ភ្នំពេញ៖ បុរសម្នាក់សង្ស័យស្រវឹងស្រា បានបើករថយន្ត hillux vigo ពាក់ស្លាកលេខ នគរបាល មួយគ្រឿង ជ្រុលទៅបុកបង្គោលភ្លើងថ្មនៅតាមចិញ្ចើមផ្លូវបណ្តាលឲ្យបាក់អស់១ដើម កាលពីវេលាម៉ោង០១ និង១០នាទីយប់រំលងអាធ្រាត្រឈានចូលថ្ងៃ ទី២៥ ខែតុលា ឆ្នាំ២០២០ ត្រង់ចំណុចខាងត្បូងស្ពានច្បារអំពៅប្រមាណ៧០ម៉ែត្រ ផ្លូវបេតុង ក្នុងសង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ។ បេីតាមប្រភពពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់សង្ស័យស្រវឹងស្រា បើករថយន្តមួយគ្រឿងម៉ាក hillux vigo ពណ៌ខ្មៅ ពាក់ស្លាកលេខនគរបាល 2.8988 ធ្វើដំណើរតាមបណ្ដោយផ្លូវ៣៦៩ ក្នុងទិសដៅពីជើងទៅត្បូង ក្នុងល្បឿនលឿន ខណៈមកដល់ចំណុចកើតហេតុខាងលើក៏ស្រាប់តែរេចង្កូតមកខាងស្ដាំដៃទៅបុកនឹងបង្គោលភ្លើងថ្មបណ្ដាលឲ្យបាក់១ដើម ចំណែកឯរថយន្តរងការខូចខាតផ្នែកខាងមុខយ៉ាងដំណំ ចំពោះអ្នកបើកបរ រងរបួសស្រាល ។ ហើយចុះពីលើរថយន្តទាក់ទងទៅសាច់ញាតិមកដឹកយកទៅមន្ទីរពេទ្យព្យាបាលខ្លួនឯង។ ក្រោយពីកើតហេតុសមត្ថកិច្ចជំនាញចរាចរណ៍ខណ្ឌបានចុះមកដល់កន្លែងកើតហេតុ ហើយក៏បានទំនាក់ទំនងទៅជំនាញចរាចរណ៍ក្រុងចុះមកស្ទូចយករថយន្តទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញរងចាំ ម្ចាស់រថយន្តចូលខ្លួនមកដោះស្រាយទៅតាមផ្លូវច្បាប់៕ ដោយ៖  ជីម  ភារ៉ា

រាជធានីភ្នំពេញ៖ ក្រៅពីការងារជួយសង្គ្រោះប្រជាពលរដ្ឋរងគ្រោះដោយទឹកជំនន់ក្នុងខណ្ឌដង្កោ អាវុធហត្ថរាជធានីភ្នំពេញ ក៏មិនភ្លេចការងារបង្រ្កាបផងដែរ ជាក់ស្តែងនៅព្រឹកថ្ងៃទី២៣ ខែតុលា ឆ្នាំ២០២០ សមត្ថកិច្ចជំនាញការិយាល័យស្រាវជ្រាវបទល្មើសគ្រឿងញៀន នៃកងរាជអាវុធហត្ថរាជធានីភ្នំពេញ បានបញ្ជូនជនសង្ស័យចំនួន១៤នាក់ ទៅតុលាការពាក់ព័ន្ធករណីគ្រឿងញៀន ក្រោយពីកម្លាំងមូលដ្ឋានអាវុធហត្ថខណ្ឌមួយចំនួនឃាត់ខ្លួន បានជាបន្តបន្ទាប់។ ការបង្ក្រាបបានជនសង្ស័យគ្រឿងញៀនទាំង១៤នាក់ ៣ករណីផ្សេងគ្នា រួមមាន ៖ ករណីទី១ ៖ កម្លាំងមូលដ្ឋានអាវុធហត្ថខណ្ឌកំបូលបានឃាត់ខ្លួនជនសង្ស័យចំនួយ០២នាក់ កាលពីថ្ងៃទី១៩ ខែតុលា ឆ្នាំ២០២០ នៅចំណុចភូមិកប់ភ្លុក និងភូមិព្រៃកី សង្កាត់ភ្លើងឆេះរទេះ ក្នុងខណ្ឌកំបូល រាជធានីភ្នំពេញ។ ជនសង្ស័យទាំង០២នាក់មាន ៖ ១ ឈ្មោះ នី ចាន់និត ភេទប្រុស អាយុ២៨ឆ្នាំ មុខរបរកម្មករសំណង់ ស្រុកកំណើត ភូមិអង្គកូ ឃុំព្រែកត្រែង សុ្រកស្អាង ខេត្តកណ្តាល។, ២ ឈ្មោះ ខាត់ សុខខេម ហៅ ញ៉ាញ់ ភេទប្រុស អាយុ៣៨ឆ្នាំ មុខរបរកម្មករសំណង់ ស្រុកកំណើត ភូមិបាគូ ស្រុកកណ្តាលស្ទឹង ខេត្តកណ្តាល។…

ភ្នំពេញ៖ អនុវត្តន៍តាមបទបញ្ជាយ៉ាងមុឺងម៉ាត់របស់លោក ម៉ូវ ម៉ានិត អភិបាលខណ្ឌសែនសុខ និងជាប្រធានគណ:បញ្ជាការឯកភាពរដ្ឋបាលខណ្ឌ និងដើម្បីការពារសន្តិសុខ សុវត្ថិភាពជូនប្រជាពលរដ្ឋក្នុងការបង្រ្កាបទប់ស្កាត់បទល្មើសផ្សេងៗក្នុងមូលដ្ឋាន ។ នៅយប់ថ្ងៃទី២២ ខែតុលា ឆ្នាំ២០២០ ចាប់ពីវេលាម៉ោង ២០: ០០នាទីយប់ គណ:បញ្ជាការឯកភាពរដ្ឋបាលខណ្ឌសែនសុខ ដឹកនាំដោយលោក សក់ ច័ន្ទកញ្ញារិទ្ធ អភិបាលរងខណ្ឌសែនសុខ បានដឹកនាំកម្លាំងចម្រុះចុះត្រួតពិនិត្យឆែកអាវុធជាតិផ្ទុះ គ្រឿងញៀន និងអនុវត្តន៍រឹតបន្តឹងច្បាប់ចរាចរណ៍ផ្លូវគោក ស្ថិតនៅផ្លូវលេខ១០១៩(ផ្លូវហាណូយ) ចំណុចជិតស្ពានអាកាសផ្សារដីហុយ សង្កាត់ទឹកថ្លាខណ្ឌសែនសុខ រាជធានីភ្នំពេញ។ ដោយមានកម្លាំងចូលរួមសរុប ៧១នាក់ ក្នុងនោះ មន្រ្តីសាលាខណ្ឌចំនួន ០៧នាក់ នគរបាលខណ្ឌចំនួន ៣៣នាក់ កងរាជអាវុធហត្ថខណ្ឌចំនួន ២១នាក់ និងកម្លាំងសណ្តាប់ធ្នាប់ខណ្ឌចំនួន ១០នាក់ ។ ប្រតិបត្តិការខាងលើ បានត្រួតពិនិត្យម៉ូតូឆ្លងកាត់ចំនួន ១៧២គ្រឿង ដោយពុំមានបទល្មើសអ្វីគួរឲ្យកត់សម្គាល់ឡើយ៕

ភ្នំពេញ ៖ បុរសម្នាក់ត្រូវរថយន្តបែនបើកបុកពីក្រោយពេញទំហឹង ផ្ទប់រថយន្តសណ្តោងរ៉ឺកម៉កចតទុកចោល ស្លាប់យ៉ាងអាណោចអាធ័ម ។ ហេតុកាណ៍គ្រោះថ្នាក់ចរាចរណ៍នេះបានកើតឡើងនាវេលាម៉ោង៧នឹង៣០នាទីព្រឹកថ្ងៃទី២៣ ខែតុលា ឆ្នាំ២០២០ តាមបណ្តោយផ្លូវព្រៃស ស្ថិតក្នុងសង្កាត់ព្រៃស ខណ្ឌដង្កោ ។ ជនរងគ្រោះមានឈ្មោះ ជឹម ទឹម អាយុ២៩ឆ្នាំ មានស្រុកកំណើតនៅឃុំពេជសារ ស្រុកកោះអណ្តែត ខេត្តតាកែវ ជិះម៉ូតូហុងដាឌ្រីម សេ១២៥ ពណ៌ខ្មៅ សេរីឆ្នាំ២០០៩ ពាក់ស្លាកលេខ កណ្តាល 1I-3960 ចំណែករថយន្តបែនបង្ក ពាក់ស្លាកលេខ ភ្នំពេញ3B-6315 ។ ប្រភពព័ត៌មានជុំវិញកន្លែងកើតហេតុបានឲ្យដឹងថា បុរសជនរងគ្រោះបានជិះម៉ូតូតែម្នាក់ឯង ក្នុងទិសដៅពីលិចទៅកើត ខណៈមកដល់ចំណុចកើតហេតុស្រាប់តែរថយន្តបែន មកទិសដៅស្របគ្នា បុកម៉ូតូជនរងគ្រោះពីក្រោយពេញទំហឹង ផ្ទប់ជាមួយរថយន្តសណ្តោងរុឺម៉កចតទុកចោល បណ្តាលឲ្យគៀបជាប់គ្នា និងជនរងគ្រោះស្លាប់ធ្លាក់ពោះវៀនចេញយ៉ាងអាណោចអាធ័ម ។ បន្ទាប់ពីបង្កហេតុតៃកុងរថយន្ត និងព្រូ បានរត់គេចខ្លួនបាត់ ហើយប្រជាពលរដ្ឋក៏បានរាយការណ៍ទៅសមត្ថកិច្ច ។ សមត្ថកិច្ចមូលដ្ឋាន និងជំនាញបានចុះមកកន្លែងកើតហេតុធ្វើការវាស់វែង និងទំនាក់ទំនងក្រុមគ្រួសារសាច់ញាតិឲ្យមកទទួលសពយកធ្វើបុណ្យតាមប្រពៃណី ចំណែកវត្ថុតាងយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ចាត់ការតាមនីតីវិធី ៕