ភ្នំពេញ៖ សិស្សានុសិស្សចំនួនជាង១លាននាក់ នៅតាមសាលារៀនជាង ១០០០សាលា ទូទាំងប្រទេស បានចូលរួមក្នុងយុទ្ធនាការកាត់បន្ថយការប្រើប្រាស់ប្លាស្ទិក និងបានប្តេជ្ញាចិត្តថា «ថ្ងៃនេះ ខ្ញុំមិនប្រើថង់ប្លាស្ទិកទេ» ។នេះជាការលើកឡើងរបស់ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន នៅថ្ងៃចន្ទទី២៥ ខែកញ្ញា ឆ្នាំ២០២៣នេះ ក្នុងឱកាសជួបសំណេះសំណាល ជាមួយថ្នាក់ដឹកនាំ និងមន្រ្តីរាជការក្រសួងបរិស្ថាន។ ឯកឧត្តមរដ្ឋមន្រ្តី បានបញ្ជាក់ថា នេះជាជោគជ័យមួយ ដែលយុទ្ធនាការ បានគ្របដណ្តប់នៅទូទាំងប្រទេស ហើយលទ្ធផលខាងលើ បានបង្ហាញពីការយកចិត្តទុកដាក់ ក្នុងការចូលរួមកាត់បន្ថយការប្រើប្រាស់ថង់ប្លាស្ទិក ពីគ្រប់ភាគីពាក់ព័ន្ធ ទាំងស្ថាប័នរដ្ឋ វិស័យឯកជន អាជ្ញាធរមូលដ្ឋានគ្រប់លំដាប់ថ្នាក់ ព្រមទាំង លោកគ្រូអ្នកគ្រូ និងសិស្សានុសិស្ស នៅតាមសាលារៀនទូទាំងប្រទេស។ លើសពីនេះ កម្មករកម្មការិនី ចំនួនប្រមាណ១ម៉ឺននាក់ នៅតាមរោងចក្រសហគ្រាស ចំនួនជាង១០ នៅរាជធានីភ្នំពេញ និងក្រុងព្រះសីហនុ បានចូលរួមយុទ្ធនាការកាត់បន្ថយការប្រើប្រាស់ប្លាស្ទិក ក្រោមប្រធានបទ «ថ្ងៃនេះ ខ្ញុំមិនប្រើថង់ប្លាស្ទិកទេ» ដែលកំណត់ការចាប់ផ្តើមពីថ្ងៃទី២២ ខែកញ្ញា ឆ្នាំ២០២៣។ ឯកឧត្តមរដ្ឋមន្រ្តីក្រសួងបរិស្ថាន បានថ្លែងថា យុទ្ធនាការការកាត់បន្ថយការប្រើប្រាស់ថង់ប្លាស្ទិកនេះ ទាមទារការចូលរួមអនុវត្តពីគ្រប់ភាគីពាក់ព័ន្ធ ទាំងស្ថាប័នរដ្ឋ…

អូស្លូ៖ ក្នុងរយៈពេល ២០ខែដំបូង ក្រោយរដ្ឋប្រហារយោធាកាលពីខែកុម្ភៈ ឆ្នាំ២០២១ មានជនស៊ីវិលជាង ៦,០០០នាក់ត្រូវបានសម្លាប់នៅក្នុងប្រទេសមីយ៉ាន់ម៉ា។ របាយការណ៍ចេញផ្សាយនៅថ្ងៃអង្គារនេះ ដោយវិទ្យាស្ថានស្រាវជ្រាវសន្តិភាពនៃទីក្រុងអូស្លូ បានឱ្យដឹងថា ជនស៊ីវិលជាង ៦,៣០០នាក់ត្រូវបានសម្លាប់នៅក្នុងប្រទេសមីយ៉ាន់ម៉ា ក្នុងរយៈពេល ២០ខែដំបូង បន្ទាប់ពីរដ្ឋប្រហារយោធាក្នុងខែកុម្ភៈ ឆ្នាំ២០២១។ បើតាមរបាយការណ៍ដដែល នៅចន្លោះថ្ងៃទី០១ ខែកុម្ភៈ ឆ្នាំ២០២១ ដល់ថ្ងៃទី៣០ ខែកញ្ញា ឆ្នាំ២០២២ ជនស៊ីវិលចំនួន ៦,៣៣៧នាក់ត្រូវបានសម្លាប់ និង ២,៦១៤នាក់បានរងរបួស ក្រោមហេតុផលនយោបាយ។ តួលេខនេះគឺខ្ពស់ជាងតួលេខផ្សេងទៀតដែលបានផ្សព្វផ្សាយ រួមទាំងតួលេខមកពីអង្គការអន្តរជាតិផងដែរ។ របាយការណ៍ខាងលើបន្ថែមថា ស្ទើរតែពាក់កណ្តាលនៃការស្លាប់ ឬចំនួន ៣,០០៣នាក់ត្រូវបានសន្មត់ថា ជាស្នាដៃរបស់របបយោធាមីយ៉ាន់ម៉ា ចំណែកឯ ២,១៥២នាក់ត្រូវបានគេសន្មត់ថា ជាស្នាដៃរបស់ក្រុមប្រឆាំងប្រដាប់អាវុធ។ តួលេខនេះច្រើនជាងការលើកឡើងរបស់ប្រព័ន្ធផ្សព្វផ្សាយដទៃទៀត ហើយវាជាការប៉ាន់ស្មានមួយ ដែលផ្អែកលើរបាយការណ៍ពីការកាប់សម្លាប់ ដែលប្រមូលបានពីប្រព័ន្ធផ្សព្វផ្សាយ ដែលអាចទុកចិត្តបានប៉ុណ្ណោះ។ ទោះបីជាយ៉ាងណា តួលេខពិតប្រាកដអាចខ្ពស់ជាងនេះទៅទៀត ដោយសារការសម្លាប់ជាច្រើនទំនងជាមិនមានរបាយការណ៍៕ ប្រភព៖ The Star ប្រែសម្រួលដោយ៖ ឈឹម ទីណា

ព្យុងយ៉ាង៖ កូរ៉េខាងជើងបាននិយាយថា ខ្លួននឹងបាញ់បង្ហោះផ្កាយរណបឈ្លបយកការណ៍នៅក្នុងខែមិថុនា ហើយអះអាងថា វាជារឿងចាំបាច់ដើម្បីតាមដានចលនាយោធារបស់សហរដ្ឋអាមេរិក និងដៃគូរបស់ខ្លួនក្នុងពេលវេលាជាក់ស្តែង។ នេះបើតាមប្រព័ន្ធផ្សព្វផ្សាយរដ្ឋដកស្រង់សម្តីមន្ត្រីការពារជាតិជាន់ខ្ពស់ម្នាក់ ចុះផ្សាយនៅថ្ងៃទី៣០ ខែឧសភា ឆ្នាំ២០២៣។ សារព័ត៌មាន KCNA របស់កូរ៉េខាងជើង បានដកស្រង់សម្តីលោក រី ព្យុងឆុល ដែលជាអនុប្រធានគណៈកម្មការយោធាកណ្តាលរបស់គណបក្សកាន់អំណាចថា ផ្កាយរណបឈ្លបយកការណ៍យោធាលេខ ១ នឹងត្រូវបាញ់បង្ហោះនៅក្នុងខែមិថុនា។ បើតាមសេចក្តីថ្លែងការណ៍ ផ្កាយរណបនោះ រួមជាមួយនឹង មធ្យោបាយឈ្លបយកការណ៍ផ្សេងៗ ដែលជាការសាកល្បងថ្មីៗ គឺជារឿងចាំបាច់មិនអាចខ្វះបាន ក្នុងការតាមដាន ត្រួតពិនិត្យ និងដោះស្រាយជាមុន នូវរាល់សកម្មភាពយោធាដ៏គ្រោះថ្នាក់របស់អាមេរិក និងកងកម្លាំងរបស់ពួកគេ។ ដោយលើកឡើងពីទង្វើ “មិនប្រុងប្រយ័ត្ន” របស់អាមេរិក និងកូរ៉េខាងត្បូង លោក រី បាននិយាយថា កូរ៉េខាងជើងមានអារម្មណ៍ថា តម្រូវការដើម្បីពង្រីកការឈ្លបយកការណ៍ និងព័ត៌មានគឺជារឿងសំខាន់ ដែលវានឹងជួយកែលម្អអាវុធការពារ និងការវាយលុកផ្សេងៗ នៅក្នុងកិច្ចខិតខំប្រឹងប្រែងជំរុញការត្រៀមខ្លួនខាងយោធា។ មន្ត្រីរូបនេះក៏បានចោទប្រកាន់អាមេរិកដែរថា បានធ្វើសកម្មភាពចារកម្មតាមអាកាសជាអរិភាពនៅលើឧបទ្វីបកូរ៉េ និងក្នុងតំបន់ជុំវិញខ្លួន។ បើតាមអ្នកនាំពាក្យឆ្មាំសមុទ្រជប៉ុន កូរ៉េខាងជើងបានជូនដំណឹងដល់ប្រទេសជប៉ុនថា ខ្លួននឹងបាញ់បង្ហោះរ៉ុក្កែតនៅចន្លោះថ្ងៃទី៣១ ខែឧសភា និងថ្ងៃទី១១ ខែមិថុនា ដោយកំណត់ដែនទឹកនៅជិតសមុទ្រលឿង, សមុទ្រចិនខាងកើត…

សៀមរាប៖ មន្ទីរបរិស្ថានខេត្តសៀមរាប សហការជាមួយ អង្គការការីតាស បានរៀបចំពិធីដាំដើមឈើ និងដើមផ្កាលម្អចំនួន ២០០ ដើម នៅក្នុងមជ្ឈមណ្ឌលស្រាវជ្រាវ និងអភិរក្សកេសរកូល សុខ អាន ភ្នំគូលែន ដើម្បី ចូលរួមចំណែកថែរក្សា ការពារបរិស្ថាន និងធនធានធម្មជាតិ តាមរយៈការដាំដើមឈើឡើងវិញ។ ពិធីដាំដើមឈើនេះ ត្រូវបានរៀបចំឡើងកាលពីថ្ងៃទី ១៦ ខែកុម្ភៈ ឆ្នាំ ២០២៣ ក្រោមកិច្ចសហការរវាងមន្ទីរបរិស្ថានខេត្តសៀមរាប អង្គការការីតាស និងក្រុមការងារមជ្ឈមណ្ឌលស្រវជ្រាវ និងអភិរក្សកេសរកូល សុខ អាន ភ្នំគូលែន ដែលមានទីតាំងស្ថិតនៅក្នុងស្រុកបន្ទាយស្រី ខេត្តសៀមរាប ពោលគឺស្ថិតនៅនឹងជើងភ្នំគូលែន ក្បែរច្រកចូលឡើងទៅលើរមណីយដ្ឋានខ្នងភ្នំគូលែន។ ក្នុងឱកាសនោះ បុគ្គលិកអង្គការការីតាស ក៏បានបន្តទស្សនកិច្ចសមិទ្ធផល នានារបស់មជ្ឈមណ្ឌលស្រាវជ្រាវ និងអភិរក្សកេសរកូល សុខ អាន ភ្នំគូលែន និងបានសំដែងនូវការអបអរសាទរចំពោះវឌ្ឍនៈភាពការងារដែលមជ្ឈមណ្ឌលសម្រេចបាន។ ជាមួយគ្នានេះដែរ ក្រុម មការងារមជ្ឈមណ្ឌលស្រវជ្រាវ និងអភិរក្សកេសរកូល សុខ អាន ភ្នំគូលែន ក៏ បានប្រគល់ជូនដើមគូលែន ដើមសេមាន់ និងដើមភ្ងៀវ…