សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ មានប្រសាសន៍ថា មិនត្រូវប្រើមាត់ជំនួសច្បាប់ ឡើយ ប្រសិនបើមានបញ្ហាអ្វីមួយកើតឡើង ត្រូវយកចិត្តមកដោះស្រាយ ព្រោះប្រទេសកម្ពុជាគ្រប់គ្រងដោយនីតិរដ្ឋ ដូច្នេះត្រូវគោរពនីតិរដ្ឋ។ ក្នុងកិច្ចប្រជុំផ្សព្វផ្សាយ ស្ដីពីការពង្រឹងអនុវត្តតួនាទីភារកិច្ចរបស់រដ្ឋបាលខេត្តមណ្ឌលគីរី នាថ្ងៃទី២៧ ខែវិច្ឆិកា ឆ្នាំ២០ ២០ នៅអាគារក្រុមប្រឹក្សាខេត្តមណ្ឌលគិរី សម្ដេចក្រឡាហោម ស ខេង បានមានប្រសាសន៍ថា នៅប្រទេសកម្ពុជាបានធ្វើច្បាប់យ៉ាងច្រើន ដើម្បីពង្រឹងការគ្រប់គ្រងប្រទេសមួយឲ្យទៅជានីតិរដ្ឋ និងតាមគោលការណ៍ប្រជាធិតេយ្យ។ សម្ដេចក្រឡាហោម មានប្រសាសន៍ថា «ធ្វើការងារត្រូវផ្អែកទៅលើច្បាប់ ហើយកុំផ្អែកទៅលើមាត់ ឬគេប្រើពាក្យម្យ៉ាង ថា យើងត្រូវធ្វើការគ្រប់គ្រងនេះឲ្យទៅជាការគ្រប់គ្រងនីតិរដ្ឋ ហើយយើងមិនត្រូវធ្វើការគ្រប់គ្រងប្រទេសយើង ទៅជា ការគ្រប់គ្រងនីតិមាត់ទេ»។ សម្ដេចក្រឡាហោម បន្ដថា ប្រជាពលរដ្ឋធ្វើរឿងត្រឹមត្រូវ និងគោរពច្បាប់របស់ប្រទេសកម្ពុជា មានការគាំទ្រ។ ប៉ុន្ដែប្រសិ នបើប្រជាពលរដ្ឋណាមួយធ្វើខុសច្បាប់របស់ប្រទេសកម្ពុជា ហើយរត់ទៅរកអ្នកមានអំណាចមកឲ្យជួយអន្ដរាមន៍ គឺមិនត្រូវឡើយ បើធ្វើខុសច្បាប់ត្រូវទទួលយកតាមផ្លូវច្បាប់។ សម្ដេចក្រឡាហោម មានប្រសាសន៍បន្ថែមទៀតថា «ខ្ញុំសូមប្រើពាក្យនេះថា យើងមិនត្រូវប្រើមាត់ ជំនួសច្បាប់ទេ ច្បាប់ថាម៉េច ត្រូវអនុវត្តតាមហ្នឹងទៅ ត្រូវប្រើប្រាស់តាមនីតិរដ្ឋ និងគោរពគោលការណ៍នីតិរដ្ឋ…

ភ្នំពេញ៖ បន្ទាប់ពីនគរបាលខណ្ឌដូនពេញ កសាងសំណុំរឿងចប់សព្វគ្រប់ហើយនោះ នាព្រឹកថ្ងៃទី២៧ ខែវិច្ឆិកា ឆ្នាំ២០២០នេះ បានបញ្ជូនខ្លួនជនសង្ស័យជួញដូរគ្រឿងញៀនជាមន្ត្រីនគរបាលប៉ុស្តិ៍ស្រះចកម្នាក់ និងបក្ខពួក៨នាក់ ទៅកាន់សាលាដំបូងរាជធានីភ្នំពេញ ដើម្បីចាត់ការបន្ដតាមនីតិវិធី ។ សូមជម្រាបថា លោកស័ក្តិ៣ ហ៊ីង តុលាជាមន្ដ្រីនគរបាលប៉ុស្ដិ៍ស្រះចក ត្រូវបានសមត្ថកិច្ចខណ្ឌដូនពេញ ឃាត់ខ្លួនកាល ពីយប់ថ្ងៃទី២៥ ខែវិច្ឆិកា ឆ្នាំ២០២០ ពាក់ព័ន្ធបទល្មើសជួញដូរគ្រឿងញៀន នៅចំណុចម្តុំស្តុបធនាគារកាណាឌីយ៉ា មហាវិថីព្រះមុនីវង្ស សង្កាត់ស្រះចក ខណ្ឌដូនពេញ ។ គួររំលឹកថា កាលពីថ្ងៃទី២៣ ខែវិច្ឆិកា ឆ្នាំ ២០២០ វេលាម៉ោង២១ និង ១៥នាទី កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលខណ្ឌដូនពេញ បានបើកការស្រាវជ្រាវឈានដល់ការបង្ក្រាបជាក់ស្តែង នៅចំណុចម្តុំក្តាន់ពីរR6 សង្កាត់ស្រះចក ខណ្ឌដូនពេញ និង បានឃាត់ខ្លួនជនសង្ស័យម្នាក់ ឈ្មោះ សុង ដេត ភេទប្រុស ដោយបានធ្វើការត្រួតពិនិត្យឆែកឆេររកឃើញថ្នាំញៀន ចំនួន ២០៩កញ្ចប់ ។ បន្ទាប់ពីប្រើវិធានការជំនាញសួររកចម្លើយរួមមក នៅថ្ងៃទី២៤ ខែវិច្ឆិកា ឆ្នាំ២០២០ វេលាម៉ោង១១និង០០នាទី…

ភ្នំពេញ៖ រយៈពេល១ព្រឹកនាថ្ងៃទី២៦ ខែវិច្ឆិកា ឆ្នាំ២០២០នេះក្រោយពីបើកសវនាការអស់សាលាដំបូងរាជធានីភ្នំពេញ មិនទាន់សម្រេចយ៉ាងណា នៅឡើយទេ ដោយប្រកាសថា នឹងបន្តជំនុំជម្រះលើជនជាប់ចោទ ១៣៩នាក់ ដែលចូលរួមក្នុងផែនការប៉ុនប៉ងធ្វើរដ្ឋប្រហារផ្តួលរំលំ រាជរដ្ឋាភិបាលស្របច្បាប់ (ផែនការ៩វិច្ឆិកា) របស់ទណ្ឌិត សម រង្ស៉ីនោះ នៅថ្ងៃទី១៤ ខែមករា និងថ្ងៃទី០៤ ខែមីនា ឆ្នាំ២០២១ បន្តទៀត។ លោក គុជ គឹមឡុង អ្នកនាំពាក្យស្ថាប័នអយ្យការអមសាលាដំបូងរាជធានីភ្នំពេញ បានបញ្ជាក់ឲ្យបានដឹងថា សំណុំរឿងដែលលើកយកមកសវនាការព្រឹកមិញនេះ មានចំនួន០៤សំណុំរឿង ហើយជនជាប់ចោទដែលត្រូវកោះហៅមានចំនួនសរុប១៣៩រូប។ លោកអះអាងថា នាព្រឹកមិញ មានជនជាប់ចោទចូលក្នុងសវនាការតែ ៣៤រូបប៉ុណ្ណោះ ក្នុងចំណោមជនជាប់ចោទសរុប១៣៩នាក់នោះ ហើយសំណុំរឿងទាំងនេះ ត្រូវបញ្ចូលមកជា២សំណុំរឿងវិញ។ អ្នកនាំពាក្យបានបញ្ជាក់ទៀតថា សំណុំរឿងទី១ នឹងបន្តសវនាការនៅព្រឹកថ្ងៃទី១៤ ខែមករា ឆ្នាំ២០២១ និងសំណុំរឿងទី២ នឹងបន្តសវនាការ នៅព្រឹកថ្ងៃទី០៤ ខែមីនា ឆ្នាំ២០២១។ សូមបញ្ជាក់ថា នៅថ្ងៃទី២៦ ខែវិច្ឆិកា ឆ្នាំ២០២០នេះ សាលាដំបូងរាជធានីភ្នំពេញ បានបើកសវនាការលើសំណុំរឿងរបស់ក្រុមប្រឆាំងដែលមានរហូតដល់១៣៩នាក់ ពាក់ព័ន្ធករណីការចូលរួមក្នុងផែនការប៉ុនប៉ងធ្វើរដ្ឋប្រហារផ្តួលរំលំ រាជរដ្ឋាភិបាលស្របច្បាប់ (ព្រឹត្តិការណ៍…

ភ្នំពេញ ៖ ក្រសួងបរិស្ថានរៀបចំសិក្ខាសាលាផ្សព្វផ្សាយស្តីពី យេនឌ័រ និងការប្រើប្រាស់ និងការបែងចែកផលប្រយោជន៍ពីធនធានពន្ធុ ដែលរៀបចំឡើងដោយក្រុមការងារបច្ចេកទេសយេនឌ័រ ដោយមានកិច្ចសហការពីគម្រោងរៀបចំបង្កើតក្របខណ្ឌការងារសម្រាប់អនុវត្តពិធីសារណាហ្គូយ៉ាស្ដីពីការប្រើប្រាស់ និងការបែងចែកផលប្រយោជន៍ពីធនធានពន្ធុ ក្រោមអធិបតីភាព ឯកឧត្តម ទិន ពន្លក រដ្ឋលេខាធិការ និងដោយមានការចូលរួមធ្វើបទឧទ្ទេសនាមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ និងមន្រ្តីពាក់ព័ន្ធជាច្រើននាក់ នៅព្រឹកថ្ងៃទី២៦ ខែវិច្ឆិកា ឆ្នាំ២០២០ នាទីស្តីការក្រសួង ។ លោកជំទាវព្រំ សុភី អនុរដ្ឋលេខាធិការ និងជាប្រធានក្រុមការងារបច្ចេកទេសយេនឌ័រវិស័យបរិស្ថាន បានឱ្យដឹងថា សិក្ខាសាលានេះរៀបចំឡើង ដើម្បីបង្កើនការយល់ដឹងពីការចូលរួមរបស់ស្រ្តីលើការប្រើប្រាស់ និងការចែករំលែកផលប្រយោជន៍ពីការប្រើប្រាស់ធនធានធម្មជាតិ និងធនធានពន្ធុ ជំរុញទំនាក់ទំនង និងសារៈសំខាន់របស់ស្រ្តីក្នុងការចូលរួមការពារ អភិរក្សធនធានធម្មជាតិ ជីវចម្រុះ ប្រព័ន្ធអេកូឡូស៊ី ប្រើប្រាស់ប្រដោយនិរន្តភាព យុត្តិធម៌ និងមានសមធម៌ ព្រមទាំងពង្រឹងតួនាទីរបស់ស្ត្រី និងយុវជនក្នុងការចូលរួមផ្សព្វផ្សាយព័ត៌មានបរិស្ថាន។ សិក្ខាសាលានេះផ្តោតលើប្រធានបទចំនួន៤ សំខាន់ មានដូចជា៖ ១) ការប្រើប្រាស់ និងការបែងចែកផលប្រយោជន៍ពីធនធានពន្ធុ និងទំនាក់ទំនងយេនឌ័រ ២) យេនឌ័រ និងភាពជាអ្នកដឹកនាំ ៣)…

វណ្ណដា ដែលជាតារាចម្រៀងរ៉េបដ៏ល្បី ប្រចាំប្រទេសកម្ពុជានាពេលបច្ចុប្បន្ននេះ ត្រូវបានប្រកាសជាទូតសុឆន្ទៈថ្មីបំផុតមួយរូបតំណាងឱ្យក្រុមហ៊ុនសែលកាត។ ការប្រកាសនេះ ត្រូវបានធ្វើឡើងបន្ទាប់ពីការចាប់ផ្តើមយុទ្ធនាការ “Time to Rise” របស់តារាចម្រៀងរ៉េបអាយុ ២៣ ឆ្នាំរូបនេះ ដែលចង់បង្ហាញនូវមហិច្ឆតារបស់សិល្បករក្នុងការជំរុញ និងការអភិវឌ្ឍន៍ភាពឆ្នើមរបស់កម្ពុជា ដើម្បីចែករំលែកទៅកាន់ពិភពលោក។ លោក អៀន វ៉ាតសុន (Ian Watson) នាយកប្រតិបត្តិក្រុមហ៊ុនសែកាត បានថ្លែងឱ្យដឹងថា ភាពជំនាញផ្នែកឌីជីថលរបស់សែលកាត ដែលជាក្រុមហ៊ុនជាមោទនភាពរបស់ជាតិខ្មែរ និងមានកម្មសិទ្ធិ ១០០% ជាជនជាតិខ្មែរ នឹងញុំាងឲ្យក្រុមហ៊ុនក្លាយជាដៃគូដ៏សក្តិសមបំផុតសម្រាប់ វណ្ណដា ដែលកំពុងតែខិតខំជម្រុញឲ្យអាជីពរបស់គាត់កាន់តែរីកចម្រើនទៅមុខថែមទៀត។ លោក វ៉ាតសុន បានមានប្រសាសន៍បន្តទៀតថា៖ “យើងបានទទួលស្វាគមន៍សិល្បករ ដែលមានទេពកោសល្យពូកែៗកាន់តែច្រើនឡើងៗឱ្យមកចូលរួមជាមួយគ្រួសារសែលកាត និងរ៉ូយ៉ាល់គ្រុបរបស់យើង។ ការចូលរួមនេះ នឹងនាំពួកយើងទៅកាន់ទំព័រថ្មីមួយទៀត ដែលជាការផ្តល់នូវថ្នាលដល់សិល្បៈករក្នុងស្រុកដែលមានទេពកោសល្យល្អៗ ក្នុងការអភិវឌ្ឍខ្លួនជាមួយពួកយើង” ។ ដោយ៖ គ្រី សម្បត្តិ

ភ្នំពេញ៖ អនុវត្តន៍តាមបញ្ជា ឯកឧត្តម នាយឧត្ដមសេនីយ៍ សន្តិបណ្ឌិត អគ្គស្នងការនគរបាលជាតិ និងឯកឧត្តម នាយឧត្ដមសេនីយ៍ ម៉ក់ ជីតូ អគ្គស្នងការរង ទទួលផែនប្រឆាំងបទល្មើសគ្រឿងញៀនក្រោមការបញ្ជាដឹកនាំផ្ទាល់ របស់ ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន។ កម្លាំងជំនាញ(ក៧)របស់មន្ទីរប្រឆាំងបទល្មើសគ្រឿងញៀន ដឹកនាំដោយលោកនាយករង វ័រ វុទ្ធ និងមានការសម្របសម្រួលពីលោក សុិត វណ្ណ: ព្រះរាជអាជ្ញារងអមសាលាដំបូងរាជធានីភ្នំពេញ បានបើកស៊ើប អង្កេតស្រាវជ្រាវបង្ក្រាបករណី រក្សាទុក ជួញដូរនូវគ្រឿងញៀនដោយខុសច្បាប់ នៅចំណុចបន្ទប់ជួល ផ្លូវលំ ភូមិព្រៃព្រីងខាងជើង សង្កាត់ចោមចៅខណ្ឌពោធិ៍សែនជ័យ រាជធានីភ្នំពេញ។ លទ្ធផលឃាត់ខ្លួនជនសង្ស័យ ឈ្មោះ អ៊ុល ភារ: ភេទប្រុស អាយុ ២៥ឆ្នាំ ជនជាតិ ខ្មែរ មុខរបរ មិនពិតប្រាកដ ។ វត្ថុតាងចាប់យកបាន សារធាតុញៀន ប្រភេទមេតំហ្វេតាមីន(ICE)ទម្ងន់សុទ្ធ៣២៩៨.៥៤ក្រាម ៕ ដោយ ៖ បញ្ញា

ភ្នំពេញ៖ រោងម៉ាសុីនកិនស្រូវដ៏ធំមួយកន្លែងជាប់ផ្លូវជាតិលេខ២ ស្ថិតភូមិកណ្ដាល សង្កាត់រលួស ខណ្ឌដង្កោ ត្រូវបានអគ្គិភ័យឆាបឆេះយ៉ាងសន្ធោសន្ធៅ បង្កឲ្យមានការភ្ញាក់ផ្អេីលដល់សមត្ថកិច្ចមូលដ្ឋាន និងកម្លាំងជំនាញបង្ក សង្គ្រោះពន្លត់អគ្គិភ័យរាជធានី និងខេត្តកណ្ដាល ចុះមកអន្តរាគមន៍ កាលពីវេលា ម៉ោង ៩៖១០នាទីព្រឹក ថ្ងៃព្រហស្បតិ៍ ១១កើត ខែមិគសិរ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២៦ ខែវិច្ឆិកា ឆ្នាំ២០២០ ។ សមត្ថកិច្ចបានឲ្យដឹងថា ម្ចាស់ឃ្លាំងឈ្មោះ : ប៊ុន សុធី ភេទប្រុស អាយុ ៤៣ឆ្នាំ មុខរបរ : សម្ងួតស្រូវ។ មូលហេតុ : ភ្លើងចង្ក្រានសម្ងួតខ្ទាតចំសំបកបាវចាស់ៗ ដោយទីតាំងខាងលេីគឺជាប្រភេទសំណង់ៈ ឃ្លាំងថ្ម ប្រក់ស័ង្កសី (ទំហំ ៤០ម៉ែត្រx ៧០ម៉ែត្រ )។ ហេីយសម្ភារៈ ខូចខាត : រោងដាក់សំបកបាវទំហំ៣ម៉ែត្រ x២០ ម៉ែត្រ។ សមត្ថកិច្ចបានបន្ថែមថា ករណីខាងលេីនេះពុំមានមនុស្សរងរបួស ឬស្លាប់…