កំពង់ឆ្នាំង៖ អាជ្ញាធរជាតិប្រយុទ្ធប្រឆាំងនឹងជំងឺអេដស៍ ជួបពិភាក្សាការងារឆ្លើយតបមេរោគអេដស៍ និងជំងឺអេដស៍ជាមួយនឹងអាជ្ញាធរខេត្តកំពង់ឆ្នាំង ។ ពិធីនេះបានធ្វើឡើងនៅព្រឹកថ្ងៃទី១៥ ខែកក្កដា ឆ្នាំ២០២០ នៅក្នុងសាលប្រជុំសាលាខេត្តកំពង់ឆ្នាំងក្រោមអធិបតីភាព ឯកឧត្តមបណ្ឌិត តែងគន្ធី អនុប្រធានអាជ្ញាធរជាតិប្រយុទ្ធប្រឆាំង និងជំងឺអេដស៍ និងមានការចូលរួមលោក អម សុភា អភិបាលរង ខេត្តកំពង់ឆ្នាំង និងជាប្រធានគណ:កម្មាធិការប្រយុទ្ធប្រឆាំងនឹងជំងឺអេដស៍ខេត្ត លោក អមសុភា បានជួបប្រជុំពិភាក្សាការងារឆ្លើយតបមេរោគអេដស៍ និងជំងឺអេដស៍ជាមួយអាជ្ញាធរជាតិប្រយុទ្ធប្រឆាំងនឹងជម្ងឺអេដស៍ ដោយមានការអញ្ជើញចូលរួមពីក្រុង ស្រុក មន្ទីរជំនាញពាក់ព័ន្ធ និងអង្គការសង្គមស៊ីវិល សរុប្រមាណ ៣៥ នាក់។ នៅក្នុងជាកិច្ចប្រជុំពិពិភាក្សាការងារ អភិបាលរងខេត្ត កំពង់ឆ្នាំងលោក អមសុភា បានរាយការណ៍ស្តីពីរបាយការណ៍រវឌ្ឍនភាពដោយសង្ខេបស្ដីពីសកម្មភាពការអនុវត្តការងាររបស់រដ្ឋបាលខេត្ត និងរបាយការណ៍វឌ្ឍនភាពនៃការអនុវត្តការងារប្រយុទ្ធប្រឆាំងនឹងជំងឺអេដស៍ខេត្ត។ អភិបាលរងខេត្តកំពង់ឆ្នាំង ក៏បានលើកឡើងពីការអនុវត្តគោលនយោបាយគាំពារសង្គមរបស់រាជរដ្ឋាភិបាលកម្ពុជា ចំពោះការឧបត្ថម្ភសាច់ប្រាក់ដល់ប្រជាពលរដ្ឋក្រីក្រ និងប្រជាពលរដ្ឋដែលមានផ្ទុកមេរោគអេដស៍ ក្នុងអំឡុងពេលនៃការរីករាលដាលជំងឺកូវី១៩ ។ ក្នុងកិច្ចប្រជុំនេះផងដែរ ឯកឧត្តមវេជ្ជបណ្ឌិត តែង គន្ធី អនុប្រធានអាជ្ញាធរជាតិប្រយុទ្ធប្រឆាំងនឹងជំងឺអេដស៍ បានថ្លែងនូវការកោតសរសើរដល់អាជ្ញាធរ ជាពិសេសមន្ត្រីជំនាញពាក់ព័ន្ធ បាននឹងកំពុងខិតខំបំពេញការងារទាក់ទងនឹងជំងឺអេដស៍នេះ បើទោះជា មានពេលខ្លះជួបប្រទះនូវស្ថានភាពដ៏លំបាកក្នុងការអនុវត្តការងារយ៉ាងណាក៏ដោយ។ ឯកឧត្តម បានលើកទឹកចិត្តឲ្យក្រុមការងារពាក់ព័ន្ធទាំងអស់ បន្តសហការពេញការងារអប់រំផ្សព្វផ្សាយអំពីវិធានការការពារការឆ្លងមេរោគអេដស៍…

តាមរយៈទំព័រហ្វេសប៊ុកផ្លូវការសម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានសរសេរថា ថ្ងៃទី៨ ខែកក្កដា ឆ្នាំ២០២០នេះ ខួប៣ឆ្នាំ (៨ កក្កដា ២០១៧-៨ កក្កដា ២០២០) នៃការដាក់បញ្ចូលប្រាសាទសំបូរព្រៃគុក ជាសម្បត្តិបេតិកភណ្ឌពិភពលោក នៅ ក្នុង កិច្ច ប្រជុំ គណៈកម្មាធិការ បេតិកភណ្ឌពិភពលោក នៅទីក្រុង Krakow ប្រទេស ប៉ូឡូញ ។ សម្ដេចបញ្ជាក់ថា ក្រោយចុះបញ្ជី ជាសម្បត្តិ បេតិកភណ្ឌ ពិភពលោក ប្រាសាទសំបូរព្រៃគុក ដែល ស្ថិតនៅ ភូមិ សំបូរ ឃុំ សំបូរ ស្រុក ប្រាសាទ សំបូរ ខេត្តកំពង់ធំ បានក្លាយជា តំបន់ទេសចរណ៍វប្បធម៌ ប្រវត្តិសាស្ត្រ ដ៏ទាក់ទាញ មួយ ។ ប្រាសាទសំបូរព្រៃគុក មានទីតាំងស្ថិតនៅក្នុងភូមិសំបូរ ឃុំសំបូរ ស្រុកប្រាសាទសំបូរ ខេត្តកំពង់ធំ ដែលមាន…