ភ្នំពេញ៖ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយមអម​ដំណើរដោយឯកឧត្តម ជាថ្នាក់ដឹកនាំ លោក លោកស្រី មន្ត្រីបច្ចេកទេសក្រសួង និងមន្ទីរធនធានទឹក និងឧតុនិយមខេត្តបាត់ដំបង នៅថ្ងៃទី៨ ខែឧសភា ឆ្នាំ២០២៥​នេះ​​បានអញ្ជើញចុះពិនិត្យ​ជាក់ស្តែង​វឌ្ឍនភាពគម្រោងអភិវឌ្ឍន៍​ទំនប់ដូនទ្រី ស្ថិតក្នុងស្រុករុក្ខគិរី ខេត្តបាត់ដំបង ដែលទទួល​ហិរញ្ញប្បទាន​សម្បទានពី​សាធារណរដ្ឋកូរ៉េ។ សូមជម្រាបជូនថា គម្រោងអភិវឌ្ឍន៍ទំនប់ដូនទ្រីប្រើរយៈពេលសាងសង់ ៩០ខែ ដោយចាប់ផ្ដើមក្នុងខែមិថុនា ឆ្នាំ២០១៨ និងគ្រោងបញ្ចប់នាខែតុលា ឆ្នាំ២០២៥ ខាងមុខ។ ការងារសំខាន់ៗរបស់គម្រោងរួមមាន៖ ទី១.សំណង់ទំនប់មេប្រវែង ៦៥៤ម៉ែត្រ, ទី២.សំណង់បង្ហៀរប្រវែង ៤១៤ម៉ែត្រ ,ទី៣.រូងទូនេលពង្វាង​ទឹករាងជាក្រចកជើងសេះប្រវែង ៤៦២​ម៉ែត្រ ,ទី៤.សំណង់គ្រប់គ្រងទឹកជា​ប្រភេទសំណង់ប៉មមានទ្វារទឹកច្រើនថ្នាក់ ដែលមានទ្វារទឹកចំនួន៥ និងស្ពាន​សម្រាប់​ឆ្លងទៅប៉មប្រវែង ៥៥ម៉ែត្រ ,ទី៥.ផ្លូវក្រាលថ្មភ្នំប្រវែង ១៧,៣គីឡូម៉ែត្រ និងទី៦.សំណង់ដោះទឹកចំនួន ៨កន្លែង និងស្ពានបណ្តោះអាសន្នចំនួន ៣កន្លែង។ យោងតាមក្រសួងធនធានទឹក និងឧតុនិយម បញ្ជាក់ថា គម្រោងអភិវឌ្ឍន៍​ទំនប់ដូនទ្រី ប្រើប្រាស់វិធីសាស្រ្តថ្មីក្នុងការ​សាងសង់ ដូចជា ការជីករូងក្នុងភ្នំ ការជីកថ្ម និងវិធីសាស្រ្តពង្រឹងកែច្នៃបាតគ្រឹះទំនប់ជាដើម។ គម្រោងនេះមាន​សក្តានុ​ពលស្ដុកទឹកបានប្រមាណ ១៦៣,១លានម៉ែត្រគូប មានលទ្ធភាពផ្គត់​ផ្គង់ទឹកស្រោចស្រពផ្ទៃដីកសិកម្មប្រមាណ…

បន្ទាយមានជ័យ៖លោក ហ៊ុយ ទូច ប្រធានការិយាល័យបសុពេទ្យនៃមន្ទីរកសិកម្ម រុក្ខាប្រមាញ់ និងនេសាទខេត្តបន្ទាយ​មានជ័យ កាលពីថ្ងៃទី៧ ខែឧសភា ឆ្នាំ​២០២៥ បានដឹកនាំមន្រ្តីចុះពង្រឹងការងារត្រួតពិនិត្យសត្វពាហនៈ​នាំចូលពី​ប្រទេសថៃ។សកម្មភាពនេះដើម្បីអនុវត្តតាមខ្លឹមសារសេចក្តីប្រកាសព័ត៌មាន ស្តីពី ការកើតមានជំងឺឈាមខ្មៅ ឬ ជំងឺ​អង់ត្រាក់លើសត្វ​ពាហនៈ​នៅប្រទេសថៃ ។មន្រ្តីជំនាញក៏បានផ្សព្វផ្សាយដល់សមត្ថកិច្ចការពារព្រំដែន ឱ្យជួយអន្តរាគមន៍​ទប់ស្កាត់​ការ​លួចនាំចូលសត្វដោយខុសច្បាប់ ផងដែរ។ លោក ហ៊ុយ ទូច​ បានឱ្យ​ដឹងថា​ ក្នុងសេចក្តីប្រកាសព័ត៌មានរបស់ក្រសួងកសិកម្ម រុក្ខាប្រមាញ់ និងនេសាទ​ចុះថ្ងៃទី៦ ខែ​ឧសភា ឆ្នាំ២០២៥ ស្ដីពីករណីកើត​មាន​ជំងឺឈាមខ្មៅឬជំងឺអង់ត្រាក់ លើសត្វពាហនៈនៅក្នុង​ប្រទេសថៃ​និងការដាក់ឱ្យ​អនុវត្តការហាមឃាត់ជាបណ្ដោះអាសន្នលើការនាំចូលសត្វពាហនៈនិងផលិតផលសាច់សត្វតាមច្រកព្រំដែន​ទាំងអស់នៃ​ប្រទេសថៃ។ លោកបន្តថា ដើម្បីអនុវត្តឱ្យ​កាន់តែមានប្រសិទ្ធភាព មន្ត្រីជំនាញ​បានធ្វើការ​ផ្សព្វផ្សាយនិងសហការ​ជាមួយ​សមត្ថ​កិច្ចការពារព្រំដែនឱ្យជួយអន្តរាគមន៍ទប់ស្កាត់ការលួចនាំចូល​សត្វដោយ​ខុសច្បាប់។ ក្រៅពីការទប់ស្កាត់នៅ​តាម​ព្រំដែនជាមួយក្រុមហ៊ុននាំចូល មន្ត្រីរបស់​លោកបានចុះត្រួតពិនិត្សស្ថានភាពសុខភាពសត្វ គោ ក្របី ជ្រូក នៅតាមសត្ត​ឃាតដ្ឋានជាប្រចាំមុនចូលពិឃាតដើម្បីធានាថាសត្វគ្មានជំងឺឆ្លង។ជាការកត់​សម្គាល់​សត្វទាំងអស់នេះមានសុខភាព​ល្អជាធម្មតា៕ ដោយ៖ឃិន គន្ធា

ភ្នំពេញ៖ លោក ចេង មុនីរ៉ា អភិបាលខណ្ឌច្បារអំពៅ កាលពីថ្ងៃទី៧ ខែឧសភា ឆ្នាំ២០២៥​បានជួបសំណេះ​សំណាល​ជាមួយកម្លាំងសណ្តាប់ធ្នាប់ខណ្ឌនៅ​សាលាខណ្ឌច្បារអំពៅ ។ជាមួយជំនួបនេះ ក៏មានឧបត្ថម្ភជាថវិកាមួយ​ចំនួន​ផងដែរ។ ក្នុងឱកាសនេះលោកអភិបាលខណ្ឌច្បារអំពៅបានកោតសរសើរដល់កងកម្លាំសណ្ដាប់ធ្នាប់ខណ្ឌទាំងអស់ដែលបានចូលរួមយ៉ាងសកម្មជាមួយកម្លាំង​សមត្ថកិច្ច​ដទៃក្នុងការរៀបចំសន្តិសុខ សណ្ដាប់ធ្នាប់សាធារណៈ ក្នុងភូមិសាស្រ្តទទួល​ខុសត្រូវ ប្រកបដោយប្រសិទ្ធភាព ។លោកបានលើកទឹកចិត្តនិងជំរុញឱ្យបន្តសកម្មភាពដ៏ប្រពៃនេះ និង ត្រូវបន្ត​រក្សា​បាននូវ​សាមគ្គីភាព​ឱ្យបានល្អ និងបញ្ចៀសឱ្យខាងតែបាននូវរាល់សកម្មភាព​អសីលធម៌ទាំងឡាយទៅលើប្រជាពលរដ្ឋក្នុង អំលុងពេល​បំពេញការងាររ​បស់​ខ្លួន៕ ដោយ៖ វណ្ណលុក

ភ្នំពេញ៖ក្រុមការងារ នៃនាយកដ្ឋាន អភិរក្សប្រាសាទ និងបុរាណវិទ្យានៃ​អាជ្ញាធរជាតិអប្សរា កំពុងរៀបចំចុះបញ្ជីថ្មនៅ ជុំវិញប្រាសាទបាយ័ន​ដើម្បី​ទុកដាក់ឱ្យបានថ្មល្អប្រសើរ។សកម្មភាពនេះដើម្បីភាពងាយស្រួល​ក្នុង​ការដឹងពីប្រភេទថ្ម។ ប្រភពអាជ្ញាធរជាតិអប្សរាបានស្រង់សម្ដី លោក ធឿន សុខុន មន្រ្តីបច្ចេកទេសនៃ​នាយកដ្ឋានអភិរក្សប្រាសាទ និងបុរាណ​វិទ្យា​មកបញ្ជាក់ថា ក្រុមការងារបានអនុវត្ត​កិច្ចការនេះមានរយៈពេល៥ខែមកហើយ ដោយកំណត់យកតួ​អក្សរ​សម្រាប់​តាង។ សិលាទាំងនេះ មានខ្លះជាបំណែកព្រះពុទ្ធរូប ព្រះកេស ផ្តែរ និងចម្លាក់ផ្សេងៗ។ ចំណែកបុរាណវិទូ លោក ផុន តារា បានឱ្យដឹងថា ថ្មដែលកំពុងរៀបចំទុកដាក់​ឱ្យបានល្អនេះ នឹងត្រូវយកទៅរក្សាទុកនៅ​បរិវេណប្រាសាទបាភួន។ ចំណែក​បំណែកថ្មខ្លះដូចជាកំពូល ឬព្រហ្មមុខបួនជាដើម អ្នកជំនាញនឹងរៀបចំផ្គុំទៅតាម​ទីតាំងដើមវិញ ប្រសិនជាអាចរកឃើញ។ លោកសង្ឃឹមថា ការរៀបចំនេះនឹងធ្វើឱ្យ​ថ្ម មានសណ្ដាប់រៀបរយល្អ ងាយស្រួល​ក្នុងការយកមកប្រើប្រាស់ ឬជួសជុល​ប្រាសាទឡើងវិញ ក៏ដូចជាលើកតម្លៃប្រាសាទនាពេលអនាគត។ សូមជម្រាបថា ប្រាសាទបាយ័ន ស្ថិតនៅខេត្តសៀមរាប មានទម្រង់ជាប្រាសាទភ្នំ ដែលបង្ហាញពីស្ថាបត្យកម្មចម្លែកថ្មីមួយ ពីប្រាសាទនានា។ប្រាសាទបាយ័ន មាន​ប្រាង្គចំនួន ៥៤ ដែលប្រាង្គនីមួយៗ មានរូបចម្លាក់ព្រហ្មមុខ៤។ ប្រាសាទនេះ ស្ថិតនៅចំផ្ចិតក្នុងអង្គរធំតែម្ដង។ដើម្បីឱ្យរាជធានីរបស់ព្រះអង្គរឹងមាំ ព្រះបាទជ័យវរ្ម័នទី៧ បានសាង​សង់កំពែង ៤ជ្រុងព័ទ្ធជុំវិញ។ កំពែងនេះ គឺជា​របងដ៏រឹងមាំ សម្រាប់ការពារខ្មាំងសត្រូវ។ នៅអមកំពែង…

បាត់ដំបង៖ប្រជាពលរដ្ឋជួបការលំបាកចំនួន១៥០គ្រួសារនៅស្រុកមោងឫស្សី ខេត្តបាត់ដំបង ទទួលបានអំណោយ​រាជរដ្ឋាភិបាល តាមរយៈមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តបាត់ដំបងក្នុងសប្ដាហ៍នេះ។ ក្នុងពិធីចែកអំណោយដែលប្រព្រឹត្តទៅនៅបរិវេណសាលាឃុំឫស្សីក្រាំង ស្រុកមោងប្ញស្សី លោកស្រី កែវ ដាណា អភិបាលរងខេត្ត តំណាងឯកឧត្ដម សុខ លូ អភិបាលខេត្តបាត់ដំបង បានថ្លែងអំណរគុណដល់លោក ឡុង សុភឺន អភិបាល​ស្ដីទីស្រុកមោងឫស្សី លោក ភួង សិទ្ធិ ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តបាត់ដំបង ដែលតែង​តែគិតជានិច្ចដល់ប្រជាពលរដ្ឋ​ជួបការលំបាកខ្វះខាតខ្លាំង ហើយក៏មិនទុកប្រជាពលរដ្ឋណាម្នាក់ចោលនោះឡើយ។ លោកស្រីអភិបាលរងខេត្តបានគូសបញ្ជាក់បន្ថែមថារាជរដ្ឋាភិបាល នីតិកាលទី៧នៃរដ្ឋសភា ក្រោមការដឹកនាំ របស់​សម្ដេច​បវរធិបតី ហ៊ុន ម៉ាណែត នាយករដ្ឋមន្រ្តី ក៏មិនខុសពីសម្ដេចតេជោ ហ៊ុន សែន អតីតនាយករដ្ឋមន្រ្តីដែល សម្ដេចតែងតែ​គិតគូរនិងយកចិត្តទុកដាក់ចំពោះសុខទុក្ខ របស់ប្រជាពលរដ្ឋគ្រប់រូបដោយមិនប្រកាន់និន្នាការអ្វីនោះ​ឡើយ។ លោកស្រី កែវ ដាណា បានបញ្ជាក់ទៀតថា មន្ទីរសង្គមកិច្ចតាមរយៈគោលនយោបាយរបស់រាជ​រដ្ឋាភិបាលបាន​យកចិត្ត​ទុកដាក់ខ្ពស់ចំពោះមនុស្សវ័យចាស់៕ អត្ថបទ-រូបភាព៖ អ៊ុក សំអាន បប.

ព្រះវិហារ៖ក្នុងសប្ដាហ៍នេះឯកឧត្តម គីម រិទ្ធី អភិបាលខេត្តព្រះវិហារ បានដឹកនាំមន្ត្រីរាជការ មន្ទីរ អង្គភាពនានាជុំវិញខេត្ត ក្រុង-ស្រុកទាំង៨ កងកម្លាំងទាំងបី និងអ្នកពាក់ព័ន្ធប្រមាណ ២០០នាក់ ចូលរួមបរិច្ចាគឈាមដោយស្ម័គ្រចិត្ត ក្រោម​ប្រធានបទ “ផ្ដល់ឈាម ផ្ដល់ក្ដីស្រលាញ់” នៅសាលាខេត្តព្រះវិហារ។ ក្នុងពិធីបរិច្ចាគឈាមដោយស្ម័គ្រចិត្តដែលរៀបចំឡើងក្រោមកិច្ចសហការ រវាងរដ្ឋបាលខេត្តព្រះវិហារ និងសហភាព​សហព័ន្ធ​យុវជនកម្ពុជាខេត្តព្រះវិហារ ឯកឧត្តម គីម រិទ្ធី បានលើកឡើងថា “ក្លិបនៃក្តីស្រឡាញ់” បានរួមចំណែក​យ៉ាង​សំខាន់ ក្នុងការជំរុញយុវជន និងប្រជាពលរដ្ឋគ្រប់ស្រទាប់វណ្ណៈ ឱ្យចូលរួមគាំទ្រគោលដៅបរិច្ចាគឈាមដោយស្ម័គ្រចិត្ត ១០០ភាគរយរបស់មជ្ឈមណ្ឌលជាតិផ្តល់ឈាម ។សកម្មភាពនេះ មិនត្រឹមតែលើកកម្ពស់វប្បធម៌បរិច្ចាគ​ឈាមដោយ​ស្ម័គ្រចិត្ត និងមិនគិតកម្រៃប៉ុណ្ណោះទេ ថែមទាំងពង្រឹងនូវសុវត្ថិភាព និងនិរន្តរភាពឈាម សម្រាប់សង្គ្រោះជីវិតមនុស្ស​ផងដែរ។ឯកឧត្តម គីម រិទ្ធី បានបញ្ជាក់ថា ការបរិច្ចាគឈាម គឺជាទង្វើដ៏មានតម្លៃ ដែលបង្ហាញពីស្មារតីសាមគ្គីភាព និងការយកចិត្តទុកដាក់ចំពោះសង្គម៕ ដោយ៖ឡុង សំបូរ