ភ្នំពេញៈគណៈកម្មការជំនាញនៃរដ្ឋសភាបានបើកកិច្ចប្រជុំដើម្បីពិភាក្សាពីការត្រៀមលក្ខណៈរៀបចំមហាសន្និបាតអន្តរសភាអាស៊ានដែលហៅ កាត់ថា អាយប៉ា (AIPA) លើកទី៤២ នៅខែសីហាខាងមុខនេះ ដែលប្រទេសព្រុយណេធ្វើជាម្ចាស់ផ្ទះ និងការត្រៀមធ្វើម្ចាស់ផ្ទះមហាសន្និបាតអាយប៉ាលើកទី៤៣ នៅឆ្នាំ២០២២ខាងមុខនេះ។ កិច្ចប្រជុំនេះដឹកនាំ ដោយឯកឧត្តម ជាម យៀប ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភានិងជាប្រធានក្រុម សភាជាតិ អាយប៉ា-កម្ពុជា នៅថ្ងៃទី២០ ខែឧសភានេះនាវិមានរដ្ឋសភា។ ឯកឧត្តម ឡេង ប៉េងឡុង អគ្គលេខាធិការរដ្ឋសភា និងជាអ្នកនាំពាក្យរដ្ឋសភាបានមានប្រសាសន៍ថា បច្ចុប្បន្នប្រទេសព្រុយណេ គឺជាប្រធានមហាសន្និបាតអាយប៉ាលើកទី៤២ ហើយនៅខែសីហាខាងមុខនេះ គឺជាមហាសន្និបាតរបស់ អាយប៉ា។ នៅពេលនោះ គឺកម្ពុជាត្រៀមទទួលញញួរ និងទទួលតួនាទីជាម្ចាស់ផ្ទះនៅឆ្នាំ២០២២។ ក្នុងការងារនេះ កម្ពុជាត្រៀមពិធីទទួល និងត្រៀមចូលរួមប្រជុំមហាសន្និបាតអាយប៉ា លើកទី៤២ នៅខែសីហាខាងមុខនេះ។ សូមជម្រាបថា អន្តរសភាអាស៊ាន ដែលហៅកាត់ថាអាយប៉ា(AIPA)ជាអង្គការអន្តរសភាតំណាងស្ថាប័ននីតិប្បញ្ញត្តិនៃ បណ្តាប្រទេសជាសមាជិកសមាគមប្រជាជាតិអាស៊ីអាគ្នេយ៍ (ASEAN) ដែលមាន ប្រទេសព្រុយណេ កម្ពុជា ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា សិង្ហបុរី ថៃ វៀតណាម…

ភ្នំពេញៈ ក្រសួងការបរទេស និងសហប្រតិបត្តិការអន្តរជាតិ បានរៀបចំសិក្ខាសាលាតាមប្រព័ន្ធអនឡាញក្រោម ប្រធានបទ «ច្បាប់ និងការអនុវត្តការងារប្រឆាំងការសម្អាតប្រាក់ហិរញ្ញប្បទានភេរវកម្ម និងហិរញ្ញប្បទានការរីកសាយភាយអាវុធមហាប្រល័យ » ក្រោមអធិបតីភាពរបស់ឯកឧត្តមបណ្ឌិត ញឹម ខេមរា រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ។ សិក្ខាសាលានេះ បានប្រារព្ធនៅរសៀលថ្ងៃទី២០ ខែឧសភាឆ្នាំ២០២១នេះ។ គោលបំណងនៃសិក្ខាសាលានេះ គឺដើម្បីលើកកម្ពស់ការយល់ដឹងការងារប្រឆាំងការសម្អាតប្រាក់សម្រាប់មន្រ្ដីរាជការក្រសួងការបរទេស និងសហប្រតិបត្តិការអន្តរជាតិ។ ក្នុងឱកាសនេះ វាគ្មិនមកពីក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្ថុ និងអង្គភាពស៊ើបការណ៍ហិរញ្ញវត្ថុនៃធនាគារជាតិនៃកម្ពុជា ក៏ត្រូវបានអញ្ជើញចូលរួមដើម្បីធ្វើបទបង្ហាញផងដែរ។ សេចក្ដីព្រាងច្បាប់ស្ដីពីការប្រឆាំងហិរញ្ញប្បទានដល់ការរីកសាយភាយអាវុធមហាប្រល័យ និងសេចក្ដីព្រាងច្បាប់ស្ដីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម ត្រូវបានគណៈរដ្ឋមន្ត្រីអនុម័តកាលពីថ្ងៃទី១៥ ខែឧសភា ឆ្នាំ២០២០ ហើយត្រូវបានរដ្ឋសភាបានអនុម័តកាលពីថ្ងៃទី៤ ខែមិថុនា ឆ្នាំ២០២០។ សេចក្ដីព្រាងច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្មមាន៩ជំពូក និង៤៧មាត្រា។ ចំណែកសេចក្ដីព្រាងច្បាប់ស្តីពីការប្រឆាំងហិរញ្ញប្បទានដល់ការរីកសាយភាយអាវុធមហាប្រល័យមាន ៨ជំពូក និង២៤មាត្រា។ សេចក្ដីព្រាងច្បាប់ស្ដីពីការប្រឆាំងហិរញ្ញប្បទានដល់ការរីកសាយភាយអាវុធមហាប្រល័យ ត្រូវបានរៀបចំឡើងក្នុងគោលបំណង ដើម្បីឆ្លើយតបឱ្យបានទាន់ពេលវេលា ក្នុងការអនុវត្តផែនការសកម្មភាពរបស់ក្រុមការងារហិរញ្ញវត្ថុ (FATF) ដើម្បីបំពេញនូវចំណុចខ្វះខាតជាយុទ្ធសាស្រ្តមួយចំនួនទាក់ទងនឹងមូលដ្ឋានគតិយុត្ត និងវិធានការដើម្បីអនុវត្តសេចក្តីសម្រេចចិត្តរបស់អង្គការសហប្រជាជាតិស្ដីពីការដាក់ទណ្ឌកម្មហិរញ្ញវត្ថុ តាមគោលដៅចំពោះហិរញ្ញប្បទានដល់ការរីកសាយភាយអាវុធមហាប្រល័យ។ បន្ថែមពីលើនេះ សេចក្តីព្រាងច្បាប់នេះនឹងធានាការប្រឆាំងហិរញ្ញប្បទានដល់ការរីកសាយភាយអាវុធមហាប្រល័យ ដោយកំណត់អំពីវិធានការបង្ការ ទប់ស្កាត់ បង្ក្រាប និងលុបបំបាត់ហិរញ្ញប្បទានដល់ការរីកសាយភាយអាវុធមហាប្រល័យ។…

ភ្នំពេញៈ ប្រធានក្រុមការងារអន្តរក្រសួងដើម្បីសិក្សារៀបចំលិខិតបទដ្ឋានគតិយុត្តសម្រាប់ ការគ្រប់គ្រងឧកញ៉ាការផ្តល់ គោរមងារឧកញ៉ា និងការដកហូតគោរមងារឧកញ៉ា បានស្នើសុំឲ្យក្រសួង ស្ថាប័នដែលពាក់ព័ន្ធបញ្ជូនតំណាងរបស់ខ្លួនមកចូលរួមនៅក្នុងការអនុវត្តសេចក្តីសម្រេចរបស់រាជរដ្ឋាភិបាលស្តីពីការបង្កើតក្រុមការងារអន្តរក្រសួង ដើម្បីសិក្សារៀបចំលិខិតបទដ្ឋានគតិយុត្តសម្រាប់ ការគ្រប់គ្រងឧកញ៉ា ការផ្តល់គោរមងារឧកញ៉ា និងការដកហូតគោរមងារឧកញ៉ា ដើម្បីរៀបចំដំណើរការប្រជុំ។ ឯកឧត្តម ប៊ុន ហុន រដ្ឋលេខាធិការក្រសួងមហាផ្ទៃ និងជាប្រធានក្រុមការងារអន្តរក្រសួងដើម្បីសិក្សារៀបចំលិខិតបទដ្ឋាន គតិយុត្តសម្រាប់ ការគ្រប់គ្រងឧកញ៉ា ការផ្តល់គោរមងារឧកញ៉ា និងការដកហូតគោរមងារឧកញ៉ាបានមានប្រសាសន៍ប្រាប់AMSថា បន្ទាប់ពីក្រសួងស្ថាប័នដែលមានសមាសភាពក្នុងសេចក្តីសម្រេចបញ្ជូនតំណាងរបស់ខ្លួនមក ទើបចាប់ផ្តើមប្រជុំក្រុមការងារ ហើយនឹងអនុវត្តសេចក្តីសម្រេចនេះ តាមអ្វីសេចក្តីសម្រេចកំណត់ធ្វើការស្រាវជ្រាវរៀបចំជាបទដ្ឋានគតិយុត្តណាមួយដោយរៀបចំទៅតាមសេចក្តីសម្រេច និងសុំគោលការណ៍ពីថ្នាក់ដឹកនាំរាជរដ្ឋាភិបាលដើម្បីសម្រេចបែបណាតាមការសម្រេចរបស់រាជរដ្ឋាភិបាល។ ទាក់ទងការសិក្សារៀបចំលិខិតបទដ្ឋានគតិយុត្តសម្រាប់ការគ្រប់គ្រងឧកញ៉ា ការផ្តល់គោរមងារឧកញ៉ា និងការដកហូតគោរមងារឧកញ៉ា ត្រូវបាន ឯកឧត្តម ប៊ុន ហុន បញ្ជាក់ថា ជាទូទៅបើនិយាយពាក្យថាច្បាប់ គឺធ្វើឡើងសម្រាប់គ្រប់គ្រង ហើយនឹងកំណត់អំពីសិទ្ធិកាតព្វកិច្ចដើម្បីឱ្យទទួលបានគោរមងារឧកញ៉ា។ គឺត្រូវមានលក្ខខណ្ឌបែបណាហើយនៅពេលដែលក្លាយជាឧកញ៉ាត្រូវមានសិទ្ធិកាតព្វកិច្ចបែបណា? គឺអាចកំណត់នៅក្នុងបទដ្ឋានគតិយុត្តដាក់នៅក្នុងសេចក្តីសម្រេចឲ្យក្រុមកាងារអន្តរក្រសួងរៀបចំ គឺទី១. ស្រាវជ្រាវ ទី២. រៀបចំបញ្ញត្តិ។ មានន័យថា ត្រូវធ្វើជាព្រះរាជក្រឹត្យ ឬក៏ជាអនុក្រឹត្យ ឬក៏ធ្វើជាច្បាប់ គឺទៅតាមការសម្រេចរបស់រដ្ឋាភិបាល។ រាជរដ្ឋាភិបាលកម្ពុជាបានចេញសេចក្តីសម្រេចស្តីពីការបង្កើតក្រុមការងារអន្តរក្រសួងដើម្បីសិក្សារៀបចំលិខិតបទដ្ឋានគតិយុត្តសម្រាប់ ការគ្រប់គ្រងឧកញ៉ា ការផ្តល់គោរមងារឧកញ៉ា និងការដកហូតគោរមងារឧកញ៉ា។ការចេញសេចក្តី សម្រេចនេះបានធ្វើឡើងនៅថ្ងៃទី៩ ខែមេសា ឆ្នាំ២០២១។…

ភ្នំពេញៈ នៅថ្ងៃទី២០ ខែឧសភា ឆ្នាំ២០២១នេះ ក្រសួងសុខាភិបាលបានប្រកាសរកឃើញអ្នកមានវិជ្ជមានកូវីដ១៩ថ្មី ចំនួន៤១៥នាក់ ,ជាសះស្បើយចំនួន៧៤៥នាក់ និងស្លាប់ចំនួន០៥នាក់៕