ខេត្តកំពង់ធំ ៖ កងកម្លាំងផ្នែកសឹករងក្រុងស្ទឹងសែនចំណុះឲ្យបញ្ជាការដ្ឋានតំបន់ប្រតិបត្តិការសឹករងកំពង់ធំ បានបន្តសកម្មភាពការងារបង្កបង្កើនផល ចិញ្ចឹមសត្វយ៉ាងសកម្ម ដើម្បីលើកកម្ពស់ជីវភាពរស់នៅ របស់កងទ័ពក្នុងបរិបទកូវីដ19 ដោយអនុវត្តតាមផែនការប្រឡងប្រណាំងទាំងប្រាំខ្លឹមសារ របស់បញ្ជាការដ្ឋានយោធភូមិភាគទី ៤ ។ ឧត្តមសេនីយ៍ទោ សោម ស៊ុន រួមទាំងថ្នាក់ដឹកនាំ នៃបញ្ជាការតំបន់ប្រតិបត្តិការសឹករងកំពង់ធំ បានចុះត្រួតពិនិត្យសកម្មភាព ការងារបង្កបង្កើនផលនិងចិញ្ចឹមសត្វ តាមការចាត់តាំងរបស់ប្រធានផែន ចលនាប្រលងប្រឡងប្រណាំង ចំណោមខេត្តទាំងបួនចំណុះយោធភូមិភាគ ក្នុងដំណាក់កាលប្រឆាំងការពារទប់ស្កាត់ការឆ្លងមេរោគកូវីដ19 នៅរសៀលថ្ងៃទី 13 ខែមិថុនា ឆ្នាំ 2021 ។ ឧត្តមសេនីយ៍ទោ សោម ស៊ុន បានមានប្រសាសន៍ថា លោកវរសេនីយ៍ទោ សៀង ហុកឃាន់ មេបញ្ជាការផ្នែកសឹករងក្រុងស្ទឹងសែន ដែលត្រូវបានថ្នាក់ដឹកនាំនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ចាត់តាំងជាប្រធានផែន ប្រឡងប្រណាំងរបស់ផ្នែកសឹករងក្រុងស្រុកទាំង 9ជាថ្មីម្ដងទៀត ក្រៅពីភារកិច្ចត្រៀមកម្លាំងចល័តអន្តរាគមន៍តាមបទបញ្ជារបស់ថ្នាក់លើ ការហ្វឹកហ្វឺនរៀនសូត្រ និងការសហការការពារសន្តិសុខសុវត្ថិភាពនៅក្នុងមូលដ្ឋាន អង្គភាពបានដំណើរការចិញ្ចឹមសត្វ ។ សត្វ ដែលកំពុងចិញ្ចឹម មានមាន់ទាជាង 300 ក្បាល ស្រះចិញ្ចឹមត្រីមានចំនួន ២ស្រះ មានត្រីជាង ៤ ម៉ឺន…

ភ្នំពេញ ៖ បុរសម្នាក់បេីករថយន្តTriton ក្នុងល្បឿនលឿននិងមិនប្រយ័ត្ន បានជ្រុលទៅបុករបាំងថ្មពុះចែកផ្លូវជាប់គល់ស្ពានអាកាស៥ មករា បណ្ដាលឲ្យរងការខូចខាតយ៉ាងដំណំ កាលពីវេលាម៉ោង១១ និង៤០នាទីយប់ថ្ងៃសៅរ៍ ទី១២ ខែមិថុនា ឆ្នាំ ២០២១ នៅត្រង់ចំណុចគល់ស្ពានអាកាស៥មករា តាមបណ្ដោយផ្លូវសហព័ន្ធរុស្សុី ស្ថិតក្នុងសង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ ។ តាមប្រភពព័ត៌មានពីកន្លែងកេីតហេតុបានឲ្យដឹងថា រថយន្តបង្កម៉ាក Triton ពណ៌ ខ្មៅ ពាក់ស្លាកលេខភ្នំពេញ 2H-8425 បេីកបរដោយបុរសម្នាក់ធ្វេីដំណេីរតាមបណ្ដោយផ្លូវសហព័ន្ធរុស្សុី ទិសដៅពីកេីតទៅលិចក្នុងល្បឿនលឿន ខណៈមកដល់ចំណុចកេីតហេតុក៏បុករបាំងថ្មពុះចែកផ្លូវបាក់អស់១កង់រៀបដល់ដី រីឯរថយន្តបង្កបានបែកកង់មុខផ្នែកខាងស្ដាំ និងកាងចំហៀង តែមិនធ្វេីឲ្យមនុស្សណាម្នាក់រងរបួសនោះឡេីយ ។ ក្រោយកើតហេតុ ម្ចាស់រថយន្តបង្កបានចុះគេចបាត់ទុករថយន្តឲ្យសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ មកធ្វេីការវាស់វែងយកទៅរក្សាទុក ដេីម្បីដោះស្រាយតាមក្រោយ ៕ ដោយ ៖ ជីម ភារ៉ា

ភ្នំពេញ ៖ អគ្គីភ័យបានឆាបឆេះផ្ទះបាយមួយកន្លែងនៅក្នុងបុរីពិភពថ្មីគួរស្រូវ ក្បែរនិងផ្លូវជាតិលេខ២ ក្នុងភូមិក្រាំងស្វាយ សង្កាត់ព្រែកកំពិស ខណ្ឌដង្កោ ដោយធ្វេីឲ្យមានការភ្ញាក់ផ្អេីលដល់អ្នកជិតខាងជួយអន្តរាគមន៍ ព្រមទាំងសមត្ថកិច្ចមូលដ្ឋានកាលពីវេលាម៉ោង៧ និង៥០នាទីយប់ ថ្ងៃសៅរ៍ ទី១២ ខែមិថុនា ឆ្នាំ ២០២១ ។ តាមប្រភពព័ត៌មានពីម្ចាស់ផ្ទះរងគ្រោះបានឲ្យដឹងថា មុនពេលកេីតហេតុ រូបគាត់បានចូលផ្ទះបាយដោតភ្លេីងកំដៅម្ហូប រួចក៏មកមុខផ្ទះវិញដោយភ្លេចបិតភ្លេីង ។ មួយសន្ទុះក្រោយមកស្រាប់តែមានផ្សែងហុយទ្រលោមចេញពីផ្ទះបាយ ហេីយក៏ស្រែកឆឡោឲ្យអ្នកជិតខាងជួយ បាញ់ពន្លត់ ដោយអ្នកខ្លះយកទឹកជះ អ្នកខ្លះយកបំពង់ពន្លត់អគ្គីភ័យបាញ់ ពន្លត់ ព្រមទាំងទាក់ទងទៅអាជ្ញាធរមូលដ្ឋានឲ្យយករថយន្តពន្លត់អគ្គីភ័យមកជួយអន្តរាគមន៍ផងដែរ ។ បន្ទាប់ពីទទួលបានព័ត៌មានថា មានករណីអគ្គីភ័យឆេះផ្ទះប្រជាពលរដ្ឋនៅត្រង់ចំណុចខាងលេី អាជ្ញាធរខណ្ឌដង្កោ និងក្រុមហ៊ុនស្រាបៀរកម្ពុជា បានចេញរថយន្តពន្លត់អគ្គីភ័យទៅជួយអន្តរាគមន៍បាញ់ពន្លត់ តែពេលទៅដល់បងប្អូនប្រជាពលរដ្ឋបានបាញ់រលត់ទៅវិញជាស្ថាពរទៅហេីយ ដោយខូចខាតសម្ភារៈផ្ទះបាយមួយចំនួនតូចប៉ុណ្ណោះ ហេីយក៏មិនបង្កគ្រោះថ្នាក់ដល់ប្រជាពលរដ្ឋផងដែរ ៕ ដោយ ៖ ជីម ភារ៉ា

ភ្នំពេញ ៖ បុរសម្នាក់បេីករថយន្តស្តារិច ទាំងស្រវឹងស្រាឡេីងជោកជាំ ហេីយជ្រុលទៅបុករថយន្តព្រូស រុញទៅបុករុឺម៉កបន្ថែមដែលកំពុងឈប់ស្ទុប បណ្ដាលឲ្យរងការខូចខាតយ៉ាងដំណំ សំណាងល្អដែរមិនបង្កឲ្យមនុស្សរងរបួស ។ ហេតុការណ៍គ្រោះថ្នាក់ចរាចរណ៍ខាងលេីនេះបានកេីតឡេីងកាលពីវេលាម៉ោង៧ និង៤០នាទីយប់ ថ្ងៃសៅរ៍ ទី១២ ខែមិថុនា ឆ្នាំ ២០២១ នៅចំណុចស្ទុបក្បាលថ្នល់ តាមបណ្ដោយផ្លូវព្រះមុនីវង្ស កែងផ្លូវ២៧១ ក្នុងសង្កាត់ទន្លេបាសាក់ ខណ្ឌចំការមន ។ តាមប្រភពព័ត៌មានពីសមត្ថកិច្ចដែលឈរជេីងនៅគោលដៅកន្លែងកេីតហេតុបានប្រាប់ឲ្យដឹងថា មុនកេីតហេតុ មានរុឺម៉កសណ្ដោងមួយគ្រឿងបានបេីកបរតាមបណ្ដោយផ្លូវព្រះមុនីវង្ស ទិសដៅពីលិចមកកេីត មកឈប់ស្ទុប ព្រមទាំងមានរថយន្តព្រូសមួយគ្រឿងទៀត ពណ៌ទឹកប្រាក់ គ្មានស្លាកលេខ បានឈប់ពីក្រោយ ។ បន្ទាប់មកក៏មានរថយន្តស្តារិច ពណ៌ទឹកប្រាក់ ពាក់ស្លាកលេខភ្នំពេញ 2AW-7797 បេីកបរដោយបុរសម្នាក់មកពីក្រោយហេីយបុករថយន្តព្រូសពីក្រោយរុញទៅបុករុឺម៉កសណ្ដោងបន្ថែម បណ្ដាលឲ្យរថយន្តព្រូសខូចខាតទាំងខាងមុខនិងខាងក្រោយយ៉ាងដំណំ ដោយឡែករុឺម៉កសណ្ដោងនិងរថយន្តបង្កខូចខាតតិចតួច ។ ក្រោយកើតហេតុ ម្ចាស់រថយន្តស្តារិចបានចុះពីលេីរថយន្តទាំងស្ថានភាពស្រវឹងស្រាជាខ្លាំង រីឯភាគីរុឺម៉កសណ្ដោងមិនចង់មានរឿងវែងឆ្ងាយព្រោះតែខូចខាតតិចតួចក៏ធ្វេីដំណេីរចេញពីកន្លែងកេីតហេតុបាត់ ។ បន្ទាប់មកសមត្ថកិច្ចមូលដ្ឋាននិងជំនាញចរាចណ៍ខណ្ឌចំការមន បានចុះមកដល់ហេីយធ្វេីការវាស់វែងយករថយន្តបង្កនិងរថយន្តរងគ្រោះទៅរក្សាទុកនៅអធិការដ្ឋាននគរបាលខណ្ឌចំការមន រង់ចាំដោះស្រាយពេលក្រោយ ៕ ដោយ ៖ ភារ៉ា និងឆៃហួត

ភ្នំពេញ៖ នៅព្រឹកថ្ងៃសៅរ៍ ទី១២ ខែមិថុនា ឆ្នាំ២០២១ គណៈបញ្ជាការឯកភាពខណ្ឌចំការមន ដឹកនាំដោយលោក ថេង សុថុល អភិបាល នៃគណៈអភិបាលខណ្ឌ និងជាប្រធានគណៈបញ្ជាឯកភាពខណ្ឌ បានចុះត្រួតពិនិត្យតាមច្រាំងទន្លេ និងឃ្លាំមើលនូវផ្ទះបណ្តែតទឹក បែចិញ្ជឹមត្រី ផ្ទះទូកតូចៗ និងសំណង់មិនរៀបរយនៅលើផ្ទៃ ដែលមាននៅក្នងភូមិសាស្ត្រខណ្ឌ និងមកពីទីតាំងផ្សេងៗដែលចូលមកក្នុងភូមិសាស្ត្រ ដោយអនុវត្តតាមលិខិតលេខ ០៣៨/២១ សជណ.ច ចុះថ្ងៃទី០២ ខែមិថុនា ឆ្នាំ២០២១ របស់រដ្ឋបាលរាជធានីភ្នំពេញ ស្ដីពីការរុះរើ ឬចល័តបែចិញ្ជឹមត្រី ផ្ទះបណ្ដែតទឹក ផ្ទះទូកតូចៗ និងសំណង់មិនរៀបរយលើផ្ទៃទឹក នៅភូមិសាស្ត្ររាជធានីភ្នំពេញ មានចូលរួមពីលោកអភិបាលរងខណ្ឌ, កម្លាំងអធិការរងនគរបាលខណ្ឌ, កម្លាំងកងរាជអាវុធហត្ថខណ្ឌ, កម្លាំងសណ្ដាប់ធ្នាប់ខណ្ឌ ៕ ដោយវណ្ណលុក

ខេត្តកំពង់ឆ្នាំង ៖ ក្នុងកិច្ចប្រជុំផ្សព្វផ្សាយសេចក្តីសម្រេចរបស់គណៈកម្មាធិការកណ្តាល ស្តីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំសង្កាត់ឆ្នាំ២០២២ខាងមុខ នាព្រឹកថ្ងៃទី១២ ខែមិថុនា នៅស្នាក់ការគណបក្សប្រជាជនកម្ពុជាស្រុកបរិបូណ៌ ឯកឧត្តម អម សុភា សមាជិកអចិន្រ្តៃយ៍គណៈកម្មាធិការគណបក្សខេត្តកំពង់ឆ្នាំងនិងជាប្រធានក្រុមការងារថ្នាក់ខេត្តចុះមូលដ្ឋានស្រុកបរិបូណ៌បានជម្រុញអោយក្រុមការងារគណបក្សស្រុកបរិបូណ៌បន្តអនុវត្តគោលការណ៍រក្សាចាស់ កសាងថ្មី ពិសេសកម្លាំងយុវជន ដើម្បីជ័យជំនះក្នុងការបោះឆ្នោតក្រុមប្រឹក្សាឃុំសង្កាត់ឆ្នាំ២០២២ខាងមុខបន្តទៀត ។ ឯកឧត្តម អម សុភា បានថ្លែងកោតសរសើរ ចំពោះលទ្ធផលការងារដែលថ្នាក់ដឹកនាំ និងសមាជិកគណបក្សប្រជាជនស្រុកបរិបូណ៌ សម្រេចបាន ទាំងការដោះស្រាយបញ្ហា បំពេញតម្រូវការ និង ការអភិវឌ្ឍក្នុងមូលដ្ឋានក្នុងដែនសមត្ថកិច្ចដែលជាការរួមចំណែកយ៉ាងធំធេងជាមួយរាជរដ្ឋាភិបាលកម្ពុជា និងបន្តធ្វើឲ្យកាន់តែល្អបន្ថែមទៀតដើម្បីអោយប្រជាពលរដ្ឋបោះឆ្នោតជូនគណបក្សប្រជាជនកម្ពុជាឆ្នាំ២០២២និងឆ្នាំ២០២៣ និង អាណត្តិក្រោយៗទៀត។ ក្នុងឱកាសនោះ ឯកឧត្ដម អម សុភា និងក្រុមការងារ ក៏បានឧបត្ថម្ភម៉ាស់ចំនួន ២៥០០, អាល់កុល ៥០ដប និងទឹកសុទ្ធ ២០កេះ ជូនដល់ស្នាក់ការបក្សស្រុកនិងឧបត្ថម្ភថវិកាដល់សមាជិកចូលរួម ២៥នាក់ក្នុងម្នាក់ៗ ១០០០០រៀលផងដែរ ៕ សុក្ខារិន

ភ្នំពេញ ៖ អាជ្ញាធររាជធានីភ្នំពេញ បានបញ្ជាក់ប្រាប់ឱ្យដឹង នៅព្រឹកថ្ងៃទី១២ ខែមិថុនា ឆ្នាំ២០២១ ថា ផ្ទះបណ្តែតទឹកអនាធិបតេយ្យ ក្នុងភូមិសាស្ត្រសង្កាត់វាលស្បូវ សង្កាត់ព្រែកឯង សង្កាត់ក្បាលកោះ ស្ថិតនៅតាមដងទន្លេមេគង្គក្រោម នៃខណ្ឌច្បារអំពៅ ត្រូវបានរុះរើស្ទើរតែ ១០០ភាគរយ ។ បើតាមលោកអភិបាលរងរាជធានីភ្នំពេញ គឺមានផ្ទះបណ្តែតទឹក នៅតែខាងទន្លេបាសាក់ ក្នុងភូមិសាស្ត្រសង្កាត់ច្បារអំពៅទី២ សង្កាត់ព្រែកប្រា សង្កាត់ព្រែកថ្មី នៅសេសសល់ ប៉ុន្តែពួកគេក៏បានរុះរើបណ្តើរៗ បានជាច្រើនផងដែរ។ សូមជម្រាបថា កន្លងមក មានជនឱកាសនិយមមួយចំនួនបានលបលួចធ្វើបែចិញ្ចឹមត្រី ផ្ទះបណ្តែតទឹក ផ្ទះតូចៗ និងសំណង់មិនរៀបរយនៅលើផ្ទៃទន្លេ ហើយកន្លែងខ្លះបានប្រែក្លាយជាកន្លែងស្នាក់នៅដោយខុសច្បាប់យ៉ាងអាណាធិបតេយ្យដែលបង្កឱ្យបាត់បង់សណ្តាប់ធ្នាប់ ប៉ះពាល់ដល់ផ្លូវនាវាចរ ប៉ះពាល់ដល់ប្រព័ន្ធអេកូឡូស៉ី មានចរន្តទឹកហូរ គោករាក់ ពិសេសការប្រើប្រាស់ចំណីសម្រាប់ចិញ្ចឹមត្រី និងការបញ្ចេញកាកសំណល់ ការបន្ទោបង់ពាសវាលពាសកាលក្នុងទន្លេ ធ្វើឱ្យខូចខាតយ៉ាងធ្ងន់ធ្ងរដល់ជីវចម្រុះក្នុងទឹក ខូចគុណភាពទឹក បំពុលបរិស្ថាន និងប៉ះពាល់ដល់សោភ័ណភាពរាជធានីភ្នំពេញ ព្រមទាំងប៉ះពាល់ដល់សុខភាពនៃប្រជាពលរដ្ឋដែលបានប្រើប្រាស់ទឹកមិនស្អាតផងដែរ។ សូមបញ្ជាក់ដែរថា នៅថ្ងៃទី០២ ខែមិថុនា ឆ្នាំ២០២១ រដ្ឋបាលរាជធានីភ្នំពេញ បានបញ្ជាឱ្យរុះរើ ឬចល័តបែចិញ្ចឹមត្រី ផ្ទះបណ្ដែតទឹក ផ្ទះទូកតូចៗ និងសំណង់មិនរៀបរយលើផ្ទៃទន្លេ…

ភ្នំពេញ-បាត់ដំបង ៖ បុរសម្នាក់បានយកកាំបិតកាប់និងយកកៅអីវាយសម្លាប់ប្រពន្ធ រួចដឹកសពយកទៅប្លុងចោលនៅឯស្រុកត្បូងឃ្មុំ ខេត្តត្បូងឃ្មុំ ហើយរត់គេចខ្លួនទៅដល់ស្រុកសំឡូត ខេត្តបាត់ដំបង ។ ហេតុការណ៍សម្លាប់ប្រពន្ធខ្លួនឯងនេះបានកើតឡើងកាលពីថ្ងៃទី០៩ ខែមិថុនា ឆ្នាំ២០២១ នៅចំណុចផ្ទះលេខ៥៤ ផ្លូវលេខ៥៩៨ ភូមិទំនប់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ហើយនៅព្រឹកថ្ងៃទី១២ ខែមិថុនាឆ្នាំ២០២១នេះ ត្រូវបានកម្លាំងសមត្ថកិច្ចនគរបាលធ្វើការស្រាវជ្រាវរហូតឃាត់ខ្លួនបាននៅខេត្តបាត់ដំបង។ លោកវរសេនីយ៍ឯក ខេង ម៉េងឈាង នាយការិយាល័យព្រហ្មទណ្ឌកម្រិតស្រាល នៃនាយកដ្ឋាននគរបាលព្រហ្មទណ្ឌបានឱ្យដឹងថា ប្រតិបត្តិការនេះបានសហការជាមួយកម្លាំងអធិការដ្ឋាននគរបាលខណ្ឌសែនសុខ និងស្នងការដ្ឋាននគរបាលខេត្តបាត់ដំបង ។ជនសង្ស័យមានឈ្មោះ សៀន ហួរ អាយុ៥៩ឆ្នាំ ត្រូវជាប្តីរបស់ស្ត្រីរងគ្រោះហើយត្រូវបានកម្លាំងសមត្ថកិច្ចឃាត់ខ្លួនបាននៅចំណុចផ្ទះសំណាក់ នីឡា ស្ថិតក្នុងភូមិជីប៉ាង ឃុំផ្លូវមាស ស្រុករតនមណ្ឌល ខេត្តបាត់ដំបង។ លោកវរសេនីយ៍ឯក ខេង ម៉េងឈាង បានបញ្ជាក់ថា ជនសង្ស័យត្រូវបាននាំទៅកាន់នាយកដ្ឋាននគរបាលព្រហ្មទណ្ឌ ដើម្បីសាកសួរ និងប្រគល់ឲ្យកម្លាំងអធិការដ្ឋាននគរបាលខណ្ឌសែនសុខ ចាត់ការបន្តតាមនីតិវិធី។ គួរបញ្ជាក់ផងដែរថា កាលពីថ្ងៃទី០៩ ខែមិថុនា ឆ្នាំ២០២១ នៅចំណុចផ្ទះលេខ៥៤ ផ្លូវលេខ៥៩៨ ភូមិទំនប់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ…