បន្ទាយមានជ័យ៖ខណៈដែលអាកាសធាតុក្តៅហួតហែងខ្លាំង ហើយ ប្រភពទឹកមួយចំនួនចាប់ផ្តើមរីងខះ បានជំរុញឱ្យរដ្ឋបាល ខេត្ត គណៈកម្មាធិការគ្រប់គ្រងគ្រងគ្រោះមហន្តរាយខេត្តបន្ទាយ មានជ័យ បើកកិច្ចប្រជុំបន្ទាន់កាលពីរសៀលថ្ងៃចន្ទទី៦ ខែឧសភា ឆ្នាំ២០២៤ ជាមួយមន្រ្តីជំនាញពាក់ព័ន្ធ , អាជ្ញាធរមូលដ្ឋានដើម្បី ត្រៀមលក្ខណៈអន្តរាគមន៍ពេលចាំ បាច់។ ក្នុងកិច្ចប្រជុំ ឯកឧត្តម អ៊ុ រាត្រី អភិបាលខេត្តបន្ទាយមានជ័យនិង ជាប្រធានគណៈកម្មាធិការគ្រប់គ្រងគ្រោះមហន្តរាយខេត្ត បាន ប្រាប់ ទៅមន្រ្តីជំនាញពាក់ព័ន្ធ អាជ្ញាធរមូលដ្ឋានឱ្យរៀបចំកម្លាំង និងមធ្យោបាយគ្រប់គ្រាន់ ដើម្បីត្រៀមលក្ខណៈចុះ ជួយដោះ ស្រាយទឹកប្រើប្រាស់ជូនប្រជាពលរដ្ឋក្នុងករណីមានកង្វះទឹកខ្លាំងកើតឡើង។យកចិត្តទុកដាក់់ចំពោះសាលារៀននីមួយៗ និងវត្ត អារាមទាំងអស់ ដោយធានាថា មានទឹកស្អាតបរិភោគគ្រប់គ្រាន់។ចៀសវាងការខ្វះទឹកប្រើប្រាស់ និងដំណោះស្រាយឱ្យមាន ប្រសិទ្ធិ ភាព ឯកឧត្តមអភិបាលបានណែនាំដល់មន្ត្រីជំនាញពាក់ព័ន្ធ អាជ្ញាធរមូលដ្ឋានត្រូវក្ដាប់ឱ្យបានច្បាស់ពីបរិមាណទឹកដែលមានក្នុងប្រភពទឹកពីធម្មជាតិ ក៏ដូចជាទឹកអណ្ដូងខួងនិងស្រះដែល បានជីក ថ្មីៗបន្ថែម ។ត្រូវឱ្យដឹងច្បាស់ពីស្ថានភាពទឹកជាក់ស្តែង ដើម្បីម្ចាស់ការអន្តរាគមន៍បានទាន់ពេលវេលានៅពេល ប្រជាពលរដ្ឋមាន សំណូមពរបន្ទាន់។មកដល់ពេលនេះខេត្តបន្ទាយមានជ័យពុំទាន់ប្រកាសអាសន្នពីកង្វះ ទឹកខ្លាំង នៅឡើងទេ។ចំណែក ក្រសួងធនធានទឹកនិងឧតុនិយម នៅថ្ងៃអង្គារទី៧ ខែឧសភាបានជូនដំណឹងអំពីស្ថានភាពធាតុ អាកាស នៅកម្ពុជាថាមានសម្ពាធ ទាបគ្របដណ្ដប់មកលើឈូង សមុទ្រ ថៃ…

(ភ្នំពេញ)៖ មជ្ឈមណ្ឌលអង្គរ សម្រាប់ការអភិរក្សជីវៈចម្រុះ (ACCB) បានបង្ហាញពីការ តាំងចិត្តខ្ពស់ ក្នុងការស្វែងយល់អំពីអាកប្បកិរិយារបស់សត្វ និង លក្ខណៈជីវសាស្រ្ត របស់សត្វដែលជះឥទ្ធិពលដល់ការរស់នៅរបស់ពួកវា។ មជ្ឈមណ្ឌលអង្គរ សម្រាប់ការអភិរក្សជីវៈចម្រុះ បានលើកឡើងថា”វិធីសាស្រ្ដមួយដែល យើង ធ្វើដើម្បីបង្កើនចំណេះដឹងរបស់យើងគឺការផ្តល់ឱកាសដល់អ្នក ស្រឡាញ់ការងារ អភិរក្ស ចុះមកសិក្សាស្រាវជ្រាវ សរសេរនិក្ខេបបទ ដើម្បីបញ្ចប់ថ្នាក់បរិញ្ញាបត្រ ជាន់ខ្ពស់ ផ្នែកវិទ្យាសាស្រ្ត (MSc) របស់ពួកគាត់ នៅ ACCB”។ មជ្ឈមណ្ឌលមួយនេះបានឱ្យដឹងដែរថា”ឆ្នាំនេះពួកយើងមានសេចក្ដីរំភើប ដោយមាន វត្តមាន កញ្ញា Lauren DE NARDI ជានិស្សិតមកពីប្រទេសបារាំង បានមកសិក្សាស្រាវ ជ្រាវអំពីសត្វអណ្ដើកសរសៃ (Batagur affinis) ដែលត្រូវបានគេស្គាល់ផងដែរថាជា “អណ្ដើកហ្លួង”។ គួរបញ្ជាក់កថា៖អណ្តើកហ្លួងជាប្រភេទសត្វកំពុងរងគ្រោះថ្នាក់ខ្លាំង និងកន្លងមកវា ត្រូវបាន គេគិតថាជិតផុតពូជនៅក្នុងប្រទេសកម្ពុជា រហូតដល់មានការរកឃើញ ឡើង វិញក្នុងឆ្នាំ ២០០០។ មជ្ឈមណ្ឌលអង្គរ សម្រាប់ការអភិរក្សជីវៈចម្រុះ បានឱ្យដឹងដែរថាតាមរយៈកិច្ចសហការ ជាមួយ អង្គការ សមាគមអភិរក្សសត្វព្រៃ ប្រចាំកម្ពុជា…

(ភ្នំពេញ)៖ ស្ថានីយបូមទឹកបឹងទំពុន ជាស្ថានីយបូមទឹកដែលធំជាងគេនៅក្នុងរាជធានីភ្នំពេញ ដោយបំពាក់ម៉ូទ័របូមទឹកច្រឿនគ្រឿង និងមានសមត្ថភាពបូមទឹកបានក្នុងមួយវិនាទីជាង ៤០ម៉ែត្រគុប ហើយស្ថានីយនេះ រំដោះទឹកបានជាច្រើនខណ្ឌ ក្នុងរាជធានីភ្នំពេញ ។ ឯកឧត្ដម ឃួង ស្រេង អភិបាលរាជធានីភ្នំពេញ បញ្ជាក់បែបនេះ ខណៈ ដឹកនាំមន្ត្រីជំនាញ និងអាជ្ញាធរដែនដី ពាក់ព័ន្ធចុះទៅពិនិត្យ ប្រឡាយ ស្ថានីយ៍បូមទឹកបឹងទំពន់ និងប្រឡាយស្ថានីយ៍បឹងត្របែក នាព្រឹកថ្ងៃ០៦ ឧសភានេះដើម្បីរិះរកវិធានការរំដោះទឹកលិចដោយជំនន់ទឹកភ្លៀង ក្នុងភូមិសាស្ត្ររាជធានីភ្នំពេញ កាន់តែប្រសើរឡើង ។ ឯកឧត្ដម ឃួង ស្រេង បានមានប្រសាសន៍ថា៖ ស្ថានីយបូមទឹកបឹងទំពុននេះ អាចរំដោះទឹកបានជាច្រើនខណ្ឌ ក្នុងរាជធានីភ្នំពេញ ដូចជា ខណ្ឌទួលគោក សែន សុខ ពោធិសែនជ័យ និងខណ្ឌកំបូល។ ពាក់ព័ន្ធនិងគម្រោងសំដៅបញ្ចប់ បញ្ហាទឹកជន់លិចរាជធានីភ្នំពេញ តាមអនុសាសន៍របស់សម្តេចមហាបវរធិបតី ហ៊ុន ម៉ា ណែត នាយករដ្ឋមន្ត្រី រាជធានីភ្នំពេញមានគម្រោងចំនួន ៥០គម្រោង ហើយក្នុងគម្រោងនេះប្រឡាយបឹងត្របែកក៏ស្ថិតនៅក្នុងគម្រោងនេះដែរ ។ ឯកឧត្តមបញ្ជាក់ថា រាជរដ្ឋាភិបាលនីតិកាលទី៧ នៃរដ្ឋសភា បានដាក់ចេញនូវគោលបំណង…

(ភ្នំពេញ)៖ សត្វសំពោច ឬ ដែលគេហៅថាឈ្មុសប្រែង សត្វដែលអាចរស់នៅ ក្នុងទីជំរក គ្រប់ ប្រភេទ ប៉ុន្តែវាចូលចិត្តរស់នៅក្នុងទីជម្រកដែលមានព្រៃស្រោងជាង ហើយអាច ឡើង ដើមឈើបានយ៉ាងលឿន។ ជាញឹកញាប់វាចុះមកក្រោមដើម្បីរកចំណី។ អង្គការ សម្ព័ន្ធមិត្ដសត្វព្រៃ Wildlife Alliance Cambodia បានលើកឡើង ទាក់ទិន ទៅនឹង ស ត្វសំពោចថាសត្វប្រភេទនេះ គេប្រៀបប្រដូចទៅនឹងត្បូងដ៏មានតម្លៃ ចែងចាំង លើព្រៃព្រឹក្សាដ៏អាថ៌កំបាំងរបស់កម្ពុជា។សំពោចពិតជាមានសម្រស់គួរជាទីទាក់ទាញ ដោយសារតែភិនភាគល្អឯកគ្មានពីរមានកន្ទុយវែងដែលអាចពត់ពេនតោងពីចុងឈើមួយទៅចុងឈើមួយ។ សំពោ ចមានមាឌធំមាំគ្រប់ដណ្តប់ដោយរោមក្រាស់ៗពណ៌ក្រម៉ៅលាយត្នោត និង មានមុខមាត់គួរអោយស្រលាញ់អមដោយពុកមាត់វែងៗពណ៌ស ។ តាមការស្រាវជ្រាវ បានបង្ហាញថា សត្វនេះមានអាយុកាល ១៤ឆ្នាំ និងមានកូនជាមធ្យម ៣-៤ក្បាល។ តើអ្នកដឹងទេ? នៅក្បែរកន្ទុយរបស់ឈ្មុសប្រែង មានអវៈយវៈម្យ៉ាង ដែលអាចបញ្ចេញក្លិន ក្រអូប យ៉ាង ពិសេស ស្រដៀងក្លិនពោតលីងប័រ! ក្លិននេះត្រូវបានឈ្មុសប្រែងប្រើជាការ កំណត់ ទឹកដី និងការទាក់ទងជាមួយឈ្មុសប្រែងដទៃទៀត។ ថនិកសត្វរាត្រីចរទាំងនេះចូលចិត្តរស់នៅក្នុងតំបន់ព្រៃស្រោងក្រាស់ៗនៃព្រៃត្រូពិចរបស់កម្ពុជា ជាកន្លែងដែលពួកគេដើរតួនាទីដ៏សំខាន់ក្នុងការពង្រាយគ្រាប់រុក្ខជាតិ ដែលរួម ចំណែកដល់សុខុមាលភាព និងភាពសម្បូរបែបនៃប្រព័ន្ធអេកូឡូស៊ី៕…