(កំពង់ធំ )៖ នៅរសៀលថ្ងៃទី ៩ ខែឧសភា ឆ្នាំ ២០២៥ ឯកឧត្តម នួន ផារ័ត្ន អភិបាលខេត្តកំពង់ធំ បានអញ្ជើញចូលរួមក្នុងពិធីប្រគល់-ទទួលឱសថព្យាបាលជំងឺទឹកនោមផ្អែម ចំនួន ២,៥០០ប្រអប់ សម្រាប់ចែកជូនមន្ទីរពេទ្យបង្អែកចំនួន ៣ ក្នុងខេត្តកំពង់ធំ រួមមាន៖ មន្ទីរពេទ្យខេត្តកំពង់ធំ មន្ទីរពេទ្យបង្អែកស្ទោង និងមន្ទីរពេទ្យបង្អែកបារាយណ៍-សន្ទុក។ ពិធីនេះប្រព្រឹត្តទៅនៅសាលប្រជុំមន្ទីរសុខាភិបាលខេត្តកំពង់ធំ។ ឯកឧត្តម នួន ផារ័ត្ន បានបញ្ជាក់យ៉ាងច្បាស់ថា ដើម្បីការពារ និងកាត់បន្ថយអត្រាឆ្លងជំងឺទឹកនោមផ្អែម គ្រប់ស្ថាប័នពាក់ព័ន្ធត្រូវសហការជាបន្តបន្ទាប់។ ឯកឧត្តមបានដាក់ចំណុចសំខាន់ៗរួមមាន ៖ ការសហការជាមួយសាលារៀន ដើម្បីត្រួតពិនិត្យ និងហាមឃាត់ការលក់ភេសជ្ជៈផ្អែមដែលអាចប៉ះពាល់ដល់សុខភាពកុមារ។ ការពង្រឹងគុណភាពនៃការបណ្តុះបណ្តាលបុគ្គលិកសុខាភិបាល ការលើកកម្ពស់សមត្ថភាពជំនាញវិជ្ជាជីវៈការលើកកម្ពស់កិច្ចសហការរវាងក្រសួង និងស្ថាប័នពាក់ព័ន្ធការត្រួតពិនិត្យ និងបង្កើនសុវត្ថិភាពនៃសេវាសុខភាពទាំងសាធារណៈ និងឯកជនបន្ថែមទៀត អភិបាលខេត្តបានផ្តាំផ្ញើដល់គ្រូពេទ្យឱ្យយកចិត្តទុកដាក់ជាក់ស្ដែងលើការតាមដានស្តុកឱសថ ការគ្រប់គ្រងគុណភាព និងការបែងចែកឱសថឱ្យបានសមរម្យ និងសុវត្ថិភាព ស្របតាមគោលការណ៍ព្យាបាលជាក់លាក់។ សូមបញ្ជាក់ថា ឱសថទាំងនេះ ជាអំណោយរបស់ ឯកឧត្តម សាស្រ្តាចារ្យ ស៊ុ សត្ថា ប្រធានសមាគមបច្ចេកវិទ្យាទឹកនោមផ្អែម និងក្រពេញកម្ពុជា ដែលរួមមាន៖ ថ្នាំ…

(ខេត្តត្បូងឃ្មុំ)៖ ថ្ងៃ១៥កើត ខែពិសាខ ព.ស ២៥៦៩ ជាថ្ងៃវិសាខបូជា ដែលជាបុណ្យដ៏សំខាន់មួយនៃព្រះពុទ្ធសាសនា សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ អញ្ជើញប្រារព្ធពិធីបុណ្យវិសាខបូជា ជាមួយបងប្អូនប្រជាពលរដ្ឋឃុំកោះពីរ ស្រុកក្រូចឆ្មា ខេត្តត្បូងឃ្មុំ ។ ពិធីត្រូវបានរៀបចំឡើង ដោយមាន លោកយាយ លោកតា ពុកម៉ែ អ៊ុពូមីង បងប្អូនអ្នកកោះពីរ បានមកជួបជុំគ្នានៅក្នុងបរិវេណរូបសំណាក់នាគ ដែលជាបូជនីយដ្ឋាននៅលើទឹកដីឃុំកោះពីរ ស្រុកក្រូចឆ្មារខេត្តត្បូងឃ្មុំដោយមានរៀបចំពិធីនមសក្ការព្រះរតនត្រៃ និង រាប់បាត្រព្រះសង្ឃ ១០៨អង្គ។ សូមលោកយាយលោកតា ពុកម៉ែ អ៊ុពូមីង បងប្អូនទាំងអស់គ្នាអនុមោទនាទទួលយកនូវបុណ្យកុសលដែលកើតចេញពីសទ្ធាជ្រះថ្លានៃការប្រារព្ធពិធីបុណ្យតាមលំអានប្រពៃណីព្រះពុទ្ធសាសនាឱ្យបានគ្រប់ៗគ្នា ៕ លី ពៅ

(បន្ទាយមានជ័យ)៖ ភ្លៀងធ្លាក់ខ្លាំង១មេធំជាង៣ម៉ោង បង្កជាជំនន់ទឹកភ្លៀងផ្លេកបន្ទោរនាំអោយលិចប្រជុំជនក្រុងប៉ោយប៉ែតខេត្តបន្ទាយមានជ័យប្រទេសកម្ពុជានិងផ្សាររោងក្លឿស្រុកអារញ្ញប្រាថេតខេត្តស្រះកែវប្រទេសថៃ ដែលចាប់ផ្តើមម្តុំម៉ោង ១:៣០រសៀល ដល់ម្តុំម៉ោង៤ ល្ងាចថ្ងៃទី១០ ខែឧសភា ឆ្នាំ២០២៥ ។តំណក់គ្រាប់ភ្លៀងបានបន្តមានរហូតដល់ម៉ោង៧យប់នៃថ្ងៃដដែល។ មន្ត្រីសាលាក្រុងប៉ោយប៉ែតប្រាប់សារព័ត៌មានព្រឹកថ្ងៃទី១១ ខែឧសភា ឆ្នាំ២០២៥ថា ៖ ភ្លៀង១មេធំដូចគេហែកមេឃ ហើយស៊ីពេលច្រើនម៉ោងដូចខាងលើ បង្កអោយលិច១ផ្នែកធំនៃទីប្រជុំជនក្រុងប៉ោយប៉ែតដែលស្ថិតក្នុងភូមិសាស្រ្តសង្កាត់អូរជ្រៅ សង្កាត់ប៉ោយប៉ែត ជាមជ្ឈមណ្ឌលក្រុងនិង១ផ្នែកនៃសង្កាត់ផ្សារកណ្តាល។ ក្នុងនោះ តាមបណ្តោយផ្លូវជាតិលេខ៥ ផ្លូវតូចធំផ្សេងទៀត ទីធ្លាសាធារណ: ទីធ្លាឯកជន ទីធ្លាសាធារន: មជ្ឈមណ្ឌល់អាជីវកម្ម សេវាកម្ម លំនៅដ្ឋានពលរដ្ឋ ភាគច្រើនត្រូវលិច ។ ទោះយ៉ាងណាវាមិនបង្កដល់ថ្នាក់លង់ទេ។ មន្ត្រីបន្តថា លើផ្លូវជាតិលេខ៥ ម្តុំមុខបូរីដឹ ផាកស៊ីធី(The Park City Building ) នាសង្កាត់ប៉ោយប៉ែតនិងផ្សារកណ្តាលបានស្ទះចរាចរណ៍ខ្លាំងដោយសារតែលិចផ្លូវនិងតំបន់ជំវិញ ដ្បិតអីមុខទឹកបុកចូលមក ហើយប្រព័ន្ធលូនិងប្រឡាយរំដោះទឹកបានស្ទះដោយសារការចោលកាកសំណល់រឹងមិនទាន់បានម្អាតជាមុននារដូវប្រាំង។ កត្តាចម្បង ១ទៀតគឺកម្រឹតទឹកធ្លាក់ខ្លាំងពេក ដែលប្រព័ន្ធបង្ហូរ មិនអាចរំដោះទឹកបានភ្លាមៗឡើយ ។ បើតាមមន្ត្រីដដែល មកទល់ម៉ោងជាង៨ព្រឹក ថ្ងៃទី១១នេះ ទឹកស្រកបានប្រមាណ៨០ភាគរយហើយ។អំណោយផល គឺមកពីភ្លៀងបានរាំង ហើយមន្ត្រីអាជ្ញាធរដែនដី កងកម្លាំង ផ្នែកឯកជនបានអន្តរាគមន៍។…

(ព្រះសីហនុ)៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នាថ្ងៃទី១១ ខែឧសភា ឆ្នាំ២០២៥ បានចាត់លោកវេជ្ជបណ្ឌិត អ៊ុយ សំអុន នាយក នាយកដ្ឋានគ្រប់គ្រងគ្រោះមហន្តរាយ ចូលរួមរំលែកទុក្ខដ៏ក្រៀមក្រំបំផុតជាមួយក្រុមគ្រួសារដែលស្លាប់កូនបីនាក់ និងសួរសុខទុក្ខគ្រួសាររងគ្រោះពីរគ្រួសារទៀត ក្នុងគ្រោះឧបទ្ទវហេតុអគ្គិភ័យបណ្តាលមកពីឆេះរាលដាលចេញពីរថយន្តដឹកប្រេងសាំង កាលពីវេលាយប់ម៉ោង ១១:៤៥ នាទី ថ្ងៃទី៧ ខែឧសភា ឆ្នាំ២០២៥ នៅភូមិព្រែកប្រស់ ឃុំទឹកថ្លា ស្រុកព្រៃនប់ ខេត្តព្រះសីហនុ ។ ស្ថិតក្នុងសមានទុក្ខដ៏ក្រៀមក្រំនេះ លោកវេជ្ជបណ្ឌិត អ៊ុយ សំអុន បានមានប្រសាសន៍ថា ៖ ការមកចូលរួមរំលែកមរណទុក្ខនៅពេលនេះគឺធ្វើឡើងបន្ទាប់ពីទទួលបានព័ត៌មានដ៏រន្ធត់ និងសោកសង្រេងនេះភ្លាម សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានចាត់រូបលោកមកចូលរួមផ្ទាល់ ដោយនាំយកថវិកាចំនួន ១៥លានរៀល (សពនីមួយៗចំនួន ៥លានរៀល) និងគ្រឿងឧបភោគបរិភោគមួយចំនួន ព្រមជាមួយនូវប្រសាសន៍ផ្តាំផ្ញើរំលែកទុក្ខដ៏ក្រៀមក្រំ និងសោកស្តាយជាទីបំផុតជាមួយក្រុមគ្រួសារសពដែលបានបាត់បង់កូនជាទីស្រលាញ់ចំនួន៣នាក់ ព្រមទាំងទ្រព្យសម្បត្តិ លំនៅដ្ឋានបាត់បង់ទាំងស្រុងដោយគ្រោះអគ្គិភ័យនេះ និងសូមបួងសួងដល់វិញ្ញាណក្ខន្ធសពទាំងបី បានទៅកាន់សុគតិភពកុំបីឃ្លៀងឃ្លាតឡើយ។ ទន្ទឹមនឹងនេះជូនពរ ម្តាយបង្កើតសពកូនទាំងបីអ្នកស្រី បាត…

(ភ្នំពេញ)៖ លោកជំទាវទី១ បណ្ឌិតពេជ ចន្ទមុន្នី ហ៊ុន ម៉ាណែត អគ្គស្នងការសមាគមន៍កាយឬទ្ធិនារីកម្ពុជាអមដំណើរដោយ ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានក្រុមប្រឹក្សាភិបាលមូលនិធិត្រីចក្រយានកម្ពុជានិងលោកជំទាវ នាព្រឹកថ្ងៃអាទិត្យទី១១ ខែឧសភា ឆ្នាំ២០២៥ បាននាំយកអំណោយជាគ្រឿងឧបភោគ បរិភោគនិងថវិកាមួយចំនួន ចែកជូនលោកតាៗ អ៊ំពូដែលជាសមាជិកអ្នកធាក់ស៊ីក្លូក្នុងរាជធានីភ្នំពេញ ចំនួន ៣៨៨នាក់ នៅក្នុងបរិវេនសាលារាជធានីភ្នំពេញ ។ ឯកឧត្ដម ឃួង ស្រេង បានលើកឡើងថា៖ ការផ្តល់អំណោយមនុស្សធម៌ទាំងនេះ គឺមិនប្រកាន់និន្នាការនយោបាយអ្វីទាំងអស់។ការបង្កើតឱ្យមានមូលនិធិត្រីចក្រយានកម្ពុជា(ស៊ីក្លូ) គឺដើម្បីអភិរក្សស៊ីក្លូឱ្យនៅគង់វង់និងដើម្បីជួយសម្រួលជីវភាពរបស់បងប្អូនអ្នកធាក់ស៊ីក្លូផងដែរ។ គិតមកដល់ពេលនេះ សមាជិកស៊ីក្លូទាំងអស់មានចំនួន ៣៨៨នាក់ ពួកគាត់តែងទទួលបានថវិកាជាប្រចាំចំនួន ៧០០០រៀលក្នុង ១ថ្ងៃ ដែលអាចបើកបាន៣ដង ក្នុង១ខែហើយមួយដង ៧ម៉ឺនរៀល ជាមួយនឹងផ្តល់ជូនប័ណ្ណសមធម៌(ប. ស. ស) ដើម្បីឲ្យបងប្អូន អាចទៅពិនិត្យក៏ដូចជាព្យាបាលជំងឺដោយមិនអស់ប្រាក់នៅតាមមន្ទីរពេទ្យនានា ។ បន្ថែមពីនេះទៀត ក្នុងអំឡុងពេលដែលប្រទេសកម្ពុជា ក៏ដូចជារាជធានីភ្នំពេញ កំពុងប្រឈមមុខនឹងការរាតត្បាតជម្ងឺកូវីដ-១៩ សម្តេចអគ្គមហាសេនាបតីតេជោហ៊ុន សែន ប្រធានកិត្តិយសមូលនិធិត្រីចក្រយានកម្ពុជា(ស៊ីក្លូ) និងជាប្រធានព្រឹទ្ធសភា កម្ពុជា នៅបានផ្តល់អំណោយជាគ្រឿងឧបភោគ…

(ភ្នំពេញ)៖ ទីលំហែបៃតងរបស់សហគមនាគមន៍ ចំនួន១០កន្លែង បានបញ្ចប់ការសាងសង់ជាស្ថាពរ និងកំពុងរង់ចាំទទួលភ្ញៀវទេសចរណ៍ ដែលនិយមការសម្រាកលំហែកម្សាន្តជាមួយធម្មជាតិបៃតង នៅលើខ្នងភ្នំនៃឧទ្យានជាតិព្រះជ័យវរ្ម័ន នរោត្តម«ភ្នំគូលែន» ក្នុងខេត្តសៀមរាប។ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានមានប្រសាសន៍ថាពេលនេះ គោលដៅលំហែបៃតង ចាប់ផ្តើមចេញជារូបរាងហើយនៅលើភ្នំគូលែន បន្ទាប់គម្រោងរបស់ក្រសួងបរិស្ថាន បានជួយសាងសង់ទីលំហែបៃតងរបស់សហគមនាគមន៍ តាមរចនាបទខ្មែរ និងមានលក្ខណៈទំនើប ហើយរួចរាល់និងគ្រោងប្រគល់ជូនទៅសហគមន៍តំបន់ការពារធម្មជាតិ ព្រៃធំអន្លង់ ដើម្បីផ្តល់ជូនសេវាកម្ម ការលំហែកម្សាន្តប្រកបដោយសុខុដុមរមនា ជាមួយធម្មជាតិ ដល់ភ្ញៀវជាតិនិងអន្តរជាតិ ដែលមកសម្រាកលំហែ បោះតង់ និងទស្សនាជុំវិញតំបន់ភ្នំគូលែន។ ឯកឧត្តមរដ្ឋមន្រ្តី បានថ្លែងថា ក្រសួងបរិស្ថាន បានបង្កើតការអភិវឌ្ឍគោលដៅ«លំហែបៃតង» ដើម្បីជួយលើកកម្ពស់ជិវភាពសហគមន៍ នៅតាមតំបន់ការពារធម្មជាតិ ដើម្បីពង្រឹងការអភិរក្សព្រៃឈើ និងលើកកម្ពស់ជីវភាពសហគមន៍ ស្របតាមអនុសាសន៍ណែនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។ សូមបញ្ជាក់ថា នៅក្នុងភូមិសាស្រ្ត ឧទ្យានជាតិព្រះជ័យវរ្ម័ន នរោត្តម«ភ្នំគូលែន» ឯកឧត្តមបណ្ឌិត អ៊ាង សុផល្លែត បានបង្កើតជារបៀងគោលដៅលំហែបៃតង ដោយមានសហគមន៍តំបន់ការពារធម្មជាតិ ចំនួន៥ ដែលមានសក្តានុពលធម្មជាតិខុសៗគ្នា។ ក្រសួងបរិស្ថានបានរៀបចំសាងសង់ហេដ្ឋារចនាសម្ព័ន្ធ ផ្លូវថ្នល់ អភិវឌ្ឍន៍ការទាក់ទាញទេសចរ…