រាជធានីភ្នំពេញ៖ ក្រសួងអប់រំយុវជននិងកីឡាបានបញ្ជាក់ប្រាប់ដល់មន្ទីរអប់រំ យុវជន និងកីឡារាជធានី ខេត្តពី ការដាក់ឲ្យដំណើរការជាផ្លូវការនូវកម្មវិធីស្វ័យសិក្សា MoEYS E-Learning App។ ពាក់ព័ន្ធក្នុងរឿងនេះក្រសួងអប់រំ យុវជន និងកីឡាបានឱ្យដឹងថាតាមរយៈកិច្ចសហការរវាងក្រសួងអប់រំ ជាមួយសហភាពសហព័ន្ធយុវជនកម្ពុជា បានរួមគ្នាផលិតកម្មវិធីទូរសព្ទដៃឆ្លាតវៃមានឈ្មោះថា កម្មវិធីស្វ័យសិក្សា MoEYS E-Learning។ កម្មវិធីនេះ ត្រូវបានបង្កើតឡើងស្របតាមចក្ខុវិស័យរបស់ក្រសួង និងបរិបទឧស្សាហកម្ម ៤.០ ក៏ដូចជាការឆ្លើយតបទៅនឹងវិបត្តិ នៃជំងឺកូវីត-១៩ ដែលកំពុងរីករាលដាលនៅក្នុង ប្រទេសកម្ពុជា និងសកលលោក។ ក្រសួងបន្តឱ្យដឹងថា កម្មវិធីស្វ័យសិក្សាតាមប្រព័ន្ធអេឡិចត្រូនិកនេះ មានវីដេអូសិក្សាពីថ្នាក់ទី១ ដល់ ថ្នាក់ទី១២ សៀវភៅសិក្សាអេឡិចត្រូនិក ដូចជា៖ សៀវភៅសិក្សាគោល សៀវភៅកំណអំណានទូទៅ ចំណេះដឹងសកល រឿងនិទាន កម្មវិធីតេស្តសមត្ថភាពសិស្ស និងទំព័រព័ត៌មានអប់រំ។ ជាមួយគ្នាក្រសួងអប់រំ គ្រោងនឹងដាក់ ដំណើរការកម្មវិធីនេះឱ្យប្រើប្រាស់ជាផ្លូវការចាប់ពីថ្ងៃទី០៧ ខែឧសភា ឆ្នាំ២០២១ ដែលសិស្សានុសិស្ស អ្នក អាណាព្យាបាលសិស្ស គ្រូបង្រៀន និងសាធារណជនទូទៅ អាចទាញយកនៅលើ PlayStore AppStore និង App Gallery…

ក្រសួងអប់រំ យុវជន និងកីឡា និងសហភាពសហព័ន្ធយុវជនកម្ពុជាដាក់ឲ្យប្រើជាផ្លូវការនៃកម្មវិធីស្វ័យសិក្សាដែលមានឈ្មោះថា “MoEYS E-Learning” ចាប់ពីថ្ងៃទី៧ ខែឧសភា ឆ្នាំ២០២១ តទៅ។

រដ្ឋបាលខេត្តត្បូងឃ្មុំ បំភ្លឺករណីដួលរលំដើមពោធិ ដោយខ្យល់កន្ត្រាក់ នារសៀលថ្ងៃទី០៦ ខែឧសភា ឆ្នាំ២០២១ គឺជាដើមពោធិ “ លោកតាក្រហមក “ មានចម្ងាយ ៧០ម៉ែត្រ ពីដើមពោធិជើងខាល “ ប្រវត្តស្នេហ៏ ទុំ និងទាវ “៖

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឱ្យយដឹងថា នៅថ្ងៃទី០៦ ខែឧសភា ឆ្នាំ២០២១ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៦លើក បណ្ដាលឱ្យមនុស្សស្លាប់៣នាក់ និងរបួសធ្ងន់ស្រាល៥នាក់។ របាយការណ៍ដដែលបញ្ជាក់ថា មូលហេតុដែលបណ្ដាលឱ្យកើតមានគ្រោះថ្នាក់ចរាចរណ៍ រួមមាន៖ ល្បឿន, មិនប្រកាន់ស្តាំ, កត្តាអាកាសធាតុ និងបត់គ្រោះថ្នាក់៕ ដោយ/ ឆៃហួត

ភ្នំពេញ ៖ បន្ទាប់ពីមានខ្យល់កន្ត្រាក់ និងភ្លៀងលាយឡំជាមួយផងនោះ បណ្ដាលឱ្យមានការបាក់រលំផ្ទាំងប៉ាណូមួយដ៏ធំធ្លាក់កាត់ទទឹងផ្លូវជាតិលេខ២ តែសំណាងល្អ មិនបណ្តាលឱ្យមាននរណាម្នាក់គ្រោះថ្នាក់នោះទេ។ ករណីនេះ បានកើតឡើងកាលពីវេលាម៉ោង៥ និង៣០នាទីល្ងាច ថ្ងៃទី៦ ខែឧសភា ឆ្នាំ២០២១ ស្ថិតនៅទីតាំងចុះពីស្ពានអាកាសក្បាលថ្នល់បន្តិច នៅតាមបណ្តោយផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ បើតាមការបញ្ជាក់ពីប្រជាពលរដ្ឋ ដែលរស់នៅជិតកន្លែងកើតហេតុ បានឱ្យដឹងថា នៅមុនពេលកើតហេតុ ក្នុងករណីនេះ ដោយសារស្ថានភាពមានខ្យល់បក់បោកយ៉ាងខ្លាំង បន្ទាប់មកក៏មានភ្លៀងធ្លាក់មួយមេយ៉ាងធំ ក៏ស្រាប់តែបង្គោលផ្ទាំងប៉ាណូដ៏ធំរលំដាច់ចេញពីគល់ប៉ើងបង្គោលមួយចំហៀង រួចក៏រលំធ្លាក់មកដល់ដីកាត់ទទឹងផ្លូវជាតិលេខ២ តែម្តង។ តែសំណាងល្អ ក្នុងករណីនេះ មិនបណ្តាលឱ្យបងប្អូនប្រជាពលរដ្ឋ ដែលគាត់កំពុងតែធ្វើរដំណើរឆ្លងកាត់គ្រោះថ្នាក់នោះទេ។ គ្រាន់តែរងការខូចខាតផ្ទាំងប៉ាណូដ៏ធំនេះតែប៉ុណ្ណោះ។ ហើយភ្លាមៗនោះ សមត្ថកិច្ចមូលដ្ឋាន បានចុះមកដល់រួចធ្វើការសម្រួលចរាចរណ៍ឱ្យបងប្អូនប្រជាពលរដ្ឋ វាងផ្លូវសិនផងដែរ។ បន្ទាប់មកក្នុងករណីនេះផងដែរ គេឃើញមានវត្តមានរបស់លោក អភិបាលខណ្ឌមានជ័យ បានទៅដល់ទីតាំងចំណុចបាក់ផ្ទាំងប៉ាណូខាងលើ ព្រមទាំងធ្វើការអន្តរាគមន៍បន្ទាន់ទាក់ទងទៅកាន់រថយន្តស្ទូច ដើម្បីមកស្ទូចយកផ្ទាំងប៉ាណូខាងលើនោះចេញជាបន្ទាន់ មិនតែប៉ុណ្ណោះគេឃើញមានក្រុមអគ្គិសនីប្រអប់ភ្លើង ក៏បានចុះទៅធ្វើការផ្ដាច់ចរន្តអគ្គិសនីចេញពីផ្ទាំងប៉ាណូខាងលើផងដែរ៕ ដោយ/ ឆៃហួត