ខេត្តស្ទឹងត្រែង៖ ប្រសាសន៍របស់ អភិបាលខេត្តស្ទឹងត្រែង លោក ម៉ុម សារឿន បានធ្វើឡើងនៅក្នុងកិច្ចប្រជុំត្រួតពិនិត្យវឌ្ឍនភាពការងារ ប្រចាំខែតុលាឆ្នាំ២០២០ និងលើកទិសដៅភារកិច្ចបន្ត ដើម្បីពង្រឹងការអនុវត្តការងារ ឲ្យកាន់តែមានប្រសិទ្ធិភាព ទៅតាមផែនការយុទ្ធសាស្ត្រ ដែលបានកំណត់ សម្រាប់អភិវឌ្ឍន៍ខេត្តស្ទឹងត្រែង ឲ្យកាន់តែមានការរីកចម្រើន កាលពីថ្ងៃទី២ វិច្ឆិកាឆ្នាំ២០២០ នៅសាលាខេត្តស្ទឹងត្រែង។ លោក ម៉ុម សារឿន បានមានប្រសាសន៍ វាយតម្លៃខ្ពស់ចំពោះកិច្ចខិតខំប្រឹងប្រែង របស់កងកម្លាំងប្រដាប់អាវុធគ្រប់ប្រភេទ មន្ទីរជំនាញ អង្គភាពក្រុងស្រុក និងមន្ត្រីរាជការទាំងអស់ ដែលបានខិតខំប្រឹង អស់កម្លាំងកាយចិត្ត ក្នុងកាអនុវត្តការងារ សហការគ្នាយ៉ាងសកម្ម ក្នុងការចូលរួមអភិវឌ្ឍន៍ខេត្ត និងចូលរួមអនុវត្តន៍ នូវគោលនយោបាយរបស់ រាជរដ្ឋាភិបាល ដែលនាំឲ្យខេត្តស្ទឹងត្រែង មានសន្តិសុខ សណ្តាប់ធ្នាប់ និងការរីកចម្រើនជាបន្តបន្ទាប់ នៅក្នុងរយៈពេលកន្លងមកនេះ។ លោកអភិបាលខេត្ត មានប្រសាសន៍ទៀតថា រដ្ឋបាលខេត្តស្ទឹងត្រែង បានប្រឹងប្រែងយ៉ាងខ្លាំងក្នុងដាក់ទិសដៅអភិវឌ្ឍន៍ ឲ្យស្របនឹងគោលនយោបាយរបស់ រាជរដ្ឋាភិបាល ជាពិសេស ការកសាងហេដ្ឋារចនាសម្ព័ន្ធ ផ្លូវ ស្ពាន ដែលជាចរន្តដង្ហើមសេដ្ឋកិច្ចរបស់ជាតិ និងប្រជាពលរដ្ឋ ព្រមទាំងបានអនុវត្តន៍យ៉ាងម៉ឺងម៉ាត់ ចំពោះសេចក្តីណែនាំរបស់ថ្នាក់ជាតិក្នុងការទប់ស្កាត់មិនឲ្យមានការរីករាលដាល់ នូវជំងឺកូវីដ១៩…

ខេត្តត្បូងឃ្មុំ៖ ឯកឧត្តម អ៊ាង សុផល្លែត រដ្ឋលេខាធិការក្រសួងបរិស្ថាន និងជាប្រធានក្រុមការងាររាជរដ្ឋាភិបាចុះមូលដ្ឋានស្រុកអូរាំងឪ ខេត្តត្បូងឃ្មុំ អមដំណើរដោយឯកឧត្តម សូ ខនឬទ្ធីគុណ រដ្ឋលេខាធិការក្រសួងបរិស្ថាន ឯកឧត្តម រ័ត្ន វិរៈ អនុរដ្ឋលេខាធិកា និងជាអនុប្រធានក្រុមការងាររាជរដ្ឋាភិបាចុះមូលដ្ឋានស្រុកអូរាំងឪ និងថ្នាក់ដឹកនាំ និងសមាជិកក្រុមការងាររាជរដ្ឋាភិបាលចុះមូលដ្ឋានស្រុកអូររាំងឪ រដ្ឋបាលស្រុក អាជ្ញាធរមូលដ្ឋាន និងសមត្ថកិច្ចមួយចំនួន នារសៀលថ្ងៃចន្ទ ២រោច ខែកត្តិក ឆ្នាំជូតទោស័ក ព.ស. ២៥៦៤ ត្រូវនឹងថ្ងៃទី២ ខែវិច្ឆិកា ឆ្នាំ២០២០ បានដឹកនាំក្រុមការងាររាជរដ្ឋាភិបាលចុះមូលដ្ឋានស្រុក ចុះពិនិត្យជាក់ស្ដែងស្ថានភាពដំណាំស្រូវប្រជាពលរដ្ឋដែលបានរងផលប៉ះពាល់ និងខូចខាតដោយទឹកជំនន់ ស្ថិតនៅឃុំចំនួន៣ គឺឃុំអំពិលតាពក ឃុំមៀន និងឃុំព្រះធាតុ នៃស្រុកអូររាំងឪ ខេត្តត្បូងឃ្មុំ។ ឯកឧត្តម ឯកឧត្តម អ៊ាង សុផល្លែត មានប្រសាសន៍ថាការចុះពិនិត្យស្ថានភាពជីវភាព និងដំណាំស្រូវប្រជាពលរដ្ឋនៅពេលនេះ មានគោលបំណងដើម្បីក្រុមការងារនឹងពិនិត្យទំហំខូចខាតដំណាំ និងស្វែងយល់ពីតម្រូវការជាក់ស្តែង និងបន្ទាន់របស់ប្រជាពលរដ្ឋ (ប្រភេទពូជស្រូវដែលគាត់ត្រូវការ) ដើម្បីដំណោះស្រាយ និងអន្តរាគមន៍ឱ្យទាន់ពេលវេលា។ សូមបញ្ជាក់ថា គណៈកម្មាធិការជាតិគ្រប់គ្រងគ្រោះមហន្តរាយ បានឱ្យដឹងក្នុងរបាយការណ៍របស់ខ្លួនថា គ្រោះទឹកជំនន់ក្នុងឆ្នាំ២០២០នេះ…

តាកែវ៖ នៅព្រឹកថ្ងៃទី៣០តុលាឆ្នាំ២០២០នេះ រដ្ឋមន្ត្រីក្រសួងអភិវឌ្ឍន៍ជនបទលោកអ៊ុក រ៉ាប៊ុន រួមដំណើរដោយ អភិបាលខេត្តតាកែវ លោកអ៊ូច ភា បានអញ្ជើញដឹកនាំក្រុមកាងារបច្ចេកទេស ចុះធ្វើការជួសជុលបន្ទាន់ផ្លូវក្រាលក្រួសក្រហម មួយខ្សែប្រវែង១ម៉ឺន១ពាន់២០០ម៉ែត្រ ដែលខូចខាតទាំងស្រុងដោយជំនន់ទឹកភ្លៀងឆ្នាំ២០២០ និងស្ពានអូសារ៉ាយប្រវែង៣០ម៉ែត្រ ដែលបាក់ស្រុតដោយសារជំនន់ទឹកភ្លៀង។ ផ្លូវនោះមានទីតាំងតភ្ជាប់ពីវត្តត្នោតជុំ ត្រង់ចំណុចភូមិត្នោតជុំទៅដល់ភូមិដំណាក់ថ្លុង ឃុំអូរសារ៉ាយ ស្រុកត្រាំកក់ ខេត្តតាកែវ។ នៅព្រឹកថ្ងៃ៣០តុលានោះផងដែរ លោករដ្ឋមន្ត្រី និងប្រតិភូរួមដំណើរ បានអញ្ជើញទៅពិនិត្យស្ថានភាពផ្លូវមួយខ្សែទៀតក្នុងគម្រោងជួសជុលបន្ទាន់មានប្រវែង១ម៉ឺន៣ពាន់៧០០ម៉ែត្រ ស្ថិតនៅក្នុងឃុំពពេល ឃុំជាងទង និងឃុំត្រពាំងធំខាងជើង ស្រុកត្រាំកក់ ដែលបានខូចខាតដោយសារជំនន់ទឹកភ្លៀងផងដែរ។ ក្នុងឱកាសនោះ លោក អ៊ុក រ៉ាប៊ុន បានគូសបញ្ជាក់ថា ស្ថានភាពជំនន់ទឹកភ្លៀងបានចាប់ផ្ដើមស្រកជាបណ្ថើរៗហើយ បានបន្សល់ទុកនូវការខូចខាត ហេដ្ឋារចនាសម្ព័ន្ធដូចជាផ្លូវ ស្ពានជាដើម។ក្រសួងអភិវឌ្ឍន៍ជនបទ កំពុងអនុវត្តយុទ្ធសាស្រ្ដ ពីរសំខាន់ៗ គឺ ទី១-ចំពោះផ្លូវ ស្ពាន ដែលខូចធ្ងន់ធ្ងរ ឬដាច់ពុំអាចចរាចតណ៍បាន ត្រូវធ្វើការកែសម្រួលបន្ទាន់ដើម្បីភ្ជាប់ចរាចរណ៍ឡើងវិញ និងទី២-ត្រូវធ្វើការសិក្សាលម្អិតដើម្បីធ្វើការជួសជុលឲ្យមានលក្ខណៈរឹងមាំប្រកបដោយគុណភាព។ តាមរបាយការណ៍របស់គណៈកម្មាធិការជាតិគ្រប់គ្រងគ្រោះមន្តរាយ ជំនន់ទឹកភ្លៀងគិតចាប់ពីថ្ងៃទី១កញ្ញាឆ្នាំ២០២០ដល់ថ្ងៃ២៧តុលាឆ្នាំ២០២០ បានធ្វើឲ្យប៉ះពាល់ផ្លូវជាតិ ផ្លូវខេត្ត ផ្លូវគ្រួសក្រហមប្រវែង៦២៧គីឡូម៉ែត្រ និងផ្លូវលំជនបទដែលរងការលិចប្រវែង១ពាន់៦៨៥គីឡូម៉ែត្រ៕

ស្វាយរៀង៖លោករស់ ឆាយសមាជិកក្រុមប្រឹក្សាខេត្តស្វាយរៀងនៅព្រឹកថ្ងៃទី៣០ ខែតុលាឆ្នាំ២០២០បានចូលរួមជួបសំណេះសំណាលនិងនាំយកអំណោយនាយឧត្តមសេនីយ៏សៅ សុខាមេបញ្ជាការកងរាជអាវុធហត្ថលើផ្ទៃប្រទេសនិងជាប្រធានក្រុមការងាររាជរដ្ឋាភិបាល ចុះជួយស្រុករមាសហែកប្រគល់ជូនប្រជាពលរដ្ឋចាស់ជរានិងមានជីវភាពខ្វះខាត១៥០គ្រួសារ ស្ថិតក្នុងភូមិត្រពាំងតាកែវ ឃុំជ្រៃធំ ស្រុករមាសហែកខេត្តស្វាយរៀង។ ពិធីនេះមានការចូលរួមពីសំណាក់លោកស៊ូ ម៉ុលអភិបាលស្រុកលោកអុិន សាបនប្រធានក្រុមប្រឹក្សាស្រុកលោកមេឃុំមន្ត្រីសាលាស្រុក និងកងកំលាំងព្រមទាំងប្រជាការពារភូមិជាច្រើននាក់ផងដែរ។ លោករស់ ឆាយសមាជិកក្រុមប្រឹក្សាខេត្តស្វាយរៀងបានផ្ដាំផ្ញើសាកសួរសុខទុក្ខ និងក្តីនឹករលឹកពីសំណាក់លោកនាយឧត្តមសេនីយ៍ សៅ សុខា ប្រធានក្រុមការងាររាជរដ្ឋាភិបាលចុះជួយស្រុករមាសហែក លោកតែងតែគិតគូរអំពីសុខទុក្ខដល់បងប្អូនប្រជាពលរដ្ឋនៅស្រុករមាសហែក ជាពិសេសប្រជាពលរដ្ឋដែលជួបការលំបាកនិងខ្វះខាត។ លោកបន្តថាដោយសារប្រទេសជាតិមានសុខសន្តិភាព ស្ថិរភាពនយោបាយ និងការអភិវឌ្ឍគ្រប់ទីកន្លែង ធ្វើឱ្យប្រជាពលរដ្ឋយើងមានឱកាសបានធ្វើដំណើរកម្សាន្ត ប្រកបរបរកស៉ីបានដោយសេរី និងធ្វើបុណ្យទានបានគ្រប់ទីកន្លែងទូទាំងប្រទេស។ លោករស់ ឆាយក៏បានអរគុណសន្តិភាព និងស្ថាបនិកសន្តិភាពសម្ដេចតេជោ ហ៊ុន សែន ដែលបានតស៊ូប្រឹងប្រែងឆ្លងកាត់គ្រប់ឧបសគ្គរាប់រយជំពូក និងបានរំដោះប្រទេសជាតិពីរបបប្រល័យពូជសាសន៍ ប៉ុល ពត ស្វែងរកសុខសន្តិភាពជូនប្រជាពលរដ្ឋ និងសង្គមជាតិ ព្រមទាំងជម្រុញការអភិវឌ្ឍប្រទេសតាំងពីចំណុចសូន្យ រហូតមានការអភិវឌ្ឍលើគ្រប់វិស័យដូចសព្វថ្ងៃនេះ។ លោកបានអំពាវនាវដល់អាជ្ញាធរគ្រប់លំដាប់ថ្នាក់ប្រជាពលរដ្ឋ សូមចូលរួមថែរក្សាសន្តិភាពទាំងអស់គ្នា និងដឹងគុណសន្តិភាព ពីព្រោះសន្តិភាពមានតម្លៃមិនអាចកាត់ថ្លៃបាន សម្រាប់មនុស្សជាតិលើពិភពលោក។ លោកបានក្រើនរម្លឹកដល់ប្រជាពលរដ្ឋទាំងអស់ មិនត្រូវធ្វេសប្រហែសអំពីជំងឺកូវីដ ១៩ ដែលជាបញ្ហាប្រឈមរួមទូទាំងសកលលោកនាពេលនេះឡើយ បើទោះបីចំនួនអ្នកឆ្លងនៅក្នុងប្រទេសយើងមានតិចក្តី តែយើងត្រូវបង្កើនការយកចិត្តទុកដាក់ខ្ពស់ និងត្រៀមទប់ស្កាត់គ្រប់ពេលវេលា ដោយត្រូវធ្វើអនាម័យសុខភាពឱ្យបានជាប្រចាំ ដើមី្បការពារអាយុជីវិតសម្រាប់ខ្លួនឯងផ្ទាល់ និងក្រុមគ្រួសារកុំឱ្យមានឆ្លងមេរោគកូវីដ១៩ នេះឱ្យសោះក្នុងការចូលរួមប្រយុទ្ធប្រឆាំងទប់ស្កាត់ជាមួយរាជរដ្ឋាភិបាលយើង…

ខេត្តកំពង់ធំ៖ អគ្គមេបញ្ជាការរង នៃកងយោធពលខេមរៈខេមរភូមិន្ទ និងជាមេបញ្ជាការកងទ័ពជើងគោក លោកឧត្តមសេនីយ៍ឯក បណ្ឌិត ហ៊ុន ម៉ាណែត បានឧបត្ថម្ភជាស្បៀងអាហារ និងថ្នាំពេទ្យដល់គ្រួសារកងទ័ព ដែលបានទទួលរងគ្រោះដោយទឹកជំនន់ តាមរយះអង្គភាពតំបន់ប្រតិបត្តិការសឹករងកំពង់ធំ ដែលមានលោកឧត្តមសេនីយ៍ទោ សោម ស៊ុន ជាមេបញ្ជាការ កាលពីថ្ងៃទី២៩តុលាឆ្នាំ២០២០។ គ្រួសារកងទ័ពដែលរងគ្រោះពីរបបទឹកទឹកជំនន់ទាំង ២០០គ្រួសារ ក្នុង១គ្រួសារៗ ទទួលបានអង្ករ២៥គីឡូក្រាម  ទឹកបរិសុទ្ធ ១កេស ទឹកស៊ីអ៊ីវ ១យួរ ថ្នាំពេទ្យ ១កញ្ចប់ និងស៊ីមកាតមិត្តហ្វូន១ ដោយមានបញ្ជូលទឹកប្រាក់ ចំនួន ២០០ដុល្លារ រួចជាស្រេច សម្រាប់ការប្រើប្រាស់ដោយឥតគិតថ្លៃ ថែមទៀតផង។ តំណាងលោកឧត្តមសេនីយ៍ឯក បណ្ឌិត ហ៊ុន ម៉ាណែត បានពាំនាំប្រសាសន៍ បណ្ឌិត ហ៊ុន ម៉ាណែត សួរសុខទុក្ខចំពោះគ្រួសារកងទ័ពទាំងអស់ បើទោះបីជាលោកជាប់បំពេញភារកិច្ច ហើយមិនបានមកដោយផ្ទាល់ តែលោកបណ្ឌិត នៅតែផ្ញើក្តីនឹករលឹក អាណិតស្រឡាញ់ និងគិតគូពីជីវភាពរស់នៅរបស់បងប្អូនជានិច្ច។ មេបញ្ជាការតំបន់ប្រតិបត្តិការសឹករងកំពង់ធំ លោកឧត្តមសេនីយ៍ទោ សោម ស៊ុន បានសម្តែងសមាណចិត្តរីករាយ និងអរគុណចំពោះ…