ខេត្តព្រះវិហារ៖ យោធិនពីរគ្រួសារ ដែលកំពុងប្រឈមនឹងខ្វះកម្លាំងជួយប្រមូលផលស្រូវ ដែលខិតខំដាំដុះនារដូវវស្សាកន្លងមកនោះ នៅក្នុងរដូវស្រូវទុំ ដួលរាបពេញស្រែ មេបញ្ជាការរងយោធភូមិភាពទី៤ និងមេបញ្ជាការទិសទី១ ប្រាសាទព្រះវិហារ លោកឧត្ដមសេនីយ៍ទោ លៀង ឡេង , មេបញ្ជាការតំបន់ប្រតិបត្តិការសឹករងព្រះវិហារ លោកឧត្ដមសេនីយ៍ទោ ច័ន្ទ សុភ័ក្រ្ដា បានដឹកនាំមន្ត្រីក្រោមឱវាទ ដែលជានាយទាហាន នាយទាហានរង និងពលទាហាន ចុះជួយច្រូតកាត់ ប្រមូលផលស្រូវឲ្យទាន់រដូវកាល និងដើម្បីសម្រាលការលំបាក ដល់គ្រួសារយោធិន ផងដែរ។ ការដឹកនាំកម្លាំងចុះជួយប្រមូលផលស្រូវទុំនោះ បានធ្វើឡើងរវាងពីថ្ងៃបន្តបន្ទាប់គ្នា នាថ្ងៃឈប់សម្រាកពីកិច្ចការងាររាជការ នៅចុងសប្តាហ៍មកនេះ គឺថ្ងៃសៅរ៍ទី១៤វិច្ឆិកា ចុះជួយច្រូតកាត់ដល់គ្រួសារយោធិន ស្ថិតនៅភូមិប៉ាលហាល សង្កាត់ប៉ាលហាល ក្រុងព្រះវិហារ និងនៅថ្ងៃអាទិត្យទី១៥វិច្ឆិកាឆ្នាំ២០២០ ចុះជួយប្រមូលផលស្រូវ នៅភូមិប្រពាំងសង្កែខាងជើង ឃុំជាំក្សាន្ដ ស្រុកជាំក្សាន្ដ ខេត្ដព្រះវិហារ។ យោធិនទាំងពីរគ្រួសារ ដែលទទួលបានការយកចិត្តទុកដាក់ ពីប្រធានអង្គភាពខ្លួននោះ គឺ១គ្រួសារ ស្វាមីបម្រើការងារនៅក្នុងអង្គភាពវរៈសេនាតូចលេខ១ និង១គ្រួសារទៀត បម្រើការងារនៅក្នុងអង្គភាពវរៈសេនាតូចលេខ២ ចំណុះអង្គភាពតំបន់ប្រតិបត្តិការសឹករងព្រះវិហារ។ មេបញ្ជាការតំបន់ប្រតិបត្តិការសឹករងព្រះវិហារ លោកឧត្ដមសេនីយ៍ទោ ច័ន្ទ សុភ័ក្រ្ដា បានមានប្រសាសន៍ថា ផ្ទៃដីកសិកម្មរបស់យោធិនទាំងពីរគ្រួសារ…

ភ្នំពេញ៖ បុរសម្នាក់សង្ស័យមានវិបត្តិអ្វីមួយក្នុងចិត្តគិតដោះស្រាយមិនចេញ ក៏បានសម្រេចចិត្តជិះម៉ូតូមួយគ្រឿងតែម្នាក់ឯងតម្រង់មកលើស្ពានជ្រោយចង្វាចាស់  រួចលោតទឹកសម្លាប់ខ្លួន  តែដោយសារនៅមិនទាន់អស់អាល័យនៃជីវិត ក៏ខំប្រឹងហែលមកលើគោកវិញ  បង្កការភ្ញាក់ផ្អើលដល់ប្រជាពលរដ្ឋ និងអ្នកសារព័ត៌មាន នៅវេលាម៉ោង៩និង៣០នាទីយប់ ថ្ងៃទី១៥ ខែវិច្ឆិកា ឆ្នាំ២០២០ នៅលើស្ពានជ្រោយចង្វាចាស់ ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ  ។ យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសម្នាក់បានជិះម៉ូតូមួយគ្រឿងម៉ាក ហុងដាឌ្រីមស៊េរីឆ្នាំ២០១៨ ពណ៌ខ្មៅ ពាក់ស្លាកលេខ ភ្នំពេញ 1HE-0780 តែម្នាក់ឯងមកឈប់នៅលើស្ពានជ្រោយចង្វាចាស់ ហើយក៏បានទៅតោងបង្កាន់ដៃស្ពានលោតចុះលិចចូលទៅក្នុងទឹកបាត់ដោយបន្សល់ទុកទូរស័ព្ទ១គ្រឿង លុយចំនួន៤ម៉ឺនរៀល និងខ្សែដៃ១ខ្សែទុកនៅលើកែបម៉ូតូ របស់ខ្លួន ហើយសមត្ថកិច្ចបានយកម៉ូតូ និងសម្ភារជនរងគ្រោះទៅរក្សាទុកនៅប៉ុស្តិ៍នគរបាលជ្រោយចង្វា ជាបណ្តោះអាសន្ន។ ក្រោយមក ប្រមាណជាង១០នាទី ក៏មានគេប្រទះឃើញបុរសនោះហែលតោងទូកអ្នកនេសាទឡើងលើគោកវិញ នៅម្តុំវត្តភ្នំ  ខណ្ឌដូនពេញ ដោយទំនងគាត់នៅមិនទាន់អស់អាល័យនៃជីវិត ក៏ខំប្រឹងហែលមកលើគោកវិញបែបនេះ។ ក្រោយមកទៀត បុរសរូបនោះត្រូវបានសមត្ថកិច្ចដឹកបញ្ជូនទៅកាន់ប៉ុស្តិ៍នគរបាលជ្រោយចង្វា ដើម្បីធ្វើការសាកសួរ និងណែនាំអប់រំ រួចទាក់ទងទៅក្រុមគ្រួសារ និងសាច់ញាតិមកទទួលទៅផ្ទះវិញ៕ ដោយ៖  ជីម  ភារ៉ា

ត្បូងឃ្មុំ៖ មន្ត្រីជំនាញនៃរដ្ឋបាលជលផល និងបុគ្គលិកអង្គការ WWF ការសោកស្តាយយ៉ាងខ្លាំងបំផុត បន្ទាប់ពីមានសត្វផ្សោតមួយក្បាលត្រូវបានប្រទះឃើញស្លាប់ នៅក្នុងឃុំរកាខ្នុរ ស្រុកក្រូចឆ្មា ខេត្តត្បូងឃ្មុំ។ យោងតាមសេចក្តីប្រកាសព័ត៌មានរបស់អង្គការ WWF ចាញផ្សាយនៅថ្ងៃទី១៤ ខែវិច្ឆិកា ឆ្នាំ២០២០ បានឱ្យដឹងថាប្រជាពលរដ្ឋ ក្នុងភូមិបានប្រទះឃើញសាកសពរបស់សត្វផ្សោតនេះអណ្តែតលើដងទន្លេកាលពីថ្ងៃទី១៣ ខែវិច្ឆិកាឆ្នាំ២០២០ ហើយបានរាយការណ៍ពីហេតុការណ៍នេះភ្លាមជូនអាជ្ញាធរមូលដ្ឋានពាក់ព័ន្ធផងដែរ។ សេចក្តីប្រកាសព័ត៌មានដដែលបានបញ្ជាក់ថា មន្រ្តីជំនាញបានពិនិត្យ និងធ្វើកោសល្យវិច្ច័យសាកសព ដែលនៅមានសភាពស្រស់នៅឡើយ ដោយបាន សន្មត់ថាសត្វផ្សោតមួយក្បាលនេះបានស្លាប់ប្រមាណជារយៈពេលពីរថ្ងៃហើយ។ លទ្ធផលនៃការ វិភាគបឋម បានបង្ហាញថាសត្វផ្សោតដែលស្លាប់នេះជាកូនសត្វផ្សោតឈ្មោល ដែលមានអាយុ ប្រមាណជា ៧ ថ្ងៃប៉ុណ្ណោះ ហើយមានទម្ងន់ចំនួន ១២ គីឡូក្រាម និងមានប្រវែង ១០៣ សង់ទីម៉ែត្រ។ មូលហេតុនៃការសា្លប់ របស់កូនសត្វផ្សោតនៅមិនទាន់ត្រូវបានអ្នកវិទ្យាសាស្ត្រអាចកំណត់ឲ្យបានច្បាស់លាស់នៅឡើយ ដែលជាកត្តាធ្វើឲ្យអ្នកវិទ្យាសាស្ត្រមានការព្រួយបារម្ភយ៉ាងខ្លាំងសម្រាប់ការរស់រានរបស់ សត្វផ្សោតប្រភេទដ៏សំខាន់ជាសកលមួយនេះទៅថ្ងៃអនាគត។ សូមបញ្ចាក់ថា កន្លងមកការជាប់នឹងមងនេសាទ និងការនេសាទដោយប្រើឧបករណ៍ច្បាប់ហាមឃាត់សុទ្ធសឹងជា មូលហេតុចំបងៗដែលបណ្តាលឲ្យសត្វផ្សោតពេញវ័យស្លាប់។ ដោយឡែកគេចាំបាច់ត្រូវអនុវត្តជាបន្ទាន់នូវវិធានការរួមគ្នាឲ្យខ្លាំងបន្ថែមទៀតដើម្បីការពារសត្វផ្សោតទន្លេមេគង្គឲ្យរួចផុតពីការបាត់បង់ ស្របពេលដែលលទ្ធផលនៃការធ្វើជំរឿនចុងក្រោយបង្អស់បានបង្ហាញថា មានសត្វផ្សោតតែចំនួន ៨៩ ក្បាលប៉ុណ្ណោះ ដែលកំពុងរស់នៅក្នុងទន្លេមេគង្គនៃកម្ពុជា៕

ភ្នំពេញ៖ លោកឧត្តមសេនីយ៍ទោ ជាវ វិបុល អនុប្រធាននាយកដ្ឋាននគរបាលព្រហ្មទណ្ឌនៃក្រសួងមហាផ្ទៃ បានបញ្ជាក់នៅព្រឹកថ្ងៃ ទី១៤ ខែវិច្ឆិកា ឆ្នាំ២០២០នេះថា តុលាការបានសម្រេច ប្រគល់លោកស្រី ទ្រី សុផានិត បងស្រីបង្កើតលោកស្រី ទ្រី ដាណា ឲ្យក្រុមគ្រួសារមើលថែរក្សាវិញ ដោយរង់ចាំបន្តនីតិវិធីនាពេលក្រោយ ។ គួររំលឹកថា មានមតិមួយចំនួនលើកឡើងថា លោកស្រី ទ្រី ដាណា ថៅកែលក់ពេជ្រដ៏ស្តុកស្តម្ភ និងតែងតែធ្វើសកម្មភាពមនុស្សធម៌ ហេតុអ្វីបែរជាមកប្តឹងបងស្រីបង្កើត គឺ លោកស្រី ទ្រី សុផានិត គ្រាន់តែរឿងបរិហារកេរ្តិ៍បែបនេះ ។ សមត្ថកិច្ចចាប់ខ្លួន លោកស្រី ទ្រី សុផានិត នាពេលនេះ គឺធ្វើឡើងតាមដីកាបង្គាប់ឲ្យនាំខ្លួនរបស់លោក ហម ម៉េងសែ ចៅក្រមស៊ើបសួរសាលាដំបូងរាជធានីភ្នំពេញ ក្រោមការចោទប្រកាន់ពីបទ «បរិហារកេរ្តិ៍ជាសាធារណៈ , ញុះញង់ឲ្យមានការរើសអើង និងអំពើនៃការប្រកួតប្រជែងមិនស្មោះត្រង់» ប្រព្រឹត្តទៅនៅរាជធានីភ្នំពេញ កាលពីឆ្នាំ២០១៨ រហូតដល់ឆ្នាំ២០២០ ។ លោកស្រី ទ្រី សុផានិត ត្រូវបានតុលាការចេញដីកាបង្គាប់ឲ្យនាំខ្លួន…

ភ្នំពេញ៖ នគរបាលព្រហ្មទណ្ឌនៃក្រសួងមហាផ្ទៃ នៅរសៀលថ្ងៃទី១៣ ខែវិច្ឆិកា ឆ្នាំ២០២០ នេះ បានបញ្ជូនលោកស្រី ទ្រី សុផានិត អាយុ៣៩ឆ្នាំ ដល់សាលាដំបូងរាជធានីភ្នំពេញ ហើយអ្វីជាការកត់សម្គាល់ នោះ គ្រាន់តែឈានជើងដល់តុលាការ ភ្លាមបែរជាលោកស្រី ទ្រី សុផានិត ដួលសន្លប់ តែម្តង ។ គួររំលឹកថា បងស្រីបង្កើតលោកស្រី ទ្រី ដាណា គឺ លោកស្រី ទ្រី សុផានិត ត្រូវបានសមត្ថកិច្ចព្រហ្មទណ្ឌនៃក្រសួងមហាផ្ទៃ ចាប់ខ្លួននៅព្រឹកថ្ងៃទី១៣ ខែវិច្ឆិកា ឆ្នាំ២០២០ នេះ នៅចំណុចផ្លូវលេខ១៨២ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ក្រោយមានបណ្តឹងពីលោកស្រី ទ្រី ដាណា ។ សមត្ថកិច្ចចាប់ខ្លួន លោកស្រី ទ្រី សុផានិត នាពេលនេះ គឺធ្វើឡើងតាមដីកាបង្គាប់ឲ្យនាំខ្លួនរបស់លោក ហម ម៉េងសែ ចៅក្រមស៊ើបសួរសាលាដំបូងរាជធានីភ្នំពេញ ក្រោមការចោទប្រកាន់ពីបទ «បរិហារកេរ្តិ៍ជាសាធារណៈ , ញុះញង់ឲ្យមានការរើសអើង និងអំពើនៃការប្រកួតប្រជែងមិនស្មោះត្រង់»…

ភ្នំពេញ៖ កម្លាំងនគរបាលប៉ុស្តិ៍ព្រែកឯង នៃអធិការដ្ឋាននគរបាលខណ្ឌច្បារអំពៅ នៅវេលាម៉ោង ១៨ និង ០០ នាទីថ្ងៃទី១២ ខែវិច្ឆិកា ឆ្នាំ២០២០ បានឃាត់ខ្លួនជនសង្ស័យម្នាក់នៅចំណុចមុខផ្ទះគ្មានលេខ ផ្លូវលំ ភូមិតាព្រហ្ម សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ពីបទ៖ ជួញដូរដោយខុសច្បាប់នូវសារធាតុញៀន ។ សមត្ថកិច្ចបានឲ្យដឹងថា ជនសង្ស័យឈ្មោះ ខៀវ រាំបូ ភេទ ប្រុស អាយុ ២៩ ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅភូមិតាព្រហ្ម សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។ ដកហូតបានវត្ថុតាង:ក្រាមពណ៌សរថ្លា ៣៥ កញ្ចប់ថង់តូច និងម៉ូតូ ០១ គ្រឿងម៉ាក ហុងដា គុប សេ៩០ ពណ៍ ទឹកប៉ិច ពាក់ស្លាកលេខ ផ០៧៦៨ ភព១ ។ បច្ចុប្បន្ននេះ ជនសង្ស័យខាងលេី រួមទាំងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅអធិការដ្ឋាននគរបាលខណ្ឌច្បារអំពៅ…