ខេត្តស្វាយរៀង៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញជួបសំណេះសំណាលជាមួយមន្រ្តីរាជការ និងប្រជាពលរដ្ឋ នៅច្រកព្រំដែនអន្តរជាតិព្រៃវល្លិ៍ ស្ថិតក្នុងស្រុកកំពង់រោទិ៍ ខេត្តស្វាយរៀង នាព្រឹក ថ្ងៃពុធ ៤រោច ខែកត្តិក ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី៤ ខែវិច្ឆិកា ឆ្នាំ២០២០ ។ ឆ្លៀតក្នុងឱកាសនោះ លោកជំទាវក៏បានផ្តាំផ្ញើរឲ្យមន្ត្រីរាជការ ក៏ដូចជាប្រជាពលរដ្ឋ ជាពិសេស ប្រជាពលរដ្ឋដែលប្រកបមុខរបរដឹកទំនិញឆ្លងកាត់ព្រំដែន ត្រូវយកចិត្តទុក្ខដាក់ និងប្រុងប្រយ័ត្នខ្ពស់ក្នុងការអនុវត្តនូវវិធានការណ៍របស់ក្រសួងសុខាភិបាលក្នុងការទប់ស្កាត់នូវជម្ងឺកូវីដ១៩ ខណៈដែលពិភពលោកបាននឹងកំពុងប្រឈមមុខនឹងការឆ្លងរីករាលដាលយ៉ាងខ្លាំង និងពុំទាន់មានវ៉ាក់សាំងជាផ្លូវការសម្រាប់ព្យាបាលនៅឡើយនោះទេ។ ម៉្យាងទៀតត្រូវធ្វើជាមន្រ្តីស្មោះត្រង់ក្នុងការមប្រើសេវាសាធារណៈឲ្យបានល្អជូនប្រជាពលរដ្ឋ ជូនដល់ភ្ញៀវជាតិ និងភ្ញៀវអន្តរជាតិ ដែលបានធ្វើដំណើរឆ្លងកាត់តាមច្រកព្រំដែនអន្តរជាតិព្រែវល្លិ៍ (នៅពេលដែលឆ្លងព្រំដែនបើកឲ្យដំណើរការជាធម្មតាឡើងវិញ)៕

ភ្នំពេញ៖ នៅព្រឹកថ្ងៃទី០៤ ខែវិច្ឆិកា ឆ្នាំ២០២០ នៅទីស្តីការក្រសួងសេដ្ឋកិច្ច និងហិរញ្ញវត្ថុ មានរៀបចំកិច្ចប្រជុំអន្តរក្រសួង ដើម្បីវាយតម្លៃលើផលប៉ះពាល់ និងពិភាក្សាលើគោលការណ៍ និងនីតិវិធីសម្រាប់អនុវត្តន៍គម្រោងស្តារឡើងវិញនូវហេដ្ឋារចនាសម្ព័ន្ធផ្លូវថ្នល់ និងប្រព័ន្ធធារាសាស្រ្ត ដែលរងខូចខាតដោយសារជំនន់ទឹកភ្លៀងឆ្នាំ២០២០។ កិច្ចប្រជុំនេះ ដឹកនាំដោយឯកឧត្តម វង្សី វិស្សុត រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ ដោយមានការចូលរួមពីសំណាក់ឯកឧត្តម លឹម គានហោ រដ្ឋមន្រ្តីក្រសួងធនធានទឹក និងឧតុនិយម និងឯកឧត្តមតំណាងក្រសួងក្រសួងសាធារណការ និងដឹកជញ្ជូន និងក្រសួងអភិវឌ្ឍន៍ជនបទ ព្រមទាំងមន្រ្តីជំនាញពាក់ព័ន្ធ។ ឯកឧត្តមរដ្ឋមន្រ្តីប្រតិភូ វង្សី វិស្សុត មានប្រសាសន៍ថា ដោយផ្អែកលើស្ថានភាពនៃការរងខូចខាតដោយទឹកជំនន់ទឹកភ្លៀងឆ្នាំ២០២០ រាជរដ្ឋាភិបាលបានផ្តល់នូវអាទិភាពខ្ពស់បំផុតលើ៖ (ទី១).ការជួយសង្គ្រោះបន្ទាន់ដល់ប្រជាជនដែលទទួលរងផលប៉ះពាល់ពីគ្រោះពីទឹកជំនន់ (ទី២).ការជួសជុលឡើងវិញជាបន្ទាន់នូវហេដ្ឋារចនាសម្ព័ន្ធដែលរងការខូតខាតខ្លាំង ដើម្បីធ្វើប្រក្រតីកម្មនូវជីវភាពរស់នៅរបស់ប្រជាជនមិនឱ្យមានការប៉ះពាល់ និង (ទី៣).ការរៀបចំគម្រោងស្តារឡើងវិញលើហេដ្ឋារចនាសម្ព័ន្ធផ្លូវថ្នល់, ប្រព័ន្ធធារាសាស្រ្ត និងប្រព័ន្ធស្រោចស្រព ដោយគិតគូរការបញ្ចូលជាបណ្តើរៗនូវសមាសភាពការប្រែប្រួលអាកាសធាតុ (Climate Change) ឬទស្សនាទានហេដ្ឋារចនាសម្ព័ន្ធបៃតង (Green Infrastructure) ដែលបានអនុវត្តកន្លងមកជាមួយដៃគូអភិវឌ្ឍន៍ ដើម្បីពង្រឹងភាពធន់ទៅនឹងការប្រែប្រួលអាកាសធាតុ (Resiliency) និងបញ្ចៀសផលប៉ះពាល់ផ្សេងៗនាពេលអនាគត។ ទន្ទឹមនេះ ឯកឧត្តម វង្សី…

ខេត្តកំពង់ឆ្នាំង៖ នៅថ្ងៃទី៤ វិច្ឆុកា២០២០នេះ ឯកឧត្តម វ៉េង សាខុន រដ្ឋមន្រ្តីកសិកម្ម រុក្ខាប្រមាញ់ និងនេសាទ អញ្ជើញចុះពិនិត្យផលប៉ះពាល់ដំណាំស្រូវដោយសារទឹកជំនន់ ស្ថិតនៅក្នុងក្រុងកំពង់ឆ្នាំង ខេត្តកំពង់ឆ្នាំង។  នៅក្នុងឱកាសដែលឯកឧត្តមរដ្ឋមន្រ្តីកសិកម្ម រុក្ខាប្រមាញ់ និងនេសាទ បានធ្វើការណែនាំឲ្យមន្ទីរកសិកម្មរុក្ខាប្រមាញ់ និងនេសាទខេត្តកំពង់ឆ្នាំង ត្រូវចុះពិនិត្យ និងវាយតម្លៃឲ្យបានច្បាស់ និងទាន់ពេលវេលា ដើម្បីរៀបចំកម្មវិធីចុះអន្តរាគមន៍ចែកពូជស្រូវជូនដល់គ្រួសារដែលរងគ្រោះឲ្យបានឆាប់តាមដែលអាចធ្វើទៅបាន ដើម្បីចាប់ផ្តើម ស្តារផលិតកម្មស្រូវឡើងវិញក្រោយពេលទឹកជំនន់រួច។ បើយោងតាមការរបាយការណ៍របស់ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង លោក ហិនហ៊ុន បានឲ្យដឹងថា៖ ទឹកជំនន់ឆ្នាំនេះបានធ្វើឲ្យប៉ះពាល់ដល់ដំណាំស្រូវប្រមាណ: ១ ៣៨៣ ហិចតា និងផ្ទៃដីដែលរងការខូចខាតចំនួន ៩២៨ហិចតា នៅក្នុង ៥ស្រុក និងក្នុងក្រុងកំពង់ឆ្នាំង។ លោកបានបញ្ជាក់ឲ្យដឹងទៀតថា៖ បច្ចុប្បន្នមន្ទីរកំពុងចុះស្រង់តួលេខចំនួនគ្រួសាររងគ្រោះ បន្ទាប់មករាយការណ៍ជូនក្រសួង និងលើកសំណើសុំពូជស្រូវយកមកចែកចាយជូនពួកគាត់ដើម្បីស្តារឡើងវិញនៅដំណាំស្រូវ៕ ដោយ ៖ សុក្ខារិន

ភ្នំពេញ៖ នៅរសៀលថ្ងៃទី៣ ខែវិច្ឆិកា ឆ្នាំ២០២០ ឯកឧត្ដមនាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិបានមានប្រសាសន៍ប្រាប់ព័ត៌មានយើងថាបន្ទាប់ពីទទួលបានសេចក្ដីរាយការណ៍ អំពីករណីក្រុមហ៊ុនស៊ីននីវទទួលបានអាជ្ញាប័ណ្ណធ្វើអាជីវកម្មឆ្នោតឡូតូហេីយបំប្លែងជាល្បែងស៊ីសងតាមអនឡាញ Kenoonlineរួចមកឯកឧត្តមនាយឧត្ដមសេនីយ៍អគ្គស្នងការនគរបាលជាតិបានបញ្ជាឲ្យនាយកដ្ឋានជំនាញចុះស្រាវជ្រាវដេីម្បីមានចាត់វិធានការ តាមច្បាប់ដោយមិនលេីកលែងឡេីយ។ ឯកឧត្តមឧត្ដមសេនីយ៍ឯក សៀង សេង ប្រធាននាយកដ្ឋានប្រឆាំងបទល្មើសល្បែងពាណិជ្ជកម្មបានឲ្យដឹងដែរថា ឯកឧត្តមបានទទួលបទបញ្ជាដ៏ម៉ឺងម៉ាត់ពីឯកឧត្ដមនាយឧត្ដមសេនីយ៍អគ្គស្នងការនគរបាលជាតិរួចហេីយនៅរសៀលថ្ងៃនេះ ដេីម្បីដឹកនាំកម្លាំងស្រាវជ្រាវករណីក្រុមហ៊ុនស៊ីននីវដែលប្រជាពលរដ្ឋរាយការណ៍ថាបាននឹងកំពុងបេីកល្បែងស៊ីសងតាមអនឡាញ KenoOnline ជ្រកក្រោមស្លាកឆ្នោតឡូតូ។ ឯកឧត្ដមឧត្ដមសេនីយ៍ឯកបានបន្ថែមថាបេីក្នុងករណីសមត្ថកិច្ច របស់លោកស្រាវជ្រាវរកឃើញការពិតដូចប្រជាពលរដ្ឋរាយការណ៍ ឯកឧត្ដមឧត្ដមសេនីយ៍ឯកនឹងចាត់ការតាមច្បាប់តែម្ដង។ គួរបញ្ជាក់ថាករណីក្រុមហ៊ុនស៊ីននីវដែលទទួលបានអាជ្ញាប័ណ្ណពីរាជរដ្ឋាភិបាល និងក្រសួងសេដ្ឋកិច្ច និងហិរញ្ញវត្ថុឲ្យធ្វេីអាជីវកម្មឆ្នោតឡូតូត្រូវបានប្រជាពលរដ្ឋរាយការណ៍ថាក្រុមហ៊ុននេះបានបំប្លែងឆ្នោតឡូតូទៅជាល្បែងស៊ីសង តាមអនឡាញបង្វក់ប្រជាពលរដ្ឋទូទាំងប្រទេសដោយគ្មានខ្លាចសមត្ថកិច្ចអ្វីទាំងអស់។ ជាពិសេសក្រុមហ៊ុនបានដាក់តាម ទូរទស្សន៍ តាមហាងនានាជាសាធារណៈថែមទៀតផង។ ពាក់ព័ន្ធនឹងការចោទប្រកាន់នេះ តំណាងក្រុមហ៊ុនស៊ីននីវមួយរូបបានឲ្យដឹងថាក្រុមហ៊ុនរបស់លោកពិតជាទទួលបានអាជ្ញាប័ណ្ណពីរាជរដ្ឋាភិបាល និងក្រសួងសេដ្ឋកិច្ច និងហិរញ្ញវត្ថុឲ្យធ្វេីអាជីវកម្មឆ្នោតឡូតូមែនតែមិនបានបេីកល្បែងស៊ីសងតាមអនឡាញនោះទេ។ ទោះជាយ៉ាងណាក្ដីមន្ត្រីក្រសួងសេដ្ឋកិច្ច និងហិរញ្ញវត្ថុមួយរូបបានង្ហេីបឲ្យដឹងថាអាជ្ញាប័ណ្ណរបស់ក្រុមហ៊ុនស៊ីននីវបានហួសសុពលភាពហេីយហេីយក្រុមហ៊ុននេះ នៅតែលួចលាក់ធ្វើអាជីវកម្មដោយមិនរាយការណ៍ជូនក្រសួងនោះទេ។ ពាក់ព័ន្ធនឹងការបំពានរបស់ក្រុមហ៊ុននេះក្រសួងកំពុងចាត់ការតាមនីតិវិធីផងដែរ ដោយពិន័យក្រុមហ៊ុនតាមច្បាប់កំណត់។ចំពោះព័ត៌មានដែលថាក្រុមហ៊ុននេះបានបំប្លែងឆ្នោតឡូតូទៅជាល្បែងស៊ីសងតាមអនឡាញ បង្វក់ប្រជាពលរដ្ឋទូទាំងប្រទេសនោះបេីសមត្ថកិច្ចស្រាវជាវរកឃើញក្រុមហ៊ុននេះអាចប្រឈមមុខ ចំពោះផ្លូវច្បាប់ផង និងអាចដកអាជ្ញាប័ណ្ណវិញផងដែរ។ យេីងខ្ញុំសូមគាំទ្រចំណាត់ការរបស់ឯកឧត្តមនាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិដែលបានដាក់បទបញ្ជាដ៏ម៉ឺងម៉ាត់ចាត់ការតាមច្បាប់ចំពោះករណីនេះ៕

ខេត្តព្រះវិហារ៖ អភិបាលខេត្តព្រះវិហារ លោក ប្រាក់ សុវណ្ណ បានប្រកាសទទួលស្គាល់ និងចែកវិញ្ញាបនបត្រ សម្គាល់ម្ចាស់អចលនវត្ថុ លើការចុះបព្ជីាដីធ្លី មានលក្ខណៈជាប្រព័ន្ធ ជូនប្រជាពលរដ្ឋ ៥៨៣គ្រួសារ ស្មើនឹង ១២០០ក្បាលដី លើទំហំផ្ទៃដីសរុបជាង ១ម៉ឺន ២ពាន់ហិចតា ដែលបានធ្វើឡើងកាលពីថ្ងៃទី៣ វិច្ឆិកា ឆ្នាំ២០២០ នៅក្នុងបរិវេណសាលាស្រុកឆែប ខេត្តព្រះវិហារ។ ប្រធានមន្ទីររៀបចំដែនដី នគរូបនីយកម្ម សំណង់ និងសូរិយោដីខេត្តព្រះវិហារ លោក សំ សារឿន បានថ្លែងថា នៅក្នុងតំបន់វិនិច្ឆ័យដែលស្ថិតនៅក្នុងឃុំឆែប១ ស្រុកឆែបនេះ មានភូមិចំនួន ២ ក្នុងនោះភូមិឆែបកើត ជាភូមិទី១ ដែលក្រុមការងារបានចុះអនុវត្តន៍តាមនិតីវិធី ទៅតាមដំណាក់កាលនីមួយ‌ៗ ចាប់តាំងពីថ្ងៃទី២៨ មករា ឆ្នាំ២០២០ រហូតដល់ថ្ងៃចែកវិញ្ញាបនបត្រ សម្គាល់ម្ចាស់អចលនវត្ថុ ជូនបងប្អូនប្រជាពលរដ្ឋនៅក្នុងពេលនេះ ក្រុមការងារសម្រេចបានលទ្ធផល ដោយបានវាស់វែង និងចុះបញ្ជីដីធ្លី មានចំនួន ១ពាន់ ២០០ក្បាលដី ស្មើនឹងផ្ទៃដីទំហំ ១ម៉ឺន ២ពាន់ ៤០,៧៩ «១២,០៤០,៧៩»…

ភ្នំពេញ៖ ថ្ងៃអង្គារ ៣រោច ខែកត្តិក ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៣ ខែវិច្ឆិកា ឆ្នាំ២០២០ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន តំណាងដ៏ខ្ពង់ខ្ពស់សម្តេចអគ្គ មហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីប្រគល់-ទទួលម៉ាស៊ីនផលិតទឹកបរិសុទ្ធដោយបរិយាកាស-WATERGEN (ប្រភេទ GEN-M) ដែល ជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ជូនមន្ទីរពេទ្យមិត្តភាពខ្មែ-សូវៀត ដោយមានការអញ្ជើញចូលរួមពី មន្ត្រីជាន់ខ្ពស់ក្រសួង លោកសាស្ត្រាចារ្យ ងី  ម៉ែង នាយកមន្ទីរពេទ្យខ្មែរ-សូវៀត និងបុគ្គលិក មន្ត្រីរាជការ ក្រោមឱវាទមន្ទីរពេទ្យផងដែរ។ ថ្លែងក្នុងពិធីប្រគល់-ទទួលនាឱកាសនោះ ឯកឧត្តមទេសរដ្ឋមន្ត្រីបានគូសបញ្ជាក់អំពីលក្ខណៈពិសេស ម៉ាស៊ីនផលិតទឹកបរិសុទ្ធដោយបរិយាកាសធម្មជាតិ-WATERGEN (ប្រភេទ GEN-M) ជាបច្ចេកវិទ្យា មកពីប្រទេសអ៊ីស្រាអែល មានសមត្ថភាពអាចផលិតទឹកបរិសុទ្ធដោយស្វ័យប្រវត្តិពីខ្យល់ក្នុងបរិយាកាស បានប្រមាណ៨០០លីត្រក្នុងមួយថ្ងៃ ដោយមិនចាំបាច់តភ្ជាប់ជាមួយប្រភពទឹកទុយោ និងអាចផ្គត់ផ្គង់ទឹក ប្រកបដោយគុណភាព សុវត្ថិភាពខ្ពស់ និងកាត់បន្ថយផលប៉ះពាល់បរិស្ថានផ្សេងៗថែមទៀតផង។…

ខេត្តស្ទឹងត្រែង៖ អភិបាលខេត្តស្ទឹងត្រែង លោក ម៉ុម សារឿន ,ប្រធានក្រុមប្រឹក្សាខេត្ត លោក ឈាង ឡាក់ បានដឹកនាំមន្ត្រីក្រោមឱវាទ នាំយកអំណោយ សម្តេចតេជោ សែន នាយករដ្ឋមន្ត្រី និងសម្តេចកិត្ដិព្រឹទ្ធបណ្ឌិត ប៊ុន រានី ហ៊ុនសែន ប្រធានកាកបាទក្រហមកម្ពុជា ទៅឧបត្ថម្ភប្រជាពលរដ្ឋ ៤០២គ្រួសារ ស្ថិតនៅក្នុងឃុំ ២ គឺឃុំចំការលើ និងឃុំអន្លង់ភេ ស្រុកថាឡាបរិវ៉ាត់ នៅថ្ងៃទី៣វិច្ឆិកាឆ្នាំ២០២០នេះ។ លោក ម៉ុម សារឿន បានមានប្រសាសន៍ថា អំណោយដែលបាននាំយកមកផ្តល់ជូន បងប្អូនប្រជាពលរដ្ឋ ដែលរងគ្រោះដោយជំនន់ទឹកភ្លៀង នាពេលនេះ គឺជាអំណោយដ៏ថ្លៃថ្លារបស់ សម្តេចតេជោ ហ៊ុន សែន និងសម្តេចកិត្ដិព្រឹទ្ធបណ្ឌិត ប៊ុន រានី ហ៊ុនសែន ដែលជានិច្ចកាលសម្តេចទាំងទ្វេ រួមទាំងថ្នាក់ដឹកនាំរាជរដ្ឋាភិបាល តែងតែយកចិត្តទុកដាក់ គិតគូរពីសុខទុក្ខ របស់បងប្អូនប្រជាពលរដ្ឋនៅគ្រប់ទីកន្លែង ជាពិសេស ប្រជាពលរដ្ឋដែលរងគ្រោះដោយគ្រោះធម្មជាតិ ស្រ្តីមេម៉ាយ ជនពិការ ចាស់ជរា និងប្រជាពលរដ្ឋទីទ័លក្រីក្រ ដែលកំពុងជួបប្រទះការលំបាក…