(សៀមរាប)៖ កម្លាំងចម្រុះរួមមាន តំបន់ប្រតិបត្តិការសិករង​សៀមរាប កងទ័ពពិសេសឆ័ត្រយោង ៩១១ កងពលលេខ ៧០ សហការជាមួយផ្នែករដ្ឋបាលជលផលដំដែក និងសង្កាត់រដ្ឋបាល​ជលផល​ស្រុកសូទ្រនិគម ដឹកនាំដោយលោកវរសេនីយ៍ឯក វិញ វឿន បានចុះបំពេញភារកិច្ចក្នុងការបង្ក្រាប និងទប់ស្កាត់បទល្មើសនេសាទ នៅថ្ងៃទី ២៣ ខែមេសា ឆ្នាំ ២០២៥។ ក្នុងដំណើរប្រតិបត្តិការនេះ កងកម្លាំងបានចាប់ឃាត់ឧបករណ៍ឈ្នាង​អូស​លៀសចំនួន ០១ ករណី​ នៅក្នុងដែននេសាទសហគមន៍​កំពុង​ឃ្លាំង (ចំណុចលកទល់)។ បានដកហូតក្រឡាចាប់ត្រី (រែងលៀស) ទំហំ ១.០២ សង់ទីម៉ែត្រ ចំនួន ២៣ គ្រឿង និងបានចាក់លៀស​ដែល​បានរងចាប់ ចូលបឹងទន្លេសាបវិញប្រមាណ ៥ តោន ដើម្បីថែ​រក្សាសមតុល្យប្រព័ន្ធអេកូឡូស៊ីនៃបឹង។ ប្រតិបត្តិការបែបនេះ មិនមែនជាព្រឹត្តិការណ៍លើកដំបូងនោះទេ។ គណៈកម្មការចម្រុះបានបន្តធ្វើសកម្មភាពបង្ក្រាបយ៉ាងសកម្ម ដូច​ភ្លៀងរលឹម ចាប់តាំងពីថ្ងៃទី ២៣ ខែមីនា ឆ្នាំ ២០២២ ដែលបាន​ផ្តួចផ្តើមដោយសម្តេចតេជោ ហ៊ុន សែន អតីតនាយករដ្ឋមន្ត្រីកម្ពុជា ក្នុងពិធីបិទសន្និបាតបូកសរុបការងាររបស់ក្រសួងកសិកម្ម។ ការងារ​នេះ ក៏ទទួលបានការគាំទ្រយ៉ាងពេញទំហឹងពីសម្តេចធិបតី ហ៊ុន…

(កំពង់ចាម)៖ នៅថ្ងៃទី២៣ ខែមេសា ឆ្នាំ២០២៥ ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ តាមការចង្អុលបង្ហាញពីឯកឧត្តមរដ្ឋលេខាធិការ ហាស់ សារ៉េត បានអញ្ជើញដឹកនាំមន្ទីរកសិកម្មខេត្តកំពង់ចាម អធិកាដ្ឋាន​រដ្ឋបាល​ជលផលមេគង្គ ខណ្ឌរដ្ឋបាលបាលជលផលកំពង់ចាម សហការ​ជាមួយអាជ្ញាធរស្រុកកំពង់សៀម និងអាជ្ញាធរស្រុកព្រៃឈរ ដោយ​មានការសម្របសម្រួលពី ឯកឧត្តម វង្ស ប៊ុនវិសុទ្ធ ព្រះរាជអាជ្ញានៃ​អយ្យការអមសាលាដំបូងខេត្តកំពង់ចាម ចុះបង្ក្រាបបទល្មើស​ជលផល រុះរើនិងបំផ្លាញចោលឧបករណ៍ខុសច្បាប់មួយចំនួន នៅក្នុងស្រុកព្រៃឈរ និងស្រុកំពង់សៀម ខេត្តកំពង់ចាម។ បើតាមឯកឧត្តមអនុរដ្ឋលេខាធិការ ឧបករណ៍ខុសច្បាប់ដែល រឹបអូស បាន និងបំផ្លាញចោល នៅចំណុចបឹងធំ ឃុំមៀន ស្រុកព្រៃឈរ ខេត្តកំពង់ចាម រួមមាន ឧករណ៍លូស្បៃមុងចំនួន ១២មាត់ របាំងស្បៃមុងប្រវែង ៦០០ម៉ែត្រ បង្គោលចម្រឹងចំនួន ១៨០ដើម និងចាក់លែងត្រីចម្រុះទម្ងន់ ០៦គីឡូក្រាមចូលបឹងធម្មជាតិវិញ។ ចំណែក ឧបករណ៍ខុសច្បាប់ដែលរឹបអូសបាន និងបំផ្លាញចោលនៅ​ចំណុចទំនប់ជ្រោយចេក ឃុំទ្រាន ស្រុកកំពង់សៀម ខេត្តកំពង់ចាម រួមមាន ឧករណ៍លូស្បៃមុងចំនួន ០៦មាត់…

(កំពង់ឆ្នាំង)៖ ឯកឧត្តមឧត្តមសេនីយ៍ត្រី អ៊ុ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង សហការបង្ក្រាប បទល្មើសនេសាទ ក្នុងភូមិសាស្ត្រខេត្តកំពង់ឆ្នាំង នៅថ្ងៃអង្គារ ទី២២ ខែមេសាឆ្នាំ២០២៥ ជាមួយ យោធភូមិភាគទី៥, កងពលតូចលេខ៧០និងបញ្ជាការដ្ឋានទ័ពពិសេស ៩១១សរុបចំនួន ៩៦ កាណូតបាឡាស្មាច់ ១៩គ្រឿង កាណូតលឿន ចំនួន ០១គ្រឿង ប្រើប្រាស់សាំង ៥៨៥លីត្រ ប្រេងម៉ាស៊ូត ៣០លីត្រ ចេញបង្ក្រាបបទល្មើសនេសាទ ក្នុងភូមិសាស្ត្រភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង,ឃុំពោធិ៍ ឃុំប្រឡាយមាស ស្រុកកំពង់លែង, ឃុំស្វាយជ្រុំ ស្រុករលាប្អៀរ, ភូមិសេះស្លាប់, ភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង រហូតដល់ព្រំប្រទល់ភូមិផាត់សណ្តាយ ឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ។ ក្នុងការបង្ក្រាបបទល្មើសនេសាទខាងលើនេះកម្លាំងសមត្ថកិច្ចយើងបានបំផ្លាញចោលវត្ថុតាងចំនួនចំនួន ៥ទីតាំងមាន ប្រវែង ៤០០ម៉ែត្រ.ចុះត្រួតពិនិត្យទីតាំងប្រជាពលរដ្ឋស្នើសុំហ៊ុសម្រាស់ ចំនួន៨៤កន្លែងចេញល្បាត ០២លើក (យប់០១លើក ថ្ងៃ ០១ លើក)។ ក្នុងនោះកម្លាំងសមត្ថកិច្ចយើងបានដកហូតសម្ភារៈរួមមាន ៖…

(ភ្នំពេញ)៖ គ្រួសារ២នាក់ប្តីប្រពន្ធ ត្រូវបានគេប្រទះឃើញដេកស្លាប់រួមគ្នា នៅក្រោមដើមសំរ៉ង ក្រោយពេលដែលពួកគាត់ បានកាប់ដើម្បីប្រមូលយកផ្លែទៅលក់ នៅក្នុងតំបន់ព្រៃក្នុងភូមិសាស្រ្តស្រុកបូទុមសាគរខេត្តកោះកុង។ លោកវរៈសេនីយ៍ទោ យួត ហេងប៊ុនម៉ា អធិការនគរបាលស្រុកបូទូមសាគរ ខេត្តកោះកុង បានឱ្យដឹងថា ក្រោយពីបាត់ដំណឹងជាច្រើនថ្ងៃ សាច់ញាត់មិនទទួលបានដំណឹងអ្វីនោះ ពីគ្រួសារប្តីប្រពន្ធទាំង២នាក់។ ស្រាប់តែនៅវេលាយប់ម៉ោង ៧:៥២នាទី ថ្ងៃ ថ្ងៃទី២២ ខែមេសា ឆ្នាំ២០២៥នេះ សមត្ថកិច្ច បានរកឃើញសាកសពប្តីប្រពន្ធទាំង២នាក់ ត្រូវដើមសំរ៉ងរលំសង្កត់ពីលើ នៅកន្លែងដែលពួកគាត់បានកាប់ដើមសំរ៉ងដើម្បីប្រមូលផលផ្លែវា នៅត្រង់ចំណុចភ្នំកំពង់ប្លូ ស្ថិតនៅភូមិទួលពោធិ៍ ឃុំតានូន ស្រុកបូទុមសាគរ ខេត្តកោះកុង។ ក្រោយពិនិត្យសាកសពរួច សមត្ថកិច្ច បានប្រគល់សាកសពទាំងពីរនាក់ប្រពន្ធ ជូនគ្រួសារយកទៅធ្វើបុណ្យតាមប្រពៃណីសាសនា។របាយការណ៍របស់សមត្ថកិច្ច បង្ហាញថា នៅឆ្នាំ២០២៥នេះ មានករណីកាប់ដើមសំរ៉ងហើយបណ្តាលឱ្យបាក់សង្កត់លើមនុស្សស្លាប់ចំនួន៣ករណី ស្លាប់មនុស្ស៤នាក់ នៅក្នុងខេត្តកោះកុង។ ក្រសួងបរិស្ថានសូមសំដែងការសោកស្តាយជាខ្លាំង ក្រោយទទួលដំណឹងមរណភាពរបស់ជនរងគ្រោះទាំងពីរនាក់ប្តីប្រពន្ធ ដែលទទួលមរណភាពដោសារ ឧបទ្ទវហេតុដើមឈើរលំសង្កត់នៅក្នុងព្រៃ និងសូមចូលរួមមរណទុក្ខដ៏ក្រៀមក្រំបំផុត ជាមួយក្រុមគ្រួសារជនរងគ្រោះខាងលើ។ ជាមួយគ្នានេះ ក្រសួងបរិស្ថានសូមក្រើរំលឹកបន្ថែមទៀតចំពោះករណី កាប់ដើមសំរ៉ង ជាអំពើល្មើសច្បាប់ អាចធ្វើឱ្យបាត់បង់ប្រភេទជីវៈចម្រុះ ដែលផ្តល់ប្រយោជន៍ដល់បរិស្ថាន និងតម្លៃសេដ្ឋកិច្ចមូលដ្ឋាន ដ៏សំខាន់សម្រាប់កូនចៅតទៅអនគត។ ជាថ្មីម្តងទៀត…