កំពង់ចាម៖កាលពីព្រឹកថ្ងៃសុក្រទី៣០ ខែឧសភា ឆ្នាំ២០២៥ឯកឧត្តម អ៊ុន ចាន់ដា អភិបាលខេត្ត និងជាប្រធានគណៈ​កម្មាធិការសាខាកាក​បាទក្រហមកម្ពុជាខេត្តកំពង់ចាមបានអញ្ជើញប្រគល់ផ្ទះមនុស្សធម៌កាកបាទក្រហមកម្ពុជានិងអំណោយជូនគ្រួសារក្រីក្រឈ្មោះព្រំ ស្រឿន អាយុ៤៥ឆ្នាំ មានកូន៤នាក់( ស្រី១នាក់) និងគ្រួសារក្រីក្រ សរុប​ចំនួន​១១គ្រួសារ នៅភូមិជើងដឹក ឃុំប្រាំយ៉ាម ស្រុកស្រីសន្ធរ ខេត្តកំពង់ចាម ។ ពិធីនេះមានការអញ្ជើញចូលរួមពីឯកឧត្តម លោកជំទាវអភិបាលរង​ខេត្ត ប្រធានមន្ទីរជំនាញពាក់ព័ន្ធ និងសមាជិកគណៈ​កម្មាធិការកាក​បាទក្រហមកម្ពុជាខេត្ត ស្រុក និងវត្តមានព្រះអនុគណស្រុក ព្រះចៅ​អធិការវត្ត ព្រមទាំងមេឃុំ មេភូមិផង​ដែរ៕ ដោយ៖លី ពៅ

(ព្រៃវែង)៖ ក្រសួងការងារ និងបណ្ដុះបណ្ដាលវិជ្ជាជីវៈ បានសហការជាមួយមន្ទីរការងារ និងបណ្តុះបណ្តាលវិជ្ជាជីវៈខេត្តព្រៃវែង បានចុះផ្សព្វផ្សាយ និងចងបដាស្តីពីការបង្ការ និងទប់ស្កាត់ការប្រើប្រាស់ពលកម្មកុមារនៅតាមសហគ្រាស គ្រឹះស្ថានផលិតឥដ្ឋ ក្បឿង និងកសិ-ឧស្សាហកម្មដល់ទីតាំង ដើម្បីលើកកម្ពស់ការចូលរួម ការយល់ដឹង និងសហការអនុវត្តច្បាប់ពីគ្រប់ភាគីពាក់ព័ន្ធនឹងការប្រឆាំងពលកម្មកុមារ ជាពិសេសនៅវិស័យសិប្បកម្មផលិតឥដ្ឋ ក្បឿង និងកសិ-ឧស្សាហកម្ម។ ពិធីផ្សព្វផ្សាយបានធ្វើឡើងដោយមានការចូលរួមពីម្ចាស់សហគ្រាស បងប្អូនកម្មករនិយោជិត អាណាព្យាបាល និងអាជ្ញាធរពាក់ព័ន្ធ។ ជាមួយគ្នានេះ មន្ត្រីជំនាញរបស់ក្រសួងការងារ ក៏បានបន្តជំរុញ និងលើកទឹកចិត្តដល់អាជ្ញាធរមូលដ្ឋាន និងសហគមន៍នៃសិប្បកម្មផលិតឥដ្ឋ ក្បឿង និងកសិ-ឧស្សាហកម្ម ចូលរួមទប់ស្កាត់ និងលុបបំបាត់រាល់ទម្រង់ទាសភាព ទម្រង់ធ្ងន់ធ្ងរនៃពលកម្មកុមារ និងការងារប្រកបដោយគ្រោះថ្នាក់។ ទន្ទឹមនឹងនេះ មន្ត្រីជំនាញក៏បានអំពាវនាវដល់គ្រប់ភាគីពាក់ព័ន្ធរួមគ្នាប្តេជ្ញាបញ្ចប់រាល់ទម្រង់ធ្ងន់ធ្ងរនៃពលកម្មកុមារ និងរាយការណ៍រហ័សតាមរយៈ Hotline ១២៩៧ ឬ ១២៨៦ ក្នុងករណីការប្រើប្រាស់រាល់ទម្រង់ធ្ងន់ធ្ងរនៃពលកម្មកុមារ៕ ដោយ ៖ ង៉ាន់ ទិត្យ

បន្ទាយមានជ័យ៖ក្រសួងផែនការ និងកម្មវិធីអភិវឌ្ឍន៍សហប្រជាជាតិ កាលពីថ្ងៃទី២៨ ខែឧសភា បានរៀបចំពិធីចែក​កញ្ចប់​មាន់នៃគម្រោង​ពន្លឿន​ការស្ដារឡើងវិញនូវជីវភាពរស់នៅ និងភាពធន់របស់គ្រួសារ​ងាយ​រងគ្រោះក្រោយវិបត្តិកូវីដ-១៩​ជូនគ្រួសារក្រីក្រចំនួន ៣៨៦​គ្រួសារ រស់នៅភូមិចំនួន ៨ ក្នុងឃុំអូរស្រឡៅ ស្រុកម៉ាឡៃ ខេត្តបន្ទាយ​មានជ័យ​ ។ ពិធីនេះបានប្រព្រឹត្តទៅនៅបរិវេណរោងចក្រដែកភូមិកណ្ដោល ឃុំអូរ​ស្រឡៅ ស្រុកម៉ាឡៃ ក្រោមវត្តមានលោក កែវ អ៊ូលី ប្រធាននាយកដ្ឋាន​អត្តសញ្ញាណកម្មគ្រួសារក្រីក្រ នៃក្រសួង​ផែនការ,លោកស្រី មាស ម៉ៅ តំណាងកម្មវិធីអភិវឌ្ឍន៍​សហប្រជាជាតិ(UNDP) លោក សិ ឈុនលេង អនុប្រធានមន្ទីរ​ផែនការខេត្តបន្ទាយមានជ័យ លោក ង៉ឹប ប្រុស សមាជិក​ក្រុមប្រឹក្សាឃុំអូរស្រឡៅ។ លោកស្រី មាស ម៉ៅ តំណាងកម្មវិធីអភិវឌ្ឍន៍សហប្រជាជាតិ​បាន​បញ្ជាក់ថា កញ្ចប់មាន់ជូនគ្រួសារក្រីក្រ នៃគម្រោងពន្លឿន​ការស្ដារ​ឡើងវិញនូវជីវភាពរស់នៅ និងភាពធន់របស់គ្រួសារងាយ​រងគ្រោះ​ក្រោយវិបត្តិកូវីដ-១៩ ក្នុងស្រុកម៉ាឡៃនាថ្ងៃនេះ ក្រោមការឧបត្ថម្ភពី​រដ្ឋាភិបាលសាធារណរដ្ឋប្រជាមានិតចិន។ក្នុងមួយគ្រួសារ ទទួលបាន​មាន់ចំនួន ២០ក្បាល៕ដោយ៖ឃិន គន្ធា

កំពង់ចាម៖ឯកឧត្តម ខ្លូត ផន ប្រធានក្រុមប្រឹក្សាខេត្ត ឯកឧត្តម អ៊ុន ចាន់ដា ប្រធានគណៈកម្មាធិការសាខាអាណត្តិទី៥ និងជាអភិបាល​ខេត្ត បានអញ្ជើញចូលរួម​ជាក្នុងពិធីអបអសាទរសន្និបាតអាណត្តិទី៦ (២០២៥-២០៣០) របស់​គណៈ​កម្មាធិការសាខកាកបាទក្រហម​កម្ពុជាខេត្តកំពង់ចាម ក្រោមអធិបតីភាពលោកជំទាវ ពុំ ចន្ទីនី អគ្គលេខាធិការកាក​បាទ​ក្រហមកម្ពុជា និងដោយមានការចូលរួមពី​សមាជិក-សមាជិកាពេញសិទ្ធិ មន្ត្រីបច្ចេកទេសទីស្នាក់ការកណ្តាល ក្រុមប្រតិបត្តិ​សាខា យុវជននិងអ្នកស្ម័គ្រចិត្តកាកបាទក្រហមកម្ពុជា អ្នកអង្កេតការណ៍តាមមន្ទីរ អង្គភាពនានា ភ្ញៀវកិត្តិយស និងអាជីវករ​សរុបចំនួន ៥០៨នាក់ ក្នុងនោះមានសមាជិកពេញសិទ្ធិបោះឆ្នោត​ចំនួន ៨៨រូប។ គោលបំណងសំខាន់នៃសន្និបាតនេះគឺ៖១- ពិនិត្យ និងអនុម័ត​របាយការណ៍​សកម្មភាពការងារ ក្នុងអាណត្តិទី៥ និងផែន​ការទិសដៅ​អាណត្តិទី៦(២០២៥-២០៣០) និងពិនិត្យនិងអនុម័តរបាយការណ៍​ហិរញ្ញវត្ថុក្នុងអាណត្តិទី៥ និងផែនការ​ទិសដៅអាណត្តិទី៦ (២០២៥-២០៣០)។២-បោះឆ្នោតជ្រើសរើសគណៈកម្មាធិការ​សាខា​អាណត្តិទី៦។ ក្នុងដំណើរការសន្និបាត បានប្រកាសរំសាយគណៈកម្មាធិការសាខា​អាណត្ដិទី៥ និងប្រកាសសមាសភាពបេក្ខជន​គណៈ​កម្មាធិការ​សាខា​សម្រាប់អាណត្ដិទី៦ ចំនួន១៥រូប (ស្ត្រី៣រូប)។ អង្គសន្និបាតបាន​បោះឆ្នោត​ជ្រើសរើសសមាសភាព​គណៈកម្មាធិការសាខា អាណត្តិទី ៦ ដោយជាលទ្ធផលសំឡេងគាំទ្រ ៨៦ សំឡេងលើ ៨៨សំឡេង។ គណ:កម្មាធិការសាខាទើបជាប់ឆ្នោតថ្មីបានបើកកិច្ចប្រជុំលើកដំបូង និងបានសម្រេចឯកភាពគ្នាជាឯកឆន្ទជ្រើសរើស ឯកឧត្តម អ៊ុន ចាន់ដា ជាប្រធានគណៈកម្មាធិការសាខាអាណត្តិទី៦ លោកជំទាវ ប៉ាង…

ស្វាយរៀង៖លោក ស៊ូ ម៉ុល អភិបាលស្រុករមាសហែកបាន​លើក​ឡើង​ថា ភាពស្អាត គឺជាសសរស្តម្ភមួយ ដែលមានចែងក្នុង​យុទ្ធសាស្រ្តចក្រា​វិស័យបរិស្ថាន ដែលរៀបចំបង្កើតឡើង ដោយអនុវត្តតាមអនុសាសន៍​ណែនាំដ៏ខ្ពង់ខ្ពស់របស់សម្តេច​មហាបវរធិបតី ហ៊ុន ម៉ាណែត នាយករដ្ឋ​មន្រ្តីកម្ពុជា និងអនុលោមតាមយុទ្ធសាស្រ្តបញ្ចកោណ ដំណាក់កាល​ទី១ របស់​រាជរដ្ឋាភិបាលកម្ពុជា។ លោក ស៊ូ ម៉ុល ដែលជាប្រធានគណៈបញ្ជាការឯកភាពរដ្ឋបាលស្រុក​បាន​ថ្លែងបែបនេះកាលពីព្រឹកថ្ងៃទី២៩ ខែឧសភា​ក្នុងឱកាសដឹកនាំ​មន្ត្រី ឃុំទាំង​៦ដែលស្ថិតអមផ្លូវជាតិលេខ១៣  កងកម្លាំង នគរបាល យោធាស្រុក  ព្រមទាំងសិស្សា​នុសិស្ស ចុះធ្វើអនាម័យ តាមដង​ផ្លូវជាតិ​លេខ១៣ រៀបចំសណ្តាប់ធ្នាប់ផ្សារកំពង់ត្រាច ។ក្នុងឱកាសនេះ​ក៏មាន​ការដាំកូន​ឈើបន្ថែម តាមចំណីដង​ផ្លូវជាតិ​លេខ១៣ ចំនួន ១២ ០០០ដើម (ដើម ក្រញូង ក្ងោក ស្វាយ ស្ងាន់ ) ដោយអ្នក​ចូលរួម ជាង៣ ០០០នាក់។ ក្នុងឱកាសនេះលោកក៏បានអំពាវនាវអាជ្ញាធរមូលដ្ឋាន លោកគ្រូអ្នកគ្រូ សិស្សានុសិស្ស និងប្រជាពលរដ្ឋ រៀបចំសកម្មភាព ចុះសំអាតផ្លូវជាតិ នៅតាមមូលដ្ឋានរៀងៗខ្លួន ។បន្តចូលរួមយុទ្ធនាការ កាត់បន្ថយការ​ប្រើប្រាស់ប្លាស្ទិក «ថ្ងៃនេះ ខ្ញុំមិន​ប្រើថង់ប្លាស្ទិកទេ» និងយុទ្ធនាការ «កម្ពុជាស្អាត ខ្មែរធ្វើបាន»…

ភ្នំពេញ៖ក្រសួងប្រៃសណីយ៍និងទូរគមនាគមន៍ និងក្រុមហ៊ុន Plug and Play កាលពីថ្ងៃទី២៧ ខែឧសភា ឆ្នាំ២០២៥​បាន​រៀបចំពិធី​សម្ពោធជាផ្លូវការនូវការបង្កើតការិយាល័យ Plug and Play កម្ពុជា ដែលប្រព្រឹត្តឡើងនៅទីស្នាក់ការ​កណ្តាល​របស់ក្រុមហ៊ុន Plug and Play នៅតំបន់ Silicon Valley សហរដ្ឋអាម៉េរិក ក្រោមអធិបតីភាព​ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ និងលោក Saeed Amidi នាយកប្រតិបត្តិនិងជាស្ថាបនិក​របស់​ក្រុមហ៊ុន Plug and Play និងមានការចូលរួមពីអភិបាលក្រុង Sunnyvale នៃតំបន់ Silicon Valley អភិបាលរងក្រុង Busan តំណាងក្រុមហ៊ុនបច្ចេកវិទ្យា និងអ្នកជំនាញបច្ចេកវិទ្យាឌីជីថល​ផងដែរ។ សូមជម្រាបថា ផ្អែកលើកិច្ចសហប្រតិបត្តិការនេះ ការិយាល័យ Plug and Play កម្ពុជា នឹងក្លាយជាមជ្ឈមណ្ឌលអភិវឌ្ឍនិង​ជំរុញ​សហគ្រិន​ភាពនិងនវានុវត្តន៍ឌីជីថលស្តង់ដាអន្តរជាតិមួយ សំដៅរួមចំណែកលើក​កម្ពស់ប្រព័ន្ធអេកូឡូស៊ីធុរ​កិច្ចថ្មី​ឌីជីថលកម្ពុជាឱ្យកាន់តែប្រសើរឡើង និងជំរុញកម្ពុជាក្លាយជាមជ្ឈមណ្ឌលនវានុវត្តន៍ឌីជីថលឈានមុខមួយក្នុងតំបន់ តាមរយៈ៖១- ការជួយបណ្តុះបណ្តាល ពន្លឿន និងអភិវឌ្ឍធុរកិច្ចថ្មីឌីជីថល​តាមកម្មវិធីស្តង់ដាអន្តរជាតិ ដែលរៀបចំដោយអ្នកជំនាញ​ពីក្រុមហ៊ុន…

(កំពង់ចាម)៖ ឯកឧត្តមទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា មានប្រសាសន៍ថា រាជរដ្ឋាភិបាលកម្ពុជា ខិតខំលើកកម្ពស់សិទ្ធិមនុស្សនៅកម្ពុជា ជាពិសេសសិទ្ធិស្រ្តី ខុសពីប្រទេសមួយចំនួន ស្ត្រីត្រូវបានបំបិទសិទ្ធិ មិនឱ្យរៀនសូត្រខ្ពង់ខ្ពស់ និងមិនមានសិទ្ធិជ្រើសរើសគូអនាគត ។ នេះជាប្រសាសន៍លើកឡើងសិក្ខាសាលាផ្សព្វផ្សាយរបាយការណ៍ជាតិ ស្តីពីការអនុវត្តកតិកាសញ្ញាអន្តរជាតិ ស្តីពីសិទ្ធិពលរដ្ឋ និងនយោបាយ នាថ្ងៃទី២៧ ខែឧសភា ឆ្នាំ២០២៥ នៅសាលាខេត្តកំពង់ចាម ។ ឯកឧត្តមទេសរដ្ឋមន្ត្រី កែវ រ៉េមី បានលើកឡើងថា សិក្ខាសាលានាពេលនេះ រៀបចំឡើងក្នុងគោលបំណង (១)បង្ហាញពីកិច្ចខំប្រឹងប្រែង និងសមិទ្ធផលធំៗរបស់រាជរដ្ឋាភិបាលក្នុងការការពារ និងលើកកម្ពស់សិទ្ធិមនុស្សនៅកម្ពុជា (២)បង្ហាញពីការអនុវត្តជាទៀងទាត់នូវកាតព្វកិច្ចអន្តរជាតិរបស់រាជរដ្ឋាភិបាល ក្នុងនាមជារដ្ឋសមាជិកអង្គការសហប្រជាជាតិ (៣)បញ្រ្ជាបការយល់ដឹងបន្ថែមដល់អង្គភាព ថ្នាក់ក្រោមជាតិ ឱ្យយល់កាន់តែច្បាស់ពីកិច្ចខិតខំប្រឹងប្រែងរបស់រាជរដ្ឋាភិបាលលើវិស័យសិទ្ធិមនុស្ស និង(៤)ជំរុញការចូលរួមរបស់អង្គភាពថ្នាក់ក្រោមជាតិ ក្នុងការអនុវត្តសេចក្តីសង្កេតសន្និដ្ឋាន (អនុសាសន៍) នៃរបាយការណ៍ជាតិស្តីពីកតិកាសញ្ញាអន្តរជាតិ ស្តីពីសិទ្ធិពលរដ្ឋ និងនយោបាយ ។ ឯកឧត្តមទេសរដ្ឋមន្រ្តី បានសង្កត់ធ្ងន់ថា កម្ពុជាបានទទួលយកកតិកាសញ្ញា អនុសញ្ញាអន្តរជាតិចំនួន ៨លើ៩ និងខ្លឹមសារនៃកតិកាសញ្ញា អនុសញ្ញាអន្តរជាតិទាំងនោះត្រូវបានដាក់បញ្ចូលទៅក្នុងរដ្ឋធម្មនុញ្ញរបស់កម្ពុជា មានន័យថា ក្រោយពីកម្ពុជាទទួលយកនូវកតិកាសញ្ញា អនុសញ្ញាអន្តរជាតិទាំងនេះ កម្ពុជាត្រូវជាប់កាតព្វកិច្ចដ៏ធំនោះគឺការធ្វើរបាយការណ៍ជាតិ…

(ភ្នំពេញ)៖ កុមារគឺជាអនាគតដ៏រឹងមាំរបស់ជាតិ ដែលតម្រូវឲ្យខិតខំរៀនសូត្រដើម្បីក្លាយជាអ្នកចេះដឹង និងអ្នកជំនាញ។ ការយកចិត្តទុកដាក់របស់រាជរដ្ឋាភិបាលនីតិកាលទី៧ ដែលបានចេញសារាចរណែនាំឲ្យស្ថាប័នពាក់ព័ន្ធបង្កបរិយាកាសរីករាយ និងលើកកម្ពស់សិទ្ធិមូលដ្ឋានរបស់កុមារស្របតាមរដ្ឋធម្មនុញ្ញ និងអនុសញ្ញាអន្តរជាតិ ។ នេះជាប្រសាសន៍លើកឡើងរបស់ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន កាលពីថ្ងៃទី២៧ ខែឧសភា ឆ្នាំ២០២៥ ក្នុងឱកាសអញ្ជើញចូលរួមអបអរខួបលើកទី៧៦ «ទិវាកុមារអន្តរជាតិ ១ មិថុនា» ខួបលើកទី២៤ «ទិវាពិភពលោកប្រឆាំងពលកម្មកុមារ ១២ មិថុនា» និង «ទិវាកុមារកម្ពុជាឆ្នាំ២០២៥» នៅវិទ្យាល័យ ហេង សំរិន ចក ស្រុកអូររាំងឪ។ ក្នុងពិធីនេះ សិស្សានុសិស្សជាង ៥០០ នាក់បានទទួលសារអប់រំក្រោមប្រធានបទ «បញ្ឈប់អំពើហិង្សាលើកុមារគ្រប់ទម្រង់ គឺជាការអភិវឌ្ឍធនធានមនុស្សប្រកបដោយចីរភាព» និង «លើកកម្ពស់ការងារសមរម្យសម្រាប់កម្មករនិយោជិតវ័យក្មេងនៅគ្រប់ខ្សែច្រវ៉ាក់ផលិតកម្ម ដើម្បីធានាកំណើនប្រកបដោយចីរភាព និងភាពធន់»។ ក្រៅពីការផ្តល់សារអប់រំអំពីភាពស្អាត និងភាពបៃតងប្រកបដោយចីរភាព ឯកឧត្តមរដ្ឋមន្ត្រី រួមជាមួយអភិបាលខេត្តត្បូងឃ្មុំ លោកគ្រូ អ្នកគ្រូ និងសិស្សានុសិស្ស ក៏បានចូលរួមដាំដើមឈើជាច្រើនដើមនៅក្នុងបរិវេណសាលា ដើម្បីបង្ហាញគំរូដល់យុទ្ធនាការ «ពន្លកបៃតងកម្ពុជាប្រកបដោយចីរភាព»។ ក្នុងឱកាសនោះ សិស្សានុសិស្សប្រមាណជាង ៥០០នាក់…