(កំពង់ធំ)៖ ព្រឹកថ្ងៃទី១៣ ខែឧសភា ឆ្នាំ២០២៥ ឯកឧត្តម នួន ផារ័ត្ន អភិបាលខេត្តកំពង់ធំ បានអញ្ជើញជាអធិបតីក្នុងពិធីសំណេះសំណាលជាមួយប្រជាពលរដ្ឋ និងចុះពិនិត្យការដ្ឋានស្ថាបនាផ្លូវក្រាលកៅស៊ូពីជាន់ (DBST) ប្រវែង ៤.៧ គីឡូម៉ែត្រ ដែលភ្ជាប់ពីភូមិតាអោកទៅភូមិកំពីងតាគង់ ស្ថិតនៅឃុំឈូក ស្រុកប្រាសាទសំបូរ។គម្រោងនេះជាផ្នែកមួយនៃគម្រោងអាទិភាពរបស់សម្ដេចមហាបវរធិបតី ដែលមានគោលបំណងលើកស្ទួយជីវភាពប្រជាពលរដ្ឋតាមសហគមន៍ និងតំបន់ជនបទ។ ក្នុងឱកាសនោះ ឯកឧត្តម បានថ្លែងថា ការសាងសង់ផ្លូវ DBST នេះនឹងជួយសម្រួលដល់ការធ្វើដំណើររបស់ប្រជាពលរដ្ឋជាពិសេសសិស្សានុសិស្ស ការចូលដំណើរទៅមណ្ឌលសុខភាព និងការដឹកជញ្ជូនកសិផល ដែលនឹងកាន់តែមានភាពងាយស្រួល សុវត្ថិភាព និងរហ័សជាងមុន។ ដើម្បីពង្រឹងគុណភាពផ្លូវ ឯកឧត្តម បានអំពាវនាវឲ្យប្រជាពលរដ្ឋចូលរួមថែរក្សាផ្លូវ ប្រើប្រាស់បានយូរអង្វែង ដោយគោរពច្បាប់ផ្នែកបញ្ជូនទំនិញ និងចៀសវាងការប្រើប្រាស់ផ្លូវលើសទម្ងន់កំណត់ ដែលអាចបណ្ដាលឲ្យផ្លូវខូច បែកលូ ឬបាក់ស្ពាន។ នៅក្នុងពិធីនេះផងដែរ ឯកឧត្តមបានលើកឡើងពីគោលនយោបាយអភិវឌ្ឍសហគមន៍កសិកម្មទំនើបរបស់រាជរដ្ឋាភិបាលអាណត្តិទី៧ ដោយអំពាវនាវឲ្យប្រជាពលរដ្ឋបម្លែងពីកសិកម្មប្រពៃណីទៅជាកសិកម្មទំនើប មានប្រព័ន្ធគ្រប់គ្រងច្បាស់លាស់ ថ្លៃដើមផលិតទាប ទទួលបានការគាំទ្របច្ចេកទេស និងការធានាទីផ្សារតាមកិច្ចសន្យា។ កសិកម្មទំនើបនឹងមានជាស្រទាប់គាំទ្រសំខាន់ក្នុងការអភិវឌ្ឍវិស័យកសិកម្មរបស់ប្រទេសជាតិ ៕ ដោយ ៖ ប៊ុន រដ្ឋា

(ភ្នំពេញ)៖ រកឃើញសពពលករខ្មែរចំនួន២រូបបន្ថែមទៀតដែលបានស្លាប់ក្នុងទីតាំងអគារបាក់រលំដោយសារគ្រោះរញ្ជួយដីនាទីក្រុងបាងកកប្រទេសថៃកាលពីថ្ងៃទី២៨ ខែមីនា ឆ្នាំ២០២៥ដែលសពប្តីមានឈ្មោះថា សាន់ សឿន អាយុ ៣៨ឆ្នាំ និងប្រពន្ធឈ្មោះ សុខ គិមសី អាយុ៣១ឆ្នាំ ដែលមានទីលំនៅក្នុងខេត្តបន្ទាយមានជ័យ។ នេះបើយោងតាមសេចក្តីប្រកាសព័ត៌មានរបស់ក្រសួងការងារ និងបណ្តុះបណ្តាលវិជ្ជាជីវៈដែលចេញផ្សាយនៅថ្ងៃទី១៤ ខែឧសភា ឆ្នាំ២០២៥នេះ។ ឯកឧត្តម ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា ក្រោយទទួលបានដំណឹងដ៏ក្រៀមក្រំនេះ ក្រសួង ស្ថានឯកអគ្គរាជទូតកម្ពុជាប្រចាំប្រទេសថៃ និងអនុព័ន្ធការងារអមស្ថានឯកអគ្គរាជទូតកម្ពុជាប្រចាំប្រទេសថៃ បាននិងកំពុងសម្របសម្រួលរៀបចំឯកសារនានាស្របតាមនីតិវិធីរបស់ប្រទេសថៃ ដើម្បីយកសពមកធ្វើបុណ្យតាមប្រពៃណីនៅស្រុកកំណើត ព្រមទាំងបន្តតាមដានចំពោះសំណងនានា ដែលគ្រួសារនៃសពត្រូវទទួលបានពីភាគីថៃ។ ឯកឧត្តមបញ្ជាក់ថា ៖ “ សម្តេចធិបតី នាយករដ្ឋមន្ត្រី ឯកឧត្តមរដ្ឋមន្ត្រី មន្ត្រីក្រសួងការងារ និងបណ្តុះបណ្តាលវិជ្ជាជីវៈ បានយកចិត្តទុកដាក់ណាស់ចំពោះគ្រោះរញ្ជួយដីដែលកើតនៅប្រទេសថៃ ហើយក្រុមការងារអនុព័ន្ធការងាររបស់ក្រសួងបានទៅដល់ទីតាំង និងបន្តតាមដានឥតដាច់ឡើយរួមទាំងការបន្តសម្របសម្រួលផ្សេងៗដូចជាឯកសារ និងតម្រូវការចាំបាច់ផ្សេងៗសម្រាប់ជួយពលកររបស់យើង”។ ឯកឧត្តមបន្តថា ៖ “ក្រៅពីការជួយសម្រួលរៀបចំឯកសារដើម្បយយកសពមកធ្វើបុណ្យតាមប្រពៃណីនៅស្រុកកំណើត ការបន្តតាមដានលើសំណងចំពោះគ្រួសារសព ក្រសួង ក៏ដូចជារាជរដ្ឋាភិបាល បន្តយកចិត្តទុកដាក់ដើម្បីជួយដល់បងប្អូនរងគ្រោះក្នុងនាមអាណាព្យាបាល”។ គិតត្រឹមថ្ងៃទី១៤ ខែឧសភា ឆ្នាំ២០២៥នេះ ពលករខ្មែរចំនួន៤រូបបានស្លាប់ ខណៈពលរដ្ឋចំនួន២រូបផ្សេងទៀត…

(ភ្នំពេញ)៖ ផូស៊ីលគ្រីណូអ៊ីត (Crinoid) ដែលបានបន្សល់ទុករាប់លានឆ្នាំមុនមកនេះ ត្រូវបានគេរកឃើញជាបន្តបន្ទាប់នៅតាមតំបន់ជាច្រើននៅក្នុងប្រទេសកម្ពុជា ហើយគេរកឃើញច្រើនជាងគេគឺនៅភ្នំស្វាយ ខេត្តបន្ទាយមានជ័យ ខេត្ត បាត់ដំបង ខេត្តស្ទឹងត្រែង ខេត្តកំពតជាដើម។ ផូស៊ីល គ្រី ណូអ៊ីត ត្រូវបានរកឃើញ មានជីវិតនៅលើផែនដីកាលពី ប្រមាណ៤៥០លានឆ្នាំមុន។ សត្វគ្រីណូអ៊ីត មានរូបរាងដូចជាផ្កាព្រលិតមួយដើមដែលមានផ្នែកផ្កា ដើម និងឫស ខ្លះមានដើមខ្លី និងខ្លះមានដើមវែង។ គេបានរកឃើញ គ្រីណូអ៊ីត ខ្លះមានប្រវែងដល់ទៅ១ម៉ែត្រ។ ពួកវាជាប្រភេទសត្វដែលរស់នៅក្នុងទឹករាក់។ ថ្វីត្បិតយើងមើលទៅហាក់ដូចជារុក្ខជាតិ តែការពិតពួកគ្រីណូអ៊ីត ជាសត្វអាចធ្វើ ដំណើរ និងហែលទឹកបាន។ ទាក់ទិនក្នុងរឿងនេះ លោក លឹម វណ្ណច័ន្ទ ប្រធានការិយាល័យបេតិកភណ្ឌវប្បធម៌ នៃនាយកដ្ឋានតំបន់បេតិកភណ្ឌ អគ្គនាយកដ្ឋានសហគមន៍មូលដ្ឋាន ក្រសួងបរិស្ថានបានឱ្យដឹងថា៖”នៅក្នុងប្រទេសកម្ពុជាយើង គេបានជួបប្រទះផូស៊ីលសត្វត្រីណូអ៊ីត ដែលមានផ្នែកខាងក្បាលរបស់វានៅភ្នំស្វាយ ក្នុងខេត្តបន្ទាយមានជ័យ។ ភ្នំស្វាយជាប្រភេទភ្នំថ្មកំបោរ ដែលមានអាយុកាលនៅស័កទី១ ក្នុងសម័យ Permian ឬប្រមាណ២៥១ – ២៩៩លានឆ្នាំមុន”។ លោកថា ផូស៊ីលទាំងនេះគេក៏បានប្រទះឃើញ នៅទីតាំងផ្សេងៗទៀត ដូចជា ខេត្តបន្ទាយមានជ័យ…

(ភ្នំពេញ)៖ មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅជូន លោក ទីវ តារារិទ្ធ អ្នកជិះកង់ផ្សងព្រេងទៅកាន់ប្រទេសនានាក្នុងទ្វីបអឺរ៉ុប និងបណ្តាប្រទេសមួយចំនួនទៀតនៅលើពិភពលោក ដើម្បីរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា តាមរយៈការកៀរគរថវិកាសប្បុរសធម៌ជូន មូលនិធិគន្ធបុប្ផាកម្ពុជា ដែលបានចាប់ផ្តើមកាលពីខែមិថុនា ឆ្នាំ២០២៤ កន្លងទៅ។ ការលះបង់ទាំងកម្លាំងកាយ កម្លាំងចិត្ត និងពេលផ្ទាល់ខ្លួនរបស់ លោក ក្នុងរយៈពេល ១១ ខែ កន្លងមកនេះ ជាគុណតម្លៃដែលមិនអាចកាត់ថ្លៃបានសម្រាប់ទារក និងកុមារទាំងអស់នៅកម្ពុជា ដែលត្រូវការសេវាពិនិត្យ និងព្យាបាលជំងឺ ដោយឥតគិតថ្លៃ ប្រកបដោយគុណភាព និងមិនមានការរើសអើង។ បេសកកម្មដ៏មានតម្លៃនេះពិតជាបានចូលរួមផ្សព្វផ្សាយ និងបានធ្វើឱ្យប្រទេសនានាក្នុងពិភពលោកបានស្គាល់ព្រះរាជាណាចក្រកម្ពុជាកាន់តែច្បាស់ក្នុងសម័យសន្តិភាព។ បន្ថែមលើនេះ, លោក ក៏បានទាក់ទាញនូវចំណាប់អារម្មណ៍ និងការចូលរួមបរិច្ចាគថវិកាជូនមូលនិធិគន្ធបុប្ផាកម្ពុជា ដែលជាមូលនិធិជាតិ និងផ្លូវការតែមួយគត់ បង្កើតឡើងដើម្បីផ្ដល់ការគាំទ្រផ្នែកហិរញ្ញវត្ថុដល់មន្ទីរពេទ្យគន្ធបុប្ផា។ ជាមួយគ្នានេះ មូលនិធិគន្ធបុប្ផាកម្ពុជា សូមគាំទ្រចំពោះការបន្ត និងពង្រីកបេសកកម្មរបស់ លោក ក្នុងការជិះកង់ផ្សងព្រេងតែម្នាក់ឯង ទៅកាន់ប្រទេសនានាក្នុងទ្វីបអាហ្រ្វិកបន្តទៀត៕ ដោយ ៖ ង៉ាន់ ទិត្យ