(ភ្នំពេញ)៖ ដើម្បីពង្រីកវិសាលភាពនៃការផ្សព្វផ្សាយទៅលើមាតិការអប់រំ ពិសេសផ្តោតលើកុមារតូចៗ ក្រុមហ៊ុន អប្សរា មេឌា សឺវីស(AMS) និងក្រុមហ៊ុនវេសឡាញអឌ្យូខសិនគ្រុបខូអិលធីឌីWEG ដែលជាស្ថាប័នព័ត៌ឈានមុខនៅក្នុងស្រុក បានចុះអនុស្សារណៈនៃការយោគយល់គ្នា (MOU) ក្នុងបំណងគោលបង្កើតទំនាក់ទំនងដៃគូសហប្រតិបត្តិការយុទ្ធសាស្រ្ត ជាចំណែកដល់ការផ្សព្វព័ត៌មានពិតផ្តល់ប្រយោជន៍ទៅដល់សង្គម ទៅលើការសិក្សាអប់រំ និងចំណេះដឹងទូទៅ ។ ពិធីចុះហត្ថលេខានេះ ធ្វើឡើងនៅថ្ងៃទី១៦ ខែឧសភា ឆ្នាំ២០២៥ នៅការិយាល័យក្រុមហ៊ុនវេសឡាញអឌ្យូខសិនគ្រុបខូអិលធីឌីWEG ស្ថិតនៅក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ ។ អញ្ជើញចូលរួមជាអធិបតីក្នុងពិធីចុះហត្ថលេខានោះ រួមមាន លោក លឹម ឃុនស្រ៊ុន អគ្គនាយកក្រុមហ៊ុន អប្សរាព័ត៌មាន និងលោកឧកញ៉ា ប៉ិច ប៉ូឡែន ប្រធាននាយកប្រតិបត្តិបណ្តាញគ្រឹះស្ថានអប់រំ និងបណ្តុះបណ្តាល វេសឡាញ អេឌ្យូខេសិនគ្រុប (WEG)។លោកឧកញ៉ា ប៉ិច ប៉ូឡែន បានថ្លែងថា សារព័ត៌មានគឺពិតជាមានសារៈសំខាន់ នៅក្នុងការផ្សព្វផ្សាយមាតិការចំណេះដឹង និងការអប់រំផ្សេងៗ ទៅដល់មហាជន អ្នកស្តាប់ ទស្សនា អាន បានយល់ដឹង ស្របទៅតាមក្រមសីលធម៌វិជ្ជាជីវៈ។ លោកឧកញ៉ា បន្ថែមថា គ្រឹះស្ថានអប់រំ…

(បន្ទាយមានជ័យ)៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី១៥ ខែឧសភា ឆ្នាំ២០២៥នេះ បានចាត់លោកវេជ្ជ. អ៊ុយ សំអុន នាយក នាយកដ្ឋានគ្រប់គ្រងគ្រោះមហន្តរាយ និងសហការី ដោយមានការចូលរួមពី គណៈកម្មាធិការសាខា ក្រុមប្រតិបត្តិសាខាកាកបាទក្រហមកម្ពុជា ខេត្តបន្ទាយមានជ័យ ចូលរួមរំលែកទុក្ខដ៏ក្រៀមក្រំបំផុត ជាមួយក្រុមគ្រួសារសពពលករ សាន់ សឿន អាយុ៣៨ឆ្នាំដែលជាប្តី និងពលការិនី សុខ គិមសី អាយុ៣១ឆ្នាំ ដែលជាប្រពន្ធ ស្ថិតនៅក្នុង សង្កាត់ម្កាក់ ក្រុងសេរីសោភ័ណ្ឌ ខេត្តបន្ទាយមានជ័យ។ ក្រោយការបញ្ជាក់អត្តសញ្ញាណច្បាស់លាស់តាមរយៈការធ្វើកោសល្យវិច័យ DNA ពីសំណាក់វិទ្យាស្ថាន វេជ្ជសាស្ត្ររបស់ប្រទេសថៃ កាលពីព្រឹកថ្ងៃទី១៤ ខែឧសភា ដែលអះអាងថាពលករទាំងពីរនាក់ប្តីប្រពន្ធ ពិតជាបានទទួលមរណភាព ក្នុងគ្រោះរញ្ជួយដីនៅថៃ កាលពីថ្ងៃទី២៨ ខែមីនា ឆ្នាំ២០២៥។ ថ្នាក់ដឹកនាំស្ថានឯកអគ្គរាជទូតកម្ពុជាប្រចាំប្រទេសថៃ អនុព័ន្ធការងារអមស្ថានឯកអគ្គរាជទូតកម្ពុជាប្រចាំប្រទេសថៃ បានសម្របសម្រួល ជាមួយអាជ្ញាធរថៃ ក្នុងការរៀបចំការ បញ្ជូនសព និងធ្វើពិធីសាសនាមុននឹងបានដឹកសពតាម រថយន្តចេញពីទីក្រុងបាងកក មកកាន់ច្រកអន្តរជាតិប៉ោយប៉ែត មុននឹងដង្ហែសពបន្តមកលំនៅដ្ឋាន…

មូស្គូ ៖ លោកប្រធានាធិបតីរុស្ស៊ី វ្ល៉ាឌីមៀ ពូទីន ថ្លែងថា ទំនាក់ទំនងរុស្ស៊ី-ម៉ាឡេស៊ី បាននឹងកំពុងដើរលើផ្លូវរីកចម្រើន ហើយលោកជឿជាក់ថា វានឹងបន្តជឿនលឿនឆ្ពោះទៅមុខបន្ថែមទៀតនាពេលអនាគត។ ការអះអាងបែបនេះរបស់លោក ពូទីន ធ្វើឡើងបន្ទាប់ពីជួបស្វាគមន៍នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម នៅវិមានក្រឹមឡាំង។ លោកនាយករដ្ឋមន្ត្រី អ៊ីប្រាហ៊ីម បានធ្វើដំណើរមកដល់ទឹកដីរុស្ស៊ីនៅថ្ងៃទី១៣ ខែឧសភា ហើយនឹងបន្តស្នាក់នៅប្រទេសនេះ រហូតដល់ថ្ងៃទី ១៦ ខែឧសភាខាងមុខ។ មេដឹកនាំរុស្ស៊ីរូបនេះបានគូសបញ្ជាក់ទៀតថា ទំនាក់ទំនងរុស្ស៊ី-ម៉ាឡេស៊ីកំពុងរីកចម្រើនជាលំដាប់ ពិសេសមានការអភិវឌ្ឍដោយជោគជ័យ និងស្ថិរភាព។ ភាគីទាំងពីរក៏ចាប់អារម្មណ៍ខ្លាំង ក្នុងការធ្វើឱ្យអន្តរកម្មបែបនេះកាន់តែមានន័យ និងមានផលិតភាព។ បើតាមការបញ្ជាក់របស់លោក ពូទីន ប្រទេសទាំងពីរមានចំណងមិត្តភាពជាប្រពៃណី និងការយល់ដឹងពីគ្នាទៅវិញទៅមក។ យើងតែងតែស្វែងរក និង គិតគូរពីផលប្រយោជន៍គ្នាទៅវិញទៅមក ពិសេសការធ្វើការជាដៃគូ និងកសាងកិច្ចសហប្រតិបត្តិការទ្វេភាគី ដោយផ្អែកលើគោលការណ៍គោរពគ្នា និងផ្តល់ផលប្រយោជន៍ទៅវិញទៅមក។ លោកនាយករដ្ឋមន្រ្តី Anwar ស្ថិតនៅក្នុងប្រទេសរុស្ស៊ីសម្រាប់ដំណើរទស្សនកិច្ចរយៈពេលបីថ្ងៃ ក្នុងគោលបំណងពង្រឹងកិច្ចសហប្រតិបត្តិការលើវិស័យជាច្រើន ដូចជា ពាណិជ្ជកម្ម និងការវិនិយោគ កសិកម្ម ការអប់រំ លំហអាកាស និងថាមពល៕ ប្រភព…

(កំពង់ចាម)៖ ឯកឧត្តម ខ្លូត ផន ប្រធានក្រុមប្រឹក្សាខេត្ត​ និងឯកឧត្តម អ៊ុន ចាន់ដា អភិបាល នៃគណៈអភិបាលខេត្កំពង់ចាម​ បាន​ដឹកនាំ​មន្ត្រី​រាជការ​ កងកម្លាំង​ប្រដាប់អាវុធ ប្រារព្ធពិធីបុណ្យចម្រើនព្រះជន្ម ថ្វាយព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា គម្រប់ព្រះជន្ម ៧២យាងចូល ៧៣ព្រះវស្សា ដែល​បាន​ធ្វើ​ឡើង​នាថ្ងៃអង្គារ ទី១៤ ខែឧសភា ឆ្នាំ២០២៥ នៅសាលាខេត្តកំពង់ចាម ។ ស្ថិតក្នុងឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានថ្លែងថា​ ទូលព្រះបង្គំជាខ្ញុំ សូមព្រះរាជានុញ្ញាត តាំង​នាមក្រុមប្រឹក្សា​ គណៈអភិបាលខេត្ត មន្ត្រីរាជការ កងកម្លាំងប្រដាប់អាវុធ ព្រះសង្ឃ និងប្រជាពលរដ្ឋខេត្តកំពង់ចាម ជាកូនចៅ សូមព្រះបរមរាជាអនុញ្ញាតលើកហត្ថប្រណម្យ លំឱនកាយវាចាចិត្ត ក្រាបបង្គំថ្វាយនូវព្រះសព្ទសាធុការពរជ័យ បវរសួស្តី សិរីមង្គល វិបុលសុខមហាប្រសើរគ្រប់ប្រការប្រកបដោយ កតញ្ញូតាធម៌ និងកតវេទិតាធម៌យ៉ាងជ្រាលជ្រៅបំផុត ចំពោះព្រះរាជបញ្ញាញាណឈ្វេងយល់ឈ្លាសវៃ និងព្រះរាជសកម្មភាព ដ៏ឧត្តុងឧត្តមថ្លៃថ្លាប្រកបដោយព្រះគុណធម៌ ព្រះមនុស្សធម៌ចំពោះជាតិមាតុភូមិ និងប្រជាជន…

(ខេត្តស្ទឹងត្រែង)៖ អភិបាលខេត្តស្ទឹងត្រែង ឯកឧត្តម សរ សុពុត្រា បានលើកទឹកចិត្តដល់ម្ចាស់សហគ្រាស គ្រឹះស្ថាន និងក្រុមហ៊ុន ឱ្យបង្កើនការលើកស្ទួយជីវភាពរស់នៅរបស់កម្មករ ហើយគ្រប់និយោជកទាំងអស់ ត្រូវបន្តខិតខំលើកកម្ពស់អភិបាលកិច្ច លើវិស័យការងារ សន្តិសុខ សង្គម បណ្ដុះបណ្ដាលវិជ្ជាជីវៈ ដោយមានការសម្រេចចិត្តចូលរួមពីគ្រប់អ្នកពាក់ព័ន្ធ ដើម្បីអនុវត្តតាមគោលការណ៍ណែនាំ ដែលមានក្នុងលិខិតបទដ្ឋានកិត្តិយុត្តិជាធរមាន។ ប្រសាសន៍របស់ ឯកឧត្តម សរ សុពុត្រា អភិបាលខេត្តស្ទឹងត្រែង នៅក្នុងពិធីប្រារព្ធខួបលើកទី១៣៩ ទិវាពលកម្មអន្តរជាតិ ក្រោមប្រធានបទ “រួមគ្នាដើម្បីការងារសមរម្យ និងកំណើនប្រកបដោយចីរភាព និងភាពធន់” និង ពិធីសម្ភោធអគារសាលប្រជុំ ដែលសាងសង់ឡើងក្នុងតម្លៃទឹកប្រាក់ច្រើនម៉ឺនដុល្លារ ដាក់ឱ្យប្រើប្រាស់ជាផ្លូវការរបស់ មន្ទីរការងារ និងបណ្តុះបណ្តាលវិជ្ជាជីវៈខេត្តស្ទឹងត្រែង នារសៀលថ្ងៃទី១៣ ខែឧសភា ឆ្នាំ២០២៥ ដែលមានការចូលរួមពីថ្នាក់ដឹកនាំខេត្ត និងគ្រប់ភាគីពាក់ព័ន្ធប្រមាណ ៥៦១នាក់។ ឯកឧត្តម សរ សុពុត្រា មានប្រសាសន៍ទៀតថា រាជរដ្ឋាភិបាល មានចក្ខុវិស័យលើកកម្ពស់ និងការអភិវឌ្ឍន៍លើស័យការងារ ហើយនៅពេលកិច្ចការងារទទួលបានការអភិវឌ្ឍ ពិតជាធ្វើឱ្យប្រែក្លាយទៅជាចលនាជាតិមួយនៅកន្លែងធ្វើការងារ ដែលគ្រប់ភាគីពាក់ព័ន្ធ ជាពិសេស បុគ្គលិក កម្មករ និយោជិត…

(ភ្នំពេញ)៖ នាព្រឹកថ្ងៃទី១៣ ខែឧសភា ឆ្នាំ២០២៥ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអញ្ជើញជាអធិបតីក្នុងសិក្ខាសាលាផ្សព្វផ្សាយ ស្ដីពីសូចនាករទេសចរណ៍ និងស្ថិតិទេសចរណ៍ផ្លូវការឆ្នាំ២០២៤ ក្នុងគោលបំណងផ្សព្វផ្សាយ និងប្រកាសឱ្យប្រើប្រាស់នូវសូចនាករទេសចរណ៍ និងស្ថិតិទេសចរណ៍ផ្លូវការ ឆ្នាំ២០២៤ ដោយមានការអញ្ជើញចូលរួមពីថ្នាក់ដឹកនាំក្រសួងទេសចរណ៍ តំណាងក្រសួង ស្ថាប័នពាក់ព័ន្ធ (ក្រសួងសេដ្ឋកិច្ចនិងហិរញ្ញវត្ថុ វិទ្យាស្ថានជាតិស្ថិតិ អគ្គនាយកដ្ឋានអន្តោប្រវេសន៍ ធនាគារជាតិនៃកម្ពុជា ក្រុមប្រឹក្សាភិបាលសិក្សាទីផ្សារនិងផ្សព្វផ្សាយទេសចរណ៍កម្ពុជា-CTB…) អភិបាលរងខេត្តទទួលបន្ទុកវិស័យទេសចរណ៍ ប្រធានមន្ទីរទេសចរណ៍រាជធានី ខេត្ត ទាំង២៥ តំណាង ឧកញ៉ា ប្រធានសហព័ន្ធទេសចរណ៍កម្ពុជា តំណាងសមាគមទេសចរណ៍កម្ពុជា តំណាងសមាគមសណ្ឋាគារកម្ពុជា តំណាងសមាគមភោជនីយដ្ឋានកម្ពុជា លោក លោកស្រី សាស្ត្រាចារ្យ និស្សិត ព្រមទាំងប្អូនៗអ្នកផលិតមាតិកា សរុប ៣៥០នាក់ នៅទីស្តីការក្រសួងទេសចរណ៍។ ឯកឧត្តមរដ្ឋមន្ត្រី បញ្ជាក់ថា ការងារស្ថិតិមានភាពស្មុគស្មាញ និងមមាញឹកណាស់ ដោយតម្រូវឱ្យធ្វើការងារទាំងនៅថ្ងៃចុងសប្តាហ៍ ថ្ងៃឈប់សម្រាក ពិសេសនៅពេលប្រារព្ធពិធីជាតិបុណ្យធំៗ ដែលតម្រូវឱ្យមានការបូកសរុបស្ថិតិទេសចរណ៍ឱ្យបានត្រឹមត្រូវ ច្បាស់លាស់ ទាន់ពេលវេលា ។ ដើម្បីរួមចំណែកដល់ការអភិវឌ្ឍស្ថិតិទេសចរណ៍ ប្រកបដោយគុណភាព ប្រសិទ្ធភាព…