ភ្នំពេញ៖ មានករណីអគ្គិភ័យមួយបណ្តាលមកពីធ្លាយហ្គាសម៉ាស៊ីនត្រជាក់បានឆាបឆេះហាងមួយកន្លែងដែលមានយីហោឈ្មោះ យ៉ាឃុន កាយ៉ា ថូស (កាហ្វេ និងអាហារសម្រន់) ហេតុការណ៍នេះ បានកើតឡើងកាលវេលាម៉ោង១០ និង២០នាទីព្រឹក ថ្ងៃទី៨ ខែធ្នូ ឆ្នាំ២០២០ ស្ថិតនៅតាមបណ្តោយផ្លូវលេខ២៩៤ កែងផ្លូវព្រះនរោត្តម ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ លោកវរសេនីយ៍ឯក ព្រហ្ម យ៉ន នាយការិយាល័យបង្ការនិងពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ បានឲ្យដឹងថា ក្រោយពីទទួលបានព័ត៌មានថា មានករណីអគ្គិភ័យខាងលើ លោកក៏បានបញ្ជាកម្លាំងនឹងបញ្ចេញរថយន្តទឹកពន្លត់អគ្គិភ័យជាច្រើនគ្រឿង ដើម្បីចុះអន្តរាគម៍នៅកន្លែងកើតហេតុភ្លាម។ បើតាមភពព័ត៌មានពីបុគ្គលិកនៅក្នុងហាង បានឲ្យដឹងថា នៅមុនពេលកើតហេតុ គឺបណ្តាលមកពីធ្លាយហ្គាសម៉ាស៊ីនត្រជាក់ទៅប៉ះ និងខ្សែភ្លើងដែលនៅខាងក្រោយហាង ហើយនៅខាងក្រោយនោះ ក៏មានខ្សែភ្លើងជាច្រើនរត់កាត់អមជាមួយម៉ាស៊ីនត្រជាក់ ស្រាប់តែធ្លាយហ្គាសចេញទៅប៉ះខ្សែភ្លើងដែលមានចរន្តនោះ ក៏បង្កឲ្យមានជាអណ្តាតភ្លើងឆាបឆេះឡើងតែម្តង បណ្តាលឲ្យរងការខូចខាតម៉ាស៊ីនត្រជាក់អស់ចំនួន៥គ្រឿង។ តែក្នុងករណីគ្រោះអគ្គិភ័យនេះ មិនបង្កឲ្យមាននណាម្នាក់រងរបួសនោះទេ។ ក្រោយពេលកើតហេតុ សមត្ថកិច្ចមូលដ្ឋានបានសហការជាមួយកម្លាំងបង្ការ និងពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ ចុះមកធ្វើការអន្តរាគមន៍បាញ់ទឹកពន្លត់ទៅវិញជាស្ថាពរ ដោយប្រើប្រាស់រថយន្តពន្លត់អគ្គិភ័យសរុបទាំងអស់ចំនួន៤គ្រឿង៕

ភ្នំពេញ៖ កម្លាំងនគរបាលប៉ុស្តិ៍ភ្នំពេញថ្មីឃាត់ខ្លួនជនជាតិចិន០៣នាក់​ ករណីកាន់កាប់អាវុធដោយគ្មានការអនុញ្ញាតិ។ ការឃាត់ខ្លួនជនសង្ស័យខាងលើនេះនៅវេលាម៉ោង០០ និង១០នាទី ថ្ងៃទី០៨ខែធ្នូ ឆ្នាំ២០២០ នៅចំណុចមុខផ្សារថៃហួត ផ្លូវ១០០៣ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ។ លោកវរសេនីយ៍ឯកហួរ ម៉េងវ៉ាង អធិការនគរបាលខណ្ឌសែនសុខបានឲ្យដឹងថា៖ ជនសង្ស័យទាំង០៣នាក់ដែលឃាត់ខ្លួននោះ ទី១-ឈ្មោះ វ័ង ចុងអ៊ិ ភេទប្រុស អាយុ៣៣ឆ្នាំ ជនជាតិចិន មុខរបរទេសចរណ៍ ស្នាក់នៅសណ្ឋាគារប៉ាវហ្វុង ផ្លូវសហព័ន្ធរុស្ស៊ី សង្កាត់កាកាប១ ខណ្ឌពោធិ៍សែនជ័យ (មានសារធាតុញៀន) ។ ទី២-ឈ្មោះ ជីង អ៊ី ភេទប្រុស អាយុ៣២ឆ្នាំ ជនជាតិចិន មុខរបរទេសចរណ៍ ស្នាក់នៅផ្ទះជួល ផ្លូវ១០១៩ ភូមិទំនប់ សង្កាត់ភ្នំពេញថ្មី ខណ្ឌសែនសុខ (មានសារធាតុញៀន) ។ និងទី៣-ឈ្មោះ ស៊ូ ភីង ភេទប្រុស អាយុ៣១ឆ្នាំ ជនជាតិចិន មុខរបរទេសចរណ៍ ស្នាក់នៅសណ្ឋាគារប៉ាវហ្វុង ផ្លូវសហព័ន្ធរុស្ស៊ី សង្កាត់កាកាប១ (មានសារធាតុញៀន)…

ភ្នំពេញ៖ យុវជនម្នាក់បានស្លាប់ភ្លាមៗនៅកន្លែងកេីតហេតុខណៈដាក់ម៉ូទ័របុកខួងដីដេីម្បីតភ្ជាប់ទុយោទឹកតែទៅប៉ះចំខ្សែភ្លេីងឆក់បណ្តាលឱ្យស្លាប់ កាលពីវេលាម៉ោង១០និង៥០នាទីព្រឹក ថ្ងៃទី០៨ ខែធ្នូឆ្នាំ២០២០ នៅចំណុចភូមិត្រពាំង ថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ ។ ជនរងគ្រោះឈ្មោះ កេីត សំនៀង ភេទប្រុសអាយុ២៣ឆ្នាំ មុខរបរដេីរតទឹក មានទីលំនៅ សង្កាត់គោករកា ខណ្ឌព្រៃភ្នៅ។ តាមប្រភពព័ត៌មាន បានឲ្យដឹងថា មុនពេលកេីតហេតុគេឃេីញជនរងគ្រោះ និងបុរសម្នាក់ទៀតបានបេីករ៉ឺម៉កកង់បីដឹកម៉ាស៊ីនភ្លេីងមួយគ្រឿងមកដាក់ម៉ូទ័របុកខួងដីនៅតាមចិញ្ចេីមផ្លូវដេីម្បីតទុយោទឹក ខណៈកំពុងបុកខួងស្រាប់តែប៉ះខ្សែភ្លេីងដែលមានតំណរទេីបឆក់បណ្តាលឲ្យស្លាប់តែម្តង។ ភ្លាមនោះប្រជាពលរដ្ឋឃេីញដូចនោះក៏នាំគ្នាជួយសង្គ្រោះដោយយកទៅកប់ដីខ្សាច់ និងហៅរថយន្តសង្គ្រោះមកពិនិត្យតែជនរងគ្រោះបានស្លាប់បាត់ទៅហេីយ។ ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុ និងពិនិត្យជាក់ស្តែងហេីយបញ្ជាក់ថាជនរងគ្រោះពិតជាស្លាប់ដោយឆក់ខ្សែភ្លេីងពិតប្រាកដមែនទេីបប្រគល់សពទៅក្រុមគ្រួសារយកទៅធ្វេីបុណ្យតាមប្រពៃណី៕ដោយ សុខាសែនជ័យ

ភ្នំពេញ ៖ រថយន្តក្រឡុកស៊ីម៉ងត៍របស់ក្រុមហ៊ុន កែអេងខនគ្រីត មិនគោរពភ្លើងស្តុក បានបើកបុកម៉ូតូអូសជាង១០ម៉ែត្រ កិនយុវជនម្នាក់ធ្លាយពោះស្លាប់ទាំងព្រឹក នៅចំណុចស្តុកចំការមន តាមបណ្តោយផ្លូវព្រះនរោត្តម កែងនឹងផ្លូវសម្តេចសុធារស ស្ថិតក្នុងសង្កាត់ទន្លេបាសាក់ ខណ្ឌចំការមន វេលាម៉ោង៦នឹង៤០នាទីព្រឹក ថ្ងៃទី៨ ខែធ្នូ ឆ្នាំ២០២០ ។ ជនរងគ្រោះដែលបានស្លាប់មានឈ្មោះ សុផាត ពិសិដ្ឋ អាយុ២៣ឆ្នាំ មានស្រុកកំណើតនៅឃុំស្វាយជ្រុំ ស្រុកមេសាង ខេត្តព្រៃវែង ជិះម៉ូតូហុកដាឌ្រីម សេ១២៥ ពាក់ស្លាកលេខ កំពង់ស្ពឺ 1E-7799 ចំណែកអ្នកបើករថយន្តបង្ក មានឈ្មោះ ស ហម អាយុ៣៦ឆ្នាំ មានស្រុកកំណើតឃុំម៉ឺនជ័យ ស្រុករំដួល ខេត្តស្វាយរៀង បើករថយន្តក្រឡុកស៊ីម៉ងត៍ពាក់ស្លាកលេខ 5A-3109 របស់ក្រុមហ៊ុន កែអេងខនគ្រីត ។ ប្រភពព័ត៌មានពីប៉ូលីសចរាចរណ៍ប្រចាំគោលដៅស្តុបចំការមនបានឱ្យដឹងថា ជនរងគ្រោះបានជិះម៉ូតូបានជិះម៉ូតូតែម្នាក់ឯង តាមបណ្តោយផ្លូវម៉ៅសេទុង ទិសដៅពីលិចទៅកើត ខណៈដល់ចំណុចកណ្តាលស្តុបចំការមន ស្រាប់តែរថយន្តក្រឡុកស៊ីម៉ងត៍ក្រុមហ៊ុន កែអេងខនគ្រីត មិនគោរពភ្លើងស្តុបក្រហម បានបើកបន្ថែមល្បឿនពីកើតទៅលិចបុកម៉ូតូចំពីមុខពេញទំហឹង អូសប្រមាណជិត១០ម៉ែត្រ ទៅត្បូងកិនយុវជនរងគ្រោះចំពាក់កណ្តាលខ្លួន បណ្តាលឱ្យធ្លាយពោះវៀនស្លាប់ភ្លាមៗនៅកន្លែងកើតហេតុតែម្តង ។…

ក្រសួងធនធានទឹក ជូនដំណឹងស្តីពីស្ថានភាពធាតុអាកាស ចាប់ពីថ្ងៃទី៩ដល់ថ្ងៃ១៧ធ្នូឆ្នាំ២០២០, ដោយសីតុណ្ហភាពអប្បបរមាចាប់ពី២០ទៅ២៦អង្សាសេ និងអតិបរមាចាប់ពី២៨ទៅ៣២អង្សាសេ។

យោងតាមនាយកដ្ឋានព័ត៌មានវិទ្យានៃក្រសសួងមហាផ្ទៃនៅថ្ងៃទី៨ធ្នូឆ្នាំ២០២០នេះ បានផ្សាយថា នៅពេលថ្មីៗនេះ ក្រុមការងារបច្ចេកទេសសង្កេតឃើញមានករណីចម្លងមេរោគក្នុងបណ្តាញទំនាក់ទំនងសង្គម Facebook ដែលមេរោគនោះមានឈ្មោះថា “Bist du es im Video?” ជាភាសាខ្មែរមានន័យថា “តើបុគ្គលក្នុងវីដេអូនេះ ពិតជាអ្នកមែនទេ?”។ មេរោគនោះ ត្រូវបានចែករំលែកតាមរយៈសារ Messennger នៃគណនីមួយទៅកាន់គណនីផ្សេងមួយទៀត និងស្ទើពាសពេញគណនីបណ្តាញសង្គម Facebook ក្នុងស្រទាប់យុវវ័យកម្ពុជា។ ក្រុមការងារនាយកដ្ឋានព័ត៌មានវិទ្យានៃក្រសសួងមហាផ្ទៃ បានបរិយាយពីចេតនា និងសកម្មភាព មេរោគ “Bist du es im Video?” គឺ ដំបូងឡើយសង្កេតឃើញការផ្ញើសារភ្ជាប់ជាមួយតំណភ្ជាប់វីដេអូ ពីគណនីអនាមិក ដែលបង្ហាញខ្លឹមសារថា “តើបុគ្គលក្នុងវីដេអូនេះ ពិតជាអ្នកមែនទេ?” និងករណីមួយចំនួនជាមិត្តភក្រ ឬបុគ្គលដែលម្ចាស់គណនីស្គាល់។ តំណភ្ជាប់ Link នោះមើលទៅហាក់ដូចជារូបភាព ឬវីដេអូ YouTube ដូច្នេះដែរ។ នៅពេលដែលអ្នកធ្វើការចុចលើរូបភាព ឬវីដេអូ ក្នុងកម្មវិធីសារ Messennger តំណភ្ជាប់នោះនឹងនាំអ្នកទៅកាន់គេហទំព័រមេរោគ ដែលមានសមត្ថភាពលួចយកលេខសម្ងាត់គណនីបណ្តាញសង្គមរបស់អ្នក ដោយវិធីសាស្ត្របន្លំលួច (Phishing) ឬចម្លងមេរោគ (Malware)។ បន្ទាប់ពីលួចគណនីជនរងគ្រោះ…

ភ្នំពេញ៖ បុរសម្នាក់បើករថយន្ដ ព្រូស ក្នុងល្បឿនលឿនបានគេចពីម៉ូតូមួយគ្រឿងជ្រុលទៅបុករនាំងដែកបាំងរបងព្រលានយន្តហោះពោធិ៍ចិនតុង ខូចខាតចំនួនពីរផ្ទាំងឯរថយន្តខូចខាតយ៉ាងដំណំ តែមិនបង្កឲ្យអ្នកបើកបរមានរបួសនោះទេ។ ហេតុការណ៍នេះកើតឡើងកាលពីវេលាម៉ោង០៩និង២០ នាទីយប់ថ្ងៃទី០៧ខែធ្នូ ឆ្នាំ២០២០ ស្ថិតនៅតាមបណ្ដោយមហាវិថីសហព័ន្ធរុស្ស៊ី ក្នុងភូមិជរៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ យោងតាមប្រភពពីប្រជាពលរដ្ឋឃើញហេតុការណ៍នេះបានប្រាប់ឲ្យដឹងថា មុនកើតហេតុគេឃើញបុរសម្នាក់បើករថយន្ត ព្រូស ពណ៌ស ពាក់ស្លាកលេខ ភ្នំពេញ2BI-5520ធ្វើដំណើរទិសដៅពីលិចទៅកើតក្នុងល្បឿនលឿនលុះមកដល់ចំណុចកើតហេតុខាងលើបានគេចម៉ូតូមួយគ្រឿងនៅខាងមុខជ្រុលទៅបុករនាំងដែក បាំងរបងប្រលានយន្តហោះពោធិ៍ចិនតុង បណ្តាលឲ្យខូចខាតចំនួនពីរផ្ទាំងឯរថយន្តខូចខាតមួយកំណាត់មុខទៅលែងរួច។ ម្ចាស់រថយន្ត បានចុះពីលើរថយន្តឡើងជិះម៉ូតូកង់បីគេចខ្លួនបាត់។ ក្រោយកើតហេតុ សមត្ថកិច្ចមូលដ្ឋានបានចុះមកដល់ហេីយទំនាក់ទំនងទៅសមត្ថកិច្ចជំនាញមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញរងចាំម្ចាស់ចូលខ្លួនមកដោះស្រាយគ្នាទៅតាមច្បាប់៕ដោយ ៖ ជីម ភារ៉ា

ឈ្មោះ អ៊ី សាំងឡេង ត្រូវគេស្គាល់ថា មានតួនាទីជាអនុប្រធានទី១ នៃគណបក្សសម្ព័ន្ធដើម្បីប្រជាធិបតេយ្យ (LDP)។ គណៈកម្មាធិការជាតិរៀបចំការបោះឆ្នោត (គ.ជ.ប) នៅរសៀលថ្ងៃទី៧ធ្នូឆ្នាំ២០២០នេះ បានប្រកាសថា ខ្លួនបានសម្រេចដាក់ពាក្យប្តឹងឈ្មោះ អ៊ី សំាងឡេង ទៅកាន់សាលាដំបូងរាជធានីភ្នំពេញ ពាក់ព័ន្ធនឹងករណីបរិហារកេរ្តិ៍ឈ្មោះ កិត្តិយស និងសេចក្តីថ្លៃថ្នូរស្ថាប័ន គ.ជ.ប៕កឺម ទៀង

ក្រសួងព័ត៌មានគាំទ្រឲ្យអាជ្ញាធរចាត់វិធានការច្បាប់ចំពោះក្រុមអ្នកសារព័ត៌មានមួយចំនួនដែលផ្សាយព័ត៌មានមិនពិតខុសវិជ្ជាជីវៈ។