សៀមរាប៖ ក្នុងពេលដែលមានករណីគ្រោះទឹកជំនន់ យើងសង្កេតឃើញមានក្រុមការងាររាជរដ្ឋាភិបាលចុះជួយស្រុក អាជ្ញាធរ ខេត្ត កម្លាំងអន្តរាគមន៍ជាច្រើនផ្នែក រួមទាំងសម្ភារៈ និងមធ្យោបាយជួយសង្គ្រោះផងដែរ បានត្រៀម និងចុះធ្វើសកម្មភាពយ៉ាងមមាញឹក ខណៈពេលដែលស្រុកបន្ទាយស្រី នៃខេត្តសៀមរាប ត្រូវបានគំរាមកំហែងដោយជំនន់ទឹកភ្លៀង ។ ដោយឥទ្ធិពលនៃទឹកភ្លៀងធ្លាក់តំបន់ភ្នំគូលែន ស្រុកបន្ទាយស្រី នៃខេត្តសៀមរាប ប៉ុន្មានថ្ងៃនេះ ធ្វើឲ្យមានភ្លៀងធ្លាក់ជោគជាំ ។ ស្ថិតក្រោមការតាមដានរបស់អាជ្ញាធរស្រុក បានបង្ហាញឲ្យដឹងថា ក្នុងរយៈពេល២៤ម៉ោងចុងក្រោយ គិតត្រឹមព្រឹកថ្ងៃទី១៨ ខែតុលា ឆ្នាំ២០២០ ទឹកស្ទឹងបន្ទាយស្រីបានហក់ឡើងពីកំពស់៣,៣០ម៉ែត្រ ដល់ ៥,៥០ម៉ែត្រ ជិតដល់កម្រឹតប្រកាសអាសន្ន ( ៦,០០ម៉ែត្រ ) ដែលស្ថានភាពបែបនេះ បានជម្រុញឲ្យគណៈបញ្ជាការឯកភាពស្រុក ចាត់នូវវិធានការ ក្នុងការជម្លៀសប្រជាជនមួយចំនួនរស់នៅក្នុងតំបន់នោះ ដែលរងផលប៉ះពាល់ខ្លាំង បញ្ជូនទៅកាន់ទីទួលមានសុវត្ថិភាព  ។ តាមការបញ្ជាក់របស់លោក ឃឹម ហ្វីណង់ អភិបាលស្រុកបន្ទាយស្រី បានឲ្យដឹងដូច្នេះថា ក្នុងពេលដែលកម្លាំងអន្តរាគមន៍របស់ស្រុក រួមមានកម្លាំងនគរបាល អាជ្ញាធរដែនដីចុះជួយប្រជាពលរដ្ឋ ដែលជាពិសេសនោះ គេឃើញមានកម្លាំងសហការដែលចូលរួមដោយ កងយោធារបស់បញ្ជាការដ្ឋានកងពលធំអន្តរាគមន៍លេខ២ និងកម្លាំងមួយចំនួនទៀត រួមទាំងមធ្យាបាយជម្លៀសជនរងគ្រោះផងដែរ ដែលដឹកនាំដោយ ឯកឧត្តម…

កំពង់ស្ពឺ៖ ទោះបីជារដ្ឋបាលខេត្តកំពង់ស្ពឺ បានជូនដំណឹងអំពីការផ្អាកចរាចរណ៍រថយន្តធុនធំលើកំណាត់ផ្លូវមួយចំនួនរួចហើយក្ដី ក៏ក្រុមហ៊ុនរថយន្តធុនធំៗទាំងនោះនៅតែផ្គើនមិនព្រមស្ដាប់តាម ហើយបែរជាបន្តការបើកបរបំពានដដែលជាដដែល ជាហេតុបណ្ដាលឱ្យផ្លូវដែលកំពុងជួបស្ថានភាពលំបាកស្រាប់នោះ រឹតតែរងការខូចខាតថែមទៀត។ ដោយមិនអាចបណ្ដាយឱ្យទង្វើគគ្លើននេះបន្តទៅទៀតបាន ទើប កម្លាំងសមត្ថកិច្ចនគរបាលខេត្តកំពង់ស្ពឺបានចុះឃាត់រថយន្តធុនធំៗជាច្រើនគ្រឿង នៅតាមបណ្តោយផ្លូវជាតិលេខ ៤១ ត្រង់ម្តុំជិតផ្លូវបំបែកស្តុបថ្នល់ទទឹង។ វិធានការនេះគឺតបតាមការជូនដំណឹងរបស់រដ្ឋបាលខេត្តកំពង់ស្ពឺ កាលពីថ្ងៃទី១៧ ខែតុលា ឆ្នាំ២០២០ ដែលសម្រេចផ្អាកការធ្វើចរាចរណ៍ជាបណ្តោះអាសន្នលើផ្លូវជាតិលេខ ៤ ផ្លូវជាតិលេខ ៤១ និងផ្លូវខេត្តលេខ ១៤១ (ចាប់ពីព្រៃផ្តៅដល់ផ្លូវខេត្តលេខ ១៣០) ចំពោះរថយន្តដឹកទំនិញធុនធំគ្រប់ប្រភេទ។ ប៉ុន្តែទោះបីចេញសេចក្ដីជូនដំណឹងនេះហើយក្ដី ក៏នៅតែមានរថយន្តធំៗដែលគេសង្កេតឃើញដឹកសម្ភារសំណង់ជាច្រើនបន្តដឹកមិនគោរពតាម ការជូនដំណឹងនេះសោះ ដែលកត្តានេះបានធ្វើឱ្យប៉ះពាល់ដល់ផ្លូវថ្នល់ជាច្រើនក្នុងភូមិសាស្ត្រខេត្តកំពង់ស្ពឺ៕

ភ្នំពេញ៖ សមិទ្ធផលថ្មីមួយទៀតគឺ ទីស្នាក់ការភូមិអូរអណ្តូង ត្រូវបានសម្ពោធដាក់ឲ្យប្រើប្រាស់ជាផ្លូវការដើម្បីបម្រើសេវ៉ាជូនប្រជាពលរដ្ឋនៅក្នុងភូមិអរអណ្តូង សង្កាត់ព្រែកប្រា ខណ្ឌច្បារអំពៅ ។ ពិធីសម្ពោធទីស្នាក់ការភូមិនេះបានធ្វើឡើងនៅព្រឹកថ្ងៃទី១៧ ខែកក្កដា ឆ្នាំ២០២០ ក្រោមវត្តមានលោកជំទាវ ឡោក ខេង ប្រធានក្រុមការងារចុះជួយខណ្ឌច្បារអំពៅ លោកអ៊ំ ម៉ារ៉េត ប្រធានក្រុមប្រឹក្សាខណ្ឌ, លោកចេង មុនីរ៉ា អភិបាលខណ្ឌ , លោក-លោកស្រីជាអភិបាលរង , លោក មេបញ្ជាការកងរាជអាវុធហត្ថខណ្ឌ, លោកអធិការនគរបាលខណ្ឌ និងមានការចូលរួមពីប្រជាពលរដ្ឋជិត៣០០នាក់ ។ លោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅបានថ្លែងនៅក្នុងអង្គពិធីដូច្នេះថា អាគារថ្មី ទីស្នាក់ការភូមិអូរអណ្តូងនេះចាប់ផ្តើមសាងសង់នៅថ្ងៃទី១៦ ខែមីនា ឆ្នាំ២០១៩ ហើយបញ្ចប់ការសាងសង់នៅថ្ងៃទី២១ ខែវិច្ឆិកា ឆ្នាំ២០២០ មានទំហ៊ំទទឹង៥ម៉ែត្រ គុណ បណ្តោយ៦ម៉ែត្រ កំពស់២ជាន់ ចំណាយទឹកប្រាក់អស់ជាង១១២លានរៀល ស្មើនិងជាង២៧០០០ដុល្លារ ។ ប្រភពថវិកានៃការសាងសង់អាគារថ្មីនេះបានមកពីសប្បុរសជន ចូលរួមចំណែកជាមួយគណៈអភិបាលខណ្ឌ និងសង្កាត់ ទើបសម្រេចបាននូវសមិទ្ធផលមួយបន្ថែមទៀត សម្រាប់បម្រើសេវ៉ាសាធារណៈជូនប្រជាពលរដ្ឋនៅក្នុងមូលដ្ឋាន ។ លោកអភិបាលបានបន្តថា ក្នុងអាណត្តិបច្ចុប្បន្ននេះ គណៈអភិបាលខណ្ឌ…

ភ្នំពេញ៖ កម្លាំងនគរបាលការិយាល័យប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ ចេញប្រតិបត្តិការបង្រ្កាបករណីជួញដូរគ្រឿងញៀន០២ករណីផ្សេងគ្នា ក្នុងរាជធានីភ្នំពេញ ដកហូតវត្ថុតាងគ្រឿងញៀន០២កញ្ចប់ថង់ ទម្ងន់ប្រមាណ០២គីឡូក្រាម និងឃាត់ខ្លួនជនសង្ស័យគ្រឿងញៀនជនជាតិខ្មែរ និងជនជាតិវៀតណាម០២នាក់នៅក្នុងខណ្ឌទួលគោក និងខណ្ឌប្ញស្សី រាជធានីភ្នំពេញ។ នៅថ្ងៃទី១៦ ខែកក្កដា ឆ្នាំ២០២០ ដែលមានការសម្របសម្រួលនីតិវិធីដោយព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញចំនួន០២រូបលោក ឡុង ជាប និងលោក សឿ ឡងឌី។ ប្រតិបត្តិការបង្រ្កាបគ្រឿងញៀនទ្រង់ទ្រាយធំ នៅក្នុងរាជធានីភ្នំពេញ ក្រោមការអនុវត្តតាមបទបញ្ជាផ្ទាល់របស់ឯកឧត្តម ឧត្តមឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញនៅក្នុងកិច្ចប្រជុំនានានៅស្នងការដ្ឋាននគរបាលរាជធានីភ្នំពេញ ដែលតែងតែដាក់ចេញនូវវិធានការណ៍ជំរុញកម្លាំងនគរបាលរាជធានីភ្នំពេញគ្រប់ផ្នែក និងគ្រប់ជំនាញសហការគ្នាដើម្បីបង្រ្កាបគ្រឿងញៀនឱ្យមានប្រសិទ្ធភាពទាំងការ ប្រើប្រាស់ លក់ចែកចាយ និងជួញដូរគ្រឿងញៀន សំដៅកាត់បន្ថយបទល្មើសគ្រឿងញៀននៅក្នុងរាជធានីភ្នំពេញ។ ឯកឧត្តមស្នងការក៏ធ្លាប់បានប្រមានចាត់វិធានការតាមផ្លូវច្បាប់ចំពោះមន្រ្តីនគរបាលក្រោមឱវាទ បើរកឃើញជាប់ពាក់ព័ន្ធ និងបទល្មើសគ្រឿងញៀន។ លោកវរសេនីយ៍ទោ រ៉ឹម ម៉ិច នាយការិយាល័យនគរបាលប្រឆាំងគ្រឿងញៀនប្រាប់ឱ្យដឹងថា ការបង្ក្រាបចាប់ខ្លួនជនសង្ស័យជួញដូរគ្រឿងញៀនទាំង០២នាក់ ដឹកនាំកម្លាំងចុះស្រាជ្រាវស៊ើបអង្កេតផ្ទាល់ដោយលោកឧត្តមសេនីយ៍ទោ ហួត ចាន់យ៉ារ៉ាន់ ស្នងការរងទទួលផែនការងារប្រឆាំងគ្រឿងញៀន ក្រោយពីកម្លាំងជំនាញបានកំណត់មុខសញ្ញាជនសង្ស័យ និងឈានទៅដល់ការបង្រ្កាបចាប់ខ្លួនជនសង្ស័យគ្រឿងញៀនទាំង០២នាក់ជាបន្តបន្ទាប់។ លោកនាយការិយាល័យបានប្រាប់ឱ្យដឹងទៀតថា ប្រតិបត្តិការបង្រ្កាបគ្រឿងញៀនមុនដំបូងវេលាម៉ោង៥ល្ងាចថ្ងៃទី១៦ ខែកក្កដា ឆ្នាំ២០២០ កម្លាំងនគរបាលប្រឆាំងគ្រឿងញៀនបានចាប់ខ្លួនជនសង្ស័យ០១នាក់មានឈ្មោះ ញឹម…

ខេត្តស្ទឹងត្រែង៖ យុទ្ធនាការផ្សព្វផ្សាយច្បាប់ជលផល នៅក្នុងរដូវបិទការនេសាទត្រីនេះ បានធ្វើឡើង ដោយខណ្ឌរដ្ឋបាលជលផលខេត្តស្ទឹងត្រែង សហការណ៍ជាមួយអាជ្ញាធរស្រុកចំនួន ២ ក្នុងខេត្ត គឺស្រុក បូរីអូរស្វាយសែនជ័យ និងស្រុកសៀមបូក ក្រោមការរៀបចំជាវេទិកាស្តីពី “ កិច្ចសហប្រតិបត្តិការលុបបំបាត់ បទល្មើសជលផល ក្នុងភូមិសាស្រ្តខេត្តស្ទឹងត្រែង” នៅថ្ងៃទី១៧កក្កដាឆ្នាំ២០២០នេះ។ នៅក្នុងវេទិការផ្សព្វផ្សាយច្បាប់ជលផលនេះទៀត ក៏មានការចូលរួមពីគ្រប់មន្ត្រី និងអង្គភាពពាក់ព័ន្ធ ទាំងអស់ នៅក្នុងមូលដ្ឋានស្រុកទាំងពីរ គឺអាជ្ញាធរស្រុក ឃុំ ប៉ុស្តិ៍នគរបាលរដ្ឋបាល អាវុធហត្ថ ឆ្មាំទន្លេ បរិស្ថានុរក្ស សហគមន៍នេសាទ និងមន្ត្រីជំនាញជលផលផងដែរ។ នាយខណ្ឌរដ្ឋបាលជលផលខេត្តស្ទឹងត្រែង លោក ទុំ នីរ៉ូ បានអោយដឹងថា នៅក្នុងរយៈពេលពីរបី ឆ្នាំចុងក្រោយនេះ មន្ត្រីជំនាញជលផលខេត្ត បានខិតខំប្រឹងប្រែងយ៉ាងខ្លាំង នៅក្នុងការទប់ស្កាត់ និងបង្ក្រាប បទល្មើសជលផល នៅក្នុងដែនអភិរក្ស និងតាមដងទន្លេនានាក្នុងខេត្ត ដើម្បីកាត់បន្ថយបាន នូវបទល្មើស ជលផល ជាពិសេស បង្ក្រាប និងរឹបអូសការប្រើឧបករណ៍ឆក់ត្រី និងគ្រឿងផ្ទុះ ថែមទាំងបានផ្សព្វផ្សាយ ច្បាប់ជលផល បានយ៉ាងទូលំទូលាយដល់សាធារណៈជន និងប្រជានេសាទនៅគ្រប់មូលដ្ឋាន…

ភ្នំពេញ៖ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន ទទួលជួបពិភាក្សាការងារជាមួយ លោក Kim Hyung Jun នាយក ប្រតិបត្តិ ក្រុមហ៊ុន Jin Sung Group ផ្នែកប្រព័ន្ធ Technology នៃសាធារណរដ្ឋកូរ៉េ នៅថ្ងៃទី១៦ ខែកក្កដា ឆ្នាំ២០២០ ។ នៅក្នុងឱកាសនោះ លោក Kim Hyung Jun បានជម្រាបជូនពីគោលបំណងចង់ចូល រួមសហការជាមួយក្រសួងព័ត៌មានកម្ពុជា ក្នុងការធ្វើកំណែទម្រង់ច្បាប់របបសារព័ត៌មាន ដើម្បី ឲ្យស្របតាមសភាពការណ៍វិវឌ្ឍន៍ នៃការរីកចម្រើននៃបច្ចេកវិទ្យាព័ត៌មានវិទ្យាសកល លោក។ ជាមួយនេះ ក្រុមហ៊ុន Jin Sung Group មានគម្រោងផ្តល់សម្ភារបរិក្ខាបច្ចេកវិទ្យា មួយចំនួនដល់ក្រសួងព័ត៌មាន ពិសេសគឺ I Paid ថ្មីៗ សម្រាប់ការសិក្សាពីចម្ងាយ Learning» និង «ការសិក្សាតាមប្រព័ន្ធអេឡិចត្រូនិច E-Learning»។ លោកយាកប្រតិបត្តិ ក្រុមហ៊ុន Jin…