នៅរសៀលថ្ងៃទី ២២ ខែធ្នូ ឆ្នាំ២០២០នេះ ឯកឧត្តម នាយឧត្តមសេនីយ៍ សាស្រ្តាចារ្យ សេង ផល្លី ប្រធានបណ្ឌិត្យសភានគរបាលកម្ពុជា និងជាអនុប្រធានទទួលបន្ទុករួមគណៈកម្មការគ្រប់គ្រងសាកលវិទ្យាល័យជាតិបាត់ដំបង តំណាងឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា បានដឹកនាំកិច្ចប្រជុំបូកសរុបលទ្ធផលការងារកំណែទម្រង់រយៈពេល៣ខែដំបូងនៃផែនការសកម្មភាពរយៈពេល៦ខែរបស់គណៈកម្មការគ្រប់គ្រងសាកលវិទ្យាល័យជាតិបាត់ដំបង។ នៅក្នុងកិច្ចប្រជុំនេះ ឯកឧត្តម សុខ ឃន ប្រធានគណៈគ្រប់គ្រងសាកលវិទ្យាល័យជាតិបាត់ដំបង បានធ្វើរបាយការណ៍សង្ខេបជូន ឯកឧត្តម អនុប្រធានគណៈកម្មការទទួលបន្ទុករួមផងដែរ។ បន្ទាប់ពីកិច្ចប្រជុំរួច ឯកឧត្តម អនុប្រធានទទួលបន្ទុករួមបានចុះពិនិត្យបរិស្ថានជុំវិញបរិវេណសាកលវិទ្យាល័យព្រមទាំងផ្តល់អនុសាសន៍កែលម្អបរិស្ថានសាកលវិទ្យាល័យឲ្យកាន់តែល្អបន្ថែមទៀត៕ ដោយ -រ៉ាវុធ

នៅថ្ងៃទី ២២ ខែធ្នូ ឆ្នាំ២០២០ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានសម្រេចផ្តល់ថវិកាចំនួន ១១៤លាន៧សែន៨ម៉ឺន៥ពាន់៥០០រៀល ដល់សាខាកាកបាទក្រហមកម្ពុជា ខេត្តរតនគីរី ដើម្បីចាត់ចែងទិញស្បៀងអាហាររួមមាន អង្ករ មី និងត្រីខ សម្រាប់ចែកជូនប្រជាពលរដ្ឋងាយរងគ្រោះបំផុតចំនួន ១ពាន់៣២៧គ្រួសារ រស់នៅក្នុងខេត្តរតនគិរី។ នៅថ្ងៃ២២ធ្នូនេះផងដែរ ម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានសម្រេចផ្តល់ថវិកាចំនួន ៧៩លាន៦ម៉ឺនរៀល ដល់សាខាកាកបាទក្រហមកម្ពុជា ខេត្តមណ្ឌលគីរី បន្ថែមពីលើថវិការបស់សាខាចំនួន ២១លាន២សែន៤ម៉ឺនរៀល ដើម្បីចាត់ចែងទិញស្បៀងអាហាររួមមាន អង្ករ មី និងត្រីខ សម្រាប់ចែកជូនប្រជាពលរដ្ឋងាយរងគ្រោះបំផុតចំនួន ១ពាន់១៨០គ្រួសារ រស់នៅក្នុងស្រុកកោះញែក និងស្រុកពេជ្រាដា ខេត្តមណ្ឌលគិរី។ តាមគម្រោងគ្រួសារងាយរងគ្រោះបំផុតនីមួយៗនឹងទទួលបាន អង្ករ ២៥គីឡូក្រាម មី ១កេស និងត្រីខ ១០កំប៉ុង ដើម្បីសម្រាលដល់ជីវភាពប្រចាំថ្ងៃ។ សូមបញ្ជាក់ថា ក្នុងឆ្នាំ២០២០នេះ កាកបាទក្រហមកម្ពុជា ដែលមាន សម្តេចកិត្តិព្រឹទ្ធបណ្ឌិត ប៊ុន…

ថ្ងៃទី២១ខែធ្នូ ឆ្នាំ២០២០ម្សិលមិញនេះលោក សូ រតនៈ ប្រធានក្រុមយុវជនការពារសន្តិភាព និងលោកអនុប្រធាន សេង ហុងបានដឹកនាំសមាជិកក្រុមយុវជនការពារសន្តិភាពសាខាខេត្តតាកែវ សហការជាមួយអាជ្ញាធរឃុំបាស្រែ ស្រុកអង្គរបុរី បានចុះសួរសុខទុក្ខ និងនាំយកអំណោយរបស់ឯកឧត្តមបណ្ឌិតហ៊ុន ម៉ាណែតនិងលោកជំទាវជូនដល់គ្រួសារអ៊ុស្រីកែវ យ៉េអាយុ៦៧ឆ្នាំ រស់នៅម្នាក់ឯងគ្មានទីពឹង ។ អ៊ុស្រីទទួលបាន=អង្ករ១បេ មី១កេះទឹកត្រី១យួរទឹកសុីអុីវ១យួ និងថវិការ១០.០០០០៛អ៊ុស្រីគាត់សូមគោរពអរគុណដល់ឯកឧត្តមបណ្ឌិតហ៊ុន ម៉ាណែតនិងលោកជំទាវមានសុខភាពល្អ បរិបូរណ៍ ប្រាជ្ញាឈ្លាសវៃនិងទទួលបានជោគជ័យគ្រប់ភារកិច្ចក្រុមការងារទាំងអស់សូមគោរពជូនពរដល់អ៊ុមេឃុំនិងសមត្ថកិច្ចរួមទាំងក្រុមការងារ ដែលបានសហការចុះសួរសុខទុក្ខនិងជួយដល់លោកតា ដែលមានជីវភាពខ្វះខាត សូមគោរពជូនពរលោកមានសុខភាពល្អ សំណាងល្អ ទទួលបានជោគជ័យគ្រប់ភារកិច្ច៕ ដោយ រ៉ាវុធ

ភ្នំពេញ៖ ដើម្បីសម្រាលការលំបាកក្នុងជីវភាពរស់នៅប្រចាំថ្ងៃនាព្រឹក ថ្ងៃអង្គារ ៨កើត ខែ បុស្ស ឆ្នាំជូត ទោស័ក ពស២៥៦៤ ត្រូវនឹងនៅថ្ងៃទី២២ ខែ ធ្នូ ឆ្នាំ២០២០ លោក ចេង មុនីរ៉ា អភិបាលខណ្ឌច្បារអំពៅ និងជាប្រធានកិត្តិយសអនុសាខាកាកបាទក្រហមកម្ពុជាខណ្ឌបាននាំ យកនូវអំណោយរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចែកជូនបងប្អូនប្រជាពលរដ្ឋដែលមានជីវភាពខ្វះខាត ចាស់ជរាគ្មានទីពឹង ចំនួន១៧គ្រួសារ ក្នុងសង្កាត់ព្រែកប្រា ក្នុង០១គ្រួសារទទួលបានអង្ករចំនួន ២៥គ.ក គ្រឿងឧបភោគ បរិភោគ និងថវិកាមួយចំនួន ។ នៅក្នុងពិធីចែកអំណោយនេះដែរលោកអភិបាលខណ្ឌបានសំណេះសំណាលនិងផ្តាំផ្ញើ ដល់ប្រជាពលរដ្ឋទាំងអស់ រស់នៅក្នុងមូលដ្ឋាន ខណ្ឌច្បារអំពៅ ត្រូវបន្តអនុវត្តវិធានរបស់ក្រសួងសុខាភិបាលពាក់ព័ន្ធ និងការបង្ការ ការពារជម្ងឺកូវីដ១៩ ត្រួវលាងដៃឲ្យបានញឹកញាប់ ត្រូវពាក់ម៉ាសជាប់ជាប្រចាំ និងមិនត្រូវនៅកន្លែងណាដែលមានមនុស្ស ប្រមូលផ្តុំច្រើន បើមិនមានការចាំបាច់មិនត្រូវចេញក្រៅផ្ទះជាដាច់ខាត។ លោកអភិបាលខណ្ឌបានថ្លែងបន្តថា ដោយមានការយកចិត្តទុកដាក់ពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលតែងបានចាត់ឱ្យសាខា និងអនុសាខាកាកបាទក្រហមទាំងអស់ ចុះឱ្យដល់មូលដ្ឋាន…

ដីឥដ្ឋ៖​ នៅថ្ងៃទី២១ ខែធ្នូ ឆ្នាំ២០២០ ឯកឧត្តម នាយឧត្តមសេនីយ៍ សាស្ត្រាចារ្យ សុខ ច័ន្ទរិទ្ធី អនុប្រធានបណ្ឌិត្យសភានគរបាលកម្ពុជា បានអញ្ជើញជាអធិបតីដឹកនាំកិច្ចប្រជុំឆ្លងផែនការសកម្មភាពឆ្នាំ២០២១ របស់វិទ្យាស្ថានបណ្តុះបណ្តាលវិជ្ជាជីវៈនគរបាល នៅសាលសិន្និសីទអគារA ដោយមានការចូលរួមពីថ្នាក់ដឹកនាំ និងមន្ត្រីចំណុះវិទ្យាស្ថានជាច្រើនរូប។ ឯកឧត្តម ប្រធានអង្គប្រជុំ បានលើកឡើងអំពីរបៀបវារៈ ជូនដល់សមាជិក សមាជិកា ដើម្បីធ្វើការត្រួតពិនិត្យផ្ទៀងផ្ទាត់ ឱ្យបានត្រឹមត្រូវច្បាស់លាស់គ្រប់ជ្រុងជ្រោយ។ បន្ទាប់ពីបានស្តាប់សេចក្តីរាយការណ៍ដោយសង្ខេប ពីលោកឧត្តមសេនីយ៍ឯក ឆឹង បុត្រ នាយកវិទ្យាស្ថាន រួចមក ឯកឧត្តម ប្រធានអង្គប្រជុំ បានអនុញ្ញាតឱ្យលោកនាយការិយាល័យរដ្ឋបាល-សរុប អានសេចក្តីព្រាងផែនការសកម្មភាពឆ្នាំ២០២១ របស់វិទ្យាស្ថានបណ្តុះបណ្តាលវិជ្ជាជីវៈនគរបាល និងអនុញ្ញាតឱ្យសមាជិក សមាជិកាទាំងអស់ ចូលរួមត្រួតពិនិត្យនិងមានមតិយោបល់បន្ថែម។ បន្ទាប់ពីបានត្រួតពិនិត្យនិងកែសម្រួលលើខ្លឹមសារសេចក្តីព្រាងផែនការសកម្មភាពឆ្នាំ២០២១ រួចមក អង្គប្រជុំបានសម្រេចឯកភាពទាំងស្រុង។ ជាចុងក្រោយ ឯកឧត្តម បានថ្លែងការកោតសរសើរនិងថ្លែងអំណរគុណ ដល់ថ្នាក់ដឹកនាំនិងមន្ត្រីវិទ្យាស្ថានទាំងអស់ដែលបានខិតខំប្រឹងប្រែងរៀបចំផែនការសកម្មភាពឆ្នាំ២០២១ ឱ្យសម្រេចបានតាមការគ្រោងទុក។ ជាមួយគ្នានោះ ឯកឧត្តម បានធ្វើការណែនាំការងារមួយចំនួនដូចខាងក្រោម៖ ១- វិទ្យាស្ថាន ត្រូវយកផែនការសកម្មភាពឆ្នាំ២០២១ ទៅសម្រួលឱ្យបានត្រឹមត្រូវ និងរៀបចំជូនឯកឧត្តម នាយឧត្តមសេនីយ៍ សាស្ត្រាចារ្យ ប្រធានបណ្ឌិត្យសភា…

ភ្នំពេញ ៖ ដើម្បីជួយសម្រួលការលំបាកខ្លះដល់ក្រុមគ្រួសារដែលទទួលរងគ្រោះដោយអគ្គិភ័យចំនួនពីរគ្រួសារកាលពីព្រឹកថ្ងៃទី២១ ខែធ្នូ ឆ្នាំ ២០២០ នៅភូមិព្រែក សង្កាត់ច្បារអំពៅទី១ ខណ្ឌច្បារអំពៅ នៅថ្ងៃដដែលលោកស្រីហេង សុវត្ថា អភិបាលរងខណ្ឌ និងជាប្រធានគណៈកម្មាធិការអនុសាខាកាកបាទក្រហមកម្ពុជាខណ្ឌច្បារអំពៅ តំណាងអោយលោកចេង មុនីរ៉ា អភិបាលខណ្ឌបានដឹកនាំមន្ត្រីខណ្ឌ សង្កាត់ ជួបសួរសុខទុក្ខ និងចូលរួមសោកស្តាយជាមួយគ្រួសាររងគ្រោះ ហើយបាននាំយកនូវអំណោយរបស់សម្តេចកិត្តុិព្រឹទ្ធបណ្ឌិតប៊ុន រ៉ានី ហ៊ុនសែនប្រធានកាកបាទក្រហមកម្ពុជា នូវអង្ករ២៥គីទ្បូក្រាម ត្រីខកំប៉ុង ទឹកត្រី ទឹកសុីអុីវ សម្ភារផ្ទះបាយ និងថវិកាមួយចំនួន ក្នុងមួយគ្រួសារៗ។ គួររំលឹងថា កាលពីវេលាម៉ោង០៩:០០នាទីព្រឹក ថៃ្ងច័ន្ទ ៧កើត ខែបុស្ស ឆ្នាំជូតទោស័ក ព.ស ២៥៦៤ត្រូវនឹងថ្ងៃទី២១ ខែធ្នូឆ្នាំ២០២០ មានករណីអគ្គិភ័យមួយបានឆាបឆេះផ្ទះ ប្រជាពលរដ្ឋមួយកន្លែងក្បែរអតីតរោងកុន តាមបណ្ដោយផ្លូវ ៣៦៧ កែង៦៣១ ក្រុមទី១៥ ភូមិព្រែក សង្កាត់ច្បារអំពៅទី១ ខណ្ឌច្បារអំពៅ យ៉ាងសន្ធោសន្ធៅ បណ្ដាលឲ្យខូចខាតសម្ភារជាច្រេីន តែមិនបណ្ដាលឲ្យមនុស្សរងរបួសឡេីយ ៕ ដោយ ៖ ភារ៉ា និងប៊ុនធី

ភ្នំពេញ ៖ អគ្គិភ័យមួយបានឆាបឆេះផ្ទះឈើប្រក់ស័ង្កសី ជាន់ទី២ នៅសង្កាត់ច្បារអំពៅ១ ខណ្ឌច្បារអំពៅ ខ្ទេចគ្មានសល់តែគ្មានអ្នករងរបួសនោះទេ ហេតុការណ៍នេះបានកើតឡើងនៅវេលាម៉ោង ៩ព្រឹកថ្ងៃទី២១ ខែធ្នូ ឆ្នាំ២០២០ កន្លែងក្បែរអតីតរោងកុន តាមបណ្ដោយផ្លូវលេខ៦៣១ ស្ថិតក្នុងសង្កាត់ច្បារអំពៅ១ ខណ្ឌច្បារអំពៅ ។ តាមប្រភពព័ត៌មានពីប្រជាពលរដ្ឋដែលរស់នៅក្បែរកន្លែងកើតហេតុ បានប្រាប់ឲ្យដឹងថា មុនពេលកើតហេតុ គេឃើញផ្សែងហុយចេញពីដំបូលផ្ទះល្វែងខាងលើជាខ្លាំង ទើបរាយការណ៍ទៅអាជ្ញាធរមូលដ្ឋាន ឲ្យជួយអន្តរាគមន៍ ខណៈពេលនោះម្ចាស់ផ្ទះក៏មិននៅផងដែរ ។ ក្រោយពីទទួលព័ត៌មានខាងលើភ្លាមៗ គេសង្កេតឃើញមានរថយន្តពន្លត់អគ្គិភ័យជាច្រើនអង្គភាព និងរថយន្តពន្លត់អគ្គិភ័យរបស់ឯកជន ព្រមទាំងមន្ត្រីជំនាញជាច្រើន សហការជាមួយអាជ្ញាធរមូលដ្ឋាន ចុះមកជួយអន្តរាគមន៍ ។ របាយការណ៍សមត្ថកិច្ចបានឱ្យដឹងថា ម្ចាស់ផ្ទះមានឈ្មោះ ឡាំង អ៊ាបខេង ភេទស្រី អាយុ៤៩ឆ្នាំ (ជនជាតិ ខ្មែរ) មានមុខរបរជា មេផ្ទះ ហើយមូលហេតុនៃការឆេះ គឺបណ្តាលមកពីឆ្លងចរន្តអគ្គិសនី ហើយផ្ទះដែលឆេះ ជាប្រភេទសំណង់ឈើប្រក់ស័ង្កសី (ទំហំ ៥ម៉ែត្រ x ១៦ម៉ែត្រ) ខូចខាតសម្ភារ ឆេះផ្ទះឈើប្រក់ស័ង្កសី រួមជាមួយសម្ភារប្រើប្រាស់ប្រចាំថ្ងៃអស់ទាំងស្រុង (ទំហំ ៥ម៉ែត្រ x…