បាត់ដំបង៖ បង្ហាញពីការយកចិត្តទុកដាក់ មន្រ្តីជាន់ខ្ពស់ក្រសួងកិច្ចការនារី និងក្រសួងសង្គមកិច្ច អតីតយុទ្ធជននិងយុវនីតិសម្បទា បាន​អញ្ជើញជួបសាកសួរសុខទុក្ខ ដល់ជនមានពិការភាពភ្នែកដែលកំពុងតែប្រកបមុខរបរផ្នែកម៉ាស្សាដៃទេព នៅ​ក្នុងខេត្តបាត់ដំបងក្នុងសប្ដាហ៍នេះនាបរិវេណមន្ទីរសង្គមកិច្ចអតីតយុទ្ធជន និង យុវនីតិសម្បទាខេត្តបាត់ដំបងក្រោម​​អធិបតីភាពលោកជំទាវ ញ៉ែម មរកត រដ្ឋលេខាធិការ ក្រសួងកិច្ចការនារី និង ឯកឧត្តម ចាប តូ អនុរដ្ឋលេខាធិការ​ក្រសួង​សង្គមកិច្ច អតីតយុទ្ធជននិងយុវនីតិសម្បទា ។ លោក ភួង សិទ្ធិ ប្រធានមន្ទីរសង្គមកិច្ច អតីតយុទ្ធជន និង យុវនីតិសម្បទា ខេត្តបាត់ដំបងបានរាយការណ៍ជូនអំពីវឌ្ឍភាព​ការងា​ររបស់មន្ទីរដែលបានអនុវត្តក្នុងឆ្នាំ២០២៥រួមមាន ដូចជាការងារអភិវឌ្ឍសុខមាលភាពសម្រាប់ជនរងគ្រោះ និងងាយ​រងគ្រោះ និងកិច្ចការគ្រួសារ, ការងារសុខុមាលភាពជនពិការ, ការងារស្ដារនីតិសម្បទាអនីតិជននិងការងារអភិវឌ្ឍសុខុមាល​ភាពមនុស្សចាស់។ ថ្លែងក្នុងឱកាសនោះ ឯកឧត្តម ចាប តូ បានឱ្យដឹងថា កន្លងមកសមាគមតន្រ្តីសំនៀងជនពិការ បានបើកវគ្គបណ្ដុះ​បណ្ដាល​ផ្នែកម៉ាស្សាជូនដល់បងប្អូនជនមានពិការភាពជាច្រើននាក់។ក្នុងពេលខាងមុខក្រសួងសង្គមកិច្ច និង ក្រសួង​ទេសចរណ៍សហការជាមួយសមាគមតន្រ្តីសំនៀងជនពិការ ដើម្បីបើកវគ្គបណ្ដុះបណ្ដាលផ្នែកវិក្រឹត្យការសុខុមាលភាព ផ្នែកម៉ាស្សានិងស្ប៉ា ជូនដល់ជនមានពិការភាពជាលក្ខណៈកម្រិតអាស៊ាន និងដើម្បីជួយបង្កើននូវសមត្ថភាពជំនាញ​ដល់ជនមានពិការភាព ពិសេសធ្វើយ៉ាងណាឱ្យជនមានពិការភាព កាន់តែមានសមត្ថភាពកាន់តែខ្លាំងនិងមាន​ការទទួល​ស្គាល់ជាលក្ខណៈជាតិ និងអន្តរជាតិ។ ចំណែកលោកជំទាវ ញ៉ែម មរកត រដ្ឋលេខាធិការក្រសួងកិច្ចការនារីបានលើកទឹកចិត្តដល់បងប្អូនមានពិការភាពភ្នែក ដែលកំពុងតែប្រកបមុខរបរផ្នែកម៉ាស្សាចូលរួមរៀនវគ្គបណ្ដុះបណ្ដាលបន្ថែមទៀតដើម្បីពង្រឹងសមត្ថភាព…

កំពង់ធំ៖ ឯកឧត្តមទេសរដ្ឋមន្ត្រី នាយឧត្តមសេនីយ៍ គន់ គីម អនុប្រធាន និងជាអគ្គលេខាធិការសមាគមអតីត​យុទ្ធជន​កម្ពុជាកាលពីថ្ងៃទី៣០ ខែមេសា ឆ្នាំ២០២៥​បានអញ្ជើញជាអធិបតី​ក្នុងពិធីបញ្ចុះបឋមសីលាសាងសង់ទី​ស្នាក់ការ​សមាគមអតីតយុទ្ធជនកម្ពុជា ខេត្តកំពង់ធំ ស្ថិតនៅភូមិត្រពាំងចំបក់ ឃុំត្រពាំងឬស្សី ស្រុកកំពង់ស្វាយ ។ ក្នុងពិធីបញ្ចុះបឋមសិលាសាងសង់ដោយការអញ្ជើញ​ចូល​រួមពី​ឯកឧត្តម នួន ផារ័ត្ន អភិបាលខេត្តកំពង់ធំ និងជាប្រធាន​កិត្តិយសសមាគមអតីតយុទ្ធជនខេត្តកំពង់ធំផង​ឧត្តម​សេនីយ៍ទោ សោម ស៊ុន ប្រធានសមាគមអតីតយុទ្ធជនខេត្តកំពង់ធំ ជម្រាបគណៈអធិបតី​អំពីស្ថាន​ភាពអតីត​យុទ្ធជន​ខេត្តកំពង់ធំ​ចំនួនជាង ៤ ០០០ នាក់ កំពុងទទួលបានការយក​ចិត្តទុកដាក់មើលថែ ។ មានប្រសាសន៍ក្នុងឱកាសនេះឯកឧត្តមនាយឧត្តមសេនីយ៍ គន់ គីម បានថ្លែងអំណរគុណដល់ឯកឧត្តមអភិបាលខេត្ត និង​ស្ថាប័នពាក់ព័ន្ធ ដែលបាន​ចូល​រួមជួយដោះស្រាយការផ្តល់ដីសម្រាប់សាងសង់ទីស្នាក់ការ និងកោតសរសើរ​សមាគម​អតីតយុទ្ធជនកម្ពុជាខេត្តកំពង់ធំ​ ដែល​បានខិតខំបម្រើអតីតយុទ្ធជនយ៉ាងសកម្ម។ ឯកឧត្តមក៏បានថ្លែងអំណរគុណដល់​សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងជាអនុប្រធានទី១ នៃគណៈកម្មាធិការសមាគមអតីតយុទ្ធ​ជន​កម្ពុជា ដែលបានសម្រេចឱ្យ​មានការ​បង្កើត​ទីស្នាក់ការសមាគមអតីតយុទ្ធជនកម្ពុជាថ្មីនៅគ្រប់រាជធានី ខេត្ត។ សូមជម្រាបទីស្នាក់ការថ្មីរបស់សមាគមអតីតយុទ្ធជនកម្ពុជាដែលត្រូវសាងសង់មានទំហំ ៣១៨.១៣ ម៉ែត្រការ៉េ ,​សង់ដោយបេតុង ប្រក់ក្បឿង ,មានបន្ទប់ចំនួន ៧ បន្ទប់ ,ចំណាយសម្រាប់ការសាងសង់ជាង ១០ម៉ឺនដុល្លារអាមេរិក និងចំណាយការចាក់ដីបំពេញទីធ្លាសម្រាប់សាងសង់ចំនួនជាង៣៣លានរៀល៕…

(ពោធិ៍សាត់)៖ គម្រោងអភិវឌ្ឍន៍ជលផលក្រោយប្រមូលផល (CAPFISH-Capture) គឺជាគម្រោងមួយក្នុងរយៈពេលប៉ុន្មានឆ្នាំមកនេះបានជួយដល់វិស័យជលផលរបស់កម្ពុជាយ៉ាងច្រើន ហើយក៏ជាការបោះជំហានដ៏សំខាន់មួយឆ្ពោះទៅការអភិវឌ្ឍន៍លើវិស័យនេះសម្រាប់ការផលិតផលត្រីលក់លើទីផ្សារ និងពិសេសការនាំចេញទៅកាន់ទីផ្សារក្រៅប្រទេសប្រកបដោយគុណភាព និងប្រសិទ្ធភាព។ទោះបីយ៉ាងណាក្តីគម្រោងមួយនេះនឹងត្រូវបញ្ចប់នៅអំឡុងចុងឆ្នាំ២០២៥នេះផងដែរ។ក្រុម មន្រ្តី សហភាពអឺរ៉ុបនិង អង្គការ FAO បានថ្លែងថាគេកំពុងពិនិត្យ និងក៏ដូចជារំពឹងថានឹងមានគម្រោងផ្សេងទៀតចូលមកជំនួសសម្រាប់ជួយដល់វិស័យជលផលនៅកម្ពុជាផងដែរ។ គួរបញ្ជាក់ថា CAPFISH-Capture គឺជាកម្មវិធីអភិវឌ្ឍវិស័យជលផលធំជាងគេនៅក្នុងពិភពលោក ដែលគាំទ្រថវិកាដោយសហភាពអឺរ៉ុប (EU) ហើយគម្រោងអភិវឌ្ឍជលផលក្រោយប្រមូលផល (CAPFISH-Capture) នេះ បានអនុវត្តដោយរដ្ឋបាលជលផល (FiA) និងអង្គការ UNIDO។ អនុរដ្ឋលេខាធិការក្រសួងកសិកម្មទទួលបន្ទុកការងារព័ត៌មាននិងទំនាក់ទំនងសាធារណៈ លោក ជំទាវ អ៊ឹម រចនា កាលពីថ្ងៃទី៣០ ខែមេសា ឆ្នាំ ២០២៥បានថ្លែងក្នុងអំឡុងពេលចុះទៅបំពេញទស្សនកិច្ចសហគមន៍នេសាទស្រីចឹកស្ថិតនៅក្នុងស្រុកកណ្តៀង ខេត្តពោធិ៍សាត់ ឱ្យដឹងថា បើទោះបីជាគម្រោង ជលផលក្រោយប្រមូលផល(CAPFISH-Capture) រយៈពេលកន្លងមកបានជួយដល់ការគាំទ្រសហគមន៍នេសាទ ទាំងនៅតំបន់ទឹកសាបនិងទឹកប្រៃ ក្នុងនេះបានជួយដល់សហគមន៍នេសាទចំនួនប្រមាណ២៥០ នៅទូទាំងប្រទេសកម្ពុជាត្រូវបិទបញ្ចប់នៅក្នុងឆ្នាំ២០២៥នេះក៏ដោយ ប៉ុន្តែសភាពអឺរ៉ុបនិងអង្គការ FAO នឹងពិនិត្យមើលលើកគម្រោងផ្សេងៗទៀតសម្រាប់ជួយដល់វិស័យជលផលនៅកម្ពុជា។ លោក Koen Everaert អនុប្រធានសហប្រតិបត្តិការ នៃសហភាពអឺរុប ប្រចាំប្រទេសកម្ពុជាបានថ្លែងទាក់ទិនក្នុងរឿងនេះដែរថាគម្រោងនេះផ្តោតលើការធ្វើឱ្យប្រសើរឡើងនូវភាពប្រកួតប្រជែងផលិតផលជលផលក្រោយប្រមូលផល តាមរយៈការបង្កើតលក្ខខណ្ឌសមប្រកបសម្រាប់គាំទ្រសហគ្រាស ឱ្យមានលទ្ធភាពឆ្លើយតបទៅនឹងស្តង់ដាម្ហូបអាហារថ្នាក់ជាតិនិងអន្តរជាតិ ដើម្បីចូលរួមចំណែកការពារសុខភាពអ្នកប្រើប្រាស់ក្នុងស្រុក និងការធ្វើពាណិជ្ជកម្មអន្តរជាតិ។…

(ភ្នំពេញ)៖ក្នុងការធ្វើជំរឿនសត្វក្រៀលតំបន់ការពារទេសភាពអន្ល​ង់ព្រីង ខេត្ត កំពត នាល្ងាចថ្ងៃទី២៩ និងព្រឹកថ្ងៃទី៣០ ខែមេសា ឆ្នាំ២០២៥នេះបានបង្ហាញថាសត្វក្រៀលចំនួន៤០ក្បាលកំពុងបន្តមានវត្តមាននៅតំបន់នេះ។ អង្គការជីវិតធម្មជាតិនៅកម្ពុជា(NatureLife Cambodia)បានឱ្យដឹងថាបើប្រៀបធៀបលទ្ធផលជំរឿនខែដូចគ្នាក្នុឆ្នាំ២០២៤ ឃើញថាចំនូនសត្វក្រៀលបន្តមានវត្តមាននៅតំបន់នេះ​ក្នុងចំនួនដ៏ច្រើន។ នេះបញ្ចាក់ថា តំបន់ទេសភាពអន្លង់ព្រីងនៅតែជា​តំបន់​ដ៏សំខាន់មួយក្នុងការរកចំណីរបស់សត្វក្រៀល។ អង្គការជីវិតធម្មជាតិនៅកម្ពុជាសហការជាមួយក្រសួងបរិស្ថានបានគាំទ្រដល់កសិករនៅភូមិគោលដៅចំនួន៤ នៅតំបន់ការពារ​ទេសភាព​នេះ​ដាំស្រូវតាមគោលការណ៍ស្រូវមិត្តក្រៀលដើម្បីធានាថាតំបន់ដី​សើមនិងវាលស្រែជាទីជម្រកមានសុវត្ថិភាពនិងផ្តល់ចំណីបន្ថែមដល់សត្វក្រៀល។ សូមជម្រាបជូនថា តំបន់ទេសភាពអន្លង់ព្រីងជាតំបន់ដ៏ពិសេស​ទាក់ទាញ​សត្វក្រៀលដែលកំពុងរងគ្រោះឈានទៅជិត​ផុតពូជ​ឱ្យមករកចំណីចាប់ពីខែធ្នូ ដល់ខែឧសភា ជារៀងរាល់ឆ្នាំ។ សត្វក្រៀលគឺជាសត្វស្លាបដែលមានកម្ពស់ខ្ពស់ជាងគេលើពិភពលោក ហើយអាចហើរបាន ជាទូទៅមានកម្ពស់ ប្រហែល ១,៧៦ ម៉ែត្រ មានទម្ងន់ ៥-១២ គីឡូក្រាម និងប្រវែងស្លាបទាំងសងខាង ២,៥ ម៉ែត្រ។ ពួកវាមានម្រាមជើងមុខវែងៗចំនួនបី និងម្រាមជើងក្រោយខ្លីមួយ។ ពួកវាមិនអាចទំនៅលើដើមឈើបានទេ ហើយដេកដោយឈរស្ងៀមធ្មឹងនៅទីតាំងជិតៗកន្លែងរកចំណីរបស់វានៃតំបន់ដីសើម។ ជាទូទៅសត្វក្រៀលមាន សម្បុរប្រផេះលើដងខ្លួន កផ្នែកខាងលើនិង​ក្បាលមានពណ៌ក្រហម ក្បាលផ្នែកខាងលើបំផុតនិងត្រចៀក មាន​ពណ៌ប្រផេះស្រាល។ កូនក្រៀលមានមាឌតូចបន្តិច និងមានពណ៌​ត្នោត​នៅចំក្បាលរបស់វា។ យើង ពិបាកសម្គាស់ថាសត្វក្រៀលណា​ជាឈ្មោលឬញីនៅពេលដែលពួកវានៅជាគូ ប៉ុន្តែមីញីមានមាឌតូច​ជាង អាឈ្មោលបន្តិច។ សត្វក្រៀលត្រូវបានចាត់ ជាប្រភេទសត្វ​ងាយ​រងគ្រោះ៕ ដោយ ៖ ម៉ាដេប៉ូ

បន្ទាយមានជ័យ៖ផ្ទះចំនួន ៣៤ខ្នង,រោងបន្លែសុវត្ថិភាពមួយខ្នង​នៅស្រុកភ្នំស្រុក ខេត្តបន្ទាយមានជ័យ កាលពីថ្ងៃទី២៧ ខែមេសា ឆ្នាំ២០២៥បានរងការបំផ្លាញដោយខ្យល់កន្រ្តាក់ ។លោក ឃ្លោក នួយ អភិបាលរងខេត្តតំណាងឯកឧត្តម អ៊ុ រាត្រី អភិបាល​ខេត្តបានដឹកនាំក្រុមការងារ កងកម្លាំងទាំងបីប្រភេទ​ជួយ​ជួសជុលផ្ទះដែលរងការខូចខាតនេះឡើងវិញ និង​នាំ​យកជាស័ង្កសីចំនួន ៣២០សន្លឹក ជាអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ។ នាឱកាសនោះលោក ឃ្លោក នួយ អភិបាលរងខេត្ត ក៏បាន​សម្តែង​ក្តីសោកស្តាយ ចំពោះបាតុភូតគ្រោះធម្មជាតិ ខ្យល់កន្ត្រាក់ ធ្វើឱ្យ​ប៉ះ​ពាល់ដល់ផ្ទះសម្បែង ទ្រព្យសម្បត្តិរបស់បងប្អូន​ប្រជាពលរដ្ឋ។ សូមបញ្ជាក់ថាកាលពីថ្ងៃទី២៧ ខែមេសា មានភ្លៀងធ្លាក់លាយ​លំនិងខ្យល់កន្រ្តាក់ដែលបានប៉ះពាល់ស្រុកភ្នំស្រុក បណ្ដាល​ឱ្យផ្ទះប្រជាពលរដ្ឋចំនួន៣៤ខ្នងផ្ទះ នៅចំនួន ៤ឃុំ រួមមាន៖ ឃុំប៉ោយចារចំនួន ១៧ខ្នងផ្ទះ ទទួល​បានស័ង្កសី​ចំនួន ១០៨សន្លឹក ,ឃុំស្រះជីក ចំនួន ១១ខ្នងផ្ទះ ទទួលបានស័ង្កសី​ចំនួន ១៤៥សន្លឹក, ឃុំភ្នំដី ចំនួន ៤ខ្នងផ្ទះ ទទួល​បានសង្ក័សី​ចំនួន ៥៥សន្លឹក…

បាត់ដំបង៖នៅសាលាស្រុកសំពៅលូន រដ្ឋបាលខេត្តបាត់ដំបង​បានប្រារព្វពិធីផ្ទេរ-ប្រកាសតែងតាំងនិងចូលកាន់មុខ​តំណែង​ថ្មី ជាប្រធានទីស្នាក់ការ​ត្រួតពិនិត្យ ច្រកទ្វារព្រំដែនអន្តរជាតិភ្នំដី-គីឡូ១៣នៃស្រុកសំពៅលូន និងប្រធានទីស្នាក់ការត្រួត​ពិនិត្យ ច្រកទ្វារ​តំបន់​ព្រំដែនស៊ួនស៊ុ(អូរអន្លក់)នៃស្រុកកំរៀងកាលពី​ព្រឹកថ្ងៃទី២៨ ​ខែមេសា ឆ្នាំ២០២៥​ក្រោម អធិបតីភាពឯកឧត្តម សុខលូ អភិបាលខេត្តបាត់ដំបង។ ថ្លែងក្នុងឱកាសនេះ ឯកឧត្តម សុខ លូ អភិបាលខេត្តបាត់​ដំបងបានណែនាំ និងក្រើនរំលឹកដល់គ្រប់​មន្រ្តីពាក់ព័ន្ធ និង​គ្រប់កងកម្លាំងមាន​សមត្ថកិច្ចប្រចាំការនៅតាមច្រកទ្វារ​ព្រំដែន​ទាំងអស់ត្រូវយកចិត្តទុកដាក់ក្នុងការពង្រឹងនូវកិច្ច​ការពារ​សន្តិសុខ នៅតាម​បន្ទាត់ព្រំដែន ។បង្កើនស្មារតីសហការល្អជា​មួយ​ភាគីថៃ ដើម្បីធ្វើឱ្យតំបន់ព្រំដែនប្រែក្លាយទៅជា​ព្រំដែន​មានសុខសន្តិភាព មានសុវត្ថិភាព និងសណ្តាប់ធ្នាប់សង្គម​ល្អប្រសើរ។ ឯកឧត្តមអភិបាលខេត្តបាត់ដំបង បានជំរុញផងដែរដល់​រដ្ឋបាល​ស្រុកសំពៅលូន និងរដ្ឋបាលស្រុកកំរៀង ព្រមទាំងគ្រប់​សមាស​ភាពបំពេញភារកិច្ចនៅក្នុងទីស្នាក់ការត្រួតពិនិត្យច្រកទ្វារព្រំដែនអន្តរជាតិភ្នំដី និងទី​ស្នាក់ការត្រួតពិនិត្យ​ច្រក​ទ្វារតំបន់ព្រំដែន​ស៊ួនស៊ុ អូរអន្លក់ និងគ្រប់អង្គភាពពាក់ព័ន្ធទាំងអស់ ត្រូវបន្តចូល​រួមដឹកនាំ គ្រប់គ្រង សហការ​បំពេញ​ការងារល្អ ជាមួយប្រធាន​ទីស្នាក់ការត្រួតពិនិត្យច្រកទ្វារព្រំដែនអន្តរជាតិភ្នំដីថ្មី និងប្រធាន​ទីស្នាក់ការត្រួតពិនិត្យច្រក​ទ្វារតំបន់ ស៊ួនស៊ុ-អូរអន្លក់ ថ្មី ដែលទើប​តែផ្ទេរនិងប្រកាសចូលកាន់មុខតំណែងថ្មី ។ សូមបញ្ជាក់ថា លោក ណាត ចាន់រ៉េត អតីតប្រធានទីស្នាក់ការ​ត្រួតពិនិត្យច្រកទ្វារតំបន់ព្រំដែនស៊ួនស៊ុ-អូរអន្លក់ នៃស្រុក​កំរៀង ត្រូវបានផ្ទេរ និងប្រគល់ភារកិច្ចថ្មី ជាប្រធានស្នាក់ការត្រួតពិនិត្យ​ច្រកទ្វារអន្តរជាតិ ភ្នំដី-គីឡូ១៣ នៃស្រុកសំពៅលូន ជំនួសលោក តេង ចាន់ភិរម្យ ដែលត្រូវវិលត្រឡប់ទៅបម្រើការងារនៅអង្គភាព​ដើមវិញនិងប្រគល់ភារកិច្ចថ្មី ជូនលោករិត…

កំពង់ស្ពឺ៖ រដ្ឋមន្ត្រីក្រសួងឧស្សាហកម្ម វិទ្យាសាស្ដ្រ បច្ចេកវិទ្យានិង នវានុវត្ត​ឯកឧត្តម ហែម វណ្ណឌី បានលើកទឹកចិត្តដល់បងប្អូន អាជីវករ ទាំងអស់នៅក្នុងខេត្តកំពង់ស្ពឺ ចុះឈ្មោះសេដ្ឋកិច្ច​ក្រៅ​ប្រព័ន្ធ​តាមប្រព័ន្ធឌីជីថល ដើម្បីទទួលបានការគាំទ្រពីរាជរដ្ឋា ភិបាល។ ឯកឧត្តម ហែម វណ្ណឌី អំពាវនាវយ៉ាងដូច្នេះ ក្នុងយុទ្ធនាការ​ផ្សព្វផ្សាយ​ការចុះ​ឈ្មោះតាមថ្នាលឌីជីថល ,ចុះអ្នក​សេដ្ឋកិច្ច​ក្រៅប្រព័ន្ធ​ដែលប្រារព្ធនៅក្នុងបរិវេណសាលាខេត្តកំពង់​ស្ពឺ​កាលពីថ្ងៃទី២៨ ខែមេសា ឆ្នាំ២០២៥ ។ ថ្លែងទៅកាន់ប្រជាពលរដ្ឋ និងអាជីវករចូលរួមជាង៣ពាន់នាក់ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្មបានគូស​រំលេចថា ​រាជរដ្ឋាភិបាលកម្ពុជាបានបង្កើនការយកចិត្ត​ទុក​ដាក់​លើការអភិវឌ្ឍសេដ្ឋកិច្ចក្រៅប្រព័ន្ធ ជាពិសេស​ចំពោះ​សុខុមាល​ភាព និងជីវភាពរស់នៅរបស់បងប្អូន តាមរយៈការពង្រឹង​សមត្ថភាព ភាពធន់ និងភាពប្រកួតប្រជែងលើទីផ្សារ។ ឯកឧត្តមបញ្ជាក់ថា ការអភិវឌ្ឍសេដ្ឋកិច្ចក្រៅប្រព័ន្ធជា​កិច្ចការ​អាទិភាព និងចាំបាច់ ដើម្បីជំរុញការចូលរួមក្នុង​ខ្សែច្រវាក់​ផ្គត់ផ្គង់ និងបង្កើតតម្លៃបន្ថែមក្នុងសកម្មភាពសេដ្ឋកិច្ចជាតិ ។ទន្ទឹម​នឹង​នេះបានរួមចំណែកដល់ការកាត់បន្ថយភាពក្រីក្រ និងវិសមភាព​សង្គម។ពិសេស​ការចុះឈ្មោះក្នុងថ្នាលឌីជីថលនេះអនុញ្ញាត​ឱ្យរាជរដ្ឋាភិបាលមានមូលដ្ឋានទិន្នន័យ​ច្បាស់​លាស់សម្រាប់​ផ្តល់អន្តរាគមន៍ចំគោលដៅនិងទាន់ពេលវេលា ពិសេសក្នុង​អំឡុងពេលមានវិបត្តិ។ ឯកឧត្តមរដ្ឋមន្ត្រីបានបញ្ជាក់បន្ថែមថា ការចុះឈ្មោះទៅ​ក្នុង​ប្រព័ន្ធក៏ជាការបើកផ្លូវសម្រាប់អ្នកសេដ្ឋកិច្ចក្រៅប្រព័ន្ធ អាច​មានលទ្ធភាពទទួលបានការគាំទ្រផ្សេងៗ ដែលក្រសួង ស្ថាប័នកំពុងរៀបចំជាបន្តបន្ទាប់ដូចជាការអភិវឌ្ឍជំនាញការ​ចូលជា​​សមាជិកបេឡាជាតិរបបសន្តិសុខសង្គម​(ប.ស.ស)​ការទទួលបានសេវាហិរញ្ញវត្ថុផ្លូវការការអនុគ្រោះ លើកលែង​កាតព្វកិច្ចពន្ធដារនិងសេវាគាំពារសង្គមជាដើម។ ក្នុងឱកាសនោះដែរឯកឧត្តម ជាម ចន្ទ័សោភ័ណ អភិបាល​ខេត្តកំពង់ស្ពឺ​ក៏​បានលើកឡើងផង​ដែរថាការរៀបចំឱ្យ​មានការ​ចុះឈ្មោះតាមថ្នាលឌីជីថលសម្រាប់អ្នកសេដ្ឋកិច្ចក្រៅប្រព័ន្ធ មានគោលបំណងសំខាន់ គឺដើម្បីជួយ និងមិនមែនជា​ការ​ដាក់​បន្ទុកបន្ថែមដល់អ្នកសេដ្ឋកិច្ចក្រៅប្រព័ន្ធនោះទេ…

ព្រះវិហារ៖ អភិបាលខេត្ត និងជាប្រធានគណៈកម្មាធិការ​សាខា​កាកបាទក្រហមកម្ពុជាខេត្តព្រះវិហារ ឯកឧត្តម គីម រិទ្ធី និង​មន្រ្តីក្រុមការងារនាំយកអំណោយកាកបាទក្រហមកម្ពុជា ដែល​មានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជា​ប្រធានទៅ​ផ្តល់ជូនប្រជាពលរដ្ឋរងគ្រោះដោយសារខ្យល់កន្ត្រាក់៩៩គ្រួសារនៅឃុំខ្យង ឃុំតស៊ូ ស្រុកជ័យសែន ខេត្ត​ព្រះវិហារ។ អំណោយដែលផ្តល់ជូនកាលពីថ្ងៃទី២៨ ខែមេសា ឆ្នាំ២០២៥ មាន អង្ករ មី ត្រីខ ទឹកស៊ីអ៊ីវ ឃីតមួយកញ្ចប់ និងថវិកា មួយ​ចំនួន។ដោយឡែកប្រជាពលរដ្ឋដែលរលំផ្ទះទាំងស្រុងចំនួន ១១​គ្រួសារ បានទទួលតង់កៅស៊ូមួយបន្ថែមទៀត។ ក្នុងឱកាសនេះឯកឧត្តមអភិបាលខេត្តព្រះវិហារ បាននាំ​ប្រសាសន៍​ផ្តាំផ្ញើសាកសួរសុខទុក្ខពី សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនចំពោះ បងប្អូន​ប្រជាពលរដ្ឋទាំងអស់ ដោយក្តីនឹកលឹក និងបានសម្តែង នូវការ​សោកស្តាយយ៉ាងក្រៃលែង ចំពោះការបាត់បង់ជីវិត និងការខូច​ខាត​ទ្រព្យសម្បត្តិ រួមទាំងលំនៅឋានរបស់បងប្អូន ដែលបង្ក​ឡើង​ដោយគ្រោះធម្មជាតិខ្យល់កន្ត្រាក់ និងផ្គររន្ទះ កាលពី​ពេល​ថ្មីៗ​កន្លងទៅនេះ។ នៅក្នុងឱកាសនេះដែរឯកឧត្តម គីម រិទ្ធី បានដឹកនាំក្រុម​ការងារចុះពិនិត្យទីតាំងផ្ទាល់ ដល់លំនៅឋានប្រជាពលរដ្ឋ ដែល​រងការខូចខាតធ្ងន់ធ្ងរ នៅក្នុងឃុំខ្យង និងឃុំតស៊ូ។ តាមរយៈ​ការចុះពិនិត្យនេះឯកឧត្តមអភិបាលខេត្ត…