ភ្នំពេញ៖ វិស័យកសិកម្ម បាននិងកំពុងចូលរួមចំណែកយ៉ាងសំខាន់ ក្នុងដំណើរការអភិវឌ្ឍសង្គម-សេដ្ឋកិច្ចកម្ពុជា, ពិសេសក្នុងការកាត់ បន្ថយភាពក្រីក្រ, ការបង្កើនប្រាក់ចំណូលរបស់ប្រជាពលរដ្ឋ និងការធានាបាននូវសន្តិសុខស្បៀង ។ នេះជាការបញ្ជាក់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ក្នុងឱកាសតំណាងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី កម្ពុជា អញ្ជើញបើកសនិ្នសីទស្វាយចន្ទី ពិភពលោកលើកទី១០ ឆ្នាំ២០២៤ នាថ្ងៃទី១ ខែកុម្ភៈ ឆ្នាំ២០២៤ ។ ឯកឧត្តមអគ្គបណ្ឌិតសភាចារ្យ បានលើកឡើងថា សនិ្នសីទស្វាយចន្ទីពិភពលោក លើកទី១០ ឆ្នាំ២០២៤ គឺជាព្រឹត្តិការណ៍ដ៏មានសារៈសំខាន់ ដែលបានប្រមូលផ្តុំភាគីពាក់ព័ន្ធ ក្នុងវិស័យស្វាយចន្ទី, ទាំងក្នុង និង ក្រៅប្រទេស; និង បង្កើតឱកាសដ៏មានតម្លៃ ដើម្បីពិភាក្សា និង ផ្លាស់ប្តូរព័ត៌មាន, ចំណេះដឹង និង បទពិសោធ ក្នុងវិស័យស្វាយចន្ទី; ព្រមទាំងឱកាស សម្រាប់ការផ្គូផ្គងធុរកិច្ច រវាងធុរជនដែលចូលរួមនៅក្នុងសន្និសីទនេះ ។ បន្ថែមលើនេះ, អង្គសន្និសីទ ក៏នឹងជួយជំរុញការផ្សព្វផ្សាយ…

ភ្នំពេញ៖ សភាពាណិជ្ជកម្ម និងឧស្សាហកម្មជប៉ុន បង្ហាញចំណាប់អារម្មណ៍ពង្រីកការវិនិយោគលើវិស័យវាយនភ័ណ្ឌ ក្នុងទម្រង់ជា OEM លើសម្ភារៈវាយនភ័ណ្ឌ ដែលបង្ហាញថា ផលិតផល ផលិតនៅកម្ពុជា (Made In Cambodia) ។ នេះបើតាមលទ្ធផល នៃជំនួបពិភាក្សាការងាររវាងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ជាមួយលោក Yoshihisa Suzuki ប្រធានគណៈកម្មាធិការកិច្ចសហប្រតិបត្តិការ ធុរកិច្ចមេគង្គ-ជប៉ុន នៃសភាពាណិជ្ជកម្ម និងឧស្សាហកម្មជប៉ុន នៅវិមានសន្តិភាព នាព្រឹកថ្ងៃទី០១ ខែកុម្ភៈ ឆ្នាំ២០២៤ ។ ក្នុងជំនួបនេះ លោក Yoshihisa Suzuki បានថ្លែងអំណរគុណយ៉ាងជ្រាលជ្រៅជូនចំពោះ សម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោក និងគណៈប្រតិភូ ចូលជួបសម្តែងការគួរសម និងបានសម្ដែងនូវការថ្លែងអំណរគុណចំពោះរាជរដ្ឋាភិបាលកម្ពុជា ដែលតែងតែបានយកចិត្តទុកដាក់ក្នុងការគាំទ្រ ជានិច្ចចំពោះការវិនិយោគរបស់ក្រុមហ៊ុនជប៉ុននៅក្នុងព្រះរាជាណាចក្រកម្ពុជា។ លោកប្រធានគណៈកម្មាធិការ បានគោរពជម្រាបជូន សម្តេចធិបតី អំពីសកម្មភាពរបស់សភាពាណិជ្ជកម្ម និងឧស្សាហកម្មជប៉ុន ដែលជាស្ថាប័នសេដ្ឋកិច្ច និងពាណិជ្ជកម្មដ៏ធំនៅក្នុងប្រទេសជប៉ុន ហើយបច្ចុប្បន្ននេះមានការិយាល័យចំនួន ៥១៥ និងមានសមាជិកសរុប ជាង…

ភ្នំពេញ៖ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ បានរៀបចំឱកាសការងារក្នុងស្រុកចំនួន ៣៤ ៧១៣ កន្លែង ក្នុងវិស័យសំខាន់ៗចំនួនបី ក្នុងរាជធានី-ខេត្តចំនួន ១០ សម្រាប់សាធារណជនងាយស្រួលជ្រើសរើសចូលបម្រើការងារ ។ នេះបើតាមការបង្ហោះសារនៅលើបណ្ដាញ សង្គមតេលេក្រាមរបស់សម្ដេចមហាបវតធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ។ សារបង្ហោះនៅលើបណ្ដាញសង្គមតេលេក្រាមរបស់សម្ដេចធិបតី ហ៊ុន ម៉ាណែត មានខ្លឹមសារដូច្នេះថា មូលធនមនុស្ស គឺជាអាទិភាពគន្លឹះ ក្នុងការជំរុញសេដ្ឋកិច្ច ឱ្យសម្រេចបាននូវគោលដៅរបស់កម្ពុជា នៅឆ្នាំ២០៣០ និងធ្វើឱ្យកម្ពុជាក្លាយជាប្រទេសមានចំណូលខ្ពស់នៅឆ្នាំ២០៥០ ។ ផ្តោតលើចក្ខុវិស័យដ៏វែងឆ្ងាយនេះ រាជរដ្ឋាភិបាល នីតិកាលទី៦ ដែលដឹកនាំដោយ សម្តេចតេជោ អតីតនាយករដ្ឋមន្ត្រី បានផ្តួចផ្តើមរៀបចំនូវការបណ្តុះបណ្តាលកម្លាំងពលកម្មជំនាញដល់យុវជនមកពីគ្រួសារក្រីក្រ និងងាយរងគ្រោះចំនួន ១លាន ៥សែននាក់ ដែលគោលនយោបាយនេះ ត្រូវបានប្រកាសឱ្យអនុវត្តជាផ្លូវការដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នីតិកាលទី៧ កាលពីថ្ងៃទី ១៤ វិច្ឆិកា ២០២៣ ដោយមើលឃើញនូវតម្រូវការទីផ្សារនាពេលបច្ចុប្បន្ន…

ព្រះសីហនុ៖ រាជរដ្ឋាភិបាល កំណត់យកឆ្នាំ២០២៤ គឺជាឆ្នាំងើបឡើងវិញ ចំពោះ សេដ្ឋកិច្ចនៅកម្ពុជា ខណៈកម្មវិធីពិសេសជំរុញការវិនិយោគ នៅក្នុងខេត្តព្រះសីហនុ ឆ្នាំ២០២៤ ត្រូវបានរៀបចំឡើងដោយឈរលើទស្សនទាន គោលចំនួន ០៤ ។ នេះជាការគូសបញ្ជាក់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាកច្រកម្ពុជា ក្នុងឱកាសអញ្ជើញជាអធិបតីក្នុងពិធីប្រកាសដាក់ឱ្យអនុវត្តជាផ្លូវការ ក្នុងកម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ២០២៤ នាព្រឹកថ្ងៃទី៣១ ខែមករា ឆ្នាំ២០២៤ ។ សម្ដេចធិបតី មានប្រសាសន៍ថា កម្មវិធីពិសេសជំរុញការវិនិយោគនៅក្នុងខេត្តព្រះសីហនុឆ្នាំ២០២៤ ត្រូវបានរៀបចំឡើងដោយឈរលើទស្សនទានគោលចំនួន ០៤ រួមមាន៖ ទី១ កែប្រែមុខមាត់ខេត្តព្រះសីហនុ ឱ្យទៅជាខេត្តដែលមានមូលដ្ឋានសេដ្ឋកិច្ច ពឹងផ្អែកលើឧស្សាហកម្ម ទេសចរណ៍ និងការវិនិយោគ ។ ទី២ ដោះស្រាយបញ្ហាប្រឈមជាក់ស្តែង ដែលផ្តល់លទ្ធផលរហ័ស ។ ទី៣ ដាក់ចេញនូវវិធានការអនុវត្តជាក់ស្តែង ដែលមានលក្ខណៈជាការបំពេញបន្ថែមប្រកបដោយសង្គតិភាព ទាក់ទងទៅនឹងគោលនយោបាយ និងយុទ្ធសាស្ត្រនានា របស់រាជរដ្ឋាភិបាល ។ ទី៤ បង្កើនល្បឿននៃការធ្វើបរិវត្តកម្ម និងការអភិវឌ្ឍឧស្សាហកម្ម ក្នុងខេត្តព្រះសីហនុ ឱ្យមានតម្លៃបន្ថែម…

ភ្នំពេញ៖ ជាគំនិតផ្តួចផ្តើមដ៏សំខាន់មួយក្នុងការពង្រឹងកម្លាំងពលកម្មរបស់ខ្លួនប្រទេសកម្ពុជាបានដាក់ឱ្យដំណើការមូលនិធិអភិវឌ្ឍន៍ជំនាញ ដែលជាកម្មវិធីយុទ្ធសាស្រ្តមួយក្នុងគោលបំណងផ្សារភ្ជាប់គម្លាតរវាងការផ្គត់ផ្គង់ និងតម្រូវការការងារជំនាញនៅក្នុងប្រទេស។ ការផ្លាស់ប្តូរដ៏សំខាន់នេះត្រូវបានគេរំពឹងថានឹងជំរុញសេដ្ឋកិច្ចជាតិដោយការតម្រឹមជំនាញកម្លាំងពលកម្មជាមួយនឹងតម្រូវការដែលកំពុងមានសន្ទុះក្នុងទីផ្សារការងារ។ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានថ្លែងក្នុងពិធីសម្ពោធមូលនិធិនេះកាលពីថ្ងៃទី៣០ ខែមករាថា ការដាក់ឱ្យដំណើរការមូលនិធិនេះគឺជាជំហានដ៏ចាំបាច់មួយក្នុងការដោះស្រាយភាពមិនស៊ីគ្នានៃជំនាញ និងតម្រូវការនៅកម្ពុជា ដែលជាបញ្ហាប្រឈមមួយដែលអាចរារាំងទាំងការងារ និងការអភិវឌ្ឍន៍សេដ្ឋកិច្ច។ ឯកឧត្តមជឿថា មូលនិធិនេះនឹងជួយសម្រួលដល់កម្មវិធីបណ្តុះបណ្តាលចំគោលដៅដើម្បីបំពេញតម្រូវការនៃឧស្សាហកម្មទំនើប។ ឯកឧត្តម បញ្ជាក់ថា៖«សេដ្ឋកិច្ចកម្ពុជា កំពុងស្ថិតលើវិថីនៃការផ្លាស់ប្តូរពីឧស្សាកម្មអតិពលកម្មមកជាឧស្សាហកម្មផ្អែកលើជំនាញ និងបន្តឈានទៅអភិវឌ្ឍន៍ជាឧស្សាហកម្មទំនើប ដែលផ្អែកជាសំខាន់លើមូលដ្ឋានបច្ចេកវិទ្យា និងចំណេះដឹង។ ស្ថិតក្នុងបរិការណ៍នេះ ការអភិវឌ្ឍន៍ជំនាញដើរតួនាទៅកាន់តែសំខាន់ក្នុងការលើកកម្ពស់សមត្ថភាព ភាពប្រកួតប្រជែង និងកម្រិតជីវភាពរបស់ប្រជាពលរដ្ឋកម្ពុជា ក៏ដូចជាបំពេញតម្រូវការដ៏ធំធេងនៃកំលាំងពលកម្មជំនាញ»។ មុនការដាក់សម្ពោធជាផ្លូវការ មូលនិធិអភិវឌ្ឍន៍ជំនាញ បានដំណើរការសាកល្បងចាប់ពីឆ្នាំ២០១៨ មកម្ល៉េះ។ ក្នុងរយៈពេល៥ឆ្នាំកន្លងទៅ មូលនិធិបានចាយជាង១៧ លានដុល្លារ បណ្តុះធនធានជាង ១៦.០០០នាក់។ ដើម្បីធានាការផ្សារភ្ជាប់ដោយផ្ទាល់ទៅនឹងទីផ្សារការងារ មូលនិធិនេះសហការជាមួយដៃគូជាង ៣៥០ ស្ថាប័ន ក្នុងនោះមានទាំង សមាគមន៍ពាណិជ្ជកម្ម គ្រឹះស្ថានបណ្តុះបណ្តាល រោងចក្រ និងសហគ្រាស ផងដែរ។ ជំនាញសំខាន់ដែលជាគោលដៅបណ្តុះបណ្តាលមាន ជំនាញទេសចរណ៍ សំណង់ កម្មន្តសាល បច្ចេកវិទ្យាឌីជីថល យានយន្ត…

ព្រះសីហនុ៖ អគារចំនួន ៣៦២ ដែលបានផ្អាកដំណើរការសាងសង់ នៅខេត្តព្រះ សី ហនុ ត្រូវការទុនវិនិយោគបន្ថែមប្រមាណជាង ១ពាន់លានដុល្លារ ដើម្បីបញ្ចប់ការ សាងសង់ ។ នេះបើតាមរបាយការណ៍របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធាន គណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ ដែលបានថ្លែងក្នុងពិធី ប្រកាស ដាក់ឱ្យអនុវត្តជាផ្លូវការ ក្នុងកម្មវិធីពិសេសជំរុញការវិនិយោគ ក្នុងខេត្តព្រះសី ហនុ ឆ្នាំ២០២៤ នាព្រឹកថ្ងៃទី៣១ ខែមករា ឆ្នាំ២០២៤ ក្រោមអធិបតីភាពសម្តេច មហា ប វរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាកច្រកម្ពុជា ។ ឯកឧត្តម ឧបនាយករដ្ឋមន្រ្តី បានថ្លែងថា បច្ចុប្បន្នអគារដែលត្រូវបានផ្អាកដំណើរ ការសាងសង់ មានចំនួន ៣៦២ ដែលត្រូវការទុនវិនិយោគបន្ថែម ប្រមាណ ១១៦១លានដុល្លារអាម៉េរិក ដើម្បីបញ្ចប់ការសាងសង់, ខណៈអគារដែលត្រូវ បានសាងសង់រួច, ប៉ុន្តែពុំទាន់បានដាក់ដំណើរការប្រើប្រាស់មានចំនួន ១៧៦…