ភ្នំពេញ៖ តាមរយៈទំព័រហ្វេសប៊ុកផ្លូវការនៅព្រឹកថ្ងៃទី៣០ ខែមេសា ឆ្នាំ២០២១ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានផ្ញើសារអបអរសាទរខួប២២ឆ្នាំ កម្ពុជាចូលជាសជិកអាស៊ាន ។ នៅលើទំព័រហ្វេសប៊ុកផ្លូវការ សម្ដេចតេជោ ហ៊ុន សែន បានសរសេរថា ថ្ងៃនេះគឺជាខួប២២ឆ្នាំ (៣០ មេសា ១៩៩៩-៣០ មេសា ២០២១) ដែលកម្ពុជាក្លាយជាសមាជិកសមាគមប្រជាជាតិអាស៊ីអាគ្នេយ៍ ហៅថាអាស៊ាន(ASEAN)។ ចាប់តាំងពីបានក្លាយជាសមាជិកអាស៊ានមក កម្ពុជាបានធ្វើការយ៉ាងជិតស្និទ្ធជាមួយសមាជិកដទៃទៀត ក្នុងការកសាងសហគមន៍អាស៊ានមួយ ដែលផ្តោតលើប្រជាជន និងយកប្រជាជនជាស្នូល ក្នុងស្មារតីនៃភាពម្ចាស់ការ និងការទទួលខុសត្រូវរួម។ សម្ដេច បន្តថា បន្ទាប់ពីការស្វះស្វែងតាមនយោបាយការទូតយ៉ាងស្វិតស្វាញ និងទន់ភ្លន់ កម្ពុជាត្រូវបានអាស៊ាន សម្រេចឱ្យចូលជាសមាជិកទី១០ ក្នុងកិច្ចប្រជុំកំពូលរបស់ខ្លួននៅទីក្រុងហាណូយ ប្រទេសវៀតណាម នៅថ្ងៃទី៣០ ខែមេសា ឆ្នាំ១៩៩៩។ សម្ដេចតេជោ នាយករដ្ឋមន្ត្រីកម្ពុជា បានបន្ថែមថា អាស៊ាន បានក្លាយជាស្នូលមួយនៃនយោបាយការបរទេសរបស់កម្ពុជា ដែលអាចឆ្លុះបញ្ចាំងបានតាមរយៈការផ្សារភ្ជាប់ការអភិវឌ្ឍ ផ្នែកនយោបាយ សង្គម សេដ្ឋកិច្ចរបស់កម្ពុជា ទៅនឹងសមាហរណកម្មតំបន់ និងកិច្ចសហប្រតិបត្តិការអន្តរជាតិ។ ការក្លាយទៅជាសមាជិកអាស៊ាននេះ គឺជាជោគជ័យនៃការទូតមួយរបស់ប្រទេសកម្ពុជា…

រាជធានីភ្នំពេញ៖ ក្រសួងអប់រំ យុវជន និងកីឡាបានលើកឡើងថា”ការពារប្រសើរជាងព្យាបាល! ការបង្រៀនកូនឱ្យចេះប្រយ័ត្ន និងការពារខ្លួននៅពេលប្រើប្រាស់អ៊ីធឺណិតគឺជាវិធីមួយដ៏ល្អ ដែលអ្នកអាចអនុវត្តបានតាម ៣ចំណុច”។ ជាមួយគ្នានេះក្រសួងអប់រំបានណែនាំឱ្យដឹងបន្ថែមថាសម្រាប់គន្លឹះថ្មីៗដើម្បីការពារកូនរបស់លោកអ្នក សូមតាមដានទំព័រ Facebook គិតគូរកូន និង ក្រសួងប្រៃសណីយ៍ និងទូរគមនាគមន៍ – Ministry of Post and Telecommunications និង MoEYS Cambodia ។ គួរបញ្ជាក់ថាការណែនាំ និងដាស់តឿនដល់ឪពុកម្តាយ និងអាណាព្យាបាល កុមារបន្តបន្ទាប់នេះធ្វើឡើងបន្ទាប់ពីពេលដែលសិស្សានុសិស្សបានប្រើប្រាស់ប្រព័ន្ធអ៊ីនធឺណិតកាន់តែច្រើនឡើងក្នុងអំឡុងការរីករាលដាលជំងឺកូវីដ-១៩នេះ។ ឯកឧត្តម បណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាបានគូសបញ្ជាក់ដោយលើកឡើងថា“ពេលដែលសិស្សានុសិស្សប្រើប្រាស់ប្រព័ន្ធអនឡាញ គឺអាចប្រឈមជាមួយហានិភ័យមួយចំនួនដូចជា ការគម្រាមកំហែង ការឆបោក ការបៀតបៀនផ្លូវភេទ ការជួបប្រទះមាតិកាមិនសមរម្យជាដើម “។ ឯកឧត្តមរដ្ឋមន្រ្តីបានណែនាំដល់សិស្សានុសិស្សដែរថា “សូមសិស្សានុសិស្សទាំងអស់ ប្រុងប្រយ័ត្ន និង ប្រាប់ មាតាបិតា អាណាព្យាបាល ឬ គ្រូបង្រៀន បើសិនជា ជួបបញ្ហាខាងលើ”។  ឯកឧត្តមរដ្ឋមន្រ្តីបានឱ្យដឹងបន្ថែមថា៖ការប្រើប្រាស់ប្រព័ន្ធអ៊ីនធឺណិតពិតជាមានសារៈប្រយោជន៍សម្រាប់ការសិក្សារបស់កុមារ ប៉ុន្តែស្របពេលនោះដែរ…

រាជធានីភ្នំពេញ៖រដ្ឋមន្ត្រីក្រសួង​ប្រៃសណីយ៍ និង​ទូរគមនាគមន៍ លោក ជា វ៉ាន់​ដេ​ត ​បាន ​ដឹកនាំ​កិច្ចប្រជុំ​ពិភាក្សា​អំពី​បញ្ហា​ប្រឈម និង​ស្វែងរក ដំណោះស្រាយ​ពាក់ព័ន្ធ​នឹង​សេវា​ទូរគមនាគមន៍​នៅតាម​បុរី និង​អគារ​សហកម្មសិទ្ធិនានា​។ កិច្ចប្រជុំ​នេះដែរ​បាន​ដំណើរការឡើង​តាមរយៈ​ប្រព័ន្ធ​អន​ឡាញ (Zoom) ដោយមាន​ការ អញ្ជើញ​ចូលរួម​ពី​អ្នកឧកញ៉ា លី ហួរ ប្រធាន​សមាគម​អ្នក​អភិវឌ្ឍន៍​លំនៅដ្ឋាន​កម្ពុជា តំណាង​និង​ជា សមាជិកសមាគម​ន​អ្នក​អភិវឌ្ឍន៍​លំនៅឋាន ព្រមទាំង​ថ្នាក់ដឹកនាំ ក្រសួង​ប្រៃសណីយ៍​និង​ទូរគមនាគមន៍​ប្រមាណ ៧០​នាក់​។​ អង្គ​ប្រជុំបាន​ពិភាក្សា​ស្វែងយល់​លម្អិត​ពី​បញ្ហា​ប្រឈម​របស់​អតិថិជន និង​ម្ចាស់​បុរីនានា ។ ក្រសួង​ប្រៃសណីយ៍​និង​ទូរគមនាគមន៍ និង​សមាគម​អ្នក​អភិវឌ្ឍន៍​លំនៅឋាន​កម្ពុជា​បាន ឯកភាពគ្នា​បង្កើត​ក្រុមការងារ​ដើម្បី​ដោះស្រាយ​បញ្ហា​ប្រឈម​ជាក់ស្ដែង​នីមួយៗ ក្នុង​គោលដៅ​បង្កើន​ប្រសិទ្ធភាព និង​ពង្រឹងគុណភាព​សេវា​ទូរ​សព្ទ​ចល័ត និង​សេវា​អ៊ី​ន ធឺ​ណិ​ត ក្នុងការ​ផ្តល់​ភាពងាយស្រួល​សម្រាប់​បង​ប្អូន​ប្រជាពលរដ្ឋ​ជា​អ្នកទិញ អចលនវត្ថុ​ក្នុង​បុរី និង​អគារ​សហកម្មសិទ្ធិ​នានា​។ សូមបញ្ជាក់​ថា សេវា​ទូរគមនាគមន៍ បាន​ក្លាយជា​សេវាសាធារណៈ​យុទ្ធសាស្ត្រ​ចាំបាច់ ដូចគ្នា​នឹង​ទឹកស្អាត ឬ​អគ្គិសនី ផងដែរ​៕ ដោយ៖ ម៉ាដេប៉ូ

សារលិខិតសម្ដេចតេជោនាយករដ្ឋមន្ត្រី ហ៊ុន សែន ថ្លែងក្នុងឱកាសខួបអនុស្សាវរីយ៍លេីកទី១៣៥ នៃទិវាពលកម្មអន្តរជាតិថ្ងៃទី១ ខែឧសភា ឆ្នាំ២០២១។

សារលិខិតរំលែកទុក្ខរបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ជូនលោកជំទាវ សឹម ហាមីយ៉ះ ព្រមទាំងក្រុមគ្រួសារ ចំពោះមរណភាព ឯកឧត្តម ទូនី រ៉សេត រដ្ឋលេខាធិការក្រសួងធម្មការ និងសាសនា ក្នុងជន្មាយុ៦១ឆ្នាំ ដោយរោគាពាធ។

រាជធានីភ្នំពេញ៖ ក្រសួងអប់រំយុវជន និងកីឡាបានរៀបចំ វេទិកាថ្នាក់ជាតិលើកទី៩ ស្តីពីការអប់រំបរិយាបន្ន ក្រោមប្រធានបទ “ការកសាងសមត្ថភាពគ្រូបង្រៀនសម្រាប់បង្រៀនជនក្នុងសេចក្តីត្រូវការពិសេស នៅគ្រប់ភូមិសិក្សា” ។ ការរៀបចំពិធីនេះឡើងក្នុងគោលបំណងកំណត់យន្តការដើម្បីផ្ដល់សមត្ថភាពដល់គ្រូបង្រៀន តាមដានវឌ្ឍនភាព ជំរុញការអនុវត្តគោលនយោបាយ និងផែនការសកម្មភាព ព្រមទាំងស្វែងរកការគាំទ្រពីក្រសួងពាក់ព័ន្ធសំខាន់ៗរបស់រដ្ឋាភិបាល និងសហគមន៍ដៃគូអភិវឌ្ឍ។ ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រី ក្រសួងអប់រំ យុវជន និងកីឡា បានផ្ដល់កិត្តិយសបើកកម្មវិធីវេទិកាតាមអនឡាញនេះ។ ក្នុងឱកាសនោះ ឯកឧត្ដម បានថ្លែងអំណរគុណដល់  ដៃគូអភិវឌ្ឍ និងអ្នកពាក់ព័ន្ធទាំងអស់ ដែលតែងតែជួយគាំទ្រជាជំនួយបច្ចេកទេស ជាសម្ភារៈ និងថវិកា ដល់ក្រសួងអប់រំ យុវជន និងកីឡា ជាពិសេសនៅតាមខេត្តគោលដៅ ដែលបាននិងកំពុងអនុវត្តការអប់រំបរិយាបន្ន ដល់កុមារមានពិការភាព។ ឯកឧត្ដមបានមានប្រសាសន៍ថា បទពិសោធន៍ និងភាពជោគជ័យនៃកម្មវិធីអប់រំបរិយាបន្ន ដែលក្រសួងសម្រេចបានគឺដោយសារមានការចូលរួមយ៉ាងសកម្ម និងមានកិច្ចសហប្រតិបត្តិការល្អរវាងសហគមន៍ជនជាតិភាគតិច និងអ្នកពាក់ព័ន្ធផ្នែកអប់រំ រួមជាមួយនឹងការធ្វើសមាហរណកម្មកម្មវិធីនេះ ទៅក្នុងប្រព័ន្ធផ្លូវការ ដូចជាបញ្ចូលសាលារៀនទៅជាសាលារៀនរដ្ឋ និងគ្រូបង្រៀនក្របខណ្ឌ ប៉ុន្តែនៅបន្ត ដំណើរការ និងគាំទ្រដោយសហគមន៍។ គួរបញ្ជាក់ថា នៅកម្ពុជា ទស្សនាទាននៃការអប់រំបរិយាបន្នបានចាប់ផ្តើម តាំងពីឆ្នាំ ១៩៩០ ក្រោមរូបភាពជា…

រាជធានីភ្នំពេញ៖ ថ្នាក់ដឹកនាំក្រសួងអប់រំ យុវជន និងកីឡា បានរៀបចំកិច្ចប្រជុំស្ដីពីការរៀបចំផែនការយុទ្ធសាស្ដ្រថវិកា ឆ្នាំ២០២២-២០២៤ សម្រាប់ក្រសួងអប់រំ យុវជន និងកីឡា តាមប្រព័ន្ធអនឡាញ ដោយអនុវត្តតាមសារាចរណែនាំលេខ០៣ សរណនចុះថ្ងៃទី០៩ ខែមេសា ឆ្នាំ២០២១ ស្តីពីការរៀបចំផែនការយុទុ្ធសាស្រ្តថវិកាប្រចាំឆ្នាំ២០២២-២០២៤ ដើម្បីកំណត់តម្រូវការថវិកាតាមឆ្នាំនីមួយៗ និងឈរលើមូលដ្ឋានដូចខាងក្រោម៖ ១. ផែនការសកម្មភាព ឬសកម្មភាពការងារដែលមានស្រាប់ដែលត្រូវបន្តអនុវត្ត ដើម្បីសម្រេចគោលនយោបាយរបស់ក្រសួង-ស្ថាប័ន២. ផែនការសកម្មភាព ឬសកម្មភាពការងារដែលមានលក្ខណៈបញ្ចប់ត្រឹមមួយឆ្នាំ៣. ផែនការសកម្មភាព ឬសកម្មភាពការងារថ្មី ដើម្បីសម្រេចគោលនយោបាយរបស់ក្រសួង-ស្ថាប័ន៤. ការរៀបចំផែនការយុទ្ធសាស្រ្ដថវិកាដោយផ្សារភ្ជាប់ទៅនឹងផែនការយុទ្ធសាស្ដ្រវិស័យអប់រំលទ្ធផលនៃកិច្ចប្រជុំអង្គភាពជំនាញ ត្រូវផ្ញើផែនការយុទ្ធសាស្រ្ដថវិកាដែលបានរៀបចំរួច មកនាយកដ្ឋានហិរញ្ញវត្ថុយ៉ាងយូរត្រឹមថ្ងៃទី៥ ខែឧសភា ឆ្នាំ២០២១ ដើម្បីបូកសរុបបញ្ជូនទៅក្រសួងសេដ្ឋកិច្ច និងហិរញ្ញវត្ថុបានទាន់ពេលវេលា។ កិច្ចប្រជុំនេះបានប្រព្រឹត្តទៅ ក្រោមការដឹកនាំរបស់ឯកឧត្តម ពិត ចំណាន រដ្ឋលេខាធិការប្រចាំការ ក្រសួងអប់រំ យុវជន និងកីឡា ដែលមានការចូលរួមពីសំណាក់ឯកឧត្តម លោកជំទាវ លោក លោកស្រីជាប្រធានកម្មវិធី ប្រធានអនុកម្មវិធី លោក លោកស្រីប្រធានមន្ទីរអប់រំ យុវជន និងកីឡារាជធានីខេត្ត និងមន្ដ្រីទទួលបន្ទុកហិរញ្ញវត្ថុជាច្រើនរូប៕ ដោយ -រ៉ាវុធ

រាជធានីភ្នំពេញ៖ នាព្រឹកថ្ងៃទី២៨ ខែមេសា ឆ្នាំ២០២១ ក្រសួងប្រៃសណីយ៍ និងទូរគមនាគមន៍ បានរៀបចំសិក្ខាសាលាផ្សព្វផ្សាយយុទ្ធសាស្ត្រពាណិជ្ជកម្ម តាមប្រព័ន្ធអេឡិចត្រូនិក តាមរយៈប្រព័ន្ធអនឡាញ (Zoom) ក្រោមអធិបតីភាព ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងមានការអញ្ជើញចូលរួមពីលោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម និងឯកឧត្តម លោកជំទាវ ជាថ្នាក់ដឹកនាំក្រសួងពាណិជ្ជកម្ម ក្រសួងប្រៃសណីយ៍និងទូរគមនាគមន៍ លោក លោកស្រី ប្រធានមន្ទីរប្រៃសណីយ៍និងទូរគមនាគមន៍គ្រប់ខេត្ត មន្រ្តីជំនាញពាក់ព័ន្ធ ព្រមទាំងសិស្សានុសិស្សនៃបណ្ឌិត្យសភាបច្ចេកវិទ្យាឌីជីថលកម្ពុជា ប្រមាណ ២៦០នាក់។ សិក្ខាសាលាផ្សព្វផ្សាយនេះរៀបចំឡើងក្នុងគោលបំណង បញ្រ្ជាបការយល់ដឹងបន្ថែម អំពីយុទ្ធសាស្រ្តជាតិសំខាន់ៗ របស់រាជរដ្ឋាភិបាលពាក់ព័ន្ធនឹងពាណិជ្ជកម្មតាមប្រព័ន្ធអេឡិចត្រូនិក ដល់មន្ត្រីក្រោមឱវាទដែលត្រូវចូលរួមអនុវត្តកិច្ចការនេះផ្ទាល់ ដើម្បីប្រែក្លាយយុទ្ធសាស្ត្រទៅជាការអនុវត្តជាក់ស្តែងប្រកបដោយប្រសិទ្ធភាព និងស័ក្តិសិទ្ធិភាព សំដៅធានានិរន្តរភាពនៃធុរកិច្ច និងជំរុញកំណើនសេដ្ឋកិច្ចតាមរយៈការប្រើប្រាស់បច្ចេកវិទ្យា ជាពិសេសក្នុងកាលៈទេសៈនៃជំងឺកូវីដ-១៩ នេះ។

តុលាការចេញដីកាបង្គាប់ឱ្យចាប់ខ្លួនឈ្មោះ សម រង្សី ដើម្បីចាត់ការតាមផ្លូវច្បាប់៖

ក្រុមជំនាញនៃនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន និងនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការនៃអាជ្ញាធរជាតិអប្សរា រួមជាមួយផ្នែកពាក់ព័ន្ធបានចុះពិនិត្យ និងអនុវត្តវិធានការបន្ទាន់ចំពោះដើមឈើចំនួន៤ដើមដែលកំពុងមានហានិភ័យខ្ពស់មកលើរចនាសម្ពន្ធខ្លោងទ្វារខាងលិចប្រាសាទបន្ទាយក្តី។ កិច្ចការងារនេះធ្វើឡើងក្នុងបំណងដើម្បីធានាសុវត្តិភាពជូនភ្ញៀវទេសចរ ជៀសវាងគ្រោះថ្នាក់ប៉ះពាល់ដល់អាយុជីវិត និងបង្ការកុំឲ្យប៉ះពាល់ដល់រចនាសម្ពន្ធខ្លោងទ្វារប្រាសាទនេះកាន់តែធ្ងន់ធ្ងរ ព្រមទាំងជួយសម្រួលដល់ការងារជួសជុលខ្លោងទ្វារនេះឡើងវិញក្នុងពេលឆាប់ៗនេះផង។ ដើមឈើដែលនឹងត្រូវកាត់ដកហូតរួមមាន ដើមពង្រ៣ដើម និងដើមចាន់១ដើម ដែលស្ថានភាពដើមឈើទាំងនេះ ដុះទ្រេតជាប់ខឿនខ្លោងទ្វារ មានជំងឺពុកគល់ និងតួដើម ប្រព័ន្ធឬសខ្សោយដុះគ្របលើថ្ម និងចាក់ចូលក្នុងរចនាសម្ពន្ធគ្រឹះរបស់ខ្លោងទ្វារ បណ្តាលឲ្យថ្មរបើកឡើង និងរំកិលចេញពីទីតាំងដើម។ អាជ្ញាធរជាតិអប្សរា នឹងចាប់ផ្តើមអនុវត្តការងារនេះចាប់ពីសប្តាហ៍ទី១នៃខែឧសភា ឆ្នាំ២០២១ រហូតដល់បញ្ចប់ការងារ។