ភ្នំពេញ៖ជឿថាមានមនុស្សមួយចំនួន មិនទាន់បរិច្ចាគឈាមនៅឡើយទេ ព្រោះដោយសារខ្លាច បារម្ភ ឬចង់ដែរ តែមិនដឹង​បរិច្ចាគបានតាមរបៀបណា ?។ ការបរិច្ចាគឈាម គឺជាវិធីដ៏សាមញ្ញបំផុតមួយ ប៉ុន្តែមានប្រសិទ្ធភាពបំផុតក្នុង​ការ​ជួយសង្គ្រោះជីវិត។ រាល់ការបរិច្ចាគមាន​សក្តានុពលក្នុងការធ្វើឱ្យមានភាពខុស​ប្លែកគ្នាសម្រាប់អ្នកជំងឺដែលកំពុងប្រយុទ្ធនឹងគ្រោះថ្នាក់ ជំងឺ ឬការវះកាត់ ដោយ​ផ្តល់​ឱ្យពួកគេនូវក្តីសង្ឃឹម និងឱកាសក្នុងការជាសះស្បើយឡើងវិញ។ ដំណើរការ​នេះគឺរហ័ស សុវត្ថិភាព និងផ្តល់រង្វាន់ ហើយ​អ្នកជំនាញផ្នែកវេជ្ជសាស្ត្រធានា​ថាវាមានអនាម័យ និងផាសុកភាពសម្រាប់ម្ចាស់ជំនួយ។ តាមរយៈការលះបង់ពេលវេលារបស់អ្នកបន្តិចបន្តួច អ្នកអាចធ្វើជាវីរបុរសដល់​នរណាម្នាក់ដែលត្រូវការជំនួយ។ ក្នុងឱកាសនេះ ឡាក់គី ផាវីលៀន ម៉ល បានរៀបចំយុទ្ធនាការ បរិច្ចាគឈាម​ដោយឥតគិតថ្លៃ ដែលសហការជាមួយ មជ្ឍមណ្ឌលជាតិផ្ដល់ឈាមកម្ពុជា និងមានការឧបត្ថម្ភពីសំណាក់ ធនាគារអេស៊ីលីដា និង Lucky Burger.សម្រាប់​​អ្នកមានបំណងចង់បរិច្ចាគឈាម អាចចុះឈ្មោះតាមlinkខាងក្រោមនេះ https://shorturl.at/L2Y3C ដោយឥតគិតថ្លៃ ឬក៏ចូលទៅកាន់ Page LUCKY PAVILION Mall.។ យុទ្ធនាការបរិច្ចាគឈាមនឹងប្រព្រឹត្តនៅថ្ងៃទី៣០ ខែឧសភា ឆ្នាំ២០២៥ ចាប់ពី​ម៉ោង៨:៣០ ព្រឹក ដល់ម៉ោង ១១:៣០ ព្រឹក នៅឡាក់គី ផាវីលៀន ម៉ល ជាន់ផ្ទាល់ដី…

ភ្នំពេញ៖អាជ្ញាធរជាតិព្រះវិហារ បានឱ្យដឹងនៅថ្ងៃនេះថា ស្របតាមអនុសាសន៍​របស់ក្រុមប្រឹក្សាអន្តរជាតិស្តីពី​ប្រាសាទ និងរមណីយដ្ឋាន(ICOMOS) អាជ្ញាធរជាតិព្រះវិហារ បានសហការជាមួយអង្គការយូណេស្កូ ចុះសិក្សាវាយ​តម្លៃមុខសញ្ញា​គ្រោះថ្នាក់ ហានិភ័យ និងគ្រោះមហន្តរាយដែលនឹងអាចកើត​មានដល់ប្រាសាទ សហគមន៍ និងធនធានធម្មជាតិនៅក្នុង​រមណីយដ្ឋានប្រាសាទ​កោះកេរ ពីថ្ងៃទី១៦ដល់ថ្ងៃទី២២ ខែឧសភា ឆ្នាំ២០២៥ក្រោមការគាំទ្រដោយ​ជំនួយឧបត្ថម្ភ​អន្តរជាតិ២០២៤/២០២៥របស់អនុសញ្ញាបេតិក​ភណ្ឌពិភព​លោក។ ប្រភពដដែលបន្តថាទិន្នន័យទាំងអស់នេះនឹងប្រើជាមូលដ្ឋានដើម្បីរៀបចំផែនការគ្រប់គ្រងគ្រោះមហន្តរាយនៅរមណីយដ្ឋានប្រាសាទកោះកេរ។នៅក្នុងបេសក​កម្ម​នេះដែរ ក៏មានការរៀបចំសិក្ខាសាលាចែករំលែកចំណេះដឹងអំពីបេតិក​ភណ្ឌ​ពិភព​លោក និងការប្រែប្រួលអាកាសធាតុ ដោយអង្គការយូណេស្កូ និងទីប្រឹក្សាគម្រោង ដល់មន្រ្តីអាជ្ញាធរជាតិព្រះវិហារ ភាគីពាក់ព័ន្ធ អាជ្ញាធរមូលដ្ឋាន ព្រះសង្ឃ និងសិស្សានុសិស្ស សរុប៥៥នាក់។ សូមជម្រាបថា រមណីយដ្ឋានប្រាសាទកោះកេរ ត្រូវបានចុះក្នុងបញ្ជីបេតិក​ភណ្ឌពិភព​​លោករបស់អង្គការយូណេស្កូ នៅ​ថ្ងៃទី១៧ ខែកញ្ញា ឆ្នាំ២០២៣ ក្នុងសម័យប្រជុំលើកទី៤៥ នៃគណៈកម្មាធិការបេតិកភណ្ឌពិភពលោក នៅទីក្រុងរីយ៉ាដ ព្រះរាជាណាចក្រអារ៉ាប៊ីសាអូឌីត។ ប្រាសាទកោះកេរ ស្ថិតនៅភូមិស្រយង់ជើង ឃុំស្រយង់ ស្រុកគូលែន ខេត្តព្រះវិហារ ។គឺជាទីតាំងបុរាណវត្ថុដែល​ដាច់​ស្រយាលមួយនៅ​ភាគខាងជើងនៅខេត្តព្រះវិហារនៃប្រទេសកម្ពុជា ដែលមានចម្ងាយ​ប្រហែល១២០គីឡូម៉ែត្រ ពីខេត្តសៀមរាប ។ ប្រាសាទកោះកេរបានកសាងឡើងក្នុងរជ្ជកាលព្រះបាទជ័យវរ័្មនទី៤ ឧទ្ទិសថ្វាយព្រះឥសូរតាមបែបព្រហ្មញ្ញសាសនា។ ប្រាសាទនេះពីដើមឈ្មោះ (ឆោកគគ៌្យរ) ឬផៃ្ទដីគោកគគីរ នៃអតីតរាជធានីលិង្គបុរៈ សព្វថៃ្ងហៅថា អតីតរាជធានីកោះកេរ មានទំហំផៃ្ទដី១៦គុណនឹង១៦គីឡូម៉ែត្រ រួមមាន៩៨ប្រាសាទ។ ប្រាសាទនេះមាន៧ជាន់…

(ភ្នំពេញ)៖ រដ្ឋមន្ត្រីក្រសួងព័ត៌មាន ឯកឧត្តម នេត្រ ភក្ត្រា បានក្រើនរម្លឹកដល់មន្ត្រីរាជការ នៃក្រសួងព័ត៌មានទាំងអស់ ត្រូវរួមសហការគ្នាជាធ្លុងមួយតម្កល់នូវផលប្រយោជន៍រួម និងតម្កល់ក្តីសុខ និងសន្តិភាពរបស់ជាតិជាធំ ដែលជាសសរស្តម្ភនៃដំណើរបេសកកម្មលើការងារគ្រប់គ្រងព័ត៌មាន សាធារណមតិ និងសោតទស្សន៍នៅកម្ពុជា។ គួរបញ្ជាក់ថា ការក្រើនរម្លឹកបែបនេះរបស់ឯកឧត្តម រដ្ឋមន្ត្រីក្រសួងព័ត៌មាន បានធ្វើឡើងនៅក្នុងឱកាសអញ្ជើញបិទសិក្ខាសាលាស្តីពីការពិនិត្យឡើងវិញនូវវឌ្ឍនភាពការងារកែទម្រង់ទាំង៣ របស់ក្រសួងព័ត៌មាន រួមមាន៖ កំណែទម្រង់រដ្ឋបាលសាធារណៈ, កំណែទម្រង់វិមជ្ឈការនិងវិសហមជ្ឈការ, និងកំណែទម្រងហិរញ្ញវត្ថុសាធារណៈ នៅព្រឹកថ្ងៃទី២២ ខែឧសភា ឆ្នាំ២០២៥នេះ។ ឯកឧត្តម នេត្រ ភក្ត្រា បានសង្កត់ធ្ងន់ថា ក្នុងនាមជាមន្ត្រីព័ត៌មាន គឺបានចូលរួមចំណែកយ៉ាងធំធេង ក្នុងការពន្យល់ប្រជាពលរដ្ឋ សន្តិសុខ សណ្តាប់ធ្នាប់ ដំណើរការដឹកនាំរបស់រាជរដ្ឋាភិបាល សំដៅធ្វើឱ្យសង្គមជាតិរឹងមាំ មានស្ថិរភាពពេញលេញ ហើយទិសដៅសំខាន់ គឺជំនឿទុកចិត្តរបស់ប្រជាពលរដ្ឋចំពោះការដឹកនាំរបស់រាជរដ្ឋាភិបាល តាមរយៈតួនាទី ភារកិច្ចរបស់ក្រសួងព័ត៌មាន។ ចំណុចនេះកើតចេញពីការផ្សព្វផ្សាយព័ត៌មាន នាំយកនូវគោលនយោបាយ ផែនការសកម្មភាព ច្បាប់ ពីរដ្ឋាភិបាល រដ្ឋសភា ព្រឹទ្ធសភា ទៅប្រជាជន និងនាំមកវិញនូវអ្វីដែលជាប៉ងប្រាថ្នា និងគោលបំណងរបស់ប្រជាពលរដ្ឋមកជូនរាជរដ្ឋាភិបាលវិញ។ ឯកឧត្តម នេត្រ ភក្ត្រា បានគូសបញ្ជាក់ថា…

(ខេត្តកំពង់ស្ពឺ)៖ ឯកឧត្តម ឧត្តមសេនីយ៍ឯក អ៊ួន សារឿន មេបញ្ជាការរងកងទ័ពជើងគោក បានអញ្ជើញបើកវគ្គហ្វឹកហ្វឺនបំប៉នជំនាញបើកបររថយន្តធុនធ្ងន់ជំនាន់ទី៧ ឆ្នាំ២០២៥ នៅកងពលតូចដឹកជញ្ជូនលេខ៩០ កងទ័ពជើងគោក នាព្រឹកថ្ងៃទី២៣ ខែឧសភា ឆ្នាំ២០២៥។ ឯកឧត្តម ឧត្តមសេនីយ៍ទោ ឈរ សុខ នាយសេនាធិការរង និងជាមេបញ្ជាការកងពលតូចដឹកជញ្ជូនលេខ៩០ បានឱ្យដឹងថា៖ ដោយបានការជួយឧបត្ថម្ភគាំទ្រទាំងផ្នែកស្មារតី និងសម្ភាៈ ពីឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក កងពលតូចដឹកជញ្ជូនលេខ៩០ បានសម្រេចនូវភារកិច្ចជាច្រើន រួមទាំងកិច្ចការងារស្នូល ក៏ដូចជាការងារកសាងហេដ្ឋារចនាសម្ព័ន្ធនានា មានការអភិវឌ្ឍន៍លើគ្រប់វិស័យ ការកសាង ជំរំ បន្ទាយ ការងារបង្កបង្កើនផល ចិញ្ចឹមសត្វ ការងារដឹកជញ្ជូន ការជួសជុលថែទាំបច្ចេកទេសរថយន្ត ការបណ្តុះបណ្តាលធនធានមនុស្សតាមរយៈការហ្វឹកហ្វឺនជាប់ជាប្រចាំ ដើម្បីប្រែក្លាយឱ្យយោធិន គ្រប់រូបមានសមត្ថភាព បម្រើការងារបានល្អប្រសើរ មានមនសិការបម្រើការពារជាតិមាតុភូមិ ការពាររដ្ឋធម្មនុញ្ញ កាពាររដ្ឋាភិបាលស្របច្បាប់ ដោយមានមូលដ្ឋានគ្រឹះរឹងមាំស្របតាមតាមទិសដៅ នៃផែនការដែលបានកំណត់ និងឆ្លើយតបទាន់ពេលវេលា បទបញ្ជាមេបញ្ជាការកងទ័ពជើងគោក។ ជំនួសមុខឱ្យ ឯកឧត្តម នាយឧត្តមសេនីយ៍…

(ភ្នំពេញ)៖ ក្រសួងមុខងារសាធារណៈ និងធនាគារពិភពលោកប្រចាំនៅកម្ពុជា កាលពី ថ្ងៃទី២២ ខែឧសភា ឆ្នាំ២០២៥ បានសហការរៀបចំសិក្ខាសាលា ចែករំលែកបទពិសោធ ការលើកកម្ពស់ប្រសិទ្ធភាព នៃការផ្តល់សេវាសាធារណៈ ផ្អែកលើការពិនិត្យឡើងវិញ ការវិភាគមុខងារ និងរចនាសម្ព័ន្ធ។ សិក្ខាសាលានេះធ្វើឡើងក្រោមអធិបតីភាព ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ ដោយទទួលបានការសហការឧបត្ថម្ភដោយរដ្ឋាភិបាលអូស្រ្តាលី និងសហភាពអឺរ៉ុប ។ ឯកឧត្តម Derek Yip ឯកអគ្គរាជទូតអូស្រ្តាលី ប្រចាំព្រះរាជាណាចក្រកម្ពុជា បានចែករំលែកបទពិសោធ ដែលធ្វើឱ្យមានភាពជោគជ័យក្នុងការកែទម្រង់រដ្ឋបាលសាធារណៈ ជាពិសេសគឺការវិភាគមុខងារ ឯកឧត្តម បានលើក៣ ចំណុចសំខាន់ៗ រួមមាន៖ ១)ត្រូវមានផែនការច្បាស់លាស់ ២)កត្តាផ្សេងៗបន្ថែមលើការងារបច្ចេកទេសឱ្យមានប្រសិទ្ធភាព និង ៣)ការប្រតិបត្តិ ប្រកបដោយប្រសិទ្ធភាព។ ឯកឧត្តមឧបនាយករដ្ឋមន្រ្តី ហ៊ុន ម៉ានី មានប្រសាសន៍ថា បើទោះបីការកែទម្រង់រដ្ឋបាលសាធារណៈ របស់កម្ពុជាមិនមែនជារឿងថ្មី ប៉ុន្តែនៅក្នុងក្របខណ្ឌនៃរាជរដ្ឋាភិបាលអាណត្តិទី៧ ដំណើរការនៃការកែទម្រង់ក្នុងនោះការវិភាគមុខងារ គឺយើងមានការគិតគូរច្បាស់លាស់ គណនាទាំងកត្តាប្រវត្តិសាស្រ្ត នយោបាយនិង កត្តាបច្ចេកទេស។ ឯកឧត្តម ឧបនាយករដ្ឋមន្ត្រី បានបន្ថែមថា…

ភ្នំពេញ ៖ ជាការបោះជំហានថ្មីមួយបន្ថែមទៀត ដើម្បីពង្រឹងគុណភាពនៃការអប់រំកម្រិតមត្តេយ្យ ដោយនៅថ្ងៃ ទី២២ ខែឧសភា ឆ្នាំ២០២៥នេះ សាលាអន្តរជាតិ ស៊ី អាយ អេ ហ្វឺសត៍ សាខាសែនសុខ បានបើកសម្ពោធ សួនកម្សាន្ដសម្រាប់កុមារតូច “Enchanted Forest” ដែលជាសួនកម្សាន្ដបែបផ្សងព្រេងដំបូងគេបង្អស់ដែល ត្រូវបានកសាងក្នុងសាលារៀននៅប្រទេសកម្ពុជា។ ពិធីកាត់ខ្សែបូសម្ពោធសួនកម្សាន្ដនេះ មានការចូលរួមយ៉ាងច្រើនកុះករពីសំណាក់ប្អូនៗសិស្សានុសិស្ស បុគ្គលិកសិក្សា ថ្នាក់ដឹកនាំសាលា និងជាពិសេសគឺប្អូនៗកុមារតូចត្រូវបានអនុញ្ញាតឱ្យចូលលេងកម្សាន្ដក្នុងសួន កម្សាន្ដដែលរចនាឡើងដើម្បីបំពេញតម្រូវការសិក្សាក្នុងវ័យកុមារភាពរបស់ពួកគេ។ សួនកម្សាន្ដសម្រាប់កុមារតូច “Enchanted Forest” គឺលើសពីកន្លែងក្មេងលេងធម្មតា ដ្បិតសួននេះ ត្រូវបានរៀបចំឡើងយ៉ាងយកចិត្តទុកដាក់ ដើម្បីបង្កើតបរិយាកាសសិក្សាមួយសម្រាប់កុមារអាចបណ្ដុះក្ដីស្រមៃ និងជំរុញឱ្យពួកគេចង់ចេះចង់ដឹងអំពីចំណេះដឹងថ្មីៗ ព្រមទាំងអាចកសាងភាពច្នៃប្រឌិត និងក្ដីស្រឡាញ់ចំពោះ មនុស្សជុំវិញខ្លួន ស្របតាមចក្ខុវិស័យដឹកនាំ និងការប្ដេជ្ញាចិត្តខ្ពស់លើការអភិវឌ្ឍវិស័យអប់រំប្រកបដោយ នវានុវត្តន៍របស់ ឯកឧត្ដម ឧកញ៉ាបណ្ឌិត ត្រាំង លី និង លោក ហ៊ឹម សំអាតស្ព្រង់ ដែលជាស្ថាបនិករបស់ សាលាអន្តរជាតិ ស៊ី អាយ អេ ហ្វឺសត៍។ លោក…