ភ្នំពេញ៖ បុរសម្នាក់ស្រវឹងស្រាបើករថយន្តតូយូតា ព្រូស មួយគ្រឿងបត់ឆ្លងផ្លូវទៅបុកចំហៀង រថយន្តតូរីសពេញទំហឹង បណ្ដាលឲ្យរថយន្តតូរីសរេចង្កូតឡើងលើសួនចែកទ្រូងផ្លូវបុកបង្គោលភ្លើងបំភ្លឺផ្លូវមួយដើមធ្លាក់ទៅផ្លូវម្ខាងទៀតបន្តទៅបុករថយន្តដឹកទំនិញធុនធំមួយគ្រឿងបណ្ដាលឲ្យរងការខូចខាតយ៉ាងដំណំ ។ ហេតុការណ៍នេះកើតឡើងកាលពីវេលា ម៉ោង១២និង៥នាទីយប់រំលងអធ្រាត្រឈានចូលថ្ងៃព្រហស្បតិ៍ ទី២៦ ខែវិច្ឆិកា ឆ្នាំ២០២០ នៅចំណុចមុខសាលាបឋមសិក្សាភ្នំពេញថ្មី តាមបណ្តោយផ្លូវភ្នំពេញហាណូយ កែងនឹងផ្លូវ ២៨គ្រួសារ ក្នុងសង្កាត់គោកឃ្លាង ខណ្ឌ សែនសុខ រាជធានីភ្នំពេញ។ តាមប្រភពពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់ស្រវឹងស្រា បើករថយន្តតូយ៉ូតាព្រូសមួយគ្រឿង ពណ៌ទឹកប្រាក់ ពាក់ស្លាក លេខភ្នំពេញ 2AW.3489 ធ្វើដំណើរតាមបណ្ដោយផ្លូវភ្នំពេញហាណូយ ទិសដៅត្បូងទៅជើង លុះមកដល់ចំណុចកើតហេតុខាងលើ បាន បត់ឆ្វេងដៃទៅផ្លូវ ២៨គ្រួសារ ក្នុងល្បឿនលឿនក៏ជ្រុលទៅបុកចំហៀងរថយន្តតូរីស ពណ៌សមួយគ្រឿង ពាក់ស្លាកលេខភ្នំពេញ 2Z-5909 បើកបរដោយបុរសម្នាក់ធ្វើដំណើរតាមបណ្តោយផ្លូវភ្នំពេញហាណូយ បញ្ច្រាសទិសដៅគ្នាពីជើងទៅត្បូងចំផ្នែកខាងឆ្វេងខាងក្រោយរថយន្តតូរីស ពេញទំហឹងបណ្ដាលឲ្យរថយន្តតូរីស រេចង្កូតឡើងលើសួនចែកទ្រូងផ្លូវបុកបង្គោលភ្លើងបំភ្លឺផ្លូវ មួយដើមធ្លាក់អំពូលភ្លើងចុះក្រោម រួចធ្លាក់ទៅផ្លូវ ម្ខាងទៀតបន្តទៅបុករថយន្តប្រភេទដឹកទំនិញធុនធំមួយគ្រឿងម៉ាក FUSO ក្បាលពណ៌ស លាយខៀវពាក់ស្លាកលេខភ្នំពេញ3E-2637បើកបរដោយបុរសម្នាក់តាមបណ្តោយផ្លូវភ្នំពេញហាណូយ បញ្ច្រាស់ទិសដៅគ្នាពីត្បូងទៅជើងផ្នែកខាងមុខខាងឆ្វេងបណ្តាលផ្ទប់ជាប់ទៅមុខ លែងរួច។ ចំណែករថយន្តទាំង៣គ្រឿងរងការខូចខាតយ៉ាងដំណំ ក្នុងហេតុការណ៍នេះពុំមានអ្នកណាម្នាក់រងរបួសនោះទេ។ ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តទាំង៣គ្រឿងយក ទៅរក្សាទុកនៅការិយាល័យចរាចរណ៍ផ្លូវគោក ស្នងការដ្ឋាននគរបាលរាជធានីភ្នំពេញរង់ចាំធ្វើការដោះស្រាយគ្នានៅពេលក្រោយ៕ដោយ៖ ជីម ភារ៉ា

ភ្នំពេញ ៖ អតីតឃ្លាំងលក់ និងជួសជុលរថយន្តដ៏ធំមួយកន្លែងនៅជាប់ផ្លូវលេខ១០៥ ក្នុងភូមិ១ សង្កាត់បឹងព្រលឹត ខណ្ឌ៧មករា ត្រូវបានអគ្គិភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អេីលដល់ប្រជាពលរដ្ឋ និងសមត្ថកិច្ចចុះអន្តរាគមន៍ភ្លាមៗ នៅវេលាម៉ោង៩ និង៣០នាទីយប់ ថ្ងៃទី២៥ ខែវិច្ឆិកា ឆ្នាំ ២០២០ ។ យោងតាមប្រភពព័ត៌មានពីប្រជាពលរដ្ឋនៅរស់នៅក្បែរកន្លែងកេីតហេតុបានឲ្យដឹងថា ទីតាំងដែលត្រូវអគ្គិភ័យឆាបឆេះខាងលេីនេះគឺជា ឃ្លាំងលក់ និងជួសជុលរថយន្ត ត្រូវបានគេទុកចោលជាយូរមកហេីយ ដោយនៅសម្ភារៈសេសសល់ចាស់ៗ ពុំសូវមានតម្លៃតែប៉ុណ្ណោះ ចំណែកប្រព័ន្ធភ្លេីងក៏នៅមានប្រេីធម្មតាផងដែរ ។ ប្រភពដដែលបានឲ្យដឹងទៀតថា នៅយប់កេីតហេតុគេសង្កេតឃេីញមានផ្សេងហុយតិចតួចចេញពីក្នុងឃ្លាំង និងនឹកស្មានថាគេដុតសម្រាម តែមួយសន្ទុះធំក៏មានផ្សេងហុយកាន់តែខ្លាំង ធ្វេីឲ្យប្រជាពលរដ្ឋចូលទៅមេីលស្រាប់តែឃេីញមានអណ្ដាតភ្លេីងឆេះឡេីងជាយ៉ាងសន្ធោសន្ធៅ រួចក៏ទំនាក់ទំនងទៅអាជ្ញាធរមូលដ្ឋាន ចុះមកជួយអន្តរាគមន៍ភ្លាមៗតែម្ដង ។ ក្រោយពីទទួលបានព័ត៌មានខាងលេី ភ្លាម មន្ត្រីសាលាខណ្ឌ៧មករា បានចេញរថយន្តពន្លត់អគ្គិភ័យ១គ្រឿង និងកម្លាំងជំនាញបង្ក ពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ បានចេញរថយន្តពន្លត់អគ្គិភ័យចំនួន៤គ្រឿង ដោយមានកម្លាំងចម្រុះជាច្រេីននាក់បានសហការគ្នាយ៉ាងយកចិត្តទុកដាក់ជួយបាញ់ពន្លត់អគ្គិភ័យខាងលេីនេះឲ្យរលត់ទៅវិញជាស្ថាពរ ត្រឹមរយៈពេលកន្លះម៉ោង និងប្រេីប្រាស់ឡានទឹកអស់ចំនួន៣គ្រឿង ។ ចំពោះមូលហេតុ ដែលបង្កឲ្យមានអគ្គិភ័យនេះកេីតឡេីងគឺ សមត្ថកិច្ចសន្និដ្ឋានថា អាចមកពីឆ្លងចរន្តអគ្គិសនី ព្រោះប្រព័ន្ធភ្លេីងបាននៅច្របួកច្របល់ជាមួយ និងសម្ភារ:ចាស់ងាយឆ្លងឲ្យឆេះ ។ ហេីយក្នុងករណីនេះមិនបានរាលដាលដល់ផ្ទះប្រជាពលរដ្ឋរស់នៅជិតខាងនោះទេ នឹងមិនបង្កឲ្យនរណាម្នាក់រងរបួសនោះដែរ…

ភ្នំពេញ៖ រថយន្តម៉ាកឡង់គ្រីស័រមួយគ្រឿង បានបោះពួយក្នុងល្បឿនលឿន ខណៈដល់ផ្លូវកោងមិនប្រយ័ត្នបានបួងចង្កូតមិនទាន់ជ្រុលទៅបុករបងផ្ទះប្រជាពលរដ្ឋពេញទំហឹង បណ្ដាលឲ្យបាក់អស់មួយផ្ទាំង ចំណែករថយន្តបង្កបានរងការខូចខាតយ៉ាងដំណំ និងទៅមុខលេងរួច។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១និង២០ នាទីយប់រំលងអធ្រាត្រឈានចូលថ្ងៃទី២៥ ខែវិច្ឆិកា ឆ្នាំ២០២០ ស្ថិតនៅតាមបណ្ដោយផ្លូវ៥២៨ កែងនិងផ្លូវ២៧៥ ខាងកើត អតីតសុីម៉ាក់ចាស់ ប្រមាណជា២០០ម៉ែត្រ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។ យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តម៉ាកឡង់គ្រឺស័រមួយគ្រឿង ពណ៌ស មិនស្គាល់ស្លាកលេខបើកបរចុះពីផ្លូវទំនប់៧០ មកផ្លូវ៥២៨ ទិសដៅពីកើតទៅលិច ខណៈមកដល់កែង​ និងផ្លូវ២៧៥ដែលជាចំណុចផ្លូវកោង និងជាកន្លែងកើតហេតុ បានបួងចង្កូតមិនទាន់រេមកខាងស្ដាំដៃជ្រុលទៅបុករបងផ្ទះប្រជាពលរដ្ឋបាក់អស់មួយផ្ទាំង ឯរថយន្តខូចខាតផ្នែកខាងមុខយ៉ាងដំណំ ក្រោយកេីតហេតុភ្លាមៗម្ចាស់រថយន្តបានដោះស្លាកលេខយកទៅជាមួយគេចខ្លួនចេញពីកន្លែងកើតហេតុបាត់ ។ ក្រោយកើតហេតុសមត្ថកិច្ចមូលដ្ឋានបានចុះមកដល់ ហេីយបានទំនាក់ទំនងទៅសមត្ថកិច្ចជំនាញចរាចរណ៍ចុះមកធ្វើការវាស់វែងយករថយន្តបង្កទៅរក្សាទុកនៅអធិការដ្ឋាននគរបាលខណ្ឌទួលគោក រង់ចាំម្ចាស់ចូលខ្លួនមកដោះស្រាយគ្នាទៅតាមច្បាប់៕ ដោយ៖ ជីម ភារ៉ា

ភ្នំពេញ៖ បុរសម្នាក់ជិះម៉ូតូបញ្ច្រាស់ទិសដៅ ចរាចរណ៍ក្នុងល្បឿនលឿន ត្រូវរថយន្តម៉ាក KIA មួយគ្រឿងមកបុកចំពីមុខពេញទំហឹង បណ្ដាលឲ្យរងរបួសធ្ងន់ ត្រូវបានរថយន្តសាមុយដឹកបញ្ជូនទៅសង្គ្រោះនៅមន្ទីពេទ្យភ្លាមៗ បង្កឲ្យមានការភ្ញាក់ផ្អេីលនៅវេលាម៉ោង ១១និង១០នាទីយប់ថ្ងៃទី២៤ ខែវិច្ឆិកា ឆ្នាំ២០២០ នៅតាមបណ្ដោយផ្លូវ២៧១ ស្ថិតក្នុងសង្កាត់បឹងទំពុនទី១ ខណ្ឌមានជ័យ រាជធានីភ្នំពេញ ។ បេីតាមប្រភពព័ត៍មាន បានឲ្យដឹងថា នៅមុនពេលកេីតហេតុ គេឃេីញបុរសម្នាក់ជិះម៉ូតូម៉ាក Suzuki Smash Revo ពណ៍ក្រហម ពាក់ស្លាកលេខ កណ្ដាល 1G-5520 ធ្វេីដំណេីរពីត្បូងទៅជេីង បញ្ច្រាស់ទិសដៅចរាចរណ៍ ក្នុងល្បឿនយ៉ាងលឿន ខណៈមកដល់ចំណុចកេីតហេតុខាងលេី ស្រាប់តែ ជ្រុលទៅបុករថយន្តមួយគ្រឿងម៉ាក KIA ពណ៌ស ពាក់ស្លាកលេខ ភ្នំពេញ 2BH-1823 ធ្វេីដំណេីរក្នុងទិសដៅពីជេីងទៅត្បូង ចំពីមុខយ៉ាងពេញទំហឹង បណ្ដាលឲ្យម្ចាស់ម៉ូតូ រងរបួសធ្ងន់ ត្រូវបានរថយន្តសាម៉ុយដឹងយកទៅមន្ទីពេទ្យភ្លាមៗ ។ ក្រោយកើតហេតុ សមត្ថកិច្ចមូលដ្ឋានបានចុះមកចំណុចទីតាំងខាងលេី និងបានទាក់ទងទៅសមត្ថកិច្ចជំនាញចរាចរណ៍ នៃស្នងការដ្ឋាននគរបាលរាជធានីភ្នំពេញ ដេីម្បីមកធ្វេីការវាស់វែងយករថយន្ត និងម៉ូតូទៅរក្សាទុក រងចាំដោះស្រាយតាមច្បាប់៕ ដោយ៖ ជីម ភារ៉ា

ភ្នំពេញ៖ បុរសម្នាក់បើករថយន្ដស្ទូចឡើងស្ពានព្រះមុនីវង្សចាស់បានពាក់កណ្ដាលស្ពាន ក៏រលត់ម៉ាស៊ីរអិលថយក្រោយមកបុករះបង្កាន់ដៃស្ពានបាក់អស់ជាច្រើនកំណាត់ ឯរថយន្តបង្កបានធ្លាក់ចូលសួនសំណាងល្អមិនបង្កឲ្យអ្នកណាម្នាក់រងរបួស។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលវេលាម៉ោង៩ និង៣០នាទីយប់ថ្ងៃអង្គា ទី២៤ ខែវិឆ្ឆិកា ឆ្នាំ២០២០ ស្ថិតនៅចំណុចលើស្ពានមុនីវង្សចាស់ ក្នុងសង្កាត់ច្បារអំពៅ២ ខណ្ឌច្បារអំពៅ ។ បេីតាមសម្ដីតៃកុងរថយន្តបង្កបានប្រាប់អ្នកយកព័ត៌មានឲ្យដឹងថា មុនពេលកើតហេតុ រូបគាត់បានបើករថយន្តស្ទូច ពាក់ស្លាកលេខភ្នំពេញ3F-3064 ចេញពីក្នុងបុរីមួយកន្លែងក្បែរផ្លូវជាតិលេខ១ គោលបំណងឆ្ពោះទៅព្រែកលៀបដោយធ្វើដំណើរតាមបណ្ដោយផ្លូវជាតិលេខ១ទិសដៅពីកើតទៅលិច ខណៈបានឡើងស្ពានព្រះមុនីវង្សចាស់ដល់ពាក់កណ្ដាលស្ពាន ក៏បានរលត់ម៉ាស៊ីន ហេីយគាត់ជាន់ហ្វាំងដែរតែមិនស៊ីបណ្ដាលរអិលថយក្រោយបុករះបង្កាន់ដៃស្ពានបាក់៣កំណាត់ តែសំណាងល្អគ្មានអ្នកណាម្នាក់រងរបួសនោះឡេីយ ។ ក្រោយកើតហេតុ សមត្ថកិច្ចមូលដ្ឋានបានទាក់ទងទៅជំនាញចរាចរណ៍ខណ្ឌច្បារអំពៅ ឲ្យមកធ្វេីកំណត់ហេតុ និងវាស់វែងយករថយន្តទៅរក្សាទុកនៅការិយាល័យចរាចរណ៏ផ្លូវគោក នៃស្នងការដ្ឋាននគរបាលរាជធានីភ្នំពេញ រងចាំឲ្យភាគីទាំង២ចូលខ្លួនមកដោះស្រាយតាមច្បាប ៕ ដោយ ៖ជីម ភារ៉ា

ភ្នំពេញ៖ រថយន្តព្រូសបើកបរក្នុងល្បឿនលឿនជ្រុលចាប់ហ្វ្រាំងមិនជាប់បុកគូទរថយន្តឡង់គ្រីស័រចំពេញទំហឹង បណ្តាលឲ្យរងការខូចខាតយ៉ាងដំណំ។ ករណីគ្រោះថ្នាក់ចរាចរណ៍នេះ កើតឡើងកាលពីវេលាម៉ោង១១ និង៣០នាទីព្រឹក ថ្ងៃទី២៤ ខែវិច្ឆិកា ឆ្នាំ២០២០ ស្ថិតនៅតាមបណ្ដោយផ្លូវព្រះនរោត្តម ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេឃើញរថយន្តម៉ាក់ព្រូសមួយគ្រឿង ពណ៌ផ្សែងបារី ពាក់ស្លាក់លេខ ភ្នំពេញ 2BI-2219 ធ្វើដំណើរតាមបណ្តោយផ្លូវព្រះនរោត្តម ទិសដៅពីត្បូងទៅជើង ក្នុងល្បឿនលឿន ខណៈមកដល់ចំនុចកើតហេតុខាងលើ ក៏ជាន់ហ្វ្រាំមិនជាប់ជ្រុលទៅបុកពីក្រោយគូទរថយន្តម៉ាក់ឡង់គ្រីស័រមួយគ្រឿងទៀត ពណ៌ស្លែ ពាក់ស្លាក់លេខ ប.មានជ័យ 2A-0529 ដែលធ្វើដំណើរស្រប់ទិសគ្នាចំពីក្រោយពេញទំហឹង បណ្តាលឱ្យរថយន្តម៉ាក់ឡង់គ្រីស័ររងការខូចខាតកំពឹតកាងក្រោយបន្តិចបន្តួច ចំណែកឯរថយន្តព្រូសរងការខូចខាតផ្នែកខាងមុខត្រង់ចង្កៀងខាងស្តាំយ៉ាងដំណំ។ តែសំណាងល្អ ក្នុងករណីគ្រោះថ្នាក់ចរាចរណ៍នេះ មិនបង្កឱ្យមាននណាម្នាក់រងរបួសនោះទេ។ ក្រោយពេលកើតហេតុ សមត្ថកិច្ចមូលដ្ឋានក៏បានចុះមកដល់កន្លែងកើតហេតុ ដើម្បីមកសម្រួលចរាចរណ៍កុំឱ្យមានការកក់ស្ទះ រួចឱ្យភាគីទាំងសងខាងសម្រប់សម្រួលគ្នា ដោយភាគីខាងម្ចាស់រថយន្តព្រូសជាអ្នកបង្កព្រមសង់សំណង់ទៅខាងភាគីម្ចាស់រថយន្តឡង់គ្រីស័ររងគ្រោះចំនួន១០ម៉ឺនរៀល ដើម្បីរឿងនៅកន្លែងតែម្តង៕

ខេត្តកំពង់ធំ៖ ប្រជាពលរដ្ឋដែលរងគ្រោះដោយទឹកជំនន់ជាង ៨០០គ្រួសារ មកពីស្រុកពីរ នៅក្នុងខេត្តកំពង់ធំ ទទួលបានពូជស្រូវពី គណៈកម្មាធិការជាតិគ្រប់គ្រងគ្រោះមហន្តរាយ ដែលការចែកពូជស្រូវច្រើនតោននោះ បានធ្វើឡើងក្រោមអធិបតីភាព ទេសរដ្ឋមន្ត្រីគន់ គីម ,រដ្ឋមន្ត្រីក្រសួងទេសចរណ៍ លោក ថោង ខុន ,រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក វេង សាខុន ដែលមានការចូលរួមពី អភិបាលខេត្តកំពង់ធំ លោក សុខ លូ និងមន្ត្រីរាជការជុំវិញខេត្ត កងកម្លាំងទាំង និងអាជ្ញាធរមូលរដ្ឋាន ផងដែរ។ ការចែកពូជស្រូវដល់ប្រជាពលរដ្ឋ ៨៣០គ្រួសារ កាលពីថ្ងៃទី២៣វិច្ឆិកាឆ្នាំ២០២០ បានធ្វើនៅក្នុងបរិវេណ វត្តសង់ឃ្លាំង ស្ថិតក្នុងឃុំតាំងក្រសាំង ស្រុកសន្ទុក ដោយប្រជាពលរដ្ឋទាំងអស់ មកពីស្រុកសន្ទុក និងស្រុកបារាយណ៍ ខេត្តកំពង់ធំ។ លោក ទេសរដ្ឋមន្ត្រី គន់ គីម ដែលជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍ថា ដើម្បីធានាដល់ការស្តារឡើងវិញ នូវជីវភាព និងការដាំដុះរបស់ប្រជាពលរដ្ឋ សម្តេចតេជោ ប្រមុខរាជរដ្ឋាភិបាល បានដាក់បទបញ្ជាដល់ក្រសួងមុខព្រួញសំខាន់ៗចំនួន៣ រួមមាន…

ខេត្តព្រះវិហារ៖ ប្រធានក្រុមប្រឹក្សាខេត្តព្រះវិហារ លោក សុវណ្ណ ,អភិបាលរងខេត្តព្រះវិហារ លោក ស៊ូ សិរី បានអញ្ជើញបើកវេទិការសាធារណៈ ផ្សព្វផ្សាយ និងពិគ្រោះយោបល់មួយ ដើម្បីទទួលយកបញ្ហានានា ពីប្រជាពលរដ្ឋនៅក្នុងមូលដ្ឋាន យកមកធ្វើការដោះស្រាយ ដើម្បីបញ្ចប់វិបត្តិទាំងឡាយ ដែលបានកើតឡើងនាពេលកន្លងមក។វេទិការសាធារណៈនេះ បានរៀបចំធ្វើឡើង នៅក្នុងបរិវេណ សាលាឆទានវត្តចាស់ ស្ថិតក្នុងភូមិឆែបកើត ឃុំឆែបមួយ ស្រុកឆែប កាលពីថ្ងៃទី២៣វិច្ឆិកាឆ្នាំ២០២០ ដែលមានការចូលរួមពី សមាជិក សមាជិកាក្រុមប្រឹក្សាខេត្ត ថ្នាក់ដឹកនាំខេត្ត មន្ទីរ អង្គភាព អាជ្ញាធរស្រុក និងប្រជាពលរដ្ឋច្រើនរយនាក់ ផងដែរ។ ប្រជាពលរដ្ឋច្រើនរយគ្រួសារ នៅក្នុងស្រុកឆែប បានលើកឡើងនូវចំណោទបញ្ហាជាច្រើន ដើម្បីស្វែងរកការជួយដោះស្រាយពីអាជ្ញាធរខេត្ត។ បញ្ហាដែលជាចំណោទ នៅក្នុងខេត្តព្រះវិហារ រួមមាន ស្នើសុំឲ្យមានប្រព័ន្ធទឹកស្អាតប្រើប្រាស់ ,រកកិច្ចអន្តរាគមន៍លើការបម្រើសេវាសាធារណៈ ឲ្យបានឆាប់រហ័ស, ភាពវិវាទដីធ្លី រវាងប្រជាពលរដ្ឋ ជាមួយក្រុមហ៊ុន និងបញ្ហាប្រឈមមួយចំនួនទៀត ដែលជាចំណោទនៃការស្វែងរកការជួយដោះស្រាយ ពីអាជ្ញាធរខេត្តព្រះវិហារ។ ប្រធានក្រុមប្រឹក្សាខេត្តព្រះវិហារ លោក ឡុង សុវណ្ណ បានទទួលយកសំណើរជាច្រើនពីប្រជាពលរដ្ឋ ដែលបាន និងកំពុងជួបបញ្ហាប្រឈម…

ខេត្តព្រះវិហារ៖ កម្លាំងការិយាល័យនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តព្រះវិហារ បញ្ជូនខ្លួនជនសង្ស័យដៃដល់ម្នាក់ ដែលបានប្រើកាំបិតផ្គាក់កាប់មកលើជនរងគ្រោះ បណ្តាលឲ្យស្លាប់ភ្លាមៗ ទៅតុលាការខេត្តនោះហើយ នៅថ្ងៃទី២៤វិច្ឆិកាឆ្នាំ២០២០នេះ។ ករណីឃាតកម្មនេះ បានកើតឡើងនាវេលាម៉ោង ១ និង៣០នាទីរំលងអាធ្រាត្រ ថ្ងៃទី២៣វិច្ឆិកាឆ្នាំ២០២០ ត្រង់ចំណុចវាលលោមនាង ស្ថិតក្នុងភូមិសែនរុងរឿង៤ ឃុំមរតកតេជោ ស្រុកជាំក្សាន្ត និងក្រោយហេតុការណ៍នោះ កម្លាំងអធិការដ្ឋាននគរបាលស្រុកជាំក្សាន្ត បានចុះឃាត់ខ្លួនជនសង្ស័យភ្លាមផងដែរ។ អធិការនគរបាលស្រុកជាំក្សាន្ត លោកវរសេនីយ៍ទោ ឱ សេង បានប្រាប់ឲ្យដឹងថា នៅមុនអំពើឃាតកម្មដែលបានកើតឡើងនេះ ជនសង្ស័យដៃដល់ និងជនរងគ្រោះ រួមទាំងអ្នកជិតខាងផ្សេងទៀត បានអង្គុយផឹកស្រារួមគ្នា ហើយនៅក្នុងពេលនោះ ពួកគេម្នាក់ៗ ហាក់ដូចជាស្រវឹងស្រារៀងៗខ្លួន ក៏កើតមានទាស់សម្តីគ្នាយ៉ាងតឹងតែង មួយលើកជាពីរលើក បន្ទាប់មកពួកគេក៏បានទៅជ្រៀកឈើ ពេលទៅដល់ ជនសង្ស័យ និងជនរងគ្រោះ បានបន្តជជែកគ្នាខ្លាំងឡើងៗ រហូតផ្ទុះអំពើហឹង្សា ជនដៃដល់បានស្ទុះទៅទាញយកកាំបិតផ្គាក់ មកកាំជនរងគ្រោះពីរកាំបិតចំក្បាល បណ្តាលឲ្យស្លាប់ភ្លាមៗ នៅនឹងកន្លែង។ លោកអធិការបានបន្តថា ក្រោយហេតុការណ៍នោះ កម្លាំងអធិការដ្ឋាននគរបាលស្រុក បានចុះឃាត់ខ្លួនជនសង្ស័យដៃដល់ភ្លាមៗផងដែរ បញ្ជូនមកធ្វើការសាកសួរ និងបញ្ជូនបបន្តមកកាន់ ស្នងការដ្ឋាននគរបាលខេត្តព្រះវិហារ។ ស្នងការរង ទទួលផែនព្រហ្មទណ្ឌ នៃស្នងការដ្ឋាននគរបាលខេត្តព្រះវិហារ…