បាត់ដំបង៖លោកស្រី កែវ ដាណា អភិបាលរងខេត្តតំណាងឯកឧត្តម សុខ លូ អភិបាលខេត្ត​បាត់ដំបងបាន​ក្រើនរំលឹក​ដល់ប្រជាពលរដ្ឋក្នុងស្រុកសំឡូត ក៏ដូច ជាបណ្ដាស្រុកដទៃទៀតដែលតែងតែរងគ្រោះដោយគ្រោះទឹកជំនន់ និងគ្រោះ មហន្តរាយផ្សេងៗនៅរដូវវស្សានោះ សូមមានការប្រុងប្រយ័ត្ន បង្ការ ទុកជាមុន។ ក្នុងពិធីផ្តល់អំណោយរបស់រាជរដ្ឋាភិបាលដល់ប្រជាពលរដ្ឋក្រីក្រចំនួន១៥០គ្រួសារនៅស្រុកសំឡូត​ ក្នុងសប្ដាហ៍នេះ​នា​បរិវេណ​វត្តតា​សាញ​ថ្មី នៃស្រុកសំឡូត លោកស្រី កែវ ដាណា អភិបាលរងខេត្ត​ថ្លែងអំណរគុណដល់លោក ភួង សិទ្ធិ ប្រធានមន្ទីរសង្គមកិច្ច អតីតយុទ្ធជន និង យុវនីតិសម្បទាខេត្តបាត់ដំបង ដែល តែងតែយកចិត្តទុកដាក់ និងបាននាំយក​នូវអំណោយផ្ដល់​ជូន​ប្រជាពលរដ្ឋ​ដែលជាគ្រួសារងាយរងគ្រោះ។ស្របពេលដែលរដូវវស្សាកាន់តែខិតជិតចូល មកដល់ និងកំពុងតែមាន​ភ្លៀង​ធ្លាក់​ជាបណ្ដើរៗផងនោះ លោកស្រីអភិបាលរង ខេត្តបាត់ដំបងបានអំពាវនាវដល់អាជ្ញាធរគ្រប់ថ្នាក់​មូលដ្ឋាន និងប្រជាពលរដ្ឋ ត្រូវយកចិត្តទុកដាក់ថែរក្សាសុខភាព ការពារសុខសុវត្ថិភាព និងត្រៀមបង្ការនូវ គ្រោះថ្នាក់​កើត​ឡើង ដែល​បណ្ដាលមកពីគ្រោះទឹកជំនន់ទឹកភ្លៀងនិង គ្រោះ មហន្តរាយផ្សេងៗ ដោយសារស្រុក​សំឡូត តែងតែប្រឈម​នឹងបញ្ហាទាំងនេះ ជារៀងរាល់ឆ្នាំ៕ អត្ថបទនិងរូបភាព៖អ៊ុក សំអាន បប.

(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី០៧ ខែឧសភា ឆ្នាំ២០២៥នេះ បានចេញសេចក្តីប្រកាសព័ត៌មាន ស្តីពី ករណីឧបទ្ទវហេតុគ្រោះថ្នាក់ចរាចរណ៍ ស្ថិតនៅលើផ្លូវជាតិលេខ៤៤ ចន្លោះគីឡូម៉ែត្រលេខ១២៩-១៣០ ស្ថិតនៅភូមិខ្សាច់ពូន សង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ ថ្ងៃទី៧ ខែឧសភា ឆ្នាំ២០២៥។ បើតាមក្រសួងការងារ, ហេតុការណ៍ខាងលើនេះ បានបណ្តាលឱ្យមាន ជនរងគ្រោះសរុបចំនួន ៤២នាក់ ក្នុងនោះកម្មករនិយោជិតជិះក្នុងរថយន្តសរុបចំនួន ៤២នាក់ (ស្រី ៣៦នាក់) ដោយរបួសធ្ងន់ចំនួន ៥នាក់ (ស្រី ៥នាក់) របួសស្រាលចំនួន ៣៦នាក់ (ស្រី ៣០នាក់) និងជនរងគ្រោះជាស្ត្រី បានស្លាប់ចំនួន១នាក់។ កម្មករនិយោជិតទាំងអស់បានទទួលការជួយសង្គ្រោះពីសំណាក់អាជ្ញាធរមានសមត្ថកិច្ច និងមន្ត្រីបេឡាជាតិសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ ដោយយកចិត្តទុកដាក់បំផុត។គិតត្រឹមវេលាម៉ោង ១០៖០០នាទីព្រឹក ថ្ងៃទី៧ ខែឧសភា ឆ្នាំ២០២៥ ជនរងគ្រោះបានកំពុងសម្រាកព្យាបាល នៅមន្ទីរពេទ្យបង្អែកឧដុង្គ។ ដោយឡែកសពជនរងគ្រោះចំនួន១នាក់ ត្រូវបានសមត្ថកិច្ច ប្រគល់ជូនក្រុមគ្រួសារ ដើម្បីរៀបចំពិធីបុណ្យតាមប្រពៃណី៕ ដោយ ៖ ង៉ាន់…

កំពង់ធំ​៖ឯកឧត្ដម ហួត ហាក់ រដ្ឋមន្រ្តីក្រសួងទេសចរណ៍ និងជាអនុប្រធានក្រុម​ការងារ​រាជរដ្ឋាភិបាល​ចុះមូលដ្ឋាន​ខេត្ត​កំពង់ធំ និងឯកឧត្ដម នួន ផារ័ត្ន អភិបាលខេត្តកំពង់ធំ កាលពីថ្ងៃទី៦ ខែឧសភា ឆ្នាំ២០២៥ បានអញ្ជើញចូលរួម​ប្រគល់​វិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជិត២ពាន់គ្រួសារ ក្នុងស្រុកបារាយណ៍។ ស្ថិតក្នុងបរិវេណវត្តត្រពាំងជ្រៃ ឃុំបល្ល័ង្ក ស្រុកបារាយណ៍ ប្រជាពលរដ្ឋចំនួន ១.៩២៧គ្រួសារ មកពីភូiមចំនួន៤ រួមមាន ភូមិត្រពាំងជ្រៃ ភូមិតាភោគ ភូមិព្រៃស្រង៉ែ និងភូមិបល្ល័ង្ក បានទទួល​វិញ្ញាបនបត្រសម្គាល់ម្ចាស់អចលន​វត្ថុចំនួន ៥.៩៤១ បណ្ណ។ ឯកឧត្ដម នួន ផារ័ត្ន បានកោតសរសើរដល់មន្រ្តីនៃមន្ទីរជំនាញ និងក្រុមការងារ​ពាក់ព័ន្ធ ដែលបានខិតខំអនុវត្ត​នីតិវិធី​ចុះ បញ្ជីដីជាប្រព័ន្ធប្រកបដោយប្រសិទ្ធភាព ដើម្បីធានាសិទ្ធិជាម្ចាស់ដីរបស់ប្រជាពលរដ្ឋ។ ឯកឧត្ដមបានបញ្ជាក់ថា សមិទ្ធ​ផលនេះបានរួមចំណែកយ៉ាងសកម្មក្នុងការពង្រឹងសុវត្ថិភាពនៃការកាន់កាប់ដីធ្លី ។កាត់បន្ថយទំនាស់ និងជំរុញការរីកចម្រើន​នៃទីផ្សារដីធ្លី។ឯកឧត្តមបញ្ជាក់ថា គោលនយោបាយចុះបញ្ជីដីទាំងនេះមិនត្រឹមតែធានាសិទ្ធិ និងផ្តល់ភាពច្បាស់លាស់នៃ​ព្រំដីរវាង​ដីរដ្ឋ និងដីឯកជនទេ ប៉ុន្តែថែមទាំងអាច​បង្កើនប្រាក់ចំណូលថវិការដ្ឋផងដែរ៕ ដោយ​៖ប៊ុន​រដ្ឋា

កំពង់ឆ្នាំង ៖ផ្លូវក្រាលក្រួសក្រហមនៅមាត់ទន្លេ នៃភូមិកណ្ដាល សង្កាត់ផ្សារឆ្នាំង ក្រុងកំពង់ឆ្នាំង ត្រូវបានបើកការរ​ដ្ឋានជួស​ជុលឡើងវិញក្រោមដោយប្រើប្រាស់គម្រោងថវិកាឃុំសង្កាត់ឆ្នាំ២០២៥។ លោក ហួន វ៉ន ចៅសង្កាត់ស្តីទីសង្កាត់ផ្សារឆ្នាំង និងមន្ត្រីបច្ចេកទេសខេត្តបានបញ្ជាក់ថា ផ្លូវក្រាលក្រួសក្រហមមួយខ្សែនេះ នារដូវវស្សាមានការលិចដែលបង្កឱ្យមានការខូចខាតជារឿយៗ។ប៉ុន្តែផ្លូវនេះ​មានសារៈសំខាន់នៅរដូវប្រាំង​សម្រាប់​ប្រជា​ពលរដ្ឋដឹកជញ្ជូនកសិផលផ្សេងៗ ឆ្លងកាត់ទៅខេត្តកំពង់ចាម និងស្រុកជលគីរី ខេត្តកំពង់ឆ្នាំង និងមួយផ្នែកមក​ពី​​ស្រុក​រលាប្អៀរ ។ដោយឡែកនៅរដូវវស្សា អ្នកភូមិនៅអមសងខាងផ្លូវនេះ ត្រូវធ្វើដំណើរដោយប្រើ​មធ្យោបាយតាមទូក កាណូត។ លោកបន្តថា ដោយមើលឃើញពីភាពចាំបាច់ និងផលលំបាក របស់ប្រជាពលរដ្ឋ ទើបអាជ្ញាធរឃុំសម្រេចយកគម្រោងថវិកា​ឃុំសង្កាត់ មកស្ថាបនាជួសជុលផ្លូវនេះដើម្បីសម្រួលដល់ការធ្វើដំណើររបស់ប្រជាបលរដ្ឋ ដោយ​មិនពិបាកឆ្លងទូកដរ ដូចពីមុនទៀតឡើយ។ សូមជម្រាបថា ផ្លូវដែលបើកការដ្ឋានស្ថាបនាជួសជុលនាមានប្រវែងជិតមួយម៉ែត្រ ,កម្ពស់ជាមធ្យម២ម៉ែត្រកន្លះ ខ្នងលើ៦ ម៉ែត្រ បាតក្រោម១១ម៉ែត្រកន្លះ និង ចំណាយថវិកាឃុំសង្កាត់ឆ្នាំ២០២៥ ចំនួនជាង៤០៩ លានរៀល៕ ដោយ៖សុខ គឹមសៀន

កំពង់ធំ៖ឯកឧត្តម នួន ផារ័ត្ន អភិបាលខេត្តកំពង់ធំ កាលពីរសៀលថ្ងៃទី៦ ខែឧសភា​​បានអញ្ជើញចូលរួមក្នុងពិធី​បើក​បវេសន​កាលពុទ្ធិកសិក្សា ឆ្នាំសិក្សា ២០២៥–២០២៦ ដែលបានធ្វើឡើងនៅវត្តឥន្ទ្រីយ៍សំវរៈ ហៅ វត្តកំពង់ធំ ស្ថិត​នៅសង្កាត់​ព្រៃតាហ៊ូ ក្រុងស្ទឹងសែន ខេត្តកំពង់ធំ ។ពិធីនេះមានការនិមន្តជា​កិត្តិយសពីសម្តេចព្រះមង្គលមុនីរង្សី ហ៊ូ ឈីវនាថ ព្រះប្រធានលេខា​ធិការដ្ឋាន​គណៈសង្ឃនាយក និងជាព្រះអគ្គាធិការរង ព្រមទាំងព្រះសត្ថាបារមី ព្រះមេគណ​ខេ​ត្តកំពង់ធំ ព្រមជាមួយសាមណេនសិស្សជាច្រើនរូប។ ក្នុងឱកាសនេះឯកឧត្តម អភិបាលខេត្តបានថ្លែងអំណរគុណ និងកោតសរសើរ​ចំពោះការខិតខំរបស់មន្ទីរធម្មការ និងសាសនា​ខេត្តកំពង់ធំ ព្រមទាំងសាលា​គណខេត្ត ក្នុងការចូលរួមចំណែកអភិវឌ្ឍវិស័យពុទ្ធិកសិក្សា និងការបណ្តុះ​បណ្តាលធនធានមនុស្សក្នុងជួរព្រះសង្ឃ។ លោកបានបញ្ជាក់ថា រាជរដ្ឋាភិបាល​អាណត្តិទី៧ ដែលដឹកនាំដោយ​សម្តេច​មហាបវរធិបតី ហ៊ុន ម៉ាណែត មានការយក​ចិត្តទុកដាក់ខ្ពស់លើការលើកស្ទួយសាសនាព្រះពុទ្ធ ដែលជាសាសនា​របស់រដ្ឋ និងជាមូលដ្ឋានសម្រាប់ការរក្សាទុកអរិយធម៌ និងអត្តសញ្ញាណជាតិខ្មែរ។ ឯកឧត្តមបន្តថា វិស័យពុទ្ធិកសិក្សាបានចូលរួមយ៉ាងសកម្មក្នុងការបណ្តុះបណ្តាល​កុលបុត្រដែលបានចូលបួសក្លាយជាធន​ធាន​មនុស្ស​មានចំណេះដឹង និងស្មារតី​ស្មោះត្រង់ ចូលរួមថែរក្សាប្រពៃណី និងវប្បធម៌ខ្មែរ តាមគន្លងព្រះពុទ្ធសាសនា។ ហេតុនេះការបន្តពង្រឹងវិស័យពុទ្ធិកសិក្សានេះ គឺជាការចាំបាច់ទាំងក្នុងទីក្រុង និងជនបទ៕ ដោយ៖​ប៊ុន​រដ្ឋា

(ភ្នំពេញ)៖ បន្ទាប់ពីករណីកើតមានជំងឺឈាមខ្មៅ ឬជំងឺអង់ត្រាក់ លើសត្វពាហនៈ នៅក្នុងប្រទេសថៃ រួចមកនោះក្រសួងកសិកម្ម រុក្ខាប្រមាញ់ និងនេសាទនៅថ្ងៃទី៦ ខែ ឧសភា ឆ្នាំ២០២៥បានចេញសេចក្តីប្រកាសព័ត៌មានមួយអំពីការ កំពុងតាមដានយ៉ាងយកចិត្តទុកដាក់ចំពោះករណីកើតមានជំងឺឈាមខ្មៅ ឬជំងឺអង់ត្រាក់លើសត្វពាហនៈ (គោ-ក្របី) ដែលកំពុងកើតមាននៅក្នុងតំបន់មួយចំនួននៃប្រទេស ។ ក្រសួងកសិកម្មបានអះអាងថាបច្ចុប្បន្ន ពុំមានករណីជំងឺនេះនៅក្នុងប្រទេសកម្ពុជានោះទេ ប៉ុន្តែយ៉ាងណាក្តីជាវិធានការបង្ការ ក្រសួងបានដាក់ឱ្យអនុវត្តការហាមឃាត់ជាបណ្តោះអាសន្នលើការនាំចូលសត្វពាហនៈ និងផលិតផលសាច់សត្វ ពីច្រកព្រំដែនទាំងអស់នៃប្រទេសថៃ ព្រមទាំងបានសហការយ៉ាងជិតស្និទ្ធជាមួយស្ថាប័នពាក់ព័ន្ធនៅតាម បណ្តាច្រកព្រំដែនទាំងនេះដើម្បីពង្រឹងការត្រួតពិនិត្យ និងធានាការអនុវត្តវិធានការប្រកបដោយប្រសិទ្ធភាពខ្ពស់។ អគ្គនាយកដ្ឋានសុខភាពសត្វ និងផលិតកម្មសត្វក៏បានរៀបចំបណ្តាញប្រព័ន្ធប្រតិកម្មរហ័សមួយនៅគ្រប់ រាជធានី-ខេត្តទាំង២៥ ក្នុងគោលដៅតាមដានសុខភាពសត្វពាហនៈ និងធ្វើការអន្តរាគមន៍ក្នុងករណីសង្ស័យ។ ជាមួយគ្នានេះក្រសួងនឹងបន្តធ្វើបច្ចុប្បន្នភាពជាបន្តបន្ទាប់ និងផ្តល់ព័ត៌មានថ្មីៗពីការវិវត្តនៃជំងឺនេះក្នុងករណីចាំបាច់។ សម្រាប់ព័ត៌មានបន្ថែម សូមទំនាក់ទំនងទៅកាន់ទូរស័ព្ទលេខ ១២៨៩។ គួរបញ្ជាក់ថា ប្រទេសឡាវនាដើមសប្តាហ៍នេះក៏បានចេញបំរាមពីការនាំសត្វពាហនៈ និងសាច់សត្វចូលពីប្រទេសថៃផងដែរ បន្ទាប់ពីប្រទេសមួយនេះបានផ្ទុះជំងឺអង់ត្រាក់បង្កការប៉ះពាល់ដល់សត្វ និងមនុស្សយ៉ាងហោចណាស់៣នាក់បានឆ្លងជំងឺកាចសាហាវនេះរួចមក។ ដោយឡែក មន្រ្តីបសុសត្វថៃ បានអំពាវនាវឱ្យពលរដ្ឋជៀសវាងការបរិភាគសាច់គោឆៅ ឬសាច់គោងាប់ និងត្រូវតែបរិភោគសាច់ណា ដែលត្រូវបានចម្អិនយ៉ាងហ្មត់ចត់ក្នុងកំដៅយ៉ាងហោចណាស់ ១២០អង្សាសេ ឬចម្ពិនយ៉ាងហោចឆាប់ណាស់ក្នុងរយៈពេល៣០នាទី ដើម្បីសម្លាប់បាក់តេរីបង្កមេរោគអង់ត្រាក់។ សូមបញ្ជាក់ថា មេរោគអង់ត្រាក់ (Anthrax) រឺហៅម្យ៉ាងទៀតថា ជំងឺឈាមខ្មៅ ត្រូវបានសារព័ត៌មានថៃចុះផ្សាយថាគឺជាជំងឺឆ្លងពីសត្វគោ…

(ភ្នំពេញ)៖ មជ្ឈមណ្ឌលផលិតភាពជាតិ ដើម្បីភាពជឿនលឿននៃវិស័យផលិតភាពនៅកម្ពុជា តាមបែបច្ចេកវិទ្យាទំនើប បានបើកវគ្គបណ្តុះបណ្តាលថ្នាក់អន្តរជាតិមួយ ស្តីពី«បញ្ញាសប្បនិម្មិត និងការវិភាគទិន្នន័យសម្រាប់ការលើកកម្ពស់ផលិតភាព» ។ សិក្ខាសាលានេះ បានកំពុងនិងប្រព្រឹត្តទៅរយៈពេល ៥ថ្ងៃ ចាប់ពីថ្ងៃទី៥ ដល់ថ្ងៃទី៩ ខែឧសភា ឆ្នាំ២០២៥ នៅសណ្ឋាគារ ពូលូវៃ ក្នុងរាជធានីភ្នំពេញ ដែលមានសិក្ខាកាមបរទេសជាសមាជិកនៃអង្គការផលិតភាពអាស៊ី APO មកពី១៤ ប្រទេសចូលរួមផងដែរ ។ ពិធីបើកវគ្គបណ្តុះបណ្តាលនេះ បានមានការចូលរួមជាអធិបតី ដោយ ឯកឧត្តម យា ប៊ុនណា អនុរដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធានឆ្លាស់វេន អង្គការផលិតភាពអាស៊ី APO ប្រចាំនៅកម្ពុជាផងដែរ ។ ការៀបចំឲ្យវេទិការនេះឡើង គឺក្នុងសគោលបំណងដើម្បីចែករំលែកចំណេះដឹងលើបច្ចេកវិទ្យាបញ្ញាសប្បនិម្មិត និងការវិភាគទិន្នន័យ AI and Data Analytics ទៅកាន់គ្នាទៅវិញទៅមកដល់បណ្តាប្រទេសដែលជាសមាជិកនៃអង្គការ APO ដែលមានគ្រូជំនាញការ មកពី ៣ប្រទេស គឺប្រទេសសឹង្ហបុរី ថៃ និងហូឡង់ ដើម្បីការដើរទាន់នូវភាពវិវឌ្ឍន៍យ៉ាងលឿនផ្នែកបច្ចេកវិទ្យានៃពិភពលោក ។…