-
ប្រធានសាលាឧទ្ធរណ៍ខេត្តព្រះសីហនុប្រាប់សាលាដំបូងខេត្ត
កោះកុង៖ លោក សុខ កល្យាណ ប្រធានសាលាឧទ្ធរណ៍ខេត្តព្រះសីហនុ លោក លឹម ស៊ីណាត អគ្គលេខាធិការ និងមន្ត្រីក្រោមឱវាទមន្ត្រីតុលាការ និងមានការចូលរួមគ្រប់ស្ថាប័នជំនាញដែលពាក់ព័ន្ធ។ សាលាឧទ្ធរណ៍ខេត្តព្រះសីហនុ បានចុះធ្វើអធិការកិច្ចនៅសាលាដំបូងខេត្តកោះកុង ខេត្តកំពត និងខេត្តព្រះសីហនុ ពាក់ព័ន្ធនឹងការងារស៊ើបសួរ និងអនុវត្តច្បាប់របស់អយ្យការសាលាដំបូងខេត្តទាំងបី មន្ត្រីនគរបាលយុត្តិធម៌ និងការងារពន្ធនាគារក្នុងតំបន់សាលាឧទ្ធរណ៍ព្រះសីហនុ ប្រចាំឆ្នាំ២០២០។ លោក សុខ កល្យាណ លើកឡើងថា អយ្យការសាលាដំបូង មន្ត្រីនគរបាលយុត្តិធម៌ និងការងារពន្ធនាគារ ត្រូវធ្វើការរួមគ្នាមានទំនាក់ទំនងសាមគ្គីគ្នាក្នុងការដោះស្រាយរាល់បញ្ហា និងអនុវត្តសាលាក្រមតុលាដល់ជនដែលត្រូវចោទឱ្យមានភាពយុត្តិធម៌ និងរហ័យដល់ជនរងគ្រោះ ដែលត្រូវចោទក្នុងស្ថានទម្ងន់ទោសឱ្យសុក្រឹត្យ ចៀសវាងការដាក់ទោសដល់ជនដែលត្រូវចោទខុសពីបទល្មើស តើគាត់បានប្រព្រឹត្ត ឬអត់បានប្រព្រឹត្ត។ លោក សុខ កល្យាណ បន្តថា ចៅក្រមស៊ើបសួរ និងនគរបាលយុត្តិធម៌ ត្រូវស៊ើបសង្កេតយ៉ាងយកចិត្តទុកដាក់ទៅពាក្យបណ្ដឹងដែលគេត្រូវចោទ ឬប្តឹងឱ្យល្អិតល្អន់ និងស្រាវជ្រាវឱ្យបានច្បាស់យ៉ាងហោចណាស់ក៏រយៈពេល ២ សប្តាហ៍ដែរ ដើម្បីឱ្យបានច្បាស់មុន និងយកជនដែលត្រូវចោទកាត់ទោសដាក់ពន្ធនាគារ៕
-
បុរសម្នាក់ត្រូវរថយន្តឡុចសុីស 570 បុកស្លាប់ភ្លាមៗ នៅផ្លូវ៦០ម៉ែត្រ
ភ្នំពេញ ៖ បុរសម្នាក់បានបែកក្បាលស្លាប់ក្នុងថ្លុកឈាមភ្លាមៗ និងម្នាក់ទៀតរត់គេចទាន់ បន្ទាប់ពីនាំគ្នាដើរឆ្លងផ្លូវត្រូវរថយន្តម៉ាក LX570 បេីកបុក កាលពីវេលាម៉ោង១១ និង៤០នាទីយប់ ថ្ងៃទី១៦ ខែវិច្ឆិកា ឆ្នាំ២០២០ ស្ថិតតាមបណ្ដោយផ្លូវ៦០ម៉ែត្រ ចំណុចមុខការិយាល័យលក់អចលនទ្រព្យលីងណានហ្គាជិន ក្នុងសង្កាត់ចាក់អង្រែលើ ខណ្ឌមានជ័យ ។ សពជនរងគ្រោះមានឈ្មោះ រុំ រុណ ភេទប្រុស អាយុ២៨ឆ្នាំមុខរបបថែសួន ស្នាក់នៅជិតក្រុមហ៊ុនម៉ាកសឺដែស ក្នុងសង្កាត់ចាក់អង្រែលេី ខណ្ឌមានជ័យ និងមានស្រុកកំណើតនៅស្រុករតនៈមណ្ឌុលខេត្តបាត់ដំបង។ បេីតាមសម្ដីមិត្តភក្ត្រ័ជនរងគ្រោះដែលដើររួមគ្នាបានឲ្យដឹងថា មុនពេលកើតហេតុខណៈគាត់កំពុងតែឆ្លងផ្លូវសុខៗស្រាប់តែមានរថយន្តឡុចស៊ីស LX570 ពណ៌ខ្មៅ ពាក់ស្លាកលេខភ្នំពេញ 2BB 1339 បើកបរ និងរួមដំណេីរដោយជនជាតិចិន៣នាក់ ទិសដៅពីត្បូងទៅជើងក្នុងល្បឿនយ៉ាងលឿន ខណៈមកដល់ចំណុចកើតហេតុខាងលើ ក ជ្រុលមកបុកបុរសម្នាក់ជាមិត្តភ័ក្តគាត់ដេីរពីមុខពេញទំហឹង បណ្ដាលឲ្យបោកក្បាល និងថ្នល់ស្លាប់ភ្លាមៗ ចំណែករូបគាត់ដឹងខ្លួនរត់គេចទាន់ ។ ក្រោយកេីតហេតុភ្លាមៗ ជនជាតិចិនទាំងបីនាក់ភាគីរថយន្តបង្កខាងលេី បានឡើងជិះរថយន្តមួយគ្រឿងទៀតគេចខ្លួនបាត់។ បន្ទាប់មកសមត្ថកិច្ចមូលដ្ឋានបានចុះមកចំណុចកើតហេតុ ហេីយបានទាក់ទងទៅសមត្ថកិច្ចជំនាញចរាចរណ៍ នៃស្នងការដ្ឋាននគរបាលរាជធានីភ្នំពេញ ដេីម្បីមកវាស់វែងយករថយន្តបង្កទៅរក្សាទុករងចាំឲ្យម្ចាស់រថយន្តបង្កចូលខ្លួនមកដោះស្រាយតាមច្បាប់។ ចំណែកសពជនរងគ្រោះក្រោយពីធ្វើកំណត់ហេតុរួចក៏ត្រូវបានសមត្ថកិច្ចប្រគល់ឲ្យក្រុមគ្រួសារដឹកយកទៅធ្វើបុណ្យតាមប្រពៃណី៕ ដោយ ៖ ជីម ភារ៉ា
-
ក្រសួងសុខាភិបាលអំពាវនាវឲ្យប្រជាពលរដ្ឋមានការប្រុងប្រយ័ត្ន និងការពារសុខភាពក្នុងអំឡុងពេលអាកាសធាតុចុះត្រជាក់
ក្រសួងសុខាភិបាលអំពាវនាវឲ្យប្រជាពលរដ្ឋមានការប្រុងប្រយ័ត្ន និងការពារសុខភាពក្នុងអំឡុងពេលអាកាសធាតុចុះត្រជាក់។
-
ក្រសួងការងារគ្រោងនឹងបណ្ដុះបណ្ដាលជំនាញដែលទីផ្សារការងារកំពុងត្រូវការដល់អ្នកដែលត្រូវព្យួរការងារ ឬបាត់បង់ការងារដោយសារវិបត្តិកូវីដ-១៩ ដោយឥតគិតថ្លៃ
ភ្នំពេញ៖ ក្រសួងការងារ បណ្តុះបណ្តាលវិជ្ជាជីវៈនៅថ្ងៃ១៦វិច្ឆិកានេះ បានជូនដំណឹងថា ក្រសួងគ្រោងនឹងបើកវគ្គបណ្តុះបណ្តាលសញ្ញាបត្របច្ចេកទេស និងវិជ្ជាជីវៈ១ (C1) វគ្គពិសេស មានរយៈពេល ៤ខែ ទាំងវេនព្រឹក និងវេនល្ងាច ដោយឥតបង់ថ្លៃលើមុខជំនាញបច្ចេកទេស និងវិជ្ជាជីវៈមួយចំនួនសំខាន់ៗ ដែលទីផ្សារការងារកំពុងមានតម្រូវការខ្ពស់នាពេលបច្ចុប្បន្ន និងទៅអនាគត។ បើតាមសេចក្តីជូនដំណឹងដដែលបានឱ្យដឹងថា នៅក្នុងកំលុងពេលបណ្តុះបណ្តាលសិក្ខាកាមទទួលបានប្រាក់ឧបត្ថម្ភចំនួន២០ម៉ឺនរៀល ក្នុងមួយខែ សម្រាប់ចំណាយលើការហូបចុក និងស្នាក់នៅផងដែរ។ សេចក្ដីជូនដំណឹងរបស់ក្រសួងការងារបានបន្តថា សម្រាប់កម្មករនិយោជិត ត្រូវភ្ជាប់មកជាមួយនូវសៀវភៅការងារ និងប័ណ្ណសម្គាល់កម្មករ និយោជិតខ្មែរ កាតសម្គាល់ខ្លួន និងអត្តសញ្ញាណបណ្ណសញ្ជាតិខ្មែរ ដើម្បីធ្វើការចុះឈ្មោះចូលរៀននៅតាមគ្រឹះស្ថានអប់រំ បណ្តុះបណ្តាលបច្ចេកទេស និងវិជ្ជាជីវៈដូចមាននៅក្នុងឧបសម្ព័ន្ធ។ សម្រាប់ព័ត៌មានបន្ថែមសូមទំនាក់ទំនងតាមរយៈលេខទូរស័ព្ទ៖ ០១៧ ៧៤៧ ៧៧៣/ ០១០ ៧៤៧ ៧៧៣/ ០១២ ៦២២ ៧៦៧)៕
-
សម្តេច ក្រឡាហោម បង្ហាញលទ្ធផលការងារដោះស្រាយចំពោះមតិយោបល់ និងសំណូមពរតាមហ្វេសប៊ុកបានចំនួន៣៣ករណី និងកំពុងដោះស្រាយ១៨៧ករណី
ភ្នំពេញ៖ សម្ដេចក្រឡាហោម ស ខេង នៅថ្ងៃទី១៦ ខែវិច្ឆិកានេះ បានបង្ហាញអំពីលទ្ធផលការងារក្នុងខែតុលា របស់ក្រុមការងារតាមដានអំពីការដោះស្រាយចំពោះមតិយោបល់ ឬសំណូមពររបស់មហាជនក្នុងគេហទំព័រហ្វេសប៊ុករបស់សម្តេច។ បើតាមតារាងលទ្ធផលប្រចាំខែតុលា ឆ្នាំ២០២០ អង្គភាពទទួលដោះស្រាយចំនួន ៨អង្គភាព បានដោះស្រាយ និងឆ្លើយតបទៅម្ចាស់គណនីចំនួន ៣៣ករណី និង ១៨៧ករណីទៀត កំពុងដោះស្រាយ។ សម្ដេចក្រឡាហោម បានសម្ដែងការកោតសរសើរ និងវាយតម្លៃខ្ពស់ចំពោះកិច្ចសហការប្រកបដោយការទទួលខុសត្រូវខ្ពស់របស់ថ្នាក់ដឹកនាំ និងមន្ត្រីនៃអង្គភាពចំណុះក្រសួងមហាផ្ទៃ ព្រមទាំងស្ថាប័នពាក់ព័ន្ធទាំងថ្នាក់ជាតិ និងថ្នាក់ក្រោមជាតិ ក្នុងការឆ្លើយតបចំពោះមតិយោបល់ កង្វល់ និងសំណូមពរនានារបស់មហាជន ជាមួយក្រុមការងារទំព័រហ្វេសប៊ុករបស់សម្រេច ក្នុងន័យរួមគ្នាដើម្បីបំរើជាតិ និងប្រជាពលរដ្ឋ។ ជាមួយគ្នានេះ សម្ដេចក្រឡាហោម ស ខេង សូមថ្លែងអំណរគុណដល់បងប្អូនប្រជាពលរដ្ឋ ដែលបានផ្ដល់ជាព័ត៌មាន មតិយោបល់ សំណូមពរ តាមរយៈទំព័រហ្វេសប៊ុករបស់សម្តេច ដែលបានបង្ហាញពីការលើកតម្កើងសិទ្ធិសេរីភាព ការចូលរួមរបស់បងប្អូនប្រជាពលរដ្ឋ សមស្របតាមគន្លងលទ្ធិប្រជាធិបតេយ្យ ដើម្បីអភិវឌ្ឍន៍សង្គមជាតិយើង៕ ដោយ វុធ
-
រក្សាទុកថ្នាំញៀនជាប់ខ្លួន ត្រូវសមត្ថកិច្ចប៉ុស្ដិ៍ភ្នំពេញថ្មីចាប់វាយខ្នោះ២នាក់
ភ្នំពេញ៖ កម្លាំងប៉ុស្តិ៍នគរបាលភ្នំពេញថ្មី នៃអធិការដ្ឋាននគរបាលខណ្ឌសែនសុខ បានឃាត់ខ្លួនជនសង្ស័យ០២នាក់ ករណីរក្សាទុកដោយខុសច្បាប់នូវសារធាតុញៀន កាលពីវេលាម៉ោង២១ និង៣០នាទីថ្ងៃទី១៥ ខែវិច្ឆិកា ឆ្នាំ២០២០ ត្រង់ចំណុចតាមផ្លូវ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ។ ជនសង្ស័យទាំង០២នាក់រួមមាន ៖ ១-ឈ្មោះ ហៃ ម៉េងហ៊ាង ភេទប្រុស អាយុ២៣ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅភូមិដីថ្មី សង្កាត់គោកឃ្លាង ខណ្ឌសែនសុខ , ២-ឈ្មោះ ជាង ជីន ភេទប្រុស អាយុ១៨ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅភូមិដីថ្មី សង្កាត់គោកឃ្លាង ខណ្ឌសែនសុខ (ដកហុតក្រាម០១កូនថង់តូច និងម៉ូតូ០១គ្រឿងម៉ាកសេ១២៥ ពណ៌ខ្មៅ ពាក់ស្លាកលេខភ្នំពេញ1GS-5206) ។ បច្ចុប្បន្ននេះ ជនសង្ស័យខាងលេីកំពុងឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌសែនសុខ ដើម្បីអនុវត្តន៍តាមនីតិវិធី ៕ ដោយ ៖ ភារ៉ា និងប៊ុនធី
-
ជនសង្ស័យម្នាក់ ពាក់ព័ន្ធ ករណីឆក់ខ្សែក ត្រូវជាប់ខ្នោះសមត្ថកិច្ច
ភ្នំពេញ៖ យោងតាមរបាយការណ៍របស់លោក វរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានឲ្យដឹងនៅព្រឹកថ្ងៃទី ១៦ ខែវិច្ឆិកា ឆ្នាំ ២០២០នេះ ថាកាលពីម្សិលមិញកម្លាំងប៉ុស្តិ៍នគរបាលអូរបែកក្អម បានឃាត់ខ្លួនជនសង្ស័យម្នាក់ ករណីឆក់ខ្សែក នៅចំណុចតាមផ្លូវបេតុង ភូមិអ័រគីដេ សង្កាត់អូរបែកក្អម ខណ្ឌសែនសុខ បង្កដោយជនសង្ស័យ០១នាក់ មធ្យោបាយម៉ូតូ០១គ្រឿង ។ ជនសង្ស័យមាន ឈ្មោះ តាំង រតនា ភេទប្រុស អាយុ២០ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះលេខ៧៧៤ ផ្លូវបេតុង ភូមិដំណាក់ធំ សង្កាត់ស្តឹងមាន២ ខណ្ឌមានជ័យ (មានសារធាតុញៀន) បានធ្វើសកម្មភាពឆក់ខ្សែក របស់ជនរងគ្រោះឈ្មោះ ង៉ែត ហ៊ន ភេទស្រី អាយុ៤៩ឆ្នាំ ជនជាតិខ្មែរ មុខរបរចុងភៅ ស្នាក់នៅផ្ទះលេខ៣២ ផ្លូវបេតុង ភូមិអ័រគីដេ សង្កាត់អូរបែកក្អម ខណ្ឌសែនសុខ ។ សម្ភារៈបាត់បង់ គ្មាន ។ សម្ភារៈបន្សល់ទុក ម៉ូតូ០១គ្រឿង ម៉ាកសេ១២៥…
-
គណៈបញ្ជាការឯកភាពខណ្ឌច្បារអំពៅពង្រឹងការងារសន្តិសុខ សណ្តាប់ធ្នាប់ ទាំងថ្ងៃ ទាំងយប់
ភ្នំពេញ៖ ដើម្បីធានាបាននូវសន្តិសុខ សណ្តាប់ធ្នាប់ល្អនៅក្នុងរាជធានីភ្នំពេញ និងលើផ្លូវសាធារណៈ គណៈបញ្ជាការឯកភាពខណ្ឌច្បារអំពៅបានចុះអនុវត្តន៍វិធានការពង្រឹងសន្តិសុខ សណ្តាប់ធ្នាប់សាធារណៈនិងរឹតបន្តឹងច្បាប់ចរាចរទាំងថ្ងៃ ទាំងយប់ សំដៅធ្វើយ៉ាងណាឲ្យកិច្ចការងារទាំងអស់នេះកាន់តែមាន ប្រសិទ្ធភាព និងជំរុញឲ្យប្រជាពលរដ្ឋក៏ដូចជាអ្នកប្រើប្រាស់ទ្រូងផ្លូវត្រូវតែចូលរួមគោរពច្បាប់ចរាចរណ៍ទាំងអស់គ្នា ។ ជាក់ស្តែងនៅយប់ថ្ងៃទី១៥ ខែវិច្ឆិកា និង ព្រឹកថ្ងៃទី១៦ ខែវិច្ឆិកា ឆ្នាំ២០២០ លោករស់ សុភក្តិ អភិបាលរងខណ្ឌតំណាងលោកអភិបាលខណ្ឌ បានដឹកនាំកម្លាំងគណៈបញ្ជាការឯកភាពខណ្ឌច្បារអំពៅចុះត្រួតពិនិត្យអាវុធជាតិផ្ទុះ ពង្រឹងច្បាប់ចរាចរណ៍ រថយន្តដឹកទំនិញសំពីងសំពោង និងរថយន្តធន់ធំបើកចូលរាជធានីភ្នំពេញ ព្រមទាំងចុះល្បាតតាម តំបន់ស្មុគ្រស្មាញ នៅក្នុងសង្កាត់និរោធ និងសង្កាត់ព្រែកឯង ខណ្ឌច្បារអំពៅ ។ យុទ្ធនាការពេលថ្ងៃ និងពេលរាត្រីដើម្បីពង្រឹងសន្តិសុខនៅក្នុងមូលដ្ឋានខណ្ឌឲ្យកាន់តែមានប្រសិទ្ធភាព និងសុខសុវត្ថិភាពជូនប្រជាពលរដ្ឋនេះគណៈបញ្ជការឯកភាពខណ្ឌបានធ្វើជាប្រចាំដោយផ្លាស់ប្តូរវេនគ្នាចុះអនុវត្តន៍ នៅតាមគោលដៅដែលបានកំណត់ រួមមានផ្លូវជាតិលេខ១ ផ្លូវលេខ៣៦៩ ផ្លូវព្រែកបារាំ និងផ្លូវទៅកាន់ស្ពានព្រែសំរោង ក្នុងសង្កាត់ព្រែកថ្មី ជាពិសេស តំបន់ស្មុគ្រស្មាញ ៕ ធី សណ្តោស
-
នាយ និងពលអាវុធហត្ថ បានទទួលអាវរងារ ជាអំណោយរបស់សម្តេចតេជោ ហ៊ុន សែន
ព្រះវិហារ៖ ឧត្តមសេនីយ៍ត្រី កង សៅគុណ មេបញ្ជាការកងរាជអាវុធហត្ថខេត្តព្រះវិហារ បានចែកអាវរងារដែលជាអំណោយរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចែកជូនដល់ដៃរបស់នាយ និងពលអាវុធហត្ថ។ ឧត្តមសេនីយ៍ត្រី កង សៅគុណ ថ្លែងថា ជារៀងរាល់ឆ្នាំពេលខែវស្សាសម្តេចតេជោ ហ៊ុន សែន តែងចែកអាវភ្លៀង និងពេលខែរងារសម្តេចតែងចែកអាវរងា នេះបង្ហាញឲ្យឃើញពីការ យកចិត្តទុកដាក់បំផុតរបស់សម្តេចតេជោ និងសម្តេចកិត្តិព្រឹទ្ធបណ្ឌិត ចំពោះសុខទុក្ខ និងការរស់នៅរបស់កងកម្លាំងប្រដាប់អាវុធ។ ឧត្តមសេនីយ៍ត្រីមេបញ្ជាការកងរាជអាវុធហត្ថខេត្ត បានណែនាំដល់កងកម្លាំងទាំងអស់ ត្រូវមានភាពស្មោះត្រង់ចំពោះជាតិ សាសនា ព្រះមហាក្សត្យ ថែរក្សារដ្ឋធម្មនុញ្ញ និងរាជរដ្ឋាភិបាល ស្របច្បាប់ ដែលមានសម្តេចតេជោ ហ៊ុន សែន ជាប្រមុខ និងការពារសុខសន្តិភាព ដែលមានសព្វថ្ងៃឲ្យនៅគង់វង្សយូរអង្វែង ដើម្បីធ្វើឲ្យប្រទេសជាតិកាន់តែមានការអភិវឌ្ឍរីកចម្រើនតទៅមុខទៀត ដើម្បីអនាគតកូនចៅជំនាន់ក្រោយៗទៀត ពិសេសត្រូវប្រឆាំងដាច់ខាត ចំពោះជនណា ឬក្រុមណា ដែលមានបំណងញុះញង់បង្កើតចលាចលចង់បំផ្លាញសុខសន្តិភាពនៅក្នុងសង្គមជាតិ។
-
អភិបាលខេត្តកំពង់ធំ នាំយកអំណោយ ឧបត្ថម្ភដល់ប្រជាពលរដ្ឋជិត ៨០០គ្រួសារ កំពុងរស់នៅលើផ្ទះបណ្តែតទឹក នៃផ្ទៃបឹងទន្លេសាប
ខេត្តកំពង់ធំ៖ ប្រជាពលរដ្ឋដែលកំពុងរស់នៅលើផ្ទះបណ្តែតទឹក តាមបណ្តោយបឹងទន្លេសាប ៧៥០គ្រួសារ ទទួលបានអំណោយជាគ្រឿងឧបភោគ បរិភោគ ពីប្រធានក្រុមករងាររាជរដ្ឋាភិបាល ចុះមូលដ្ឋានខេត្តកំពង់ធំ លោក ថោង ខុន រដ្ឋមន្រ្តីក្រសួងទេសចរណ៍ រួមទាំងសប្បុរសជនជនជាតិចិន តាមរយៈ អភិបាលខេត្តកំពង់ធំ លោក សុខ លូ ដែលជាអនុប្រធានអចិន្ត្រៃយ៍ក្រុមការងារ រាជរដ្ឋាភិបាល ចុះមូលដ្ឋានខេត្តកំពង់ធំ កាលពីថ្ងៃឈប់សម្រាកចុងសប្តាហ៍មកនេះ នៅក្នុងភូមិសាស្ត្រ ត្រើយខាងកើតបឹងទន្លេសាប ស្ថិតក្នុងឃុំពាមបាង ស្រុកស្ទោង ខេត្តកំពង់ធំ។ អភិបាលស្រុកស្ទោង លោក ណែត សារី បានឲ្យដឹងថា ស្រុកស្ទោង មានមួយឃុំ គឺឃុំពាមបាង ដែលមានភូមិសាស្ត្រ ស្ថិតនៅលើផ្ទៃទឹកបឹងទន្លេសាប ឆ្ងាយពីទីប្រជុំជនស្រុកប្រមាណ ៥០គីឡូម៉ែត្រ និងមានប្រជាពលរដ្ឋរស់នៅលើផ្ទះបណ្តែតទឹក ៣ពាន់ ៦៤១នាក់ ដែលសុទ្ធសឹងជាអ្នកប្រកបរបរនេសាទ។ អភិបាលខេត្តកំពង់ធំ លោក សុខ លូ មានប្រសាសន៍ថា ប្រទេសកម្ពុជា បានជួបវិបត្តិជំងឺកូដ១៩ ហើយក៏ទទួលរងផលប៉ះពាល់ធ្ងន់ធ្ងរពីជំនន់ទឹកភ្លៀង ថែមទៀតផង បើគិតពីថ្ងៃទី១កញ្ញា ដល់ថ្ងៃទី២៧ តុលាឆ្នាំ២០២០…