្រុនឈាម គឺជាកុមារ ខណៈដែលមនុស្សចាស់មានប្រហែល៥ ភាគរយ ប៉ុណ្ណោះ។អ្នកជំងឺទាំងនេះកំពុងសម្រាកព្យាបាលនៅមន្ទីរពេទ្យជាច្រើនក្នុងខេត្តសៀមរាប រួមមាន​មន្ទីរពេទ្យបង្អែក​ខេត្ត​សៀមរាប, មន្ទីរពេទ្យគន្ធបុប្ផា, មន្ទីរពេទ្យជ័យវ្ម័នទី៧, មន្ទីរពេទ្យកុមារអង្គរ និងមន្ទីរពេទ្យស្រុកនានា។អ្នកជំងឺមាន​​មក​ពីខេត្តនានាដូចជា ខេត្តកំពង់ធំ, បន្ទាយមានជ័យ, បាត់ដំបង, ព្រះវិហារ, ឧត្តរមានជ័យ និងខេត្តសៀមរាបខ្លួនឯងផ្ទាល់។ របាយការណ៍របស់មន្ទីរសុខាភិបាលខេត្តបានបង្ហាញថា គិតត្រឹមសប្ដាហ៍ទី២២នៃឆ្នាំ២០២៥ មានអ្នកជំងឺ​និងសម្រាក​ព្យាបាលជំងឺចំនួន១.០៥០នាក់ ក្នុងនេះសម្រាកព្យាបាលនៅមន្ទីរពេទ្យបង្អែកខេត្តសៀមរាបចំនួន ២០ នាក់,មន្ទីរ​ពេទ្យ​គន្ធបុប្ផាចំនួន ៧៧០ នាក់,មន្ទីរពេទ្យកុមារអង្គរចំនួន ១៥៨ នាក់,មន្ទីរពេទ្យស្រុកអង្គរជុំចំនួន ៩៥ នាក់និង​មន្ទីរពេទ្យស្រុកសូទ្រនិគមចំនួន ៧ នាក់។ករណីនេះដែរបានសម្លាប់កុមារចំនួន ២ នាក់ ដែលមក​ពីខេត្តបាត់ដំបង និងខេត្តកំពង់ធំ។ ករណីជំងឺគ្រុនឈាមបានកើនឡើងចាប់តាំងពីសប្ដាហ៍ដំបូងនៃខែមករា ឆ្នាំ២០២៥ ។បើតាមលោកវេជ្ជបណ្ឌិត សូរ សុទ្ធី អះអាងថា…

(ខេត្តបន្ទាយមានជ័យ)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ អមដំណើរដោយ ឯកឧត្តម ប្លែក វ៉ារី ប្រធានក្រុមប្រឹក្សាខេត្ត ឯកឧត្តម អ៊ុ រាត្រី អភិបាលខេត្តបន្ទាយមានជ័យ នៅរសៀលថ្ងៃទី៤ ខែមិថុនា ឆ្នាំ២០២៥ បានអញ្ជើញជួបសំណេះសំណាល និងចែកអំណោយមនុស្សធម៌ ជូនប្រជាជនងាយរងគ្រោះចំនួន៣០០គ្រួសារ នៅក្រុងសិរីសោភ័ណ ខេត្តបន្ទាយមានជ័យ ។ ឯកឧត្តមរដ្ឋមន្ត្រី បានពាំនាំនូវការសួរសុខទុក្ខ និងក្តីនឹករលឹកពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនដល់ពូ មីងចាស់ជរា និងបានរៀបចំអំណោយជួយគាំទ្រ ដោយមិនទុកនរណាម្នាក់ចោលនោះឡើយ។ ឯកឧត្តមរដ្ឋមន្រ្តី បានកោតសរសើរនូវការខិតខំប្រឹងប្រែងរបស់ថ្នាក់ដឹកនាំ និងសហការីសាខាកាកបាទក្រហម ជាពិសេសប្អូនៗយុវជននៅតាមភូមិ-ឃុំ និងលើកទឹកចិត្តបន្តចលនានេះឱ្យបានជាប់លាប់គ្រប់ទីកន្លែង សំដៅលើកកម្ពស់ជីវភាព និងការរស់នៅឱ្យបានល្អប្រសើរ។ជាទីបញ្ចប់ ឯកឧត្តមរដ្ឋមន្ត្រី បានផ្តាំផ្ញើដល់អង្គពិធីត្រូវថែរក្សាសុខភាពឱ្យបានល្អ រក្សាអនាម័យក្នុងការរស់នៅស្អាត និងក្លាយជាប្រជាពលរដ្ឋល្អក្នុងសង្គម៕ ប្រភព ៖ ក្រសួងកសិកម្ម

(ខេត្តបន្ទាយមានជ័យ)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ អមដំណើរដោយ ឯកឧត្តម ប្លែក វ៉ារី ប្រធានក្រុមប្រឹក្សាខេត្ត ឯកឧត្តម អ៊ុ រាត្រី អភិបាលខេត្ត កាលពីថ្ងៃទី៤ ខែមិថុនា ឆ្នាំ២០២៥ បានអញ្ជើញចុះចែកអំណោយមនុស្សធម៌កាកបាទក្រហម នៅស្រុកព្រះនេត្រព្រះ ខេត្តបន្ទាយមានជ័យ។ ឯកឧត្តមរដ្ឋមន្ត្រី បានសម្តែងការស្វាគមន៍យ៉ាងកក់ក្តៅ និងកោតសរសើរនូវការខិតខំយកចិត្តទុកដាក់ក្នុងការជួយដល់បងប្អូនដែលមានការលំបាក រងគ្រោះដោយការខ្វះខាត និងជួបគ្រោះមហន្តរាយផ្សេងៗដូចជា គ្រោះទឹកជំនន់ រាំងស្ងួត ខ្យល់កន្ត្រាក់ និងភ្លើងឆេះជាដើម។ ឯកឧត្តមរដ្ឋមន្ត្រី បានបន្ថែមថា ក្រោមការដឹកនាំរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានគិតគូរយកចិត្តទុកដាក់បង្កើតជាបណ្តាញសាខារហូតដល់ភូមិ ជាពិសេសមានយុវជន និងសកម្មជន ដើម្បីកំណត់ជនងាយរងគ្រោះ និងជួយបានទាន់ពេលវេលា ក្នុងការទទួលបាននូវអំណោយ និងភោគផលនៃសុខសន្តិភាព ដោយរាជរដ្ឋាភិបាលនឹងមិនទុកនរណាម្នាក់ចោលឡើយ។ ឯកឧត្តមរដ្ឋមន្ត្រី បាននាំយកនូវអំណោយជាថវិកា អង្ករ សម្ភារៈប្រើប្រាស់ និងគ្រឿងឧបភោគ បរិភោគមួយចំនួន…

កំពង់ចាម៖អភិបាលខេត្តកំពង់ចាម ឯកឧត្តម អ៊ុន ចាន់ដា នៅសាលា​ខេត្តកំពង់ចាមកាលពីថ្ងៃទី២ ខែមិថុនា ឆ្នាំ២០២៥​ បានអញ្ជើញ​ប្រគល់ រថយន្តពន្លត់អគ្គិភ័យចំនួនបីគ្រឿង ជូនប៉ុស្តិ៍នគរបាលរដ្ឋបាល ក្នុងស្រុកកំពង់សៀម និងស្រុក​កោះ​សូទិន នៃស្នងការដ្ឋាន​នគរបាល​ខេត្តកំពង់ចាមសម្រាប់បំពេញភារកិច្ចឱ្យមានប្រសិទ្ធភាពនិងទាន់ពេលវេលា។ ឯកឧត្តមអភិបាលខេត្តកំពង់ចាមបានបញ្ជាក់ថា រថយន្តពន្លត់អគ្គិភ័យ​ទាំង​នេះ ជាអំណោយរបស់ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី ប្រធានក្រុមការងាររាជរដ្ឋាភិបាលចុះមូលដ្ឋាន​ខេត្តកំពង់ចាម តាមរយៈឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ក្នុងនោះពីរគ្រឿងប្រគល់ជូនប៉ុស្តិ៍នគរបាល​រដ្ឋបាលកោះរការ និងប៉ុស្តិ៍ រដ្ឋបាលកោះសំរោង នៃអធិការដ្ឋាន​នគរបាល​ស្រុកកំពង់សៀម និងមួយគ្រឿងទៀត ប្រគល់ជូនប៉ុស្តិ៍ នគរបាលរដ្ឋបាល​កោះសូទិន នៃអធិការដ្ឋាននគរបាលស្រុក​កោះ​សូទិន​ ។ លោកវរៈសេនីយ៍ឯក យ៉ន ឌីន នាយការិយាល័យនគរបាលបង្ការ​ពន្លត់អគ្គិភ័យ និង សង្គ្រោះនៃស្នងការដ្ឋាន​នគរបាល​ខេត្តកំពង់ចាម បានឱ្យដឹងថា ខេត្តកំពង់ចាម មានរថយន្តពន្លត់អគ្គិភ័យចំនួន​១៧​គ្រឿង (រថយន្តស្ទូច ១គ្រឿង) ក្នុង​នោះស្នងការដ្ឋាននគបាល​ខេត្ត​ចំនួនបួនគ្រឿង ,អធិការដ្ឋាននគរបាលស្រុកបាធាយ ពីរគ្រឿង ,ស្រុកស្រីសន្ធរពីរគ្រឿង, ស្រុកព្រៃឈរពីរគ្រឿង និងនៅតាមបណ្តា​ក្រុងស្រុកទាំងប្រាំពីរទៀតមានរថយន្តពន្លត់អគ្គិភ័យមួយគ្រឿងៗដូចគ្នា។ដោយឡែកថ្ងៃនេះស្នងការដ្ឋានទទួលបានរថយន្តពន្លត់អគ្គិភ័យ​ចំនួនបីគ្រឿងបន្ថែម ៕ដោយ៖លី ពៅ

ស្ទឹងត្រែង៖ឯកឧត្តម សរ សុពុត្រា អភិបាលខេត្តស្ទឹងត្រែងបានលើក​ឡើងថា បញ្ហាគ្រឿងញៀនគឺជាបញ្ហាសកល ដែល​យើង​​ទាំងអស់គ្នា​មានកាតព្វកិច្ចក្នុងការចូលរួមដោះស្រាយនិងទទួលខុសត្រូវ និងទាម​ទារ​នូវកិច្ចសហប្រតិបត្តិការយ៉ាងជិត​ស្និទ្ធតាមគ្រប់រូបភាព ដោយមិន​ត្រូវ​សាចទឹកដាក់គ្នានោះឡើយ។ ឯកឧត្តមអភិបាលខេត្តបានថ្លែងបែបនេះកាលពីថ្ងៃទី២ ខែមិថុនា ក្នុងឱកាសដឹកនាំកិច្ចប្រជុំត្រួតពិនិត្យវឌ្ឍន​ភាពការងារ​របស់​គណៈកម្មាធិការត្រួតពិនិត្យគ្រឿងញៀនខេត្តស្ទឹងត្រែង និង​ផ្សព្វផ្សាយផែនការយុទ្ធនាការប្រយុទ្ធប្រឆាំង​គ្រឿងញៀន​ខុសច្បាប់លើកទី១០ ក្នុងខេត្តដែលនៅសាលាខេត្តស្ទឹងត្រែង។ អភិបាលខេត្តស្ទឹងត្រែងបានបន្តថា បច្ចុប្បន្នក្រុមសង្គមងងឹតមាន​ការវិវឌ្ឍទាំងសម្ភារៈ មធ្យោបាយ និងគំនិតថ្មីៗ ដែល​ទាមទាឱ្យមន្ត្រី​អនុវត្តច្បាប់ទាំងអស់ត្រូវតែមានការបត់បែនឱ្យលឿនជាងក្រុមពួកសង្គមងងឹតទាំងនោះ។ ដោយ៖ ឡុង សំបូរ

បន្ទាយមានជ័យ៖គម្រោងកែលម្អការតភ្ជាប់ផ្លូវជនបទ(RRCIP) និងការ​ស្នើសុំផ្តល់ កិច្ចសហការដល់​ដំណើរការ​សិក្សា​ប្លង់លម្អិតផ្លូវ​ចំនួន ៦ខ្សែក្នុងខេត្តបន្ទាយមានជ័យ ត្រូវបានលើកយកមកប្រជុំ​ផ្សព្វផ្សាយកាលពីរសៀលថ្ងៃទី២ ខែមិថុនា នៅសាលប្រជុំសាលា​ខេត្តក្រោមវត្តមានឯកឧត្តម លី ណារុន រដ្ឋលេខាធិការ​ក្រសួង​អភិវឌ្ឍន៍ជនបទ និងជានាយករង​គម្រោងកែលម្អការ​តភ្ជាប់ផ្លូវជនបទ​និងឯកឧត្តម អ៊ុ រាត្រី អភិបាលខេត្តបន្ទាយមានជ័យ ។ គម្រោងកសាងផ្លូវនេះស្ថិតក្នុងក្របខ័ណ្ឌហិរញ្ញប្បទានរបស់ទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA)។ ក្រសួងអភិវឌ្ឍន៍ជនបទបានជ្រើសរើសខ្សែផ្លូវក្នុង​ខេត្តបន្ទាយមានជ័យ​ចំនួន ៦ខ្សែ ប្រវែងសរុបជាង១៣០​គីឡូម៉ែត្រ។ជាផ្លូវត្រូវកែលម្អលើ​កម្រិត​គុណភាពផ្លូវទៅជាក្រាលកៅស៊ូពីរជាន់ ឬកម្រាលបេតុងដែល​គ្រោងសាងសង់​នៅក្នុង​ឆ្នាំ២០២៦ខាងមុខ ។បច្ចុប្បន្នផ្លូវទាំង៦​ខ្សែនេះ កំពុងស្ថិតក្នុងដំណាក់កាលសិក្សាគ្រោងប្លង់ បច្ចេកទេសលម្អិត​ដោយ​ក្រុមហ៊ុនទីប្រឹក្សាបច្ចេកទេស Nippon Koei។ សូមបញ្ជាក់ថា គម្រោងផ្លូវទាំង៦ខ្សែ រួមមាន៖ ១.ផ្លូវបាល័ង្គជ្រៃ (ស្រុកមង្គលបូរី-ស្រុកម៉ាឡៃ)ប្រវែង ២៤,១០គីឡូម៉ែត្រ មានទទឹង៨ម៉ែត្រ, ២.ផ្លូវស្ពានស្រែ (ភ្នំស្រុក-ព្រះនេត្រព្រះ) ប្រវែង ២៤គីឡូម៉ែត្រ ទទឹង៨ម៉ែត្រ, ៣.ផ្លូវតាភូ (ស្រុកភ្នំ​ស្រុក-ព្រះនេត្រព្រះ) ប្រវែង២៩គីឡូម៉ែត្រ ទទឹង៨ម៉ែត្រ, ៤-ផ្លូវតែហាំង (ឃុំស្វាយចេក) ប្រវែង ២៥គីឡូម៉ែត្រ ទទឹង៨ម៉ែត្រ, ៥.ផ្លូវស្រែល្អ (ថ្មពួក)ប្រវែង១៨គីឡូម៉ែត្រ ទទឹង៨ម៉ែត្រនិង៦.ផ្លូវរលួស-ភូមិថ្មី (ស្វាយចេក-ថ្មពួក) ប្រវែង១៤គីឡូម៉ែត្រ ទទឹង៨ម៉ែត្រ ៕ ដោយ៖ឃិន…