(ខេត្តត្បូងឃ្មុំ)៖ សម្តេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា បានដឹកនាំគណៈអចិន្ត្រៃយ៍ក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា ចូលរួមក្នុងពិធីដាក់កម្រងផ្កាគោរពវិញ្ញាណក្ខន្ធចំពោះវីរយុទ្ធជន វីរយុទ្ធនារី និងប្រជាជនកម្ពុជា រំលឹកខួបលើកទី៤៨ នៃទិវាចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត ២០ មិថុនា ១៩៧៧-២០ មិថុនា ២០២៥ នៅតំបន់ប្រវត្តិសាស្ត្រយោធាតេជោកោះថ្ម X១៦ ឃុំទន្លូង ស្រុកមេមត់ ខេត្តត្បូងឃ្មុំ នាព្រឹកថ្ងៃអង្គារ ៧រោច ខែជេស្ឋ ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី១៧ ខែមិថុនា ឆ្នាំ២០២៥។ សូមបញ្ជាក់ថា ពិធីនេះប្រព្រឹត្តទៅក្នុងគោលបំណង ក្នុងស្មារតីចងចាំជានិច្ច និងរំឭកដល់គុណបំណាច់ដ៏ធំធេងរបស់វីរយុទ្ធជន យុទ្ធនារី កងកម្លាំងប្រដាប់អាវុធ និង ប្រជាពលរដ្ឋគ្រប់ស្រទាប់ ដែលបានពលិកម្មយ៉ាងអង់អាចក្លាហាន បូជាសាច់ស្រស់ ឈាមស្រស់ ដើម្បីបុព្វហេតុជាតិ។ ជាពិសេ ដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត ដែលសមមិត្ត ហ៊ុន សែន…

(ភ្នំពេញ)៖ អ្នកជំនាញនៃនាយកដ្ឋានអភិរក្ស និងបុរាណវិទ្យា នៃអាជ្ញាធរជាតិអប្សរា កំពុងរៀបចំជួសជុល កំពូលព្រំដំបូល ឬនាងច្រាល នៅប្រាសាទបន្ទាយសំរ៉ែ ដើម្បីលើកតម្លៃប្រាសាទនេះ ឱ្យមានសោភ័ណភាពឡើងវិញ។នេះបើតាមការឱ្យដឹងពីសំណាក់អាជ្ញាធរជាតិអប្សរា។ ទាក់ទិនក្នុងរឿងនេះ លោក ឡុង ណារី ប្រធានក្រុមការងារជួសជុលនាងច្រាលប្រាសាទបន្ទាយសំរ៉ែ លើកឡើងថា នាងច្រាលជាស្ថាបត្យកម្មមួយដ៏សំខាន់នៅតាមប្រាសាទ ដូច្នេះការរៀបចំជួសជុល ពង្រឹងឡើងវិញ ជាផ្នែកមួយមានសារសំខាន់ដើម្បីលើកតម្លៃប្រាសាទទាំងនោះ ។ ចំពោះប្រាសាទ បន្ទាយសំរ៉ែ លោក ណារី ថា នាងច្រាលមួយចំនួនធំបានបាក់បែក និងរបេះធ្លាក់ដល់ដី ដែលក្រុមការងារបស់លោក កំពុងរើស និងរៀបចំបិទបាយអរពង្រឹង និងរៀបចំដាក់នៅទីតាំងដើមវិញ។ លោកបញ្ជាក់ថា នាងច្រាលយ៉ាងហោចណាស់ជាង៣០០ នឹងត្រូវបានជួសជុល ពង្រឹងឡើងវិញ។ដូចនៅប្រាសាទដទៃទៀតដែរ នាងច្រាលមានការបាក់បែក និងពុកផុយ ដោយសារកត្តាធម្មជាតិ និងអាយុកាល។ ចំពោះប្រាសាទបន្ទាយសំរ៉ែ នៅសេសសល់នាងច្រាលច្រើន ដោយសារមានការជួសជុល នៅសម័យដើម។ ប៉ុន្តែទោះជាយ៉ាងណា បច្ចេកទេសជួសជុលពេលនោះប្រើប្រាស់ស៊ីម៉ង់ត៍ និងស្នូលដែកតូចៗ មិនមានភាពធន់ជាប់យូរទេ។ លោក ណារី បញ្ជាក់ថា ការជួសជុលលើកនេះ ក្រុមការងាររបស់លោកនឹងប្រើបាយអរបិទភ្ជាប់ រួមផ្សំនឹងឧបករណ៍ សម្ភារទំនើប…

(ភ្នំពេញ)៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាសមាជិកគណៈអចិន្ត្រៃយ៍គណៈកម្មាធិការកណ្តាល បានអញ្ជើញផ្តល់បទឧទ្ទេសនាមលើប្រធានបទ «ភាពជាអ្នកដឹកនាំ នវានុវត្តន៍ និងគុណាធិបតេយ្យក្នុងរដ្ឋបាលសាធារណៈ»។ បទឧទ្ទេសនាមនេះ បានប្រព្រឹត្តទៅនារសៀលថ្ងៃទី១២ ខែមិថុនា ឆ្នាំ២០២៥ ដែលជាផ្នែកមួយនៃ វគ្គអប់រំនយោបាយរបស់គណបក្សប្រជាជនកម្ពុជា កម្រិត២ ជំនាន់ទី១៨ ដោយមានសិក្ខាកាមដែលជាមន្ត្រីគណបក្សមកពីបណ្តាគណបក្សក្រសួង-ស្ថាប័ន រាជធានី-ខេត្ត និងអង្គការយុវជនគណបក្ស ចូលរួមសរុបចំនួន ១៤៧រូប (ស្រី ២០រូប) នៅវិមាន ៧មករា រាជធានីភ្នំពេញ។ ឯកឧត្តមឧបនាយករដ្ឋមន្ត្រី បានលើកឡើងពីស្ថានភាពព្រំដែនដែលកំពុងតែកើតឡើង ដើម្បីដាស់ស្មារតីដល់សិក្ខាកាមទាំងអស់ថា “បើទោះបីជាយើងកំពុងសិក្សារៀនសូត្រនៅទីនេះ ក៏ប៉ុន្តែស្មារតីរបស់យើងទាំងអស់គ្នា ឆ្ពោះទៅកាន់ការគិតគូរទៅលើប្រទេសជាតិ ជារួម ជាពិសេសការផ្តល់ជាកម្លាំងទឹកចិត្តពីសមរភូមិខាងក្រោយទៅកាន់កងកម្លាំង ដែលកំពុងឈរជើងនៅជួរមុខតាមបណ្តោយព្រំដែន។ នៅក្នុងបទឧទ្ទេសនាមរបស់ឯកឧត្តមឧបនាយករដ្ឋមន្ត្រី នារសៀលនេះ ត្រូវបានបែងចែកជា ៣ផ្នែក៖ ផ្នែកទី១.ការរំលឹកនូវប្រវត្តិ និងការកកើតនៃវិស័យមុខងារសាធារណៈ ជាពិសេសការអនុវត្តការងារកែទម្រង់រដ្ឋបាលសាធារណៈជាបន្តបន្ទាប់កន្លងមក និងសម្រេចបាននូវលទ្ធផលជាច្រើន រហូតមកដល់ពេលបច្ចុប្បន្ន។ ផ្នែកទី២.ឯកឧត្តម ក៏បានរៀបរាប់ពីសមិទ្ធផលដែលសម្រេចបានរយៈពេល ២១ខែ ដែលបន្តការងារកែទម្រង់រដ្ឋបាលសាធារណៈពីអាណត្តិមុនៗ របស់រាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំដ៏ឈ្លាសវៃ…

កំពង់ធំ៖ ឯកឧត្តម នួន ផារ័ត្ន អភិបាលខេត្តកំពង់ធំ និងជាប្រធាន​គណៈ​​កម្មាធិការគ្រប់គ្រងគ្រោះមហន្តរាយថ្នាក់ខេត្ត បានដឹកនាំ​មន្ត្រីជំនាញ និងអាជ្ញាធរមូលដ្ឋាន ចុះពិនិត្យ និងវាយតម្លៃ​ស្ថានភាព​ជំនន់ទឹកភ្លៀងដើមរដូវវស្សា ដែលបានជន់លិចដំណាំស្រូវនៅ​ក្នុងភូមិសាស្ត្រឃុំសាន់គ ស្រុកកំពង់ស្វាយ ខេត្តកំពង់ធំ។ ក្នុងសកម្មភាពកាលពីថ្ងៃទី១១ ខែមិថុនា ឯកឧត្តមអភិបាលខេត្ត បានណែនាំដល់ក្រុមមន្ត្រីឱ្យរៀបចំផែនការ​ដើម្បី​ស្នើសុំអន្តរាគមន៍​លើស្រូវពូជ សម្រាប់ចែកជូនប្រជាកសិករ ដើម្បីជួយឱ្យពួកគេ​អាចស្តារឡើងវិញបន្ទាប់ពីទឹកស្រក។ ព្រមជាមួយនេះឯកឧត្តម​ក៏បានលើកទឹកចិត្តដល់ប្រជាកសិករ ឱ្យបន្តខិតខំប្រឹងប្រែងក្នុង​ការបង្កើនផលិតភាពស្រូវ និងពិចារណាដាំដំណាំបន្ថែមផ្សេងទៀត។ រដ្ឋបាលស្រុកកំពង់ស្វាយបានរាយការណ៍ថា ឃុំដែលរងផលប៉ះ​ពាល់ដោយទឹកជំនន់មានផ្ទៃដីស្រូវសរុបជាង២៦​ហិកតាក្នុងនេះមាន​ស្រូវវស្សាជាង១៤ ហិកតា និងស្រូវស្រាលជាង ១១ ហិកតា។ ចំណែកផ្ទៃដីដែលរងផលប៉ះពាល់ មានចំនួន ៦៣៨ ហិកតា និង ៥៤៦ គ្រួសារបានរងការប៉ះពាល់ដោយផ្ទាល់៕ ដោយ​៖ប៊ុន​រដ្ឋា

កំពង់ធំ៖ រដ្ឋបាលខេត្តកំពង់ធំដែលមានមន្ទីរបរិស្ថានជាសេនាធិការបានប្រារព្ធទិវាបរិស្ថានជាតិ និងបរិស្ថានពិភព​លោក៥ មិថុនាក្រោមប្រធានបទ «ប្រយុទ្ធប្រឆាំងការបំពុលដោយសំណល់ប្លាស្ទិក»។ ដោយមានការអញ្ជើញ​ចូលរួមពី​លោក ជា ចាន់ អភិបាលរងខេត្តតំណាងឯកឧត្តម នួន ផារ័ត្ន អភិបាលខេត្តកំពង់ធំ។ កម្មវិធីដែលបានប្រព្រឹត្តទៅកាលពីព្រឹកថ្ងៃទី១២ ខែមិថុនា គឺជាឱកាសដ៏សំខាន់មួយក្នុងការផ្សព្វផ្សាយ និងលើក​ទឹកចិត្តដល់សាធារណជនអំពីសារៈសំខាន់នៃការកាត់បន្ថយសំណល់ប្លាស្ទិក និងការប្រើប្រាស់ជំនួសដោយ​វត្ថុធាតុ​បរិស្ថាន។ ទាក់ទងនឹងវិស័យបរិស្ថាននេះដែរ លោក អោង ប៊ុនធឿន ប្រធានមន្ទីរបរិស្ថានខេត្តកំពង់ធំ បានឱ្យដឹងថា​មន្ទីរបាន​ដាក់ផែនការបណ្តុះកូនឈើចំនួន ១០ម៉ឺនដើមក្នុងមួយឆ្នាំ។ សម្រាប់ឆ្នាំ២០២៥នេះ មន្ទីរបានបណ្តុះចំនួន ១០១​.​០០០ ដើមដែលមានប្រភេទឈើព្រៃ ឈើហូបផ្លែ ឈើលម្អ និងត្នោត។ដោយក្រសួងបរិស្ថានក៏​បានដាក់​ចេញ​យុទ្ធនាការសំខាន់ ៣ ចំនួន ដើម្បីលើកកម្ពស់ការយល់ដឹង និងអនុវត្តក្នុងជីវិតប្រចាំថ្ងៃគឺ «ថ្ងៃនេះ ខ្ញុំមិនប្រើថង់​ប្លាស្ទិកទេ»,«កម្ពុជាស្អាត ខ្មែរធ្វើបាន» និង«ផ្លូវជាតិស្អាត គ្មានសំរាមប្លាស្ទិក»។ ចំណែកលោក ជា ចាន់ អភិបាលរងខេត្តបានគូសរំលេចថា ការចូលរួមរបស់សិស្សានុសិស្ស គ្រួសារ សហគមន៍ និងអាជីវករ គឺជាចំណុចសំខាន់ដើម្បីជំរុញការអនុវត្តវិធានការទាក់ទងនឹងបរិស្ថាន៕ ដោយ៖​ប៊ុន​រដ្ឋា

(ខេត្តកណ្តាល)៖ សិក្ខាកាមចំនួន ១០០នាក់ ជាមន្ត្រីគណបក្ស ប្រជាជន មន្ត្រីការិយាល័យ អង្គភាពថ្នាក់ក្រុង និងសង្កាត់ នៅក្រុងអរិយក្សត្រ បានបញ្ចប់វគ្គអប់រំនយោបាយរបស់គណបក្សខេត្តជំនាន់ទី៣៥ បន្ទាប់ពីបានសិក្សាអស់រយៈពេល ៣ថ្ងៃ ចាប់ពីថ្ងៃទី១០ ដល់ថ្ងៃទី១២ ខែមិថុនា ឆ្នាំ២០២៥ ។ ខណៈអញ្ជើញជាអធិបតី ក្នុងពិធីបិទវគ្គ និងផ្តល់ វិញ្ញាបនបត្របញ្ជាក់ការសិក្សាជូនដល់សិក្ខាកាម នាថ្ងៃទី១២ ខែមិថុនា ឆ្នាំ២០២៥នេះ ឯកឧត្តម ជាប ដាវុធ អនុប្រធាន ក្រុមការងារាជរដ្ឋាភិបាលចុះមូលដ្ឋាន ស្រុកល្វាឯម និងក្រុងអរិយក្សត្រនឹង ជាប្រធានចលនាយុវជនក្រុងអរិក្សត្រ និងស្រុកល្វាឯម ជាតំណាងដ៏ខ្ពង់ខ្ពស់ ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី អនុប្រធានអចិន្ត្រៃយ៍ក្រុមការងារគណបក្សចុះមូលដ្ឋានក្រុងអរិយក្សត្រ និងស្រុកល្វាឯម បានផ្តល់អនុសាសន៍មួយចំនួនដល់សិក្ខាកាមពិចារណា ច្នៃប្រឌិត អនុវត្ត រាល់ភារកិច្ចប្រកបដោយប្រសិទ្ធភាព ស្របតាមលក្ខណៈជាក់ស្តែង នៃគណៈកម្មាធិការគណបក្ស មូលដ្ឋាន សាខាបក្ស អង្គភាពនីមួយៗ រួមមាន៖ ១-ក្តាប់ជាប់គោលការណ៍ដឹកនាំរបស់គណបក្ស គឺសមូហភាពដឹកនាំ បុគ្គលទទួលខុសត្រូវ ភាគតិច គោរពភាគច្រើន…