ខេត្តកំពង់ធំ៖ អគ្គមេបញ្ជាការរង នៃកងយោធពលខេមរៈខេមរភូមិន្ទ និងជាមេបញ្ជាការកងទ័ពជើងគោក លោកឧត្តមសេនីយ៍ឯក បណ្ឌិត ហ៊ុន ម៉ាណែត បានឧបត្ថម្ភជាស្បៀងអាហារ និងថ្នាំពេទ្យដល់គ្រួសារកងទ័ព ដែលបានទទួលរងគ្រោះដោយទឹកជំនន់ តាមរយះអង្គភាពតំបន់ប្រតិបត្តិការសឹករងកំពង់ធំ ដែលមានលោកឧត្តមសេនីយ៍ទោ សោម ស៊ុន ជាមេបញ្ជាការ កាលពីថ្ងៃទី២៩តុលាឆ្នាំ២០២០។ គ្រួសារកងទ័ពដែលរងគ្រោះពីរបបទឹកទឹកជំនន់ទាំង ២០០គ្រួសារ ក្នុង១គ្រួសារៗ ទទួលបានអង្ករ២៥គីឡូក្រាម  ទឹកបរិសុទ្ធ ១កេស ទឹកស៊ីអ៊ីវ ១យួរ ថ្នាំពេទ្យ ១កញ្ចប់ និងស៊ីមកាតមិត្តហ្វូន១ ដោយមានបញ្ជូលទឹកប្រាក់ ចំនួន ២០០ដុល្លារ រួចជាស្រេច សម្រាប់ការប្រើប្រាស់ដោយឥតគិតថ្លៃ ថែមទៀតផង។ តំណាងលោកឧត្តមសេនីយ៍ឯក បណ្ឌិត ហ៊ុន ម៉ាណែត បានពាំនាំប្រសាសន៍ បណ្ឌិត ហ៊ុន ម៉ាណែត សួរសុខទុក្ខចំពោះគ្រួសារកងទ័ពទាំងអស់ បើទោះបីជាលោកជាប់បំពេញភារកិច្ច ហើយមិនបានមកដោយផ្ទាល់ តែលោកបណ្ឌិត នៅតែផ្ញើក្តីនឹករលឹក អាណិតស្រឡាញ់ និងគិតគូពីជីវភាពរស់នៅរបស់បងប្អូនជានិច្ច។ មេបញ្ជាការតំបន់ប្រតិបត្តិការសឹករងកំពង់ធំ លោកឧត្តមសេនីយ៍ទោ សោម ស៊ុន បានសម្តែងសមាណចិត្តរីករាយ និងអរគុណចំពោះ…

នៅព្រឹកថ្ងៃទី២៩ខែតុលា ឆ្នាំ២០២០ ឯកឧត្តមនាយឧត្តមសេនីយ៍សន្តិបណ្ឌិតនេតសាវឿន អគ្គស្នងការនគរបាលជាតិ បានចាត់ឯកឧត្តមឧត្ដមសេនីយ៍ឯកលៀងភារម្យ ប្រធាននាយកដ្ឋាននគរបាលការពារព្រំដែនគោកជាតំណាងដ៏ខ្ពង់ខ្ពស់ ដើម្បីចុះចែកអំណោយដល់ប្រជាពលរដ្ឋចំនួន៥០០គ្រួសារ ដែលរងគ្រោះដោយជំនន់ទឹកភ្លៀង នៅក្នុងស្រុកវាលវែងខេត្តពោធិ៍សាត់ក្នុងមួយម្នាក់ទទួលបាន៖ -អង្ករចំនួន២៥គីឡូ-មីចំនួន១កេះ-ទឹកត្រីចំនួន១ដប-ទឹកសុីអុីវចំនួន១ដប-ទឹកសុទ្ធចំនួន១ដប-ត្រីខកំប៉ុងចំនួន១យួរ-ថវិកាម្នាក់ចំនួន២ម៉ឺនរៀល/៥០០នាក់-សាលាឃុំអន្លុងរាបចំនួន៥០ម៉ឺនរៀល-ប៉ុស្តិ៍នគរបាលរដ្ឋបាលអន្លុងរាបចំនួន៥០ម៉ឺនរៀល-សាលាអនុវិទ្យាល័យអន្លុងរាបចំនួន៥០ម៉ឺនរៀល-គ្រួសារពិការភាពកូនបីនាក់ចំនួន១៥០០០០០៛មួយលានប្រាំសែនរៀលអង្ករចំនួន៥០គីឡូមីចំនួន៣កេះទឹកត្រីចំនួន១យួរក្នុងនោះផងដែលឯកឧត្តមឧត្ដមសេនីយ៍ឯកប្រធាននាយកដ្ឋានក៏បានពាំនាំការផ្តាំផ្ញើសួរសុខទុក្ខ ពីឯកឧត្តមនាយឧត្តមសេនីយ៍សន្តិបណ្ឌិតនេតសាវឿន និងឯកឧត្តមនាយឧត្តមសេនីយ៍ខេងសុមេធអគ្គស្នងការរងជាមេបញ្ជាការ នគរបាលជាតិប្រចាំទិសភូមិភាគ៤ និងភូមិភាគ៥ផងដែរ៕

ភ្នំពេញ៖ នៅក្នុងកិច្ចប្រជុំគណៈបញ្ជាការឯកភាពខណ្ឌ នៅថ្ងៃទី២៨ ខែតុលា ឆ្នាំ២០២០ ដោយមានការចូលរួមពីអភិបាលរងខណ្ឌ អធិការនគរបាលខណ្ឌ មេបញ្ជាការកងរាជអាវុធហត្ថខណ្ឌ និងមន្ត្រីនៃរដ្ឋបាលខណ្ឌច្បារអំពៅផងដែរនោះ លោក ចេង មុនីរ៉ា អភិបាលខណ្ឌច្បារអំពៅ បានវាយតម្លៃខ្ពស់ និងកោតសរសើរចំពោះអាជ្ញាធរសង្កាត់ និងមន្ត្រីខណ្ឌទាំងអស់ ដែលបានបំពេញការងារ និងបំរើសេវាជូនប្រជាពលរដ្ឋបានល្អប្រសើរនាពេលកន្លងមក និងបានជំរុញឲ្យមន្ត្រីទាំងអស់បន្តការងារនេះថែមទៀត ។ នៅក្នុងឱកាសនេះដែរ លោក ចេង មុនីរ៉ា ក៏បានលើក ឡើងពីបញ្ហាសំរាមដែលកន្លងមក កម្មកររបស់ក្រុមហ៊ុនស៊ីនទ្រី បានធ្វើកូដកម្មមិនបញ្ចេញរថយន្ត និងមិនប្រមូលសំរាម ប៉ុន្តែការងារនេះ គឺមន្ត្រីសង្កាត់ ខណ្ឌយើងបានសហការគ្នាប្រមូលសំរាមនៅតាមភូមិឋានរបស់ប្រជាពលរដ្ឋ បានល្អដោយមិនមានការកកស្ទះនោះទេ ។ បញ្ហានេះ លោកអភិបាលខណ្ឌ ក៏បានកោតសរសើរនិងថ្លែងអំណរគុណចំពោះមន្ត្រីទាំងអស់ ដែលបានខិតខំធ្វើការងារនេះទាំងថ្ងៃទាំងយប់ ។ ដោយឡែកពាក់ព័ន្ធទៅនឹងបញ្ហាប្រព័ន្ធលូ ប្រឡាយមានការកកស្ទះ ដែលធ្វើឱ្យភូមិមួយចំនួនបានលិចទឹកដោយសារជំនន់ទឹកភ្លៀង លោក ចេង មុន្នីរ៉ា បានប្រាប់ទៅចៅសង្កាត់ទាំងអស់ ត្រូវចុះពិនិត្យមើលប្រព័ន្ធលូបន្ទាប់ពីទឹកស្រក ជាពិសេស ត្រូវពិនិត្យមើលប្រឡាយទឹក ដែលមានការសាងសង់សំណង់អនាធិបតេយ្យរំលោភលើប្រឡាយ ជាហេតុបង្កឱ្យប្រឡាយរួមតូច ទឹកពិបាកហូចេញ មានការកកស្ទះ និងធ្វើឱ្យលិចទឹកនៅភូមិឋានរបស់ប្រជាពលរដ្ឋផងដែរ ៕

ខេត្តព្រះវិហារ៖ នាយកប្រតិបត្តិសាខាកាកបាទក្រហមខេត្ត លោក យុង គឹមហ៊ាន រួមជាមួយអនុសាខា ស្រុកត្បែងមានជ័យ ,ប្រធានកិត្តិយស អនុសាខាស្រុកគូលែន លោក ប៉ាង យៀត និងប្រធានកិត្តិយស អនុសាខាកាកបាទក្រហមកម្ពុជា ស្រុកជ័យសែន លោក រស់ ហេង បានដឹកនាំមន្ត្រី និងក្រុមការងារ នាំយកអំណោយមនុស្សធម៌ ទៅផ្តល់ជូនប្រជាពលរដ្ឋងាយរងគ្រោះ មានជីវភាពខ្វះខាត ចំនួន ១៤គ្រួសារ ដែលកំពុងរស់នៅក្នុងស្រុកត្បែងមានជ័យ ស្រុកគូលែន និងស្រុកជ័យសែន នារសៀលថ្ងៃទី២៨តុលាឆ្នាំ២០២០។ ការនាំយកអំណោយកាកបាទក្រហមកម្ពុជា ទៅផ្តល់ជូនប្រជាពលរដ្ឋដល់លំនៅដ្ឋានទាំង ១៤គ្រួសារ នៅក្នុងស្រុកទាំង ៣នាគ្រានោះ នាយកប្រតិបត្តិសាខាកាកបាទក្រហមកម្ពុជា ខេត្តព្រះវិហារ លោក យុង គឹមហ៊ាន បានចុះទៅកាន់ស្រុកត្បែងមានជ័យ ដើម្បីចែកគ្រឿងឧបភោគ បរិភោគ និងថវិការបស់សាខា និងថវិកាសប្បុរសជន ដល់ប្រជាពលរដ្ឋ ៦គ្រួសារ ដែលសុទ្ធសឹងជាគ្រួសារងាយរងគ្រោះ និងមានជីវភាពខ្វះខាត ដោយក្នុង១គ្រួសារ ទទួលបាន អង្ករ ២០គីឡូក្រាម មី ១កេស ត្រីខកំប៉ុង…