(សៀមរាប)៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា នាថ្ងៃទី១៧ ខែឧសភា ឆ្នាំ២០២៥ ចុះសួរសុខទុក្ខ និងចូលរួមរំលែកមរណទុក្ខដ៏ក្រៀមក្រំជាមួយក្រុមគ្រួសារសពចំនួន ៥រូប ដែលបានទទួលមរណភាពក្នុងគ្រោះថ្នាក់ចរាចរណ៍កាលពីយប់ថ្ងៃទី១៤ ខែឧសភា ឆ្នាំ២០២៥ វេលាម៉ោង២៣និង២៥នាទី នៅស្រុកពួក ខេត្តសៀមរាប ពេលត្រឡប់មកពីធ្វើសំណង់នៅក្រុងប៉ោយប៉ែត ដែលពេលនេះសពបានយកមកធ្វើបុណ្យនៅស្រុកជីក្រែង និងស្រុកសូទ្រនិគម ខេត្តសៀមរាម ។ ស្ថិតក្នុងសមានទុក្ខដ៏ក្រៀមក្រំនេះ លោកជំទាវអគ្គលេខាធិការរងទី១ បានសម្តែងនូវក្តីសោកសង្រេងចំពោះឧបទ្ទវហេតុគ្រោះថ្នាក់ចរាចរណ៍ដែលបានកើតឡើងបណ្តាលឱ្យសាច់ញាតិក្រុមគ្រួសារជាទីស្រឡាញ់បានបាត់បង់ជីវិត និងសូមឧទ្ទិសបួងសួងដល់វិញ្ញាណក្ខន្ធសពបានទៅកាន់សុគតិភពកុំបីឃ្លៀងឃ្លាតឡើយ ។ ជនរងគ្រោះទាំង៥នាក់ រួមមាន៖១. ឈ្មោះ រឿន រ៉ាន ភេទប្រុស អាយុ៤៥ឆ្នាំ នៅភូមិរកា ឃុំកំពង់ក្តី ស្រុកជីក្រែង ខេត្តសៀមរាប (សពធ្វើបុណ្យ នៅភូមិគោកមន ឃុំដំដែក ស្រុកសូទ្រនិគម)។២. ឈ្មោះ ហឿន ហ៊ាម ភេទប្រុស អាយុ៣៨ឆ្នាំ នៅភូមិបឹង ឃុំគោកធ្លកក្រោម…

(សៀមរាប)៖ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងជាអនុប្រធានអចិន្ត្រៃយ៍ក្រុមការងារឥស្សរជនឆ្នើមថ្នាក់ជាតិ បានអញ្ជើញជួបសំណេះសំណាលជាមួយស្ត្រីមានផ្ទៃពោះ-ស្រ្តីមានកូនតូច ៣០នាក់ និងអ្នកផ្ទុកមេរោគអេដស៍ ៣០នាក់ រស់នៅសង្កាត់ស្រង៉ែ ក្រុងសៀមរាប ដែលពិធីនេះរៀបចំនៅស្នាក់ការសាខាកាកបាទក្រហមកម្ពុជា ខេត្តសៀមរាប។ លោកជំទាវ ទុយ ជិ ប្រាក់សោភ័ណ អនុប្រធានគណៈកម្មាធិការសាខា និងជាអនុប្រធានក្រុមការងារឥស្សរជនឆ្នើមថ្នាក់ជាតិ សាខាខេត្តសៀមរាប បានរំលឹកដល់ស្រ្តីមានផ្ទៃពោះ ស្រ្តីមានកូនតូច និងអ្នកផ្ទុកមេរោគអេដស៍ ដែលបានចូលរួមពិធី សូមត្រងត្រាប់ប្រសាសន៍ផ្សព្វផ្សាយ លើកកម្ពស់ការយល់ដឹង ក្រោមប្រធានបទ “ជំងឺមិនឆ្លង និងការមានផ្ទៃពោះ” ដើម្បីស្វែងយល់ដឹងបន្ថែម និងជួយជំរុញផ្សព្វផ្សាយបន្តដល់ប្រជាពលរដ្ឋក្នុងសហគមន៍របស់យើង។ ក្នុងឱកាសជំនួបនោះ លោកជំទាវ ម៉ែន នារីសោភ័គ បាននាំមកជូននូវប្រសាសន៍សាកសួរសុខទុក្ខ និងការយកចិត្តទុកដាក់ខ្ពស់ ពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃវេទិកាភាពជាអ្នកដឹកនាំប្រចាំតំបន់អាស៊ី-ប៉ាស៊ីហ្វិក ឆ្លើយតបមេរោគអេដស៍/ជំងឺអេដស៍ និងការអភិវឌ្ឍនៅកម្ពុជា។ លោកជំទាវក៏បានសម្តែងនូវការអាណិត អាសូរ ចំពោះបងប្អូនទាំងអស់ដោយបានបញ្ជាក់ថា នេះគឺជាបញ្ហាមួយធ្វើឱ្យយើងទាំងអស់គ្នា រួមសហការគ្នាដោះស្រាយ ដើមី្បឈានទៅគ្រប់គ្រងឱ្យបាន នូវការឆ្លងរាលដាលនៃជំងឺអេដស៍។…

កំពង់ធំ៖អំណោយមនុស្សធម៌របស់សម្ដេចមហាបវរធិបតី ហ៊ុន ម៉ាណែត នាយក​រដ្ឋ​មន្ត្រីកម្ពុជា និងលោកជំទាវបណ្ឌិត ពេជ ចន្ទមុន្នី ត្រូវបានឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំនៅចុងសប្ដាហ៍នេះបាន​នាំយក​ទៅចែក​ជូនប្រជា​នេសាទ ដែលមានជីវភាពលំបាកចំនួន១០០ គ្រួសារ​រស់នៅតំបន់បឹងទន្លេសាប ក្នុងឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ។ ក្នុងឱកាសនេះជាមួយនឹងការផ្តល់អំណោយឧត្តមសេនីយ៍ទោ សោម ស៊ុន ដែល​ជាអនុប្រធានអចិន្ត្រៃយ៍​គណៈកម្មការ​ការពារ​ទប់ស្កាត់ និងបង្ក្រាបបទល្មើស​ធនធានធម្មជាតិខេត្តកំពង់ធំផងនោះ បានសំណូមពរដល់ប្រជានេសាទទាំងអស់ កុំប្រព្រឹត្តបទល្មើសនេសាទដែលនាំឱ្យមានទោសដល់ខ្លួន និងបង្កផលលំបាកដល់​ក្រុម​គ្រួសារ។សហគមន៍​នេសាទ​ត្រូវចូលរួមអនុវត្តតាមច្បាប់ ។ សូមជម្រាបថា អំណោយសម្ដេចបវរធិបតី ហ៊ុន ម៉ាណែតនិងលោកជំទាវបណ្ឌិត ដែលចែកជូនប្រជានេសាទមាន អង្ករ មី ទឹកត្រី ទឹកស៊ីអ៊ីវ និងត្រីខកំប៉ុង៕ដោយ៖ ប៊ុន រដ្ឋា

ព្រះវិហារ៖ បញ្ជាការដ្ឋានតំបន់ប្រតិបត្តិការសឹករងព្រះវិហារ កាលពីចុងសប្ដាហ៍​នេះប្រមូលផ្តុំ និងត្រួតពិនិត្យកម្លាំងទ័ព ដើម្បីផ្សព្វផ្សាយពីសភាពការណ៍​ដែល​កើតឡើងថ្មីៗ នៅក្នុងមូលដ្ឋាន និងនៅតាមបណ្តោយព្រំដែនកម្ពុជា-ថៃ និង​កម្ពុជា-ឡាវ ដល់នាយទាហាន នាយទាហានរង និងពលទាហាន​នៃទីបញ្ជា​ការតំបន់ប្រតិបត្តិការសឹករងព្រះវិហារ។ ក្នុងឱកាសនេះមេបញ្ជាការតំបន់ប្រតិបត្តិការសឹករងព្រះវិហារ ឧត្តមសេនីយ៍ទោ ច័ន្ទ សុភ័ក្ត្រា បានណែនាំដល់​កងទ័ពទាំង​អស់ ឱ្យពង្រឹងការប្រុងប្រយ័ត្នខ្ពស់​ជានិច្ច និងត្រូវបង្កើនការយាមល្បាត នៅក្នុងមូលដ្ឋានទទួលខុសត្រូវរបស់​ខ្លួនឱ្យបាន​ម៉ឹងម៉ាត់ ហ្មត់ចត់ និងជាប់ជាប្រចាំ ជាពិសេសនៅតាមបណ្តោយ​ព្រំដែន។យោធិនទាំងអស់ ត្រូវតែគោរពបទបញ្ជាផ្ទៃ​ក្នុងរបស់កងទ័ពឱ្យបានល្អ ។ ឧត្តមសេនីយ៍ទោ ច័ន្ទ សុភ័ក្ត្រា បានបន្តថា កម្លាំងកងទ័ពជួរមុខទាំងអស់ត្រូវ​គោរព​វិន័យ និងបទបញ្ជាផ្ទៃក្នុងកងទ័ពឱ្យបាន​ម៉ឹងម៉ាត់ ។ត្រូវឈរនៅលើមូល​ដ្ឋាន​ទទួលខុសត្រូវរបស់ខ្លួន។មិនត្រូវធ្វេសប្រហែស និងមើលស្រាលរាល់​សភាព​ការណ៍​ដែលកើតមានឡើងនោះទេ៕ដោយ៖ឡុង សំបូរ

ស្ទឹងត្រែង៖កម្លាំងអាជ្ញាធរ រួមជាមួយមន្ត្រីរដ្ឋបាលព្រៃឈើនៃមន្ទីរកសិកម្ម រុក្ខា​ប្រមាញ់ និងនេសាទខេត្តស្ទឹងត្រែង បាន​កៀង​ប្រមូលហ្វូងសត្វទន្សោងចំនួន ១៦ក្បាល ដែលធ្វើបម្លាស់ទីពីដែនជម្រកសត្វសៀមប៉ាង មកដល់ចំណុច​ដែលអាច​ប្រឈមនឹងហានិភ័យពីការប្រមាញ់របស់ជនខិលខូច។សកម្មភាព​នេះបានធ្វើឡើងរយៈពេលបីថ្ងៃ នៅក្នុង​ភូមិសាស្ត្រ ស្រុកបុរីអូរស្វាយសែនជ័យ ខេត្តស្ទឹងត្រែង។ ការកៀង និងស្ទាក់ចាប់សត្វទន្សោងទាំង ១៦ក្បាលនេះ បានធ្វើឡើង​ក្រោមកិច្ច​សហការ រវាងកម្លាំងជំនាញរដ្ឋបាល​ព្រៃ​ឈើ, មន្រ្តីនៃមន្ទីរបរិស្ថានខេត្ត, កងរាជ​អាវុធហត្ថខេត្ត, គណៈបញ្ជាការឯកភាពរដ្ឋបាលស្រុកបុរីអូរ​ស្វាយសែនជ័យ និង​គណៈបញ្ជាការឯកភាពរដ្ឋបាលស្រុកសៀមប៉ាង និងមានកិច្ចសហការគាំទ្រពី​អង្គការ​អភិរក្សសៀមប៉ាង និង​ក្រុមហ៊ុន​រ៉ាយហ្សីងហ្វូនិក ។សត្វទន្សោងទាំងនេះ​បានបម្លាស់ទីពីដែនជម្រកសត្វសៀមប៉ាង ដើរមកដល់ចំណុច​ដែលមាន​ការ​គម្រាមកំហែងពីការតាមប្រមាញ់របស់ក្រុមជនខិលខូចមួយចំនួនតូចនៅក្នុងមូលដ្ឋាន។ ប្រតិបត្តិការរួមគ្នាដែលមានរយៈពេល៣ថ្ងៃ គឺ ចាប់ពីថ្ងៃទី១៣ ដល់ថ្ងៃទី១៥ ខែឧសភា ក្រុមការងារប្រមូល​បានសត្វ​ទន្សោង​ចំនួន ១៦ក្បាល ក្នុងនោះសត្វ​ទន្សោង​ញីចំនួន ១១ក្បាល។ សត្វទាំងនេះត្រូវបានយកទៅរក្សាទុក និងអភិរក្ស​នៅកន្លែងដែលមានសុវត្ថិភាពវិញ៕ដោយ៖ឡុង សំបូរ