ខេត្តព្រះវិហារ៖ ប្រធានក្រុមប្រឹក្សាខេត្តព្រះវិហារ លោក សុវណ្ណ ,អភិបាលរងខេត្តព្រះវិហារ លោក ស៊ូ សិរី បានអញ្ជើញបើកវេទិការសាធារណៈ ផ្សព្វផ្សាយ និងពិគ្រោះយោបល់មួយ ដើម្បីទទួលយកបញ្ហានានា ពីប្រជាពលរដ្ឋនៅក្នុងមូលដ្ឋាន យកមកធ្វើការដោះស្រាយ ដើម្បីបញ្ចប់វិបត្តិទាំងឡាយ ដែលបានកើតឡើងនាពេលកន្លងមក។វេទិការសាធារណៈនេះ បានរៀបចំធ្វើឡើង នៅក្នុងបរិវេណ សាលាឆទានវត្តចាស់ ស្ថិតក្នុងភូមិឆែបកើត ឃុំឆែបមួយ ស្រុកឆែប កាលពីថ្ងៃទី២៣វិច្ឆិកាឆ្នាំ២០២០ ដែលមានការចូលរួមពី សមាជិក សមាជិកាក្រុមប្រឹក្សាខេត្ត ថ្នាក់ដឹកនាំខេត្ត មន្ទីរ អង្គភាព អាជ្ញាធរស្រុក និងប្រជាពលរដ្ឋច្រើនរយនាក់ ផងដែរ។ ប្រជាពលរដ្ឋច្រើនរយគ្រួសារ នៅក្នុងស្រុកឆែប បានលើកឡើងនូវចំណោទបញ្ហាជាច្រើន ដើម្បីស្វែងរកការជួយដោះស្រាយពីអាជ្ញាធរខេត្ត។ បញ្ហាដែលជាចំណោទ នៅក្នុងខេត្តព្រះវិហារ រួមមាន ស្នើសុំឲ្យមានប្រព័ន្ធទឹកស្អាតប្រើប្រាស់ ,រកកិច្ចអន្តរាគមន៍លើការបម្រើសេវាសាធារណៈ ឲ្យបានឆាប់រហ័ស, ភាពវិវាទដីធ្លី រវាងប្រជាពលរដ្ឋ ជាមួយក្រុមហ៊ុន និងបញ្ហាប្រឈមមួយចំនួនទៀត ដែលជាចំណោទនៃការស្វែងរកការជួយដោះស្រាយ ពីអាជ្ញាធរខេត្តព្រះវិហារ។ ប្រធានក្រុមប្រឹក្សាខេត្តព្រះវិហារ លោក ឡុង សុវណ្ណ បានទទួលយកសំណើរជាច្រើនពីប្រជាពលរដ្ឋ ដែលបាន និងកំពុងជួបបញ្ហាប្រឈម…

ខេត្តព្រះវិហារ៖ កម្លាំងការិយាល័យនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តព្រះវិហារ បញ្ជូនខ្លួនជនសង្ស័យដៃដល់ម្នាក់ ដែលបានប្រើកាំបិតផ្គាក់កាប់មកលើជនរងគ្រោះ បណ្តាលឲ្យស្លាប់ភ្លាមៗ ទៅតុលាការខេត្តនោះហើយ នៅថ្ងៃទី២៤វិច្ឆិកាឆ្នាំ២០២០នេះ។ ករណីឃាតកម្មនេះ បានកើតឡើងនាវេលាម៉ោង ១ និង៣០នាទីរំលងអាធ្រាត្រ ថ្ងៃទី២៣វិច្ឆិកាឆ្នាំ២០២០ ត្រង់ចំណុចវាលលោមនាង ស្ថិតក្នុងភូមិសែនរុងរឿង៤ ឃុំមរតកតេជោ ស្រុកជាំក្សាន្ត និងក្រោយហេតុការណ៍នោះ កម្លាំងអធិការដ្ឋាននគរបាលស្រុកជាំក្សាន្ត បានចុះឃាត់ខ្លួនជនសង្ស័យភ្លាមផងដែរ។ អធិការនគរបាលស្រុកជាំក្សាន្ត លោកវរសេនីយ៍ទោ ឱ សេង បានប្រាប់ឲ្យដឹងថា នៅមុនអំពើឃាតកម្មដែលបានកើតឡើងនេះ ជនសង្ស័យដៃដល់ និងជនរងគ្រោះ រួមទាំងអ្នកជិតខាងផ្សេងទៀត បានអង្គុយផឹកស្រារួមគ្នា ហើយនៅក្នុងពេលនោះ ពួកគេម្នាក់ៗ ហាក់ដូចជាស្រវឹងស្រារៀងៗខ្លួន ក៏កើតមានទាស់សម្តីគ្នាយ៉ាងតឹងតែង មួយលើកជាពីរលើក បន្ទាប់មកពួកគេក៏បានទៅជ្រៀកឈើ ពេលទៅដល់ ជនសង្ស័យ និងជនរងគ្រោះ បានបន្តជជែកគ្នាខ្លាំងឡើងៗ រហូតផ្ទុះអំពើហឹង្សា ជនដៃដល់បានស្ទុះទៅទាញយកកាំបិតផ្គាក់ មកកាំជនរងគ្រោះពីរកាំបិតចំក្បាល បណ្តាលឲ្យស្លាប់ភ្លាមៗ នៅនឹងកន្លែង។ លោកអធិការបានបន្តថា ក្រោយហេតុការណ៍នោះ កម្លាំងអធិការដ្ឋាននគរបាលស្រុក បានចុះឃាត់ខ្លួនជនសង្ស័យដៃដល់ភ្លាមៗផងដែរ បញ្ជូនមកធ្វើការសាកសួរ និងបញ្ជូនបបន្តមកកាន់ ស្នងការដ្ឋាននគរបាលខេត្តព្រះវិហារ។ ស្នងការរង ទទួលផែនព្រហ្មទណ្ឌ នៃស្នងការដ្ឋាននគរបាលខេត្តព្រះវិហារ…

ខេត្តព្រះវិហារ៖ ប្រសាសន៍ជំរុញរបស់ រដ្ឋលេខាធិការ និងជាអ្នកនាំពាក្យក្រសួងបរិស្ថាន ឯកឧត្តម នេត្រ ភក្ត្រា បានថ្លែង ក្នុងគ្រាដែលឯកឧត្តម បានអញ្ជើញជាអធិបតី ក្នុងពិធីប្រារព្ធ ទិវាអនាម័យជាតិបរិស្ថាន ២៣វិច្ឆិកា ក្រោមប្រធានបទ«អនាម័យបរិស្ថានល្អ សុខភាពសហគមន៍ល្អ» និងមានការចូលរួមពីអគ្គនាយកនៃអគ្គនាយកដ្ឋានចំណេះដឹង និងព័ត៌មានបរិស្ថាន ឯកឧត្តម ជួប បារីស៍ , អភិបាលខេត្តព្រះវិហារ ឯកឧត្តម ប្រាក់ សុវណ្ណ ព្រមទាំង ថ្នាក់ដឹកនាំ មន្រ្តីក្រសួងបរិស្ថាន អាជ្ញាធរពាក់ព័ន្ធ ថ្នាក់ជាតិ-ថ្នាក់ក្រោមជាតិ លោកគ្រូ-អ្នកគ្រូ សិស្ស និស្សិត យុវជន កងកម្លាំងទាំង៣ ប្រជាសហគមន៍ និងប្រជាពលរដ្ឋដ៏ច្រើនកុះករ នាថ្ងៃទី២៣វិច្ឆិកាឆ្នាំ២០២០ នៅសាលាខេត្តព្រះវិហារ។ អភិបាលខេត្តព្រះវិហារ ឯកឧត្តម ប្រាក់ សុវណ្ណ បានក្រើនរម្លឹក ដល់ស្ថាប័នសាធារណៈ និងឯកជន អាជ្ញាធរគ្រប់លំដាប់ថ្នាក់ ប្រជាពលរដ្ឋ ចូលរួមធ្វើអនាម័យ និងថែរក្សាបរិស្ថានជាប្រចាំ នៅតាមមូលដ្ឋានរបស់ខ្លួន។ ឯកឧត្តមអភិបាលខេត្ត បានជំរុញឲ្យអាជ្ញាធរមូលដ្ឋាន ជាមួយនឹងស្ថាប័នពាក់ព័ន្ធ ធ្វើការអប់រំផ្សព្វផ្សាយដល់ប្រជាពលរដ្ឋ…

ខេត្តព្រះវិហារ៖ ឈើប្រណិត និងឈើអារក្រៅលំដាប់ថ្នាក់ ប្រមាណជាង ១០០ដុំ និងសន្លឹក រួមទាំងម៉ាស៊ីន និងឧបករណ៍បម្រើឲ្យការកែច្នៃឈើជាង ១០គ្រឿង មានតម្លៃច្រើនពាន់ដុល្លារអាមេរិក ត្រូវបានកម្លាំងសមត្ថកិច្ចខេត្តព្រះវិហារ ដកហូតបាន ក្រោយការបង្ក្រាបរោងសិប្បកម្មកែច្នៃឈើប្រណិតពីរកន្លែង របស់ជនជាតិវៀតណាម ស្ថិតនៅក្នុងភូមិចំបក់សែនជ័យ ឃុំស្រអែម ស្រុកជាំក្សាន្ត។ ប្រតិបត្តិការនេះបានធ្វើឡើងក្រោមកិច្ចសហការ រវាងខណ្ឌរដ្ឋបាលព្រៃឈើ និងកម្លាំងកងរាជអាវុធហត្ថខេត្តព្រះវិហារ កាលពីថ្ងៃទី២០វិច្ឆិកា និងនៅរយៈពេល២ថ្ងៃ គឺសៅរ៍ទី២១វិច្ឆិកា និងថ្ងៃអាទិត្យទី២២វិច្ឆិកាឆ្នាំ២០២០ ចុងសប្តាហ៍មកនេះ កម្លាំងសមត្ថកិច្ចបានធ្វើការដឹកជញ្ជូន វត្ថុតាងបទល្មើសទាំងនោះ យកមករាប់ វាស់វែង និងចងក្រងឯកសារ ចាត់ការតាមច្បាប់។ នាយខណ្ឌរដ្ឋបាលព្រៃឈើព្រះវិហារ លោក នួន សុខុម បានប្រាប់ឲ្យដឹងនៅថ្ងៃ២៣វិច្ឆិកានេះថា កម្លាំងខណ្ឌរដ្ឋបាលព្រៃឈើខេត្ត មន្ត្រីផ្នែក-សង្កាត់ព្រៃឈើ និងកម្លាំងកងរាជអាវុធហត្ថមូលដ្ឋាន បានសហការរួមគ្នា ចុះបង្ក្រាបរោងសិប្បកម្មកែច្នៃផល-អនុផលព្រៃឈើ ដោយខុសច្បាប់ ចំនួន ២កន្លែង ស្ថិតនៅក្នុងមូលដ្ឋានខាងលើ ហើយរោងសិប្បកម្មទាំងនេះ ត្រូវគេដឹងថា មានជនជាតិវៀតណាម បានមកបើកកែច្នៃឈើ ដោយលួចលាក់នៅទីនេះ។ លោកបានបន្តថា នៅក្នុងប្រតិបត្តិការនេះ កម្លាំងសមត្ថកិច្ចដកហូតបាន ម៉ាស៊ីនគោយន្ត ១គ្រឿង…

ភ្នំពេញ៖ រថយន្តម៉ាក Toyota Prius មួយគ្រឿងបេីកបរដោយបុរសម្នាក់ក្នុងល្បឿនលឿន រួចជ្រុលទៅបុកបង្កាន់ដៃស្ពានបាក់នៅព្រែកកំពឹស បណ្ដាលឲ្យក្រឡាប់ផ្ងារជេីងឆាបឆេះយ៉ាងសន្ធោសន្ធៅ កាលពីវេលាម៉ោង១១យប់ថ្ងៃទី២២ ខែវិច្ឆិកា ឆ្នាំ២០២០ នៅត្រង់ចំណុចលេីស្ពានបាក់ ទល់មុខស្ថានីយ៍ទូរទស្សន៍ប៉ុស្ដិ៍លេខ៥ តាមបណ្តោយផ្លូវជាតិលេខ២ ក្នុងសង្កាត់ព្រែកកំពឹស ខណ្ឌដង្កោ រាជធានីភ្នំពេញ។ តាមប្រភពព័ត៍មានពីកន្លែងកេីតហេតុបានឲ្យដឹងថា មុនពេលកេីតហេតុ មានរថយន្តម៉ាក Toyota Prius មួយគ្រឿងមិនចាំស្លាកលេខ បេីកបរដោយបុរសម្នាក់ស្ថិតក្នុងអាការៈស្រវឹងស្រា ធ្វេីដំណេីរតាមបណ្ដោយផ្លូវ ជាតិលេខ២ ទិសដៅពីកេីតទៅលិច ក្នុងល្បឿនលឿន ខណៈមកដល់ចំណុចលេីស្ពានដែលជាកន្លែងកេីតហេតុ ស្រាប់តែរេចង្កូតជ្រុលទៅបុកបង្កាន់ដៃស្ពានបណ្តាលឲ្យរថយន្តក្រឡាប់ផ្ងារជើងតែម្តង។ ក្នុងទិដ្ឋភាពនៃគ្រោះថ្នាក់ចរាចរណ៍ខាងលេី ប្រជាពលរដ្ឋជាច្រេីនបាននាំគ្នាទៅជួយទាញតៃកុងចេញពីរថយន្តបង្ក ហេីយមួយសន្ទុះក្រោយមក រថយន្តបង្កក៏កេីតមានភ្លេីងឆាបឆេះយ៉ាងសន្ធោសន្ធៅតែម្ដង ទេីបរាយការណ៍ជូនទៅសមត្ថកិច្ចឲ្យជួយអន្តរាគមន៍ តែគួរឲ្យសោកស្ដាយ បំផុត រថយន្តខាងលេីត្រូវបានអគ្គិភ័យលេបត្របាក់សល់តែគ្រោងឆ្អឹង ទៅហេីយ បេីទោះបីជារថយន្តពន្លត់អគ្គិភ័យបានបាញ់ទឹកអស់១គ្រឿងក៏ដោយ ៕ ដោយ៖ ជីម ភារ៉ា

ភ្នំពេញ៖ បុរសម្នាក់បានរងរបួសធ្ងន់ហេីយត្រូវរថយន្តសាមុយដឹកយកទៅសង្គ្រោះនៅឯមន្ទីពេទ្យឯកជនភ្លាមៗ និងនារីម្នាក់ទៀតរងរបួសស្រាល បន្ទាប់ពីជួបគ្រោះថ្នាក់ចរាចរណ៍រវាងម៉ូតូបុកជាមួយម៉ូតូនៅមុខផ្សារស្ទឹងមានជ័យចាស់ តាមបណ្ដោយផ្លូវ២១៧ ក្នុងសង្កាត់ស្ទឹងមានជ័យទី២ ខណ្ឌមានជ័យ នាវេលាម៉ោង១ និង៥០នាទីរំលងអធ្រាត្រ ឈានចូលថ្ងៃទី ២៣ ខែវិច្ឆិកា ឆ្នាំ ២០២០ ។ តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុ នារីម្នាក់បានជិះម៉ូតូមួយគ្រឿងម៉ាក ហុងដាធូដេ ពណ៌ក្រហម ពាក់ស្លាកលេខភ្នំពេញ 1CW-7276 ធ្វេីដំណេីរតាមបណ្ដោយផ្លូវ២១៧ ទិសដៅពីកេីតមកលិច ខណៈមកដល់ចំណុចកេីតហេតុក៏បានបត់ឆ្លងផ្លូវទៅទិសខាងត្បូង តែឆ្លងបានពាក់កណ្ដាលផ្លូវក៏ត្រូវបុរសម្នាក់ជិះម៉ូតូមួយគ្រឿងម៉ាក ហុងដាឌ្រីម ស៊េរីឆ្នាំ២០១០ ពណ៌ខ្មៅ ពាក់ស្លាកលេខ តាកែវ 1H-1371 ធ្វេីដំណេីរតឆមបណ្ដោយផ្លូវ២១៧ ទិសដៅពីលិចទៅកេីតក្នុងល្បឿនយ៉ាងលឿន ហេីយក៏បុកម៉ូតូធូដេ កំពុងឆ្លងផ្លូវពេញទំហឹង បណ្ដាលឲ្យបុរសម្នាក់ភាគីខាងម៉ូតូហុងដាឌ្រីម ដួលអូសជិត១០ម៉ែត្ររងរបួសធ្ងន់ រីឯនារីម្នាក់ភាគីខាងម៉ូតូធូដេ រងរបួសស្រាល ។ ក្រោយកេីតហេតុ បុរសម្នាក់ដែលរងរបួសធ្ងន់ត្រូវបានរថយន្តសង្គ្រោះបន្ទាន់របស់មន្ទីពេទ្យឯកជនដឹកយកទៅសង្គ្រោះភ្លាមៗ ។ បន្ទាប់មកសមត្ថកិច្ចប៉ុស្ដិ៍នគរបាលរដ្ឋបាលស្ទឹងមានជ័យទី២ បានចុះមក ដល់ រួចទាក់ទងទៅជំនាញចរាចរណ៍ខណ្ឌមានជ័យ ឲ្យមកធ្វេីការវាស់វែងយកម៉ូតូទាំងពីរគ្រឿងទៅរក្សាទុកនៅអធិការដ្ឋាននគរបាលខណ្ឌមានជ័យ ជាបណ្ដោះអាសន្ន រង់ចាំភាគីទាំងពីរចូលខ្លួនដោះស្រាលនាពេលក្រោយ ៕ ដោយ៖ ជីម ភារ៉ា

ភ្នំពេញ ៖ រថយន្តម៉ាក Toyota Tundra មួយគ្រឿងបេីកបរដោយបុរសម្នាក់ជាជនជាតិចិនបានបំពានភ្លេីងស្ទុប ក៏ត្រូវបុរសម្នាក់ជាជនជាតិខ្មែរបេីកម៉ូតូកង់បីបុកពីចហៀងពេញទំហឹង បណ្ដាលឲ្យរងការខូចខាត បង្កការភ្ញាក់ផ្អេីលដល់ប្រជាពលរដ្ឋ កាលពីវេលាម៉ោង១២រំលងអធ្រាត្រ ឈានចូលថ្ងៃទី ២៣ ខែវិច្ឆិកា ឆ្នាំ ២០២០ នៅតាមបណ្ដោយផ្លូវ១០៥ កែងផ្លូវម៉ៅសេទុង ក្នុងសង្កាត់បឹងត្របែក ខណ្ឌចំការមន ។ បេីតាមសម្ដីបុរសម្នាក់ដែលជាម្ចាស់កង់បី ពណ៌ស ពាក់ស្លាកលេខ ព្រៃវែង 1.O-0702 ដែលជាជនរងគ្រោះបានប្រាប់ឲ្យដឹងថា មុនពេលកេីតហេតុរូបគាត់បានធ្វេីដំណេីរតាមបណ្ដោយផ្លូវម៉ៅសេទុង ទិសដៅពីលិចមកកេីតក្នុងល្បឿនលឿនល្មម ខណៈមកដល់ចំណុចកេីតហេតុក៏បានបេីកឆ្លងស្ទុបអថិភាពរបស់ខ្លួន តែមិនទាន់ និងឆ្លងផងស្រាប់តែមានរថយន្តម៉ាក Toyota Tundra ពណ៌ស្ក ពាក់ស្លាកលេខភ្នំពេញ 2AI-7848 ដែលបេីកបរដោយបុរសម្នាក់ជាជនជាតិចិន បានធ្វេីដំណេីរតាមបណ្ដោយផ្លូវ១០៥ ទិសដៅពីជេីងមកត្បូងក្នុងល្បឿនលឿន និងបានបំពានភ្លេីងស្ទុបកាត់ពីមុខកង់បីរបស់បុរសខាងលេី ធ្វេីឲ្យម្ចាស់កង់បីចាប់ហ្វាំងមិនទាន់បុកពីចហៀងពេញទំហឹង បណ្ដាលឲ្យរងការខូចខាតទាំងសងខាង តែគ្មានអ្នករបួសធ្ងន់ធ្ងរនោះទេ។ ក្រោយកេីតហេតុ សមត្ថកិច្ចមូលដ្ឋានបានចុះមកដល់ភ្លាមៗ ហេីយភាគីខាងរថយន្តធុនត្រាមិនបានបេីកគេចទៅណានោះដែរ ដោយបានទាក់ទងឲ្យដំណាងរបស់ខ្លួនចេះភាសាចិនមកសម្របសម្រួលជាមួយភាគីម្ចាស់កង់បី ដោយភាគីរថយន្តធុនត្រា ព្រមសងថ្លៃខូចខាតទៅលេីភាគីកងបីចំនួន350$ ដេីម្បីបញ្ចប់រឿងនៅនឹងកន្លែងតែម្ដង ៕ ដោយ ៖ ជីម ភារ៉ា