ភ្នំពេញ ៖ យោងតាមរបាយការណ៍របស់លោកវរសេនីយ៍ឯក ម៉ៅ សឿត អធិការនគរបាលខណ្ឌច្បារអំពៅ បានឲ្យដឹងនៅព្រឹកថ្ងៃទី ៦ ខែមីនា ឆ្នាំ ២០២១នេះ មានករណី លួចដែក និងម៉ាស៊ីនអាឈើ នៅចំណុចផ្ទះលេខ៩២ ផ្លូវលេខ២១ ភូមិព្រែកជាងព្រំ សង្កាត់វាលស្បូវ ខណ្ឌ ច្បារអំពៅ បង្កឡេីងកាលពីថ្ងៃទី ០៣ ខែមីនា ឆ្នាំ២០២១ ម៉ោង២៣និង០០នាទីត្រូវសមត្ថកិច្ចស្រាវជ្រាវចាប់ខ្លួនបានជនសង្ស័យម្នាក់ ។ ជនរងគ្រោះឈ្មោះ ឈឹម រស់ ភេទ ប្រុស អាយុ ៦០ឆ្នាំ ជនជាតិ ខ្មែរ មុខរបរ ជាងម៉ាស៊ីន ស្នាក់នៅផ្ទះកើតហេតុ។ ចំណែកជនសង្ស័យឈ្មោះ អ៊ុន ភិរម្យរិទ្ធី ភេទ ប្រុស អាយុ ២៧ឆ្នាំ ជនជាតិ ខ្មែរ មុខរបរ បើកបររថយន្ត ស្នាក់នៅផ្ទះជួល ផ្លូវ លំ ភូមិព្រែកជាងព្រំ សង្កាត់វាលស្បូវ ខណ្ឌច្បារអំពៅ។…

សារលិខិតថ្វាយព្រះពរ សូមក្រាបបង្គំទូលថ្វាយ សម្ដេចព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល។

ភ្នំពេញ៖ នាពេលកន្លងមករហូតដល់បច្ចុប្បន្ន ឯកឧត្តម ឃួង ស្រេង អភិបាលរាជធានីភ្នំពេញ តែងតែជម្រុញឲ្យកម្លាំងគណៈបញ្ជាការឯកភាពខណ្ឌទាំង១៤ ក្នុងភូមិសាស្រ្តរាជធានីភ្នំពេញ អោយយកចិត្តទុកដាក់ពីបញ្ហា បទល្មើសជាក់ស្ដែង នៅទីតាំងបង្កប់ល្បែងស៉ីគ្រប់ប្រភេទ ដែលខុលពីគោលនយោបាយភូមិឃុំមានសុវត្ថិភាព ត្រូវការចុះបង្ក្រាបភ្លាម។ ដូច្នេះ លោក ឯក ឃុនឌឿន អភិបាលនៃគណៈអភិបាលទួលគោក បានបញ្ជាកម្លាំងចុះបង្ក្រាបជាក់ស្ដែងតែម្ដង នៅទីតាំង internet បង្កប់ល្បែងភ្នាល់បាល់ តាមអនឡាញ ឃាត់ខ្លួនមនុស្សប្រុសស្រីចំនួន១០នាក់ (ស្រី០៥នាក់) និងដកហូតសម្ភារកំព្យូទ័រមួយចំនួន។ ក្នុងប្រតិបត្តិការនេះ ធ្វើឡើងនៅល្ងាចថ្ងៃទី០៥ ខែមិនា ឆ្នាំ២០២១ មានការបញ្ជាផ្ទាល់ដោយ លោក ឯក ឃុនឌឿន អភិបាលនៃគណៈអភិបាលទួលគោក ចុះបង្ក្រាប់ទីតាំង internet នៅចំណុចផ្ទះលេខ261AE0 មហាវិថីម៉ៅសេទុង (ផ្លូវលេខ245) ភូមិ1 សង្កាត់ផ្សារដើមគរ ខណ្ឌទួលគោក រាជធានីភ្នំពេញ។ យោងតាមប្រភពព័ត៌មានពីមន្រ្តី ខណ្ឌទួលគោក បានឲ្យដឹងថា នៅមុនពេលឈានដល់ការចុះបង្ក្រាប ជាក់ស្ដែងនេះ គឺកម្លាំងគណៈបញ្ជាការឯកភាពខណ្ឌបានធ្វើការស្រាវជ្រាវស៊ើបអង្កេតច្បាស់លាស់ពិតជាមានល្បែងភ្នាល់ពិតប្រាកដ ទើបលោក ឯក ឃុនឌឿន អភិបាលនៃគណៈអភិបាលទួលគោក បានបញ្ជាឲ្យ…

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានដឹកនាំកិច្ចប្រជុំបញ្ចប់ទំនាស់ករណីវិវាទដីធ្លីរវាងលោក សុខ អឿន ជាមួយលោក សុខ សាន្ត និងលោក សម វង មានទីតាំងស្ថិតនៅភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ នាព្រឹកថ្ងៃសុក្រ ៧រោច ខែផល្គុន ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី៥ ខែមីនា ឆ្នាំ២០២១ នៅទីស្តីការក្រសួង ។ ថ្លែងក្នុងឱកាសនោះលោកជំទាវបានមានប្រសាសន៍ថា ករណីវិវាទនេះត្រូវបានអូសបន្លាយអស់រយៈយូរមកហើយ ដោយសារតែករណីនេះមានលក្ខណៈស្មុគ្រស្មាញ ។  ប៉ុន្តែរហូតមកដល់ថ្ងៃនេះ គូភាគីទាំងសង្ខាងបានបញ្ចប់ទំនាស់ បានសម្តែងនូវសេចក្តីត្រេកអរជាខ្លាំង និងបានថ្លែងអំណរគុណយ៉ាងជ្រាលជ្រៅជាទីបំផុតជូនចំពោះ លោកជំទាវកិត្តិសង្គហបណ្ឌិត ឧបនាយករដ្ឋមន្ត្រី  រដ្ឋមន្ត្រីក្រសួងទំនាក់ទំនង ជាមួយរដ្ឋសភា-ព្រឹទ្ធសភា និងអធិការកិច្ច ដែលបានយកចិត្តទុកដាក់ខ្ពស់ក្នុងការចាត់តាំងគណៈប្រតិភូចុះធ្វើការអង្កេតស្រាវជ្រាវករណីវិវាទខាងលើក្នុងស្មារតីទទួលខុសត្រូវខ្ពស់ ដោយឈរលើគោលការណ៍តម្លាភាព និងយុត្តិធម៌ ដែលអាច ឱ្យគូភាគីវិវាទទាំងពីរទទួលយកយ៉ាងសមស្របទៅតាមយុទ្ធសាស្ត្រឈ្នះ ឈ្នះ របស់ សម្តេចអគ្គមហាសេនាបតី តេជោ ហ៊ុន…

តាកែវ៖ នៅព្រឹកថ្ងៃសុក្រ ថ្ងៃទី០៥ខែមីនា ឆ្នាំ២០២១ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ បានអញ្ជើញពិនិត្យ សំណេះសំណាលជាមួយ លោកគ្រូ អ្នកគ្រូពេទ្យ ប្រចាំការ កងកម្លាំងប្រចាំការ និងបងប្អូនប្រជាពលរដ្ឋ កំពុងធ្វើចត្តាឡីស័ក នៅមណ្ឌលចត្តាឡីស័កកំរិត២ ក្នុងសណ្ឋាគារ ស៊ីវិនដេអ៊ិន ស្ថិតនៅក្រុងដូនកែវ។ ដែលពិធីនេះក៏មានការអញ្ជើញចូលរួមដោយ លោកស្រី គា សុភូ អភិបាលរងខេត្ត លោកវេជ្ជ. នុត ស៊ីណាត ប្រធានមន្ទីរសុខាភិបាលខេត្ត លោកឧត្តមសេនីយត្រី សេង មហា មេបញ្ជការរងកងរាជអាវុធហត្ថខេត្ត លោកឧត្តមសេនីយ៍ត្រីស្នងរងនគរបាលខេត្ត លោកវរសេនីយ៍ឯកមេបញ្ជាការសឹករងតាកែវ ព្រមទាំងមន្រ្តីពាក់ព័ន្ធជាច្រើនរូបផងដែរ ។ មានមតិសំណេះសំណាលនាឱកាសនោះដែរ ឯកឧត្ដម អ៊ូច ភា អភិបាលខេត្ត បានថ្លែងនូវការកោតសរសើរចំពោះក្រុមការងារមន្ត្រីចត្តាឡីស័ក សមត្ថកិច្ច និងមន្ត្រីជំនាញពាក់ព័ន្ធទាំងអស់ ដែលបានអនុវត្តតួនាទីក្នុងការការពារសន្តិសុខ សុវត្ថិភាព សណ្ដាប់ធ្នាប់ ពង្រឹងកិច្ចសហប្រតិបត្តិការល្អប្រសើរ និងការប្រកាន់ខ្ជាប់នូវការអនុវត្តតាមវិធានការបង្ការទប់ស្កាត់ការឆ្លងរាលដាលជំងឺកូវីដ-១៩ របស់ក្រសួងសុខាភិបាលបានយ៉ាងល្អប្រសើរ ។ ឆ្លៀតក្នុងឱកាសនោះដែរ ឯកឧត្តមអភិបាលខេត្ត…

សំណុំរឿង ៩ វិច្ឆិកា គឺជាផែនការរដ្ឋប្រហាររបស់ក្រុមឧទ្ទាមក្រៅច្បាប់ដែលដឹកនាំដោយទណ្ឌិតសម រង្សី កាលពីខែវិច្ឆិកាឆ្នាំ២០១៩ ដែលក្រុមនោះបានបំផុសឲ្យប្រជាជន និងកងទ័ពប្រដាប់អាវុធបះបោរប្រឆាំងនឹងរាជរដ្ឋាភិបាលស្របច្បាប់ ប៉ុន្តែផែនការនោះត្រូវបរាជ័យ។ រដ្ឋលេខាធិការ និងជាអ្នកនាំពាក្យក្រសួងយុត្តិធម៌ លោក ជិន ម៉ាលីន នៅថ្ងៃទី៥មីនាឆ្នាំ២០២១ បានព្យល់៣ចំណុចអំពីអំពីទិដ្ឋភាពច្បាប់ និង នីតិវិធីតុលាការ ពាក់ព័ន្ធសំណុំរឿង ៩ វិច្ឆិកានោះ។ ចំណុចទី ១. លោកបានពន្យល់អំពីអ្វីដែលនៅពីក្រោយ ផែនការវិលត្រឡប់របស់ទណ្ឌិត សម រង្សី នៅថ្ងៃ៩ វិច្ឆិកា ២០១៩ កន្លងទៅ។ លោកជិន ម៉ាលីន បានបញ្ជាក់ថា គ្រប់គ្នាប្រហែលនៅចាំបានថា ក្រោមផែនការនៃការវិលត្រឡប់ចូលមកកម្ពុជាវិញ កាលពីថ្ងៃទី ៩ ខែវិច្ឆិកា ឆ្នាំ២០១៩ អាចហៅថា “ព្រឹត្តិការណ៍ ៩/១១ ” ទណ្ឌិត សម រង្ស៊ី និង បក្ខពួក បានធ្វើសកម្មភាពជាច្រើន ដែល អាចប្រមូលផ្តុំជា ៣ សកម្មភាពធំៗ ទី១-បានធ្វើសកម្មភាពញុះញង់ផង…

មីចំនួន៥០០កេស ដែលជាអំណោយរបស់លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក និងលោកស្រី ពេជ ចន្ទមុន្នី ត្រូវបាននាំមកជូន រដ្ឋបាលរាជធានីភ្នំពេញ ដើម្បីបន្តយកទៅចាត់ចែងជួយដល់ប្រជាពលរដ្ឋក្រីក្រ ពាក់ព័ន្ធកូវីដ-១៩ ក្នុងព្រឹត្តិការណ៍សហគមន៍២០កុម្ភៈ។ ពិធីនោះ បានធ្វើឡើង នារសៀលថ្ងៃទី៤ មីនា ឆ្នាំ២០២១ ក្រោមវត្តមានលោក កើត ឆែ អភិបាលរងរាជធានីភ្នំពេញ និងលោក អ៊ុក ច័ន្ទវាសនា ជំនួយការលោកឧត្តមសេនីយ៍ ហ៊ុន ម៉ាណែត នៅសាលារាជធានីភ្នំពេញ។ ក្នុងឱកាសនោះ លោក កើត ឆែ បានថ្លែងអំណរអរគុណ ចំពោះលោកឧត្តមសេនីយ៍ឯកហ៊ុន ម៉ាណែត និងលោកស្រី ដែលបានយកចិត្តទុកដាក់ជួយឧបត្ថម្ភគាំទ្រសម្មភាពរបស់រដ្ឋបាលរាជធានីភ្នំពេញ ពិសេសក្នុងការបង្ការទប់ស្កាត់កូវីដ-១៩ ក្នុងព្រឹត្តិការណ៍សហគមន៍២០កុម្ភៈ រហូតបានប្រគល់នូវអំណោយជាមីចំនួន៥០០កេស មកឲ្យរដ្ឋបាលរាជធានីភ្នំពេញ ដើម្បីបន្តយកទៅចាត់ចែងជួយដល់ប្រជាពលរដ្ឋក្រីក្រ ពាក់ព័ន្ធនឹងព្រឹត្តិការណ៍សហគមន៍២០កុម្ភៈ។ លោក អ៊ុក ច័ន្ទវាសនា បានលើកឡើងថា លោកឧត្តមសេនីយ៍ ហ៊ុន ម៉ាណែត និងលោកស្រី តែងយកចិត្តទុកដាក់ណាស់ចំពោះប្រជាពលរដ្ឋក្រីក្រ ហើយដោយមើលឃើញសកម្មភាពរបស់លោក…

នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ នៅព្រឹកថ្ងៃទី៥មីនាឆ្នាំ២០២១ បានដឹកនាំប្រតិភូបន្តចុះជួបសំណេះសំណាល និង សួរសុខទុក្ខកងទ័ព នៅទិសយោធភូមិភាគទី៣ ខេត្តកំពង់ស្ពឺ។ ពិធីសំណេះសំណាលសួរសុខទុក្ខនោះ បានប្រព្រឹត្តិទៅនៅទីបញ្ជាការយោធភូមិភាគទី៣ ដោយមានការចូលរួមពីថ្នាក់ដឹកនាំយោធភូមិភាគ តំបន់ប្រតិបត្តិការសឹករង និងកងពលតូចថ្មើរជើងលេខ៣១ផងដែរ។ នាយឧត្តមសេនីយ៍ វង្ស ពិសេន បានកោតសរសើរ និងវាយតម្លៃខ្ពស់ ចំពោះស្នាដៃ សមិទ្ធិផលជាច្រើន ដែលនាយទាហាន នាយទាហានរង និងពលទាហាន សម្រេចបាននាពេលកន្លងមក នៅក្នុងការបំពេញភារកិច្ចការពារបូរណភាពទឹកដី ការពារសុខសន្តិភាព ស្ថិរភាព និងការខិតខំកសាងអង្គភាពឱ្យមានការរីកចម្រើនមកដល់បច្ចុប្បន្ន។ ទន្ទឹមនឹងលទ្ធផលនោះ នាយឧត្តមសេនីយ៍វង្ស ពិសេន បានជម្រុញដល់ថ្នាក់ដឹកនាំ នាយទាហាន ពលទាហាន ត្រូវខិតខំបន្ថែមទៀតក្នុងការអនុវត្តភារកិច្ចស្នូល ការចូលរួមការពារកន្លែងធ្វើចត្តាឡីស័ក និងការត្រៀមកម្លាំងអន្តរាគមន៍ពេលមានបទបញ្ជា ក្នុងនោះកម្លាំងនៅតំបន់ព្រំដែនត្រូវការពារមិនឲ្យមានការឆ្លងដែនចេញចូលខុសច្បាប់ រវាងប្រទេសដែលជាប់ព្រំដែនជាមួយកម្ពុជា ខណៈសភាពការណ៍បច្ចុប្បន្នកំពុងរឹតបន្តឹងលើបញ្ហាជំងឺកូវីដ១៩ និងត្រូវបន្តសហការឲ្យបានល្អជាមួយប្រទេសជិតខាង ដោយអនុវត្តបានត្រឹមត្រូវតាមគោលនយោបាយដឹកនាំរបស់រាជរដ្ឋាភិបាល ក្នុងការប្រែក្លាយតំបន់ព្រំដែនជាតំបន់សន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ។ នាយឧត្តមសេនីយ៍ អគ្គមេបញ្ជាការ បានអំពាវនាវដល់ថ្នាក់ដឹកនាំ និងកងកម្លាំងទាំងអស់ ត្រូវរស់នៅមានអនាម័យល្អ គោរពឲ្យបានត្រឹមត្រូវតាមគោលការណ៍ (៣.កុំ…