បាត់ដំបង៖ លោក ណុប ដារ៉ា អភិបាលរង នៃគណ:អភិបាលខេត្តបាត់ដំបង បានអញ្ចើញចុះដោះស្រាយបញ្ចប់វិវាទរវាងអ្នកម៉ៅការសាងសង់ផ្សារ និងអាជីវករ ផ្សារល្វាចាស់ ស្ថិតក្នុងឃុំល្វា ស្រុកបវេល ខេត្តបាត់ដំបង ដោយទទួលជោគជ័យតាមគោលនយោបាយ ឈ្នះ ឈ្នះ សម្ដេចតេជោ ហ៊ុន សែន នៅព្រឹកទី២១ ខែមករា ឆ្នាំ២០២១ ។ សូមបញ្ជាក់ថា ផ្សារល្វាចាស់បានកើតវិវាទ រវាងអ្នកសាងសង់ផ្សា និងអាជីវករ ដែលបណ្ដាលអោយមានការកកស្ទះនូវការអភិវឌ្ឍផ្សារនេះឲ្យមានការរីកចម្រើន និងមានសណ្ដាប់ធ្នាប់ដូចបណ្ដាលផ្សារដទៃទៀតក្រោយពីទទួលបានព័ត៌មាននៃការវិវាទរវាងអ្នកសាងសង់ផ្សារនិងអាជីវក ឯកឧត្តម ងួន រតនៈ អភិបាលនៃគណៈអភិបាលខេត្តបាត់ដំបង បានចាត់តាំងឲ្យ លោកណុប ដារ៉ា អភិបាលរងខេត្តបាត់ដំបង ចុះទៅដល់ទីតាំងផ្ទាល់ដើម្បីធ្វើការដោះស្រាយបញ្ហានេះជូនប្រជាពលរដ្ឋ ជាលទ្ធផលនៃដំណោះស្រាយ ១.អាជីវករព្រមទទួលយកនូវការសាងសង់តូបថ្មីរបស់ខ្លួនតាមតម្លៃទីផ្សារក្នុង ១តូប ៥៥០ដុល្លារ តែដោយឃើញផលវិបាករបស់អាជីវករ លោកណុប ដារ៉ា បានធ្វើការសម្របសម្រួលជាមួយអ្នកសាងសង់ដោយបញ្ចុះតម្លៃក្នុង១តូបតែ ៤៨៣ដុល្លា ២.អាជីវករបានឯកភាពគ្នាជ្រើសរើសចាប់លេខតូបលក់ដូរដោយខ្លូនឯង ។ ក្រោយបានដោះស្រាយបញ្ចប់បញ្ហា លោក ណុប ដារ៉ា បានសំណូមពរឲ្យអាជីវករដែលលក់ដូរតាមតូបថ្មីត្រូវរក្សាបាននូវសណ្ដាប់ធ្នាប់ល្អ អនាម័យល្អ ចេះសាមគ្គីឯកភាពគ្នា…

ក្រសួងការងារណែនាំឲ្យរោងចក្រ សហគ្រាសផ្នែកកម្មន្តសាលបើកប្រាក់រំលឹកប្រាក់បំណាច់អតីតភាពការងារដែលមានមុនឆ្នាំ២០១៩ និងប្រាក់បំណាច់អតីតភាពការងារក្នុងឆ្នាំ២០២០ និងឆ្នាំ២០២១។

ក្រសួងប្រៃសណីយ៍ និងទូរគមនាគមន៍ ជូនដំណឹងស្ដីពីការកើនឡើងការបោកបញ្ជោត (Phishing) តាមអុីនធឺណិត ទៅលើគ្រឹះស្ថានធនាគារនិងហិរញ្ញវត្ថុ ព្រមទាំងវិធានការការពារ។

នៅទីស្ដីការក្រសួងមហាផ្ទៃ នាព្រឹកថ្ងៃទី២១ ខែមករា ឆ្នាំ២០២១នេះ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការ អញ្ជើញជាអធិបតីដ៏ខ្ពង់ខ្ពស់ដឹកនាំកិច្ចប្រជុំគណៈកម្មាធិការសម្របសម្រួលថ្នាក់ជាតិប្រឆាំងការសម្អាតប្រាក់ និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ (គ.ស.ហ) ដោយមានការចូលរួមពីអគ្គទេសាភិបាលធនាគារជាតិ រដ្ឋលេខាធិការក្រសួងមហាផ្ទៃ ថ្នាក់ដឹកនាំក្រសួង ស្ថាប័ន ពាក់ព័ន្ធ និងមន្ត្រីជំនាញជាច្រើនរូបផងដែរ៕ ដោយ -រ៉ាវុធ

ភ្នំពេញ៖ សេចក្តីជូនដំណឹងស្តីពី ការប្រឡងប្រជែងជ្រើសរើសនិស្សិត និងមន្ត្រីរាជការស៊ីវិលឱ្យចូលបម្រើការងារក្នុងក្របខ័ណ្ឌក្រសួងកសិកម្ម រុក្ខាប្រមាញ់ នេសាទ និងក្រសួង ស្ថាប័នរដ្ឋ សម្រាប់ឆ្នាំ២០២១ សូមអានខ្លឹមសារខាងក្រោម ៕ ដោយ / គ្រី សម្បត្តិ

លោកឧត្តមសេនីយ៍ត្រី សួន សុន នាយកសាលាពលទាហានទី៥ យោធភូមិភាគទី៥ នៅថ្ងៃទី២០មករាឆ្នាំ២០២០ បានចុះត្រួតពិនិត្យ ការបាញ់គ្រាប់ពិតប្រភេទ អាវុធ AK៤៧ របស់ សិក្ខាកាមវគ្គហ្វឹកហ្វឺនបណ្តុះបណ្តាលនាយទាហានរង នៅទីលានបាញ់គ្រាប់ពិត សាលាពលទាហានទី៥ យោធភូមិភាគទី៥ ស្ថិតក្នុងភូមិឥន្ទជិត ឃុំឈើទាល ស្រុកបាណន់ ខេត្តបាត់ដំបង។ ឧត្តមសេនីយ៍ត្រី សួន សុន នាយកសាលាពលទាហានទី៥ បានធ្វើការកោតសរសើរ ដល់សិក្ខាកាមទាំងអស់ដែលខិតខំប្រឹងប្រែងសិក្សារៀនសូត្រ រហូតទទួលលទ្ធផលល្អក្នុងការហ្វឹកហ្វឺនបាញ់គ្រាប់ពិតនាពេលនេះ និងបានធ្វើការផ្ដាំផ្ញើឲ្យសិក្ខាកាមទាំងអស់បន្តយកចិត្តទុកដាក់សិក្សារៀនសូត្រ ពីយោធាចារ្យបន្ថែមទៀតដើម្បីយកចំណេះដឹងដែលទទួលបានពីសាលាទៅបម្រើអង្គភាព និងមាតុភូមិរបស់ខ្លួន។ សូមបញ្ជាក់ថា វគ្គហ្វឹកហ្វឺននោះ មានសិក្ខាកាមចំនួន១០១នាក់ ហើយហ្វឹកហ្វឺនរយៈពេល៦ខែ។ ចំពោះលំហាត់បាញ់គ្រាប់ពិត នាឱកាសនោះ ត្រូវបាន អនុវត្តបាញ់តាម៣កាយវិការ គឺ កាយវិការក្រាបបាញ់, កាយវិការលុតជង្គង់បាញ់ និងកាយវិការឈរបាញ់។ ក្រោយពេលបញ្ចប់លទ្ធផលទទួលបានរួមមាន ចំណាត់ថ្នាក់ល្អណាស់ មានចំនួន៣នាក់, ចំណាត់ថ្នាក់ល្អ មានចំនួន ១៧នាក់ និងចំណាត់ថ្នាក់មធ្យម មានចំនួន៨១នាក់៕កឹម ទៀង

នាយកដ្ឋានប្រឆាំងបទល្មើសបច្ចេកវិទ្យា នៃសអគ្គស្នងការដ្ឋាននគរបាលជាតិ នៅយប់ថ្ងៃទី២០មករាឆ្នាំ២០២១ បានប្រកាសថា មានជនខិលខូចបានផ្ញើសារដែលបន្លំធ្វើជាសារមកពីធនាគារអេស៊ីលីដា ដែលមានតំណភ្ជាប់ទៅគេហទំព័រក្លែងក្លាយ។ តាមការស្រាវជ្រាវរបស់នាយកដ្ឋានបានរកឃើញថា គេហទំព័រក្លែងក្លាយដែលជនខិលខូចបានបង្កើតនោះ គឺវាដូចគ្នានឹងគេហទំព័រក្លែងក្លាយដែលពួកគេបង្កើតសម្រាប់ធនាគារកាណាឌីយ៉ា ដែលនាយកដ្ឋានបានផ្សព្វផ្សាយកាលពីចុងសប្តាហ៍កន្លងទៅ។ គេហទំព័រទាំងនោះ បង្កើតឡើងដើម្បីបោកបញ្ឆោតយកព័ត៌មាន មានដូចជា ឈ្មោះ ថ្ងៃខែឆ្នាំកំណើត លេខអត្តសញ្ញាណបណ្ណ លេខទូរសព្ទ ឈ្មោះសម្រាប់ចូលទៅក្នុងគណនី និងលេខសម្ងាត់ ដែលអាចឱ្យពួកគេចូលទៅក្នុងគណនីធនាគារ ក្នុងគោលបំណងលួចយកប្រាក់កាសរបស់លោកអ្នកតែប៉ុណ្ណោះ។ នាយកដ្ឋានប្រឆាំងបទល្មើសបច្ចេកវិទ្យា បានណែនាំជាថ្មីម្ដងទៀតដល់អ្នកប្រើប្រាស់ទាំងអស់ឱ្យមានការប្រុងប្រយ័ត្ននៅពេលដែលទទួលបានសារណាមួយ ដែលទាមទារឱ្យផ្ដល់ព័ត៌មានផ្ទាល់ខ្លួន ហើយដើម្បីចៀសវាងពីការបោកបញ្ឆោតនោះ អ្នកប្រើប្រាស់គួរតែធ្វើការទំនាក់ទំនងទៅក្រុមហ៊ុនផ្ទាល់តាមរយៈលេខទូរសព្ទ ដើម្បីទទួលបានព័ត៌មានបន្ថែម៕កឹម ទៀង

នៅថ្ងៃទី២០ ខែមករា ឆ្នាំ២០២១នេះ នៅសាលប្រជុំរបស់អគ្គាធិការដ្ឋាន ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន អញ្ជើញបើកកិច្ចប្រជុំពិភាក្សាពីនីតិវិធី និងដំណើរការ នៃការទទួល និងដោះស្រាយបណ្តឹង និងត្រួតពិនិត្យកែសម្រួលសេចក្ដីណែនាំលេខ០៣០សណន ចុះថ្ងៃទី១៧ ខែកញ្ញា ឆ្នាំ២០១២ របស់ក្រសួងមហាផ្ទៃ ស្តីពីការអញ្ជើញមន្ត្រីរាជការស៊ីវិល និងមន្ត្រីនគរបាលជាតិមកឆ្លើយបំភ្លឺពាក់ព័ន្ធនឹងពាក្យបណ្តឹងនានា ដែលស្ថិតនៅក្រោមសមត្ថកិច្ចធ្វើការអង្កេតស្រាវជ្រាវរបស់អគ្គាធិការដ្ឋានក្រសួងមហាផ្ទៃ។ កិច្ចប្រជុំនេះមានការអញ្ជើញចូលរួមពី ឯកឧត្តម លោកជំទាវ អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្រ្តីពាក់ព័ន្ធ។ សូមគូសបញ្ជាក់ថា អគ្គាធិការដ្ឋាន ក្រសួងមហាផ្ទៃ មានតួនាទីជាសេនាធិការជូនរដ្ឋមន្ត្រីក្រសួងមហាផ្ទៃ ក្នុងការធ្វើអធិការកិច្ច និងដោះស្រាយបណ្តឹងតវ៉ា បរិហាររបស់ប្រជាពលរដ្ឋដែលពាក់ព័ន្ធក្នុងដែនសមត្ថកិច្ចក្រសួងមហាផ្ទៃ។ ហេតុនេះ ដើម្បីឱ្យការអនុវត្ត តួនាទី ភារកិច្ចរបស់ខ្លួនកាន់តែមានប្រសិទ្ធភាព អនុវត្តន៍តាមផែនការយុទ្ធសាស្ត្រ៥ឆ្នាំ កំណត់របៀបរបបការងារផ្ទៃក្នុង និងឆ្លើយតបទៅនឹងស្ថានភាព តម្រូវការការងារជាក់ស្តែង ព្រមទាំងការវិវត្តតាមបច្ចុប្បន្នភាព ទើបអគ្គាធិការដ្ឋាន ចាំបាច់ត្រូវរៀបចំនីតិវិធី និងដំណើរការទទួល ដោះស្រាយពាក្យបណ្តឹង ព្រមទាំងពិនិត្យកែសម្រួលសេចក្ដីណែនាំលេខ០៣០នេះ និងសំដៅបង្កលក្ខណៈងាយស្រួលដល់ការដាក់ពាក្យបណ្តឹងពីគ្រប់មជ្ឈដ្ឋានពាក់ព័ន្ធដែនសមត្ថកិច្ចក្រសួងមហាផ្ទៃ និងពន្លឿនដល់ការដោះស្រាយឱ្យមានកាន់តែមានតម្លាភាព ប្រសិទ្ធភាព៕ដោយ -រ៉ាវុធ

នាយកដ្ឋានព័ត៌មានវិទ្យានៅថ្ងៃទី២១មករាឆ្នាំ២០២១ បានឲ្យដឹងថា ដោយសារភាពរីកចម្រើននៃបច្ចេកវិទ្យា បណ្តាអង្គភាព ក្រុមហ៊ុន និងសហគ្រាសផ្សេងៗ បានប្រែក្លាយរបៀបប្រតិបត្តិការបែបឌីជីថល គាំទ្រដោយប្រព័ន្ធបច្ចេកវិទ្យាគមនាគមន៍ និងព័ត៌មាន។ ក្រុមការងារបច្ចេកទេសនៃនាយកដ្ឋានព័ត៌មានវិទ្យា បានលើកយកបទល្មើសបច្ចេកវិទ្យា ដែលកំពុងផ្តោតគោលដៅលើគ្រឹះស្ថានហិរញ្ញវត្ថុនៅប្រទេសកម្ពុជា។ តាមរយ:ការស្រាវជ្រាវ និងសេចក្តីរាយការណ៍កន្លងមក បទល្មើសហិរញ្ញវត្ថុ (មធ្យោបាយបច្ចេកវិទ្យា) កំពុងកើតមានយ៉ាងច្រើនករណី គោលដៅលើអ្នកប្រើប្រាស់ ឬប្រព័ន្ធធនាគារនា ក្នុងប្រទេសកម្ពុជា តួរយ៉ាង ការឆបោកផ្ទេរប្រាក់ដោយប្រើប្រាស់វិស្វកម្មបណ្តាញសង្គម (Social Engineering) ការវាយប្រហារចូលប្រព័ន្ធលួចផ្ទេរប្រាក់ (Banking System / Business Logic Hacking) និងការក្លែងបន្លំផ្សេងៗ។ ចំពោះ ការឆបោកផ្ទេរប្រាក់ដោយប្រើប្រាស់វិស្វកម្មបណ្តាញសង្គម (Social Engineering) គឺពួកឧក្រិដ្ឋជនប្រើប្រាស់បច្ចេកទេសឆបោកផ្សេងៗ ឧទាហរណ៍ ផ្សព្វផ្សាយកម្មវិធីរង្វាន់ផ្សេងៗ តាមរយៈសារអេឡិចត្រូនិក ឬសារ SMS ផ្តល់តំណភ្ជាប់ Phishing ឬបន្លំជាបុគ្គលិកធនាគារ។ល។ ដើម្បីលួងលោមម្ចាស់គណនីធនាគារ ឲ្យផ្តល់នូវលេខកូដសម្ងាត់ លេខកូដផ្ទេរប្រាក់ ឬលេខកូដផ្ទៀងផ្ទាត់ (OTP) ឬរធ្វើការផ្ទេរប្រាក់ទៅកាន់ឧក្រិដ្ឋជន ក្នុងស្រុក ឬក្រៅប្រទេស។ ចំពោះ ការវាយប្រហារចូលប្រព័ន្ធលួចផ្ទេរប្រាក់…

រដ្ឋមន្ត្រីក្រសួងពាណិជ្ជកម្មលោក ប៉ាន សូរស័ក្តិ និងលោកស្រី Eva Nguyen Binh ឯកអគ្គរដ្ឋទូតសាធារណរដ្ឋបារាំង ប្រចាំកម្ពុជា បានអញ្ជើញជាអធិបតីក្នុងពិធីសម្ពោធបើកក្រុមហ៊ុន Newrest ដែលជាក្រុមហ៊ុនផ្នែកសេវាអាហារដ្ឋានធំមួយរបស់បារាំង។ ពិធីសម្ពោធនោះ បានធ្វើឡើងនៅល្ងាចថ្ងៃទី២០មករាឆ្នាំ២០២១ នៅស្ថានទូតបារាំង នារាាជធានីភ្នំពេញ។ ក្នុងឱកាសនោះ លោករដ្ឋមន្ត្រីក្រសួងពាណិជ្ជកម្ម បានលើកឡើងថា ក្រោមការដឹកនាំរបស់ សម្ដេចតេជោ ហ៊ុន សែន កម្ពុជាមានសុខសន្តិភាពពេញលេញទូទាំងប្រទេស ដែលជាកត្តាសំខាន់មួយ ទាក់ទាញវិនិយោគិនពីបរទេសឲ្យមកបណ្ដាក់ទុនរកស៊ីនៅកម្ពុជាកាន់តែច្រើនឡើងៗ មានដូចជាក្រុមហ៊ុន Newrest នៅពេលនេះជាភស្តុតាងស្រាប់។ លោករដ្ឋមន្ត្រីបានបន្ថែមថា វត្តមានក្រុមហ៊ុនដ៏ធំបម្រើផ្នែកអាហាររបស់បារាំងនោះ នឹងរួមចំណែកបង្កើតការងារក្នុងស្រុក ក៏ដូចការ គាំទ្រដល់កំណើនវិស័យទេសចរណ៍នាពេលខាងមុខ។ លោករដ្ឋមន្ត្រី ក៏បានសម្ដែងនូវការស្វាគមន៍ និងថ្លែងអំណរគុណដល់វិនិយោគិនបារាំង ដែលបានជ្រើសរើសយកកម្ពុជាជាទីផ្សារសេវាកម្មរបស់ខ្លួន ស្របតាមគោលនយោបាយលើកទឹកចិត្តវិនិយោគរបស់ព្រះរាជាណាចក្រកម្ពុជា។ សូមបញ្ជាក់ថា ក្រុមហ៊ុន Newrest ជាក្រុមហ៊ុនសេវាកម្មម្ហូបអាហារលំដាប់ពិភពលោកដ៏ធំមួយរបស់ប្រទេសបារាំង ដែលប្រតិបត្តិការនៅក្នុង ៥៨ ប្រទេសលើពិភពលោក មានបុគ្គលិកបម្រើការងារចំនួន ៣ម៉ឺន៤ពាន់៩០០ នាក់ ដែលអាចរកចំណូលរួមបានចំនួន១ពាន់៥២៦លាន៧សែនអឺរ៉ូ ក្នុងឆ្នាំ២០១៨និង២០១៩។ ក្រុមហ៊ុន Newrest បម្រើសេវាផ្គត់ផ្គង់ម្ហូបអាហារយ៉ាងសំបូរបែប រួមមាន…