បន្ទាយមានជ័យ៖ កាលពីថ្ងៃទី២១ ខែមេសា ឆ្នាំ២០២៥ ឯកឧត្ដម ប្លែក វ៉ារី ប្រធានក្រុមប្រឹក្សាខេត្ត និងឯកឧត្តម អ៊ុ រាត្រី អភិបាលខេត្តបន្ទាយមាន​ជ័យ​បាន​អញ្ជើញចូលរួមរួមក្នុងពិធីបញ្ចុះបឋមសិលាសាងសង់អគាររដ្ឋបាលស្រុកព្រះនេត្រព្រះ។ ជាអគារដែលមានលក្ខណៈទំនើបនិងស្តង់ដា។ លោក ហឿន វីរៈ អភិបាលស្រុកព្រះនេត្រព្រះ បានឱ្យដឹងថា អគាររដ្ឋបាល​ស្រុកដែលនឹងចាប់ផ្តើមសាងសង់នេះមានទំហំ ៣៦ ម៉ែត្រ គុណនឹង១៤ម៉ែត្រ និងមានកម្ពស់បីជាន់។ជាអគាររដ្ឋបាលទីប្រាំមួយហើយ នៅក្នុងខេត្តបន្ទាយ​មានជ័យ។ ខេត្ត​នៅសល់​​តែ៣ក្រុង-ស្រុកប៉ុណ្ណោះមិនទាន់ទទួលបានអគារ​ដ្ឋ​បាលស្តង់ដាបែបនេះពីរាជរដ្ឋាភិបាល​តាមរយៈ​គម្រោងថវិកា​របស់​រដ្ឋបាលខេត្ត ក្នុងការបម្រើសេវាសាធារណៈជូនប្រជាពលរដ្ឋ។ ក្នុងឱកាសនេះដែរលោកអភិបាលស្រុកព្រះនេត្រព្រះ បានថ្លែងអំណរគុណ​ទៅដល់ប្រមុខរាជរដ្ឋាភិបាល ក៏ដូចជា​ក្រសួង​មហាផ្ទៃ ជាពិសេសរដ្ឋបាល​ខេត្តបន្ទាយមានជ័យ ដែលបានផ្តល់ជូនអគាររដ្ឋបាលមួយខ្នងនេះ ដើម្បីបម្រើ​សេវាសាធារណៈ​ជូនដល់ប្រជាពលរដ្ឋឱ្យបានល្អប្រសើរ ។ សូមជម្រាបថា ខេត្តបន្ទាយមានជ័យ រដ្ឋបាលក្រុង ស្រុក ដែលទទួលបាន​អគាររដ្ឋបាលស្តង់ដាមានចំនួន៦ក្រុង-ស្រុក រួមទាំងអគាររដ្ឋបាលស្រុក​ព្រះនេត្រព្រះ នេះផងដែរ។នៅសល់ក្រុង-ស្រុកចំនួនបីទៀតដែល​ពុំទាន់​ទទួលបានអគាររដ្ឋបាលថ្មី មាន ក្រុងប៉ោយប៉ែត, ស្រុកម៉ាឡៃ និងស្រុក​ស្វាយចេក ។រដ្ឋបាលខេត្ត នឹងបន្តសាងសង់ជូនដល់ក្រុង-ស្រុកទាំង៣ នៅឆ្នាំបន្តបន្ទាប់ទៀត៕ដោយ៖ឃិន គន្ធា

កំពង់ធំ៖ ឯកឧត្តម នួន ផារ័ត្ន អភិបាលខេត្តកំពង់ធំកាលពីថ្ងៃទី២១ ខែមេសា ឆ្នាំ២០២៥ រួមជាមួយម្ចាស់អំណោយ បានអញ្ជើញរួមសម្ពោធដាក់ឱ្យប្រើប្រាស់​អគារសិក្សាថ្មីចំនួនមួយខ្នង មាន៣បន្ទប់ នៅសាលាបឋមសិក្សាគគីរ ឃុំ​សាលា​វិស័យ ស្រុកប្រាសាទបល្ល័ង្ក។ អគារសិក្សានេះមានបណ្ដោយ ២៧ម៉ែត្រ ,ទទឹង ៨ម៉ែត្រ ,កម្ពស់៣ម៉ែត្រ,ដំបូល​ប្រក់ក្បឿង ដោយចំណាយថវិកាចំនួន ៤៤ ០០០ ដុល្លារអាមេរិកដែលជា​អំណោយ​របស់អង្គការសហគមន៍បឹងទន្លេសាបនៃប្រទេសបារាំង។ ក្នុងឱកាសនោះលោក ហ្សង់ ហ្វីលីព (Jean Philippe BRUN) ប្រធាន​អង្គការសហគមន៍បឹងទន្លេសាប នៃប្រទេសបារាំង​បានឱ្យដឹងថា បឹងទន្លេ​សាបជានិម្មិតរូបដ៏សំខាន់សម្រាប់ជីវភាពប្រជាជនកម្ពុជា និងជាឈ្មោះ​ដែលអង្គការយកជា​តំណាង​នៃភាពស្រលាញ់បរិស្ថាន និងជួយសង្គម។លោកបន្តថារយៈពេល១២ឆ្នាំកន្លងមកនេះ អង្គការរបស់លោកបានជួយ​សាង​សង់ និងជួសជុលសាលារៀន​ជាច្រើន​នៅ​តំបន់ជនបទ ព្រោះគោលបំណងនៃអង្គការ​របស់លោកគឺរួមចំណែកក្នុង​ការ​អភិវឌ្ឍវិស័យអប់រំ៕ដោយ៖​ប៊ុន​រដ្ឋា

ជប៉ុន ៖ ស្ថានឯកអគ្គរាជទូតកម្ពុជា ប្រចាំប្រទេសជប៉ុន បានសហការជាមួយក្រសួងការងារ និងបណ្តុះបណ្តាលវិជ្ជាជីវៈ ក្រុមការងារ ESEA សមាគមកម្ពុជា-ជប៉ុន គិបូ សមាគមមិត្តយើង និងសមាគមរាជសិហ៍ បានរៀបចំកម្មវិធីអបអរសាទរពិធីបុណ្យចូលឆ្នាំថ្មីប្រពៃណីខ្មែរ ឆ្នាំម្សាញ់ សប្តស័ក ព.ស ២៥៦៩ នៅសួន Keyaki ក្រុងយូគិ នៃខេត្តអ៊ិបារ៉ាគិ ក្រោមសហអធិបតីភាព ឯកឧត្តម ទុយ រី ឯកអគ្គរាជទូតកម្ពុជា និងការអញ្ជើញចូលរួមជាភ្ញៀវកិត្តិយសរបស់លោក KOBAYASHI SAKAE អភិបាលក្រុងយូគិ ព្រមទាំងការចូលរួមពីសំណាក់បងប្អូនសហគមន៍ខ្មែរ រួមមាន និស្សិត កម្មសិក្សាការី ពលករ មិត្តជប៉ុន និងជនជាតិបរទេសដទៃទៀត សរុបប្រមាណជា ៥០០០នាក់ នាថ្ងៃអាទិត្យ ទី២០ ខែមេសា ឆ្នាំ២០២៥ ។ កម្មវិធីសំខាន់ៗ មានជាអាទិ៍៖ ពិធីសាសនាស្របតាមប្រពៃណីទំនៀមទម្លាប់ព្រះពុទ្ធសាសនារបស់ខ្មែរ ដូចជា បង្សុកូល រាប់បាត្រ ពូនភ្នំខ្សាច់ ស្រង់ព្រះ ប្រគេនចង្ហាន់ព្រះសង្ឃ ការដាក់បង្ហាញស្តង់ម្ហូបអាហារនិងផលិតផលខ្មែរ ការលេងល្បែងប្រជាប្រិយដ៏សម្បូរបែបរបស់ខ្មែរ…

ភ្នំពេញ ៖ ក្នុងឱកាសខួបលើកទី10 ធនាគារ ព្រីនស៍ នឹងរៀបចំសិក្ខាសាលាផ្តាច់មុខស្តីពី ហុងស៊ុយ ដែលដឹកនាំដោយលោកគ្រូ Lee Xu មកពីប្រទេសម៉ាឡេស៊ី។ នៅក្នុងការបញ្ចូលគ្នារវាងហិរញ្ញវត្ថុ និងទ្រព្យសម្បត្តិ ធនាគារ ព្រីនស៍នឹងរៀបចំការជួបជុំតែមួយគត់ សម្រាប់អតិថិជនសេវាធនាគារអាទិភាព ដែលប្រព្រឹត្តទៅនៅថ្ងៃអង្គារ ទី29 ខែមេសា ឆ្នាំ2025 នៅសណ្ឋាគារ សាន់&ម៉ូន។ លោកគ្រូ Lee Xu ជាអ្នកឯកទេសហុងស៊ុយដ៏ល្បីល្បាញជុំវិញពិភពលោក ជាមួយបទពិសោធន៍ជាងពីរទសវត្សមកហើយ លោកនឹងអញ្ជើញមកចែករំលែកចំណេះដឹងអំពីរបៀបនៃការប្រើប្រាស់ថាមពលខាងក្នុង ដើម្បីលើករាសី ភាពរុងរឿង បង្កើនផលិតភាព និងភាពជោគជ័យរបស់ខ្លួន។ ជាមួយនឹងជំនាញក្នុងការបញ្ចូលយុទ្ធសាស្រ្តសហសម័យទៅក្នុងហុងស៊ុយ វគ្គមួយនេះនឹងបង្ហាញអ្នកអំពីបច្ចេកទេសជាក់ស្តែងក្នុងការបង្កើនប្រសិទ្ធភាពទាំងក្នុងជីវិតរស់នៅ និងក្នុងអាជីពការងារ ដែលជាជ្រុងសំខាន់មួយសម្រាប់ពិភពលោកដ៏ជឿនលឿននាពេលបច្ចុប្បន្ន។ លើសពីសិក្ខាសាលា ព្រឹត្តិការណ៍នេះក៏បង្ហាញពីការប្តេជ្ញាចិត្តរបស់ធនាគារ ព្រីនស៍ ក្នុងការផ្តល់ជូនអតិថិជននូវដំណោះស្រាយហិរញ្ញវត្ថុច្រើនជាងមុន ក៏ដូចជាការលើកកម្ពស់ជីវភាពរស់នៅដែរ។ អ្នកចូលរួមនឹងទទួលបានឱកាសក្នុងការបង្កើនទំនាក់ទំនងរបស់ខ្លួនជាមួយបុគ្គលសំខាន់ៗ និងរីករាយជាមួយអត្ថប្រយោជន៍ពិសេសៗ ដែលផ្តល់ជូនពីសំណាក់ដៃគូរបស់ធនាគារ ព្រីនស៍ រួមមាន ក្រុមហ៊ុនធានារ៉ាប់រង អេអាយអេ អូអេស៊ីស ថេក មន្ទីរសម្រាកព្យាបាល ស៊ីង-ស្ពេសឺលីស មេឌីខល សេនធ័រ និងសណ្ឋាគារ…

(បន្ទាយមានជ័យ)៖ ពលរដ្ឋមានជីវភាពលំបាក និងពិការភាព ៣នាក់លើ ៤នាក់ក្នុងគ្រួសារ១ រស់នៅនៅភូមិអូរឫស្សីលើ សង្កាត់អូរឫស្សី ក្រុងប៉ោយប៉ែត ខេត្តបន្ទាយមានជ័យ សូមទេវកាឆ្នាំថ្មី គុណព្រះរតនត្រ័យ គុណវត្ថុសក្តិសិទ្ធិ គុណម្ចាស់ទឹកម្ចាស់ដី ភូមិករ៍ព្រះធរណី ទឹកដីថ្វាយព្រះពរព្រះសមណញាណ ណាប់ ម៉ឺនព្រះវិជ័យនុរ័ក្ខព្រះបាឡាត់គណខេត្តបន្ទាយមានជ័យនិងព្រះសមណាភិរ័តប៉ោ សុឃឿនព្រះបច្ចិមសីមាវាសី ព្រះអនុគណក្រុងប៉ោយប៉ែត ។ ព្រះសមណាភិរ័តប៉ោ សុឃឿន ព្រះបច្ចិមសីមាវាសី ព្រះអនុគណក្រុងប៉ោយប៉ែត តំណាងព្រះបល័ដ្ឋគណខេត្ត កាលពីថ្មីៗនេះ បាននាំនូវអំណោយប្រទានដ៏ថ្លៃថ្លានូវទេយ្យវត្ថុ បច្ច័យសប្បុរសធម៌ទាំងនោះ ទៅប្រគល់ជូនដោយផ្ទាល់ដល់ខ្ទមរបស់ក្រុមគ្រួសារលោកទេស សុខុម ជាគ្រូឯកជនបង្រៀនភាសាថៃ.ដែលពិការពីកំណើតនិងភរិយា ។ ព្រមទាំងកូនៗដោយកូនស្រីមានជំងឺប្រចាំកាយវៀចឆ្អឹងកងខ្នង ,និងកូនប្រុសវិសម្បទារ ជួបការខ្វះខាតជីវភាព ។ គ្រួសារនេះពឹងលើស្ត្រីជាភរិយាចេញទៅធ្វើការស៊ីឈ្នួលគេ រកម្រៃមកចិញ្ចឹមគ្រួសារ ប៉ុន្តែជាច្រើនខែមកហើយដែលកូនៗមានជម្ងឺ គេមិនអាចចេញទៅធ្វើការបានទេ។រីឯបុរសជាប្តី ក៏មិនមានការបង្រៀនភាសាថៃទៀតដែរ។ តាមរយៈអំណោយតិចតួច ប៉ុន្តែនឹងអាចដោះស្រាយនូវការហូបចុកប្រចាំថ្ងៃ។ ឯថវិកាសម្រាប់ប្រើជាសោហ៊ុយធ្វើដំណើរ និងការហូបចុកនៅពេលជូនកូនៗទាំងពីរនាក់ដែលពិការនិងមានជម្ងឺទៅសម្រាកព្យាបាលជម្ងឺនៅមន្ទីរពេទ្យជ័យវរ្ម័នទី៧ឬមន្ទីរពេទ្យកុមារគន្ធរបុប្ផាទី៤ ខេត្តសៀមរាប។ អំណោយរបស់ព្រះមន្ត្រីសង្ឃ ក្នុងនោះ ព្រះសមណញាណ ណាប់ ម៉ឺន ប្រទានសម្ភារ: រួមមាន ៖ .អង្ករ…

(សៀមរាប)៖ ប្រាសាទបឹងមាលា ឬបេងមាលា ជាប្រាសាទដូនតាបុព្វបុរសខ្មែរ ជាទីតាំងសម្រាប់តំបន់ទេសចរណ៍ដែលគេមិនអាចរំលងបាន។ជាមួយគ្នាវាក៏ជាទីតាំងកម្សាន្តមួយកន្លែងទៀតរបស់ខេត្តសៀមរាបដែលជាទីទាក់ទាញនៃចំណោមប្រសាទនានានៃទឹកដីខេត្តអច្ឆរិយៈរបស់កម្ពុជាមួយនេះផងដែរ។ ប្រាសាទនេះមានទីតាំងប្រមាណជាង៦០គីឡូម៉ែត្រនៃភាគឦសាននៃទីក្រុងសៀមរាប។ ស្ថិតនៅក្នុងភូមិបេងមាលា ឃុំបេង មាលា ស្រុកស្វាយលើ ខេត្តសៀមរាប។ តាមសិល្បៈ និង ស្ថាបត្យកម្មនៃសំណង់ប្រាសាទនេះ អ្នកស្រាវជ្រាវបាន កំណត់ថាសាងនៅសម័យ ដំណាលគ្នានៃប្រាសាទអង្គរវត្ត ពោលគឺនៅក្នុងរាជ្យរបស់ព្រះបាទសូរ្យវរ្ម័នទី២ នៅចុងសតវត្សរ៍ទី ១១ និង ដើមសតវត្សរ៍ទី១២។ អ្នកទេសចរដែលធ្វើដំណើរទៅកាន់ប្រាសាទបឹងមាលា ទោះ ចំណាយពេលប្រមាណមួយម៉ោងក្តី ប៉ុន្តែនៅពេលទៅដល់មិនខកបំណងឡើយ។នៅពេលឈានដល់ខាងមុខ គេនឹងបានទស្សនានូវសម្រស់ប្រាសាទ(បើទោះបីបាក់បែកបាក់ខ្លាំងក្តី) និងអមដោយដើមឈើបែបបុរាណផ្តល់នូវម្លប់ត្រជាក់ត្រឈឹងត្រឈៃ គួរជាទីរីករាយ។ លោក មាស ប៉យ មន្រ្តីអាជ្ញាធរជាតិអប្សរា ដែលយាមប្រចាំការនៅខាងមុខប្រាសាទបឹងមាលាបានប្រាប់ឱ្យដឹងថា៖ប្រាសាទនេះទោះនៅឆ្ងាយពីគេ បន្តិចតែក៏មានអ្នកទេសចរចូលកម្សាន្តឥតដែលដាច់ឡើយ។ពិសេសថ្ងៃបុណ្យទានធំៗដូចជាបុណ្យចូលឆ្នាំថ្មី និង បុណ្យភ្ជុំបិណ្ឌតែម្តង។ លោកថាក្នុងការយាមប្រចាំនៅប្រាសាទបុរាណដូនតាខ្មែរមួយនេះ អស់រយៈពេល២៥ ឆ្នាំមកហើយ ឃើញថាពលរដ្ឋកម្ពុជា និងបរទេសតែងចូលលេងកម្សាន្តច្រើនធ្វើឱ្យប្រាសាទនេះជារឿយៗតែងកុះករទៅដោយអ្នកទេសចរ និងជាប្រាសាទមួយស្ថិតនៅក្នុងដួងចិត្តរបស់ពួកគេស្ទើរគ្រប់ៗគ្នា។ អ្នកស្រី អុន ចន្ធី មន្រ្តីអាជ្ញាធរជាតិអប្សរាមួយរូបទៀតបានប្រាប់ថាពលរដ្ឋកម្ពុជាច្រើនចូលកម្សាន្តប្រាសាទនេះសម្រាប់ថ្ងៃសៅរ៍ អាទិត្យ ឬថ្ងៃបុណ្យទាន។សម្រាប់ថ្ងៃផ្សេងទៀតច្រើនជនជាតិបរទេស។ពួកគេក្រៅពីមកកម្សាន្ត ហើយក៏តែងបន់ស្រន់សុំសេចក្តីសុខសប្បាយពីទីកន្លែងនេះថែមទៀត។ មន្រ្តីអ្នកយាមផ្នែកខាងក្នុងក្បែរប្រាសាទមួយនេះបានប្រាប់ឱ្យដឹងដែរថា អ្នកស្រីតែងឃើញជនជាតិអឺរ៉ុប ចិន កូរ៉េ វៀតណាម…តែងចូលមកកម្សាន្តប្រាសាទនេះឥតដែលខកខានថ្ងៃណាឡើយ។…