ខេត្តកែប៖ នៅព្រឹកថ្ងៃសុក្រ ទី១១ ខែធ្នូ ឆ្នាំ២០២០ ឯកឧត្តម សោម ពិសិដ្ឋ អភិបាលនៃគណៈអភិបាលខេត្តកែប និងជាប្រធានគណ:កម្មការរៀបចំគម្រោងខេត្ត បានដឹកនាំក្រុមការងារគណ:កម្មការរៀបចំគម្រោងខេត្ត ដោយមានការអញ្ជើញចូលរួមដោយលោក លោកស្រីអភិបាលរងខេត្ត ប្រធាន អនុប្រធានមន្ទីរអង្គភាពជុំវិញខេត្ត និងមន្រ្តីជំនាញ ចុះពិនិត្យការងារស្ថាបនាផ្លូវចាក់កៅស៊ូAC ចំនួន៣ខ្សែ ស្ថិតនៅ ភូមិកែប សង្កាត់កែប ក្រុងកែប ខេត្តកែប ៖ ខ្សែទី១៖ លើកំណាត់ផ្លូវលេខ២៣១០០ មានប្រវែង១៤០ម៉ែត្រ ទទឹង ៨ម៉ែត្រ ចាប់ពីកែងផ្លូវលេខ២៣៤៣ ទៅដល់កែងផ្លូវលេខ២៣៤៥ ។ខ្សែទី២៖ លើកំណាត់ផ្លូវលេខ២៣៤៥ មានប្រវែង ២២៥ម៉ែត្រ ទទឹង ៨ម៉ែត្រ ភ្ជាប់ពីកែងផ្លូវលេខ២៣១០០ ទៅដល់កែងលេខ២៣០០ ។ខ្សែទី៣៖ លើកំណាត់ផ្លូវលេខ២៣០០ មានប្រវែង ១៨៥ម៉ែត្រ ទទឹង ៨ម៉ែត្រ ភ្ជាប់ពីកែងផ្លូវលេខ២៣៤៥ ទៅដល់កែងលេខ២៣៤៣។ នៅក្នុងឱកាសនេះផងដែរ ឯកឧត្តមអភិបាលខេត្ត បានមានប្រសាសន៍ណែនាំដល់ក្រុមហ៊ុនស្ថាបនាត្រូវសាងសង់ឲ្យបានត្រឹមត្រូវតាមបច្ចេកទេស ដើម្បីឲ្យជាប់បានយូរ ដោយត្រូវផ្តោតលើគុណភាព ដោយផ្អែកតាមលក្ខណៈបច្ចេកទេស។ ឆ្លៀតក្នុងឱកាសនេះផងដែរ ឯកឧត្តម…

នៅព្រឹកថ្ងៃសុក្រ ទី១១ ខែធ្នូ ឆ្នាំ២០២០នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឲ្យលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងសហការីជួបសំណេះសំណាល សួរសុខទុក្ខ និងឧបត្ថម្ភអំណោយ ជួយសម្រាលការលំបាកផ្នែកជីវភាពដល់អ្នកស្រី ញឹម សុខា ជាតារាសម្តែងវ័យ ៥៦ឆ្នាំ កំពុងមានជំងឺប្រចាំកាយ ហើយឆ្លៀតពេលធ្វើការងារផ្ទះឱ្យគេ និងមានកូនស្រីអាយុ ១៥ឆ្នាំក្នុងបន្ទុក កំពុងស្នាក់នៅផ្ទះជួល ក្នុងរាជធានីភ្នំពេញ។ រម្លឹកថា អំណោយកាកបាទក្រហមកម្ពុជាផ្តល់ជូនអ្នកស្រី ញឹម សុខា រួមមាន ៖ អង្ករ ១២០គីឡូក្រាម មី ២កេស ត្រីខ ២០កំប៉ុង ឃីត (មុង ភួយ សារុង ក្រមា អាវយឺត) ១កញ្ចប់ និងថវិកា ៥លានរៀល។ ដោយឡែក ផ្តល់ជូនកូនស្រីរបស់អ្នកស្រី រួមមាន កាបូបស្ពាយ១ សម្ភារសិក្សាមួយចំនួន និងថវិកា…

ភ្នំពេញ៖ ពិតជារឿងមិនគួឲ្យជឿសោះករណីយុវជនម្នាក់អាយុ៣២ឆ្នាំបែជាទៅរំលោភសេពសន្ថវៈលោកយាយអាយុ៨១ឆ្នាំរហូតបានសម្រេចត្រូវសមត្ថកិច្ចឃាត់ខ្លួន។ ករណីនេះបានកើតឡើងម៉ោង១២ និង០០នាទី ថ្ងៃទី១០ ខែធ្នូ ឆ្នាំ២០២០ នៅចំណុចក្នុងបន្ទប់ជួល ផ្លូវបេតុង ភូមិស្លែងរលើង សង្កាត់អូរបែកក្អម ខណ្ឌសែនសុខ។ សមត្ថកិច្ចប្រាប់ថា ជនសង្ស័យមានឈ្មោះ ជា ប៊ុនធឿន ភេទប្រុស អាយុ៣២ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិស្លែងរលើង សង្កាត់អូរបែកក្អម ខណ្ឌសែនសុខ (មានសារធាតុញៀន)ចំណែកលោកយាយរងគ្រោះឈ្មោះ ទន់ សារី ភេទស្រី អាយុ៨១ឆ្នាំ ជនជាតិខ្មែរ មុខរបរនៅផ្ទះ ស្នាក់នៅបន្ទប់ជួល ផ្លូវបេតុង ភូមិស្លែងរលើង សង្កាត់អូរបែកក្អម ខណ្ឌសែនសុខ ។ សមត្ថកិច្ចបានបន្តឲ្យដឹងទៀតថាជនសង្ស័យខាងលើ កាលពីថ្ងៃទី០៩-១២-២០២០ ម៉ោង១៩ និង៣០នាទីជននេះ បានធ្វើសកម្មកភាពរំលោភសេពសន្ថវៈលើជនរងគ្រោះឈ្មោះ ទន់ សារី ភេទស្រី អាយុ៨១ឆ្នាំ ជនជាតិខ្មែរ មុខរបរនៅផ្ទះ ស្នាក់នៅបន្ទប់ជួលជិតគ្នា ផ្លូវបេតុង ភូមិស្លែងរលើង សង្កាត់អូរបែកក្អម ខណ្ឌសែនសុខ ។…

ក្រសួងប្រៃសណីយ៍ដាក់ឲ្យដំណើរការប្រើលេខកូដ *1200# ដើម្បីផ្តាច់សេវាកម្មទាំងឡាយ បើសិនជាអ្នកប្រើប្រាស់ទូរស័ព្ទ មិនត្រូវការប្រើដែលនាំឲ្យខាតបង់ប្រាក់។ គម្រោងនោះ ត្រូវគេដាក់ឲ្យដំណើរការចាប់ពីថ្ងៃទី១១ធ្នូឆ្នាំ២០២០តទៅ។

ទីស្តីការគណៈរដ្ឋមន្រ្តី៖ សារលិខិតជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅក្នុងឱកាសពិធីចម្រើនជន្មាយុគម្រប់៦៦ឆ្នាំ ឈានចូល៦៧ឆ្នាំ។

ការបោកបញ្ឆោតនោះ ត្រូវបានជនខិលខូចប្រើ Phishing, Vishing និង Smishing។ យោងតាម នាយកដ្ឋានប្រឆាំងបទល្មើសបច្ចេកវិទ្យា ក្រសួងមហាផ្ទៃ បានឲ្យដឹងថា កាលពីចុងខែវិច្ឆិកាកន្លងទៅ នាយកដ្ឋានបានផ្សព្វផ្សាយជូនលោកអ្នករួចមកហើយទាក់ទងនឹងការបោកបញ្ឆោតតាមរយៈ Vishing ដែលជនអនាមិកបានទូរសព្ទទៅបុគ្គលិករបស់ក្រុមហ៊ុន GoDaddy ដោយក្លែងបន្លំថា ពួកគេគឺជាបុគ្គលិក IT របស់ក្រុមហ៊ុន ហើយចង់ធ្វើការផ្លាស់ប្ដូរការកំណត់មួយចំនួនដើម្បីដោះស្រាយបញ្ហាផ្សេងៗ ដែលនោះធ្វើឱ្យគេអាចចូលទៅក្នុងគណនីរបស់ក្រុមហ៊ុនបាន។ ចំណែកឯពាក្យ Phishing គឺគេប្រើសំដៅទៅលើល្បិចដែលជនអនាមិកប្រើដើម្បីបោកបញ្ឆោតអ្នកប្រើប្រាស់ក្នុងការលួចយកទិន្នន័យ ឬក៏លេខសម្ងាត់តាមរយៈអ៊ីមែល ប៉ុន្តែនៅពេលដែលជនខិលខូចមានគោលដៅច្បាស់លាស់ដើម្បីលួចយកទិន្នន័យពីអង្គភាព ឬក្រុមហ៊ុនណាមួយនោះគេហៅថា Spear Phishing។ ជាចុងក្រោយគឺជាការបោកបញ្ឆោតតាមរយៈ Smishing ដែលជនអនាមិក ផ្ញើសារតាមរយៈ SMS ឬប្រព័ន្ធបណ្ដាញទំនាក់ទំនងសង្គមមួយចំនួនដើម្បីធ្វើការបោកបញ្ឆោត។ ជាឧទាហរណ៍កាលពីពេលថ្មីៗនេះ មានជនអនាមិកបានក្លែងបន្លំប្រើប្រាស់ឈ្មោះ ឌី វិជ្ជា (Dy Vichea) ក្នុងប្រព័ន្ធតេឡេក្រាម (Telegram) ដោយអះអាងថាជា នាយទាហានធ្វើការនៅការិយាល័យផែនការ នាយកដ្ឋានទាក់ទងអន្តរជាតិ នៃអគ្គនាយកដ្ឋាននយោបាយ និងកិច្ចការបរទេស ក្រសួងការពារជាតិ ដើម្បីផ្ញើសារទៅកាន់ថ្នាក់ដឹកនាំ ក្រសួង-ស្ថាប័ននានា ក្នុងគោលដៅស្នើសុំ និងសាកសួរអំពីព័ត៌មានសន្តិសុខជាតិ។ ទាក់ទងនឹងការបោកបញ្ឆោតនោះ នាយកដ្ឋានកណ្ដាលសន្តិសុខ…

នាយកដ្ឋានព័ត៌មានវិទ្យា ក្រសសួងមហាផ្ទៃ នៅយប់ថ្ងៃទី១០ធ្នូឆ្នាំ២០២០ បានឲ្យដឹងថា កាលពីប៉ុន្មានម៉ោងមុននេះ ក្រុមការងារទទួលបានព័ត៌មានស្តីពីករណីចែករំលែកសារកម្មវិធី Telegram ដោយធ្វើការបន្លំអត្តសញ្ញាណជាថ្នាក់ដឹកនាំក្នុងគោលបំណងចម្លងមេរោគកុំព្យូទ័រ។ បន្ទាប់ពីការវិភាគបឋមលើឯកសារមេរោគ ក្រុមការងារបច្ចេកទេសនៃនាយកដ្ឋានព័ត៌មានវិទ្យា បានរកឃើញថា ឯកសារ ក្នុងសារដែលបានចែករំលែកនោះមានបង្កប់នូវកូដមេរោគ (Malicious Code) ដែលមានគោលបំណង អូសទាញជនរងគ្រោះទាញយកឯកសារ ZIP File ដែលមានបង្កប់មេរោគ EXE ដែលបានផ្ញើមកកាន់ប្រអប់សារ Telegram , នៅពេលចុចលើឯកសារ “Document.docx~.exe” វានឹងថតចម្លង និងដំណើរការឯកសារ “chrome.dll” , ឯកសារ DLL បង្កប់នូវកូដមេរោគ បញ្ចូលក្នុង Rundll32 Process (Injection) និងឯកសារមួយចំនួនក្នុងម៉ាស៊ីកុំព្យូទ័ររងគ្រោះ ឧទាហរណ៍ ឯកសារ chrome.dll ទៅកាន់ Drive C និងឯកសារ COVID.html ទៅកាន់ទីតាំង Tempory ។ល។ មេរោគធ្វើការបើកកម្មវិធីផ្ទាំងអ៊ីនធឺណេត (IExplorer) និងបង្ហាញពីព័ត៌មានអំពីមេរោគកូវីដ១៩ និងវ៉ាក់សាំងនៅអាមេរិក ដែលជាអត្ថបទទាញចេញពីឯកសារ COVID.html,…

ភ្នំពេញ៖ ជនសង្ស័យ៣នាក់បានជិះម៉ូតូ២គ្រឿងធ្វើសកម្មភាពឆក់ទូរស័ព្ទដៃពីបុរសម្នាក់កំពុងបេីកម៉ូតូកង់បីមិនបានសម្រេច បណ្ដាលឲ្យម៉ូតូកង់បីក្រឡាប់រួមនឹងម៉ូតូមួយគ្រឿងរបស់ជនសង្ស័យ បានដួលហេីយទុកចោល រួចពួកគេនាំគ្នារត់ឡើជិះម៉ូតូមួយគ្រឿងទៀតគេចខ្លួនបាត់។ ហេតុការណ៍បានកើតឡើងកាលពីវេលាម៉ោង០២ និង៤០នាទីយប់រំលងអធ្រាត្រ ឈានចូលថ្ងៃទី១១ ខែធ្នូ ឆ្នាំ២០២០ ស្ថិតនៅតាមបណ្ដោយផ្លូវ៣៣៥ ជិតនឹងរង្វង់មូលកាំកូសុីធី ក្នុងសង្កាត់ទួសង្កែទី១ ខណ្ឌឫស្សីកែវ រាជធានីភ្នំពេញ។ យោងតាមសម្ដីជនរងគ្រោះជាម្ចាស់ម៉ូតូកង់បីបានប្រាប់ឲ្យដឹងថា មុនកើតហេតុមានភ្ញៀវបានខលទូរស័ព្ទឲ្យគាត់មកយកនៅម្ដុំផ្សារផ្លាស្សា ក្បែរស្ពានអាកាសផ្សារដីហុយ ដោយឲ្យរូបគាត់ដឹកទៅម្ដុំរង្វង់មូលកាំកូសុីធី ធ្វេីដំណើរតាមបណ្ដោយផ្លូវ៣៣៥ ក្នុងទិសដៅពីត្បូងទៅជើង លុះមកដល់ចំណុចកើតហេតុខាងលើក៏លេចមុខជនសង្ស័យចំនួន៣នាក់ជិះម៉ូតូ២គ្រឿងដោយមួយគ្រឿងមិនចាំម៉ាកជិះគ្នាពីរនាក់ ចំណែកអ្នកជិះធ្វើសកម្មភាពម្នាក់ឯងជិះម៉ូតូមួយគ្រឿងម៉ាកហុងដាឌ្រីមសង់ស៊េរីឆ្នាំ២០១៨ពណ៌ខ្មៅពាក់ស្លាកលេខភ្នំពេញ1GW-4749 បានធ្វើដំណើរមកពីក្រោយរួចធ្វើសកម្មភាពឆក់ទូរស័ព្ទដៃពីបុរសជាភ្ញៀវកំពុងជិះកង់បីមិនបានសម្រេចដោយមានការប្រទាញប្រទង់គ្នា បណ្ដាលឲ្យម៉ូតូកង់បីក្រឡាប់ និងម៉ូតូជនសង្ស័យដួល។ ប្រភពដដែលបានបន្តទៀតថា បន្ទាប់ជនសង្ស័យបានងើបឡើងលើកម៉ូតូជិះបានបន្តិចក៏ស្រាប់តែដួលម្ដងទៀត។ ពេលនោះរូបគាត់បានស្រែកចោរៗធ្វើឲ្យជនសង្ស័យភ័យស្លន់ស្លោបានរត់ឡើងជិះម៉ូតូបក្ខពួករបស់ខ្លួនគេចខ្លួនបាត់ស្រមោល បន្សល់ម៉ូតូទុកមួយគ្រឿង។ ចំណែកម៉ូតូកង់បីរងការខូចខាតផ្នែកខាងមុខយ៉ាងដំណំ។ ក្រោយកើតហេតុសមត្ថកិច្ចមូលដ្ឋានបានចុះមកដល់បានធ្វើការសួរនាំរួចយកម៉ូតូជនសង្ស័យ និងជនរងគ្រោះមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលទូលសង្កែទី១ ងាយស្រួលសមត្ថកិច្ចស្រាវជ្រាវរកចាប់ខ្លួនសង្ស័យមកផ្តន្ទាទោសតាមផ្លូវច្បាប់៕ ដោយ៖ ជីម ភារ៉ា

ភ្នំពេញ ៖ នាព្រឹកថ្ងៃទី១០ ខែធ្នូ ឆ្នាំ២០២០ មន្ទីរប្រឆាំងបទល្មើសគ្រឿងញៀន (ក៩) បានបញ្ជូនខ្លួនបុរសជនជាតិថៃម្នាក់ ពាក់ព័ន្ធករណី ជួញដូរគ្រឿងជាង៥០ គីឡូក្រាម ទៅកាន់សាលាដំបូងរាជធានីភ្នំពេញ ដើម្បីចាត់ការបន្ដតាមនីតិវិធី ។ ឃាត់ខ្លួនជនសង្ស័យឈ្មោះ ស៊ុរ:ឆ័យ ខាំកែវ(SURA-CHAI KHAM KAEW) ភេទប្រុស អាយុ ៣៣ឆ្នាំ ជនជាតិ ថៃ កាន់អត្តសញ្ញាណប័ណ្ណលេខ ១ ៥៧៩៩ ៥៤៣២៨ ៩៣ ២ សញ្ជាតិថៃ។ សូមជម្រាបថា ដោយអនុវត្តន៍តាមបញ្ជា ឯកឧត្តម នាយឧត្ដមសេនីយ៍ សន្តិបណ្ឌិត អគ្គស្នងការនគរបាលជាតិ និងឯកឧត្តម នាយឧត្ដមសេនិយ៍ ម៉ក់ ជីតូ អគ្គស្នង ការរងទទួលផែនការប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់ របស់ ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន។ ជាក់ស្ដែងនៅថ្ងៃទី០៦ ខែធ្នូ ឆ្នាំ២០២០ វេលាម៉ោង២:៤០នាទីជិតភ្លឺ សមត្ថកិច្ចជំនាញរបស់មន្ទីរប្រឆាំងបទល្មើសគ្រឿងញៀន(ក៩)…

ចំពិធីចុះហត្ថលេខាលើអនុស្សរណៈយោគយល់ រវាង អង្គភាពស៊ីម៉ាក់ និងអង្គការ អាប៉ូប៉ូ លើគម្រោងសមាហរណកម្មកណ្តុរហិតមីន ជាមួយការបោសសម្អាតមីនរបស់អង្គភាពស៊ីម៉ាក់ សម្រាប់រយ:ពេល១ឆ្នាំ ចាប់ផ្តើមពីថ្ងៃទី១មករា ឆ្នាំ២០២១ ដល់ ថ្ងៃទី៣១ ខែធ្នូ ឆ្នាំ២០២១។ ពិធីចុះហត្ថលេខានោះ បានធ្វើឡើងនៅរសៀលថ្ងៃ១០ធ្នូឆ្នាំ២០២០ នៅទីបញ្ជាការស៊ីម៉ាក់ភ្នំពេញ។ កណ្តុរហិតដែលស្ថិតក្នុងគម្រោងកិច្ចសហប្រតិបត្តិការ ស៊ីម៉ាក់ និងអង្គការ អាប៉ូប៉ូ មានចំនួន២៤ក្បាល ហើយបាននិងកំពុងប្រតិបត្តិការនៅកងឯកភាពកំចាត់មីនទី៤ ខេត្តសៀមរាប និងកងឯកភាពកំចាត់មីនទី៦ ខេត្តព្រះវិហារ។ កាលពីពេលថ្មីៗកន្លងទៅនេះ កណ្តុរហិតដែលស្ថិតក្នុងគម្រោងកិច្ចសហប្រតិបត្តិការ ស៊ីម៉ាក់ និងអង្គការ អាប៉ូប៉ូ បានទទួលមេដៃមាសពីអង្គការសប្បុរសធម៌សត្វនៃប្រទេសអង់គ្លេស។ បើតាមអគ្គនាយកមជ្ឈមណ្ឌលកំចាត់មីនកម្ពុជា ស៊ីម៉ាក់ បានថ្លែងថា ទោះបីជាពិភពលោកទាំងមូលកំពុងរងការគំរាមកំហែងដោយសារជម្ងឺកូវីដ១៩ក៏ដោយនិយាយជារួម និយាយដោយឡែកនៅកម្ពុជាជាពិសេសទីក្រុងភ្នំពេញកំពុងតែរឹងបន្តឹងវិធានការការពារការរីករាលដាលជម្ងឺកូវីត១៩ក្នុងសហគមន៍ ប៉ុន្តែទឹកចិត្តដៃគូអភិវឌ្ឍន៍នៅតែបន្តជួយគាំទ្រដល់សកម្មភាពមនុស្សធម៌ក្នុងសង្គមកម្ពុជានៃវិស័យសកម្មភាពកំចាត់មីន៕កឹម ទៀង