ភ្នំពេញៈ ឯកឧត្តម នួន ផារ័ត្ន អភិបាលរងរាជធានីភ្នំពេញបានបញ្ជាក់ថា មកដល់ពេលនេះ រដ្ឋបាលរាជធានីភ្នំពេញ មិនបានហាមឃាត់មិនឲ្យសប្បុរសជនចូលរួមចំណែកយកជំនួយទៅជួយប្រជាពលរដ្ឋទេ ប៉ុន្តែស្នើសុំត្រូវគោរពទៅតាមវិធានការ សុខាភិបាល។មកដល់ពេលនេះរដ្ឋបាលរាជធានីភ្នំពេញបានផ្គត់ផ្គង់ស្បៀងចែកជូនប្រជាពលរដ្ឋនៅក្នុងតំបន់ក្រហម លឿងទុំ និងលឿង ប្រមាណជិត៣០ម៉ឺនកញ្ចប់ (២៨៤.៤០៦កញ្ចប់) នៅក្នុងរយៈពេលមួយខ្លី។ ឯកឧត្តមសូមថ្លែងអំណរគុណ យ៉ាងជ្រាលជ្រៅចំពោះការចូលរួមរបស់កងទ័ពនៅក្នុងការងារផ្គត់ផ្គង់ស្បៀង និងមន្ត្រីមូលដ្ឋាន។ ការបញ្ជាក់នេះបានធ្វើឡើងនៅក្នុងសន្និសីទសារព័ត៌មាននៅព្រឹកថ្ងៃទី៦ ខែឧសភាឆ្នាំ២០២១នាសាលារាជធានី ភ្នំពេញស្តីពីការដាក់ចេញវិធានការរដ្ឋបាលសម្រាប់ភូមិសាស្ត្ររាជធានីភ្នំពេញ ដើម្បីទប់ស្កាត់ការឆ្លងរាលដាលជំងឺ កូវីដ-១៩ ដោយបែងចែកជា “តំបន់ក្រហម” “តំបន់លឿងទុំ” និង “តំបន់លឿង” សម្រាប់រយៈពេល៧ថ្ងៃ គិតចាប់ពីថ្ងៃទី៦ ខែឧសភារហូតដល់ថ្ងៃទី១២ ខែឧសភា។ ឯកឧត្តមអភិបាលរងបានបន្តថា រាជធានីភ្នំពេញមកដល់ពេលនេះបានទទួលអំណោយពីអង្គការ ទស្សនៈពិភពលោក(WORLD VISION) នូវអង្ករចំនួន ៣,៥តោន ត្រីខ ៥០យួរ ទឹកស៊ីអ៊ីវ ៥០ឡូ និងម៉ាស ២០០ប្រអប់ និងបានទទួលជំនួយរបស់សប្បុរសជន ក្រុមហ៊ុន និងវិស័យឯកជនជាបន្តបន្ទាប់ ហើយអាចនឹងមានជំនួយខ្លះគេយកទៅចែក ជូនដល់កន្លែង។ អភិបាលរងរូបនេះបានបញ្ជាក់ច្បាស់ថា”មកទល់យើងមិនបានហាមឃាត់មិនឲ្យបងប្អូនចូលរួម ចំណែកយកជំនួយទៅជួយប្រជាពលរដ្ឋទេ ប៉ុន្តែអ្វីដែលយើងស្នើសុំនោះត្រូវគោរពទៅតាមវិធានការសុខាភិបាល។ យន្តការមួយទៀត គឺយន្តការឆ្លើយតបភ្លាមៗ តាមរយៈសារព័ត៌មានក្តី…

ភ្នំពេញៈក្រសួងសុខាភិបាល នៅព្រឹកថ្ងៃទី០៦ ខែឧសភា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ថ្មីចំនួន ៦៥០នាក់ ជាសះស្បើយចំនួន៧៣៩នាក់ និងស្លាប់០៤នាក់។ គិតត្រឹមព្រឹក ថ្ងៃទី០៦ ខែឧសភា ឆ្នាំ២០២១ អ្នកឆ្លងសរុប= ១៧៦២១នាក់ អ្នកជាសះស្បើយ= ៦៨៤៣នាក់ អ្នកស្លាប់= ១១៤នាក់

ភ្នំពេញ:មនុស្សជិត៥០០នាក់ត្រូវបានឃាត់ខ្លួននៅក្នុងអំឡុងពេលនៃការបិទខ្ទប់ភូមិសាស្ត្ររាជធានីភ្នំពេញពីថ្ងៃទី១៥ ខែមេសា ដល់ថ្ងៃទី៥ ខែឧសភានេះ។ ក្នុងនោះសមត្ថកិច្ចបានបញ្ជូន ទៅកាន់តុលាការ ,ធ្វើការអប់រំណែនាំ និងផាកពិន័យអន្តរការណ៍។ លោក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ បានប្រាប់ AMS នៅព្រឹកថ្ងៃទី៦ ខែឧសភានេះថា ក្នុងដំណាក់កាលនៃការអនុវត្តបម្រាមគោចរ ក៏ដូចជា ការបិទខ្ទប់ភូមិសាស្ត្ររាជធានីភ្នំពេញ ចាប់ពីថ្ងៃទី១៥ មេសា មកដល់ត្រឹមថ្ងៃទី០៥ ខែឧសភា សមត្ថកិច្ចបានឃាត់ខ្លួនមនុស្សចំនួន៤៧៨នាក់។ ក្នុងនោះតុលាការបានចេញដីកាឃុំខ្លួន ដាក់ពន្ធនាគារចំនួន១០នាក់, បញ្ជូនទៅតុលាការចំនួន៣នាក់ បានធ្វើការអប់រំណែនាំចំនួន៨៣នាក់, បញ្ជូនទៅធ្វើចត្តាឡីស័កចំនួន៣១នាក់ និងពិន័យអន្តរការណ៍ចំនួន៣៤៩នាក់។ គួរបញ្ជាក់ថា នៅក្នុងចំណោមមនុស្ស៤៧៨នាក់ គឺមានមន្ត្រីនគរបាលផ្កាយពីរ ឈ្មោះ អ៊ុង ចាន់ធួក និងបក្ខពួកពីរ ត្រូវបានសមត្ថកិច្ចឃាត់ខ្លួនកាលពីថ្ងៃទី១៦ ខែមេសានៅក្នុងទឹកដី ខណ្ឌមានជ័យ ពាក់ព័ន្ធករណីនាំកម្មករជួបជុំគ្នាផឹកស៊ីចាក់ធុងបាស់ ហើយត្រូវបានតុលាការចេញដីកាឃុំខ្លួនដាក់ពន្ធនាគារ។ ឈ្មោះ សៀង រង្ស៊ី ក្លែងជានគរបាលផ្កាយពីរ និងជិះរថយន្ត ទំនើបពាក់ស្លាកលេខ នគរបាល ត្រូវបានចាប់ខ្លួនកាលពីថ្ងៃទី១៧ ខែមេសានៅខណ្ឌជ្រោយចង្វារហើយតុលាការចេញដីកាឲ្យឃុំខ្លួន ពាក់ព័ន្ធករណីរារារាំងការអនុវត្តវិធានការរដ្ឋបាល និងប្រើប្រាស់ដោយគ្មានសិទ្ធិនូវយានយន្តសម្គាល់ប្រើប្រាស់ដោយនគរបាល។ ឈ្មោះ ខៀវ…

ភ្នំពេញៈ នៅល្ងាចថ្ងៃទី០៥ ខែឧសភា ឆ្នាំ២០២១នេះ រដ្ឋបាលខេត្តកណ្តាល បានចេញសេចក្តីសម្រេចកំណត់ «តំបន់ក្រហម» និង «តំបន់លឿង» ក្នុងភូមិសាស្រ្តក្រុងតាខ្មៅ ខេត្តកណ្តាល៕ សូមអានលិខិតដូចខាងក្រោម៖

ភ្នំពេញ៖ រដ្ឋបាលរាជធានីភ្នំពេញ នៅរសៀលថ្ងៃទី០៥ ខែឧសភា ឆ្នាំ២០២១នេះ បានចេញសេចក្តីសម្រេចបន្ទាន់មួយ ដោយបន្តបិទខ្ទប់តំបន់មួយចំនួន ដោយចែកចេញជា៣ផ្នែកគឺ «តំបន់ក្រហម» «តំបន់លឿងទុំ» និង«តំបន់លឿង» ក្នុងភូមិសាស្រ្តរាជធានីភ្នំពេញ ប៉ុន្តែបង្រួមតំបន់បិទខ្ទប់មកតូចវិញ៕

ភ្នំពេញៈ នៅល្ងាចថ្ងៃទី០៥ ខែឧសភា ឆ្នាំ២០២១នេះ រដ្ឋបាលរាជធានីភ្នំពេញ បានបង្ហាញអត្តសញ្ញាណអ្នកជំងឺកូវីដ១៩ ចំនួន៥៩៤នាក់ថ្មីបន្ថែមទៀត ដែលបានរកឃើញកើតជំងឺកូវីដ១៩។