ភ្នំពេញ៖ «Metfone Stars» ដែលជាកម្មវិធីប្រកួតទេពកោសល្យអ្នកផលិតមាតិកាវីដេអូដំបូងបំផុតនៅកម្ពុជា បានឈានដល់វគ្គផ្តាច់ព្រ័ត្រហើយ បន្ទាប់ពីទទួលការគាំទ្រដ៏គួរឱ្យភ្ញាក់ផ្អើល ទាំងស្រទាប់យុវវ័យ និងអ្នកផលិតមាតិកាវីដេអូលើប្រព័ន្ធបណ្តាញសង្គម។ ថ្លែងក្នុងកម្មវិធី «Metfone Stars» វគ្គផ្តាច់ព្រ័ត្រ ដែលរៀបចំឡើងនៅផ្សារទំនើបអ៊ីអន ម៉ល សែនសុខ ស៊ីធី លោក កាវ ម៉ាញ ដឹក អគ្គនាយកក្រុមហ៊ុន មិត្តហ្វូន បានមានប្រសាសន៍ថា ខ្ញុំមានអារម្មណ៍សប្បាយចិត្តខ្លាំងណាស់ ដែល «Metfone Stars» ក្លាយជាកម្មវិធីថ្មីដំបូងគេនៅកម្ពុជា បង្កើតឡើងក្នុងគោលបំណងជាវេទិកាប្រមូលផ្តុំអ្នកផលិតមាតិកាវីដេអូ ជួបជុំប្រកួតគ្នាលើខ្លឹមសារចម្រុះដ៏សម្បូរបែប និងទទួលយកបទពិសោធថ្មីៗពីគ្នា និងអភិវឌ្ឍជំនាញកាន់តែល្អប្រសើរ ដើម្បីជាស្ពានមួយអាចដឹកដៃបេក្ខជនម្នាក់ៗ ឱ្យឈានទៅកាន់ក្តីស្រមៃរបស់ពួកគេ។ លោកអគ្គនាយកបន្ថែមថា នៅទីបំផុត Metfone អាចសម្រេចគោលបំណងបានហើយ ដែលនេះជាការរួមចំណែកក្នុងការអភិវឌ្ឍធនធានមនុស្ស និងអភិវឌ្ឍសង្គមជាតិ។ បន្ទាប់ពីឆ្លងកាត់វគ្គជម្រុះដ៏ស្វិតស្វាញជាច្រើនវគ្គ កម្មវិធី «Metfone Stars» ផ្តើមចេញពីបេក្ខជនដាក់ពាក្យប្រលងរាប់រយនាក់ សម្រិតសម្រាំងបានបេក្ខជន ៥០នាក់ ដែលមានឱកាសចូលរួមប្រកួតវគ្គដំបូង រហូតឆ្លងកាត់វិញ្ញាសាជម្រុះជាច្រើនវគ្គ កម្មវិធីទទួលបានបេក្ខជនឆ្នើម ១០រូប ដែលមានសមត្ថភាពឈានចូលមកប្រកួតដល់វគ្គផ្តាច់ព្រ័ត្រ។ ការប្រកួតក្នុងវគ្គនេះ បេក្ខជនត្រូវឆ្លងកាត់លើវិញ្ញាសាចំនួនពីរជាចម្បង គឺការផលិតមាតិកាវីដេអូលើប្រធានបទវប្បធម៌ខ្មែរ…

(ភ្នំពេញ)៖ រដ្ឋបាលជលផល និងអង្គការសហប្រជាជាតិដើម្បីអភិវឌ្ឍន៍ឧស្សាហ កម្ម (UNIDO) នាថ្មីៗកន្លងមកបានរៀបចំសិក្ខាសាលាផ្សព្វផ្សាយស្តីពី «លក្ខខណ្ឌតម្រូវ​បច្ចេកទេសសម្រាប់នាំចេញផល ផលិតផលជលផល» ដើម្បីជូនដំណឹងដល់​សហ​គ្រាស​កែច្នៃផលជលផល និងប្រតិបត្តិកធុរកិច្ចជលផលពាក់ព័​ន្ធ​ដែលមានបំណង​នាំចេញផលិតផលទៅកាន់ទីផ្សារអន្តរជាតិ រួមទាំងសហភាពអឺរ៉ុប ឱ្យដាក់ពាក្យស្នើសុំ​និងទទួលបានលេខកូដសម្គាល់មកកាន់រដ្ឋបាលជលផលដើម្បីចុះឈ្មោះអនុម័តសម្រាប់នាំចេញ។ យោងតាមសេចក្តីជូនដំណឹងរបស់គម្រោងវិស័យជលផលក្រោយប្រមូលផល(CAPFISH-Capture) បានឱ្យដឹងនៅថ្ងៃទី០៥ ខែសីហា ឆ្នាំ២០២៤នេះថា ការធានាបាន​សុចរិត​ភាព និងសុវត្ថិភាពផល ផលិតផលជលផលគឺជា អាទិភាពចម្បងរបស់​រដ្ឋបាល​ជលផល។ ក្នុងសេចក្តីជូនដំណឹងនេះបានបញ្ជាក់ថា ក្រោមជំនួយ បច្ចេកទេសពីអង្គការ UNIDO រដ្ឋបាលជលផល បាន និងកំពុងអនុវត្តប្រព័ន្ធត្រួតពិនិត្យផ្លូវការ និង សុវត្ថិភាពម្ហូបអាហារគ្រប់ជ្រុងជ្រោយស្របតាមលក្ខខណ្ឌតម្រូវ នឹងបទដ្ឋាន របស់សហភាពអឺរ៉ុប (EU) ដើម្បី ការពារសុខភាពសាធារណៈ និងសម្រួល ពាណិជ្ជកម្ម។ ប្រភពដដែលនេះបានលើកឡើងថា«ដោយសារតែមានតម្រូវការកើនឡើងរបស់សហគមន៍អាស៊ី និងអនិកជនកម្ពុជានៅក្រៅស្រុក ការអនុវត្តប្រព័ន្ធនេះជួយឱ្យកម្ពុជា អាច​នាំចេញផល ផលិតផលជលផលទៅកាន់ទីផ្សារអន្តរជាតិមួយចំនួន ដូចជា អូស្ត្រាលី ញូហ្សេឡែន និងរដ្ឋសមាជិកអាស៊ានផ្សេងទៀត» នេះបើតាមការបញ្ជាក់របស់ ឯកឧត្តម ពុំ សុថា ប្រតិភូរាជរដ្ឋាភិបាលទទួលបានជាអគ្គនាយករដ្ឋបាលជលផល ។ ឈរលើជំហរនេះដែរ រដ្ឋបាលជលផល បានខិតខំបង្កើតឱ្យមាន អនុស្សារណៈ…

ភ្នំពេញ: នៅក្នុងសក្ខីកម្មនៃស្មារតីសហគ្រិនភាព ដែលកំពុងរីកចម្រើនក្នុងចំណោម យុវជនកម្ពុជា សហគ្រិនខ្មែរ មានមោទនភាពចំពោះការបើកដំណើរការកម្មវិធី UnipreneurCamp វគ្គទី៣ ប្រកបដោយជោគជ័យ។ កម្មវិធី Hackathon ដ៏សកម្មនេះ បាននាំយកនិស្សិតដែលមានបំណងក្លាយជាសហគ្រិនចំនួន ២០០ នាក់ មកពីសាកលវិទ្យាល័យចំនួន ៩ ដែលមានទីស្នាក់ការនិងប្រតិបត្តិការក្នុងខេត្តចំនួន ៨ នៅទូទាំងប្រទេសកម្ពុជា រួមមាន សាកលវិទ្យាល័យអង្គរខេមរា (កំពង់ស្ពឺ) វិទ្យាស្ថានបច្ចេកវិទ្យាគិរីរម្យ (កំពង់ស្ពឺ) សាកលវិទ្យាល័យជាតិមានជ័យ (បន្ទាយមានជ័យ) សាកលវិទ្យាល័យជាតិបាត់ដំបង (បាត់ដំបង) សាកលវិទ្យាល័យជាតិជាស៊ីមកំចាយមារ (ទីតាំងគោល) សាកលវិទ្យាល័យជាតិជាស៊ីមកំចាយមារ (ព្រៃវែង) សាកលវិទ្យាល័យជាតិជាស៊ីមកំចាយមារ (កំពង់ចាម) សាកលវិទ្យាល័យស្វាយរៀង (ស្វាយរៀង) និង សាកលវិទ្យាល័យសៅស៍អ៉ីសថ៍អេយសៀ (សៀមរាប) ដែលធ្វើឱ្យកម្មវិធីសហគ្រិនមហាវិទ្យាល័យមានអ្នកចូលរូមសរុបទាំងអស់ ប្រមាណ ១.០០០នាក់ ក្នុងឆ្នាំ ២០២៤ នេះ។ ឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួលបន្ទុកជានាយកប្រតិបត្ដិនៃសហគ្រិនខ្មែរ បានមានប្រសាសន៍ថា «ប្រព័ន្ធអេកូឡូស៊ីសហគ្រិនភាពដែលមានភាពរស់រវើក តែងតែមានការបង្កើតនវានវត្តន៍ថ្មី ថែទាំនវានុវត្តន៍ដែលមានស្រាប់ ជម្រុញនវានុវត្តន៍ដែលមានសក្តានុពល។ កម្មវិធីថ្ងៃនេះយុវសិស្សមានឱកាសបង្កើតវានុវត្តន៍ថ្មី…

ភ្នំពេញ៖ ក្រុមហ៊ុន Vietjet Aviation Joint Stock Company (HOSE: VJC) នៅថ្ងៃទី ៣១ ខែកក្កដា ឆ្នាំ ២០២៤ បានចេញផ្សាយរបាយការណ៍ហិរញ្ញវត្ថុរបស់ខ្លួនសម្រាប់ឆមាសទីមួយនៃឆ្នាំ ២០២៤ (H1/2024) ដោយរាយការណ៍ពីកំណើនប្រាក់ចំណូលរបស់ខ្លួន។ ក្នុងរយៈពេលប្រាំមួយខែដំបូងនៃឆ្នាំ ២០២៤ ប្រតិបត្តិការអាជីវកម្មរបស់ក្រុមហ៊ុន Vietjet មានការរីកចម្រើនខ្លាំងជារយៈពេលមុនការឆ្លងរាតត្បាតឆ្នាំ ២០១៩។ ក្រុមហ៊ុនអាកាសចរណ៍នេះបានដឹកជញ្ជូនអ្នកដំណើរសរុបចំនួន ១៣,១ លាននាក់នៅលើជើងហោះហើរចំនួន ៧០.១៥៤ ដោយសុវត្ថិភាពក្នុងអំឡុងពេលឆមាសទីមួយនៃឆ្នាំ ២០២៤ ។ សម្រាប់ត្រីមាសទី ២ ឆ្នាំ ២០២៤ (Q2/2024) ក្រុមហ៊ុន Vietjet បានចេញរបាយការណ៍ប្រាក់ចំណូលពីការដឹកជញ្ជូនភ្ញៀវធ្វើដំណើរតាមផ្លូវអាកាសមានចំនួន ១៥,១២៨ ទ្រីលានដុង (ប្រហែល ៦០១ លានដុល្លារអាមេរិក) និងប្រាក់ចំណេញមុនបង់ពន្ធចំនួន ៥១៧ ប៊ីលានដុង (ប្រហែល ២០,៥៧ លានដុល្លារអាមេរិក) ដែលកំណើនពីមួយឆ្នាំទៅមួយឆ្នាំមានចំនួន ២៣% និង ៦៨៣%។ ក្នុងរយៈពេលប្រាំមួយខែ…

(ភ្នំពេញ)៖ យុវជនដែលជានិស្សិតទើបនិងបញ្ចប់ការសិក្សា ក៏ដូចជាអ្នកដែលបំណងចង់ផ្លាស់ប្តូរការងារ សូមត្រៀមរៀបចំនូវប្រវត្តិរូបសង្ខប ក៏ដូចជា CV ដាក់ពាក្យជាមួយនិងក្រុមហ៊ុនធំៗចំនួន ៤០ អាចធ្វើការសាកសួរព័ត៌មាន ព្រមទាំងអាចធ្វើការសម្ភាសផ្ទាល់ជាមួយក្រុមហ៊ុន ដែលខ្លួនពេញចិត្ត នៅក្នុងកម្មវិធីពិព័រណ៍ការងារ ឆ្នាំ២០២៤ ដែលរៀបចំឡើងដោយមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) នៃសាកលវិទ្យាល័យភូមិន្ទភ្នំពេញ រួមសហការជាមួយសមាគមធុរកិច្ចជប៉ុន (JBAC) នៅថ្ងៃទី២៨ ខែកក្កដា ឆ្នាំ២០២៤ នៅមជ្ឈមណ្ឌលសហប្រតិបត្តិការកម្ពុជា-ជប៉ុន ចាប់ពីម៉ោង ៨:០០ព្រឹក ដល់ម៉ោង ៥:០០ល្ងាច ។ លោក លឹម លាង ប្រធានមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) បានឱ្យដឹងថា ពិព័រណ៍ការងារ ឆ្នាំ២០២៤នេះ នឹងមានក្រុមហ៊ុនជប៉ុន និងក្រុមហ៊ុនកម្ពុជា ចូលរួមជ្រើសរើសបុគ្គលិកប្រមាណជាង ៤០ក្រុមហ៊ុន ព្រមទាំងផ្តល់ឱកាសការងារប្រមាណជិត ១៥០០កន្លែង ។ សូមបញ្ជាក់ថា កម្មវិធីពិព័រណ៍ការងារ នៃមជ្ឈមណ្ឌលសហប្រតិបត្តិការកម្ពុជា-ជប៉ុន ប្រារព្ធធ្វើឡើងចំនួន ២ដង ក្នុងមួយឆ្នាំ ដោយលើកទី១ ធ្វើឡើងនៅអំឡុងខែកក្កដា និងលើកទី២ ធ្វើឡើងនៅខែធ្នូ។ កម្មវិធីពិព័រណ៍ការងារនេះ មជ្ឈមណ្ឌលសង្ឈឹមថា នឹងមានអ្នកចូលរួមចំនួន…

បាត់ដំបង៖មន្ត្រីជាន់ខ្ពស់នៃមន្ទីរកសិកម្មខេត្តបាត់ដំបង បាន បញ្ជាក់ថា ការងារដាំដុះស្រូវរដូវវស្សា​ឆ្នាំ២០២៤​នេះមាន ល្បឿនលឿន និងលូតលាស់បានល្អប្រសើរជាងបណ្តា ឆ្នាំមុនបើ ប្រៀបធៀបនិងរយៈពេលដូចគ្នា។ លោក ឈឹម វជិរ៉ា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបងបានប្រាប់ទូរទស្សន៍អប្សរាថា ការងារបង្កបង្កើន​ផលស្រូវវស្សាឆ្នាំនេះគិតត្រឹមជិតចុងខែកក្កដា ទូទាំងខេត្តសម្រេចបានប្រមាណ ២៥ម៉ឺនហិកតាស្មើនឹង៧៤ ភាគរយ លើផែនការ​សរុប ៣៣៥ ០០០ហិកតា។លោកពណ៌នាថាការបង្កបង្កើនផលឆ្នាំ២០២៤មានល្បឿនលឿនជាងឆ្នាំមុន។ទន្ទឹមនេះស្ថានភាពលូតលាស់ដំណាំស្រូវនិង ដំណាំផ្សេងៗ ក៏មានលក្ខណៈល្អប្រសើរដូចគ្នាដែរ។ លោកប្រធានមន្ទីរបន្តថា បើទោះបីជាប៉ុន្មានថ្ងៃកន្លងមក មាន ភ្លៀងធ្លាក់ជាប់ៗគ្នាក្នុងបរិមាណច្រើនក៏ដោយ ហើយនៅ តាមបណ្ដា​ស្ទឹងមួយ​ចំនួនមានកម្ពស់ទឹកខ្ពស់ក៏ពិតមែន ប៉ុន្តែវាពុំមានបង្កផលប៉ះពាល់ធ្ងន់ធ្ងរដល់ដំណាំស្រូវ ដំណាំរួមផ្សំផ្សេងៗ និងផ្ទះសម្បែង​ប្រជាពលរដ្ឋដែរ។ ពេលនេះទឹកបានស្រកចុះទៅវិញជាបណ្តើរៗវិញហើយ។.លោក ឈឹម វជិរ៉ា ប្រធានមន្ទីរកសិកម្មខេត្តក៏បានឱ្យដឹង បន្ថែមទៀតថា​កាលពីប៉ុន្មានថ្ងៃមុនកើតមានបញ្ហាដង្កូវកាត់ ស្លឹកនិង​ដង្កូវ​ស៊ីរូងដើមលើដំណាំពោតនៅស្រុកកំរៀង ប៉ុន្តែមន្រ្តីជំនាញបានចាត់វិធានការអន្តរាគមន៍ និងទប់ស្កាត់ បានទាន់ពេលវេលា។ រហូតមកដល់ពេលនេះស្ថានភាពនៃការ រាតត្បាតសត្វចង្រៃនៅក្នុងខេត្តបាត់ដំបង មិនទាន់មានសញ្ញា អាក្រក់កើត​ឡើង​ទេ គឺមាន​កម្រិតតិចតួចបំផុតនៅឡើយ។លោកបន្តថា ជាមួយនឹងល្បឿននៃការដាំដុះបានឆាប់រហ័ស ដោយសារធម្មជាតិអំណោយផល មន្ទីរក៏បានចាត់មន្រ្តីជំនាញ ឱ្យតាមមើលជាប្រចាំត្រៀមជួយដល់ កសិករឱ្យបានទាន់ ពេលប្រសិនជាមានអ្វីកើតឡើងជាឧបសគ្គដល់ដំណាំស្រូវ ឬដំណាំផ្សេងៗទៀត។តាមរយៈទូរទស្សន៍អប្សរាលោកក៏សូមអំពាវនាវផងដែរដល់កសិករ បើកើតឡើងនូវអ្វីប្លែកសូមរាយការណ៍ឱ្យបានជា បន្ទាន់ដល់អាជ្ញាធរមូលដ្ឋានដែរនៅជិតបំផុត៕…

 ភ្នំពេញ: ក្រុមហ៊ុន Vietjet និងក្រុមហ៊ុន Airbus នៅថ្ងៃទី២៣ ខែកក្កដា ឆ្នាំ ២០២៤ បានចុះហត្ថលេខាជាផ្លូវការលើកិច្ចសន្យាទិញយន្តហោះប្រភេទ A330neo (A330-900) ជំនាន់ថ្មីចំនួន ២០គ្រឿង ដែលមានតម្លៃសរុបចំនួន ៧,៤ពាន់លានដុល្លារអាមេរិក តាមតម្លៃបញ្ជីក្រុមហ៊ុនផលិតនៅក្នុងកម្មវិធី Farnborough International Airshow 2024។ ពិធីចុះហត្ថលេខាលើកិច្ចសន្យានេះ ត្រូវបានធ្វើឡើងក្រោមវត្តមានប្រធានក្រុមហ៊ុន Vietjet បណ្ឌិត Nguyen Thi Phuong Thao និងនាយកប្រតិបត្តិក្រុមហ៊ុន លោក Christian Scherer ក្រុមហ៊ុនអាកាសចរណ៍ Airbus នៃ Commercial Aircraft Business។ នេះជាកិច្ចព្រមព្រៀងដ៏ធំបំផុតមួយនៅក្នុងកម្មវិធី Airshow ក្នុងឆ្នាំនេះ។ យន្តហោះដែលបានបញ្ជាទិញថ្មីៗនេះ នឹងត្រូវដាក់ឱ្យដំំណើរការផ្តល់សេវាដឹកអ្នកដំណើរផ្លូវឆ្ងាយ ដែលកំពុងតែរីកចម្រើនរបស់ក្រុមហ៊ុន Vietjet ក៏ដូចជានៅលើផ្លូវហោះហើរដែលមានតម្រូវការខ្ពស់នៅក្នុងតំបន់។ យន្តហោះទាំងនោះ នឹងត្រូវបានដាក់ជំនួសយន្តហោះ A330-300 បច្ចុប្បន្នរបស់ក្រុមហ៊ុន Vietjet និងគាំទ្រផែនការយុទ្ធសាស្រ្តរបស់ក្រុមហ៊ុនអាកាសចរណ៍ក្នុងការពង្រីកបណ្តាញហោះហើរអន្តរទ្វីបរបស់ខ្លួន។ ប្រធានក្រុមហ៊ុន Vietjet លោកស្រី Dr.…